lydiawu的个人专页

今天叫了小食三寶, 明明說了不要辣, 店員竟然落了很多咖哩汁, 我明明講咗唔要辣, 理直氣壯毫無禮貌話呢個唔係辣醬係咖哩汁, 更加在客人面前和其他店員話客人！如此差的小店從未見過！…查看更多

以為google map4.2分，openrice亦有不少好評, 意想不到出乎意料的差！懷疑當中有不少係寫手！我明明是叫熱香桃烏龍茶, 點餐的時候已經表明熱的程度, 但比我一杯室溫凍飲, 當向職員反映意見, 職員態度惡劣, 竟然回應你已經飲咗喎！完全冇意欲換個杯畀我！我心諗我冇飲過點會知道嗰杯嘢係凍嘅！而且味道算是難飲, 茶味苦澀,蜜桃味似香精, 仲要買$3X一杯, 咁嘅價錢, 咁嘅質素, 以後一定不幫襯！總括真的非常伏！…查看更多

之前真係覺得呢一間拉麵好好味，但係前兩天晚上和老公放工去食二人餐，簡直不知所謂。拉麵到嚟，湯係完全冇味，最離譜係碗麵竟然完全未熟，咬都咬唔開，告知店員情況，佢竟然問我有冇食過日本拉麵，日本拉麵是這樣，對住佢簡直無語，根本冇可能麵質硬到係咬得開，最後我老公開聲要求店員必須換過另一碗。 另外叫咗兩個小食，鐵板豆腐個底燶曬，仲喊到不得了，我老公叫咗嘅鰻魚飯，啲飯淋到不得了，好難食，最後埋單三百幾蚊， 怎樣嘅質素，以後一定唔會再幫襯。…查看更多

這一間千両, 明顯比其他分店有質素, 雖然一向人多要等位都係值得. 會員生日有半價 , 今日再encore同老公食生日飯, 食咗龍蝦刺身同埋龍蝦湯, 真係不得了, 龍蝦其實唔算好大, 但係真係鮮甜無比, 特別係嗰個龍蝦湯, 龍蝦頭超多龍蝦膏, 濃郁及鮮甜, 係我飲過龍蝦湯之最! 細問之下原來龍蝦係日本野生嘅, 唔怪得咁好食! 仲食咗好多嘢, 刺身新鮮高質素, 鵝肝壽司係必食嘅, 香脆鵝肝和壽司飯在口中融化, 簡直超開心, 總之樣樣嘢都好好食, 而家仲飽到頂住🤣🤣…查看更多

有一日搭車無意中經過, 才發現這一間隱世餐廳, 食咗間我認為係全港最好食嘅點心, 味道好過米芝蓮三星唐閣, 我最喜愛嘅桃里! 但係價錢竟然係佢哋嘅一半有多! 而且環境超級優雅, 座位寬闊, 出面有好多車位方便泊車!雞扎是用新鮮走地雞, 蝦餃皮和鮮蝦彈牙, 鳳爪淋滑剛剛好, 酥炸魷魚粉漿脆薄, 魷魚彈牙新鮮, 燒賣肥瘦均勻好食, 腐皮卷最有驚喜, 腐皮有濃厚腐竹鮮味, 餡料有很多鮮甜的蝦. 每一樣點心都很滿意, 恢復晚市一定要來吃晚飯, 仲要同家人一齊, 嘗試多款的菜式l…查看更多

香港很少地方可以食以色列菜， 這一間餐廳非常驚喜，因為晚上禁堂食，我們選擇食午餐，午餐價錢60至100蚊不等，羊肉鷹嘴豆中東包，羊肉鮮嫩冇騷味，153彼得魚外脆內軟 (非午餐食品，$153再包一杯薄荷特飲)，番茄莎莎醬令人越食越肚餓，搞到最後我哋嗌多份主菜咖哩牛肉中東飯😋😋 甜品更是精彩得不得了，好似叫波阿斯千層酥，一片片薄脆餅上面有開心果，玫瑰果醬和蜂蜜口感十足極之滿足! 餐廳裝修都好夢幻，好適合情侶約會!仲有好多菜式未試，下次要約多幾個人一齊! 唔係好容易爆肚!…查看更多

穿梭元朗不同橫街小巷， 總有驚喜發現，今日發現一間在後巷的小麵店，裝修雅緻，只有十幾個座位，食物誠意十足，我叫了一份紅燒牛肉麵和桂圓冬瓜茶，店員會細心同你講解，先食麵後飲湯，再用湯汁整湯麵，麵質爽彈湯汁濃郁，牛肉和牛肚炆得很入味，百分百真材實料，猶如置身台灣食拉麵，難怪外面總有一條排隊長龍。 細心留意，當每一台客人離開，店員會馬上收拾，在枱上噴上消毒液，才抹枱 收拾完畢，馬上用酒精清潔雙手後，才為其他客人送上食物。疫情流行，這樣殷勤清潔，每一個小節都做足，用心經營的小店，一定要多多支持 💪💪💪…查看更多

多謝兩位好朋友，今日和老公預早慶祝生日，食物超級驚喜，食材很新鮮有質素， 魚生拼盤 : 帶子非常鮮甜，拖羅入口即溶，牡丹蝦肉質爽脆，鮮甜得不得了，鵝肝壽司 鵝肝外面酥脆裏面濃郁芬芳，忍唔住食咗兩嚿，想不到牛肉鍋都有驚喜，最好味係裏面的豆腐，豆味濃郁有嫩滑， 總之好味到停唔到口😋😋😋因為是假日，外面排隊等叫號，等了差不多一小時，但係咁高質素，等下都值得， 因為今次瘋狂掃食，四個人食咗千四蚊， 可以入會做會員，以後享有85折，仲可以網上攞位，超級興奮!…查看更多

完全唔明白，點解會有咁多其他正面評價。今日下午一點光顧元朗分店，買了一份牛肉炒烏冬, 鹹到苦，試了一口根本不能吃，和員工反映佢基本唔理我，直至我話要投訴，佢先話再整一份畀我，但我趕時間就走了，其實同樣情況經常發生，叫腸粉少豉油，啲豉油都會多到浸滿曬啲腸粉，食物的質量和服務態度如此差勁，一定不會再幫襯。…查看更多

米芝蓮推介餐廳，果然很有驚喜，超級滿足!頭盤: 鵝肝香脆配新鮮無花果一絕主菜: 熱石燒龍蝦配忌廉菠菜，齒頰留香，令人難忘甜品: 火焰雪山，火焰表演，聲色味俱全，充滿冧酒焦糖香味，雖然好飽但停唔到口…查看更多

今次staycation 最主要為咗食好嘢! 好興奮去咗米芝蓮三星唐閣試菜，tasting menu 可以試不同菜式，真係幾吸引!涼拌南非鮑魚~ 鮑魚超驚喜，鮮嫩好好味，但係海蜇太鹹扣分釀焗鮮蟹蓋~ 果然係招牌菜，蟹蓋表面酥脆，蟹肉齒頰留香，簡直有幾隻鮮嫩肥美嘅蟹喺個口度遊緊水膠瑤柱雞煲官燕~ 用料十足，味道亦好香蔥菜園日本和牛粒~ 和牛粒入口即溶，正龍蝦球稻庭面~ 足敗筆之作，點解會咁鹹， 搞到成碗麵得一個字，鹹! 和服務員反映， 他馬上道歉，想幫我們重做菜式，但太飽了，算了吧! 不過就見得服務非常好，米芝蓮三星餐廳果然不是浪得虛名!蓮蓉西米焗布甸~ 蓮蓉綿密，好味飯後加杯香檳，完美句號! 這兩天食得太多好嘢 ，回到平常會落差太大😭😭😭…查看更多

經過形點1突然想食下午茶, 於是下午茶外賣. 見到這一間食店, 心想一試也無妨, 88元可以點兩樣嘢食, 姑且一試. 畀錢時已經覺得有點不妙, 店員竟然說沒有外賣紙杯, 給我茶包回家自己沖茶, 回家後打開餐盒 88元一個下午茶, 竟然兩樣食品每樣都細個茶包. 呢個價錢咁細份量, 簡直冇可能接受. 最重要係食物好難食, 迷你漢堡包裏面漢堡牛肉超級乾, 豬肉捲味道更怪怪的, 以後一定不會再光顧. 疫情期間很多食店都會優惠, 但係這一間不單沒有優惠, 咁嘅價錢咁嘅質素, 相信都不能生存好耐.…查看更多

我都好鍾意食餃子，之前搵唔到一間覺得好好食，所以要自己包，食咗呢一間覺得可以自己都唔使包啦。好食嘅餃子係需要皮薄，餡料新鮮，唔油膩，仲要冇乜味精，呢間啲豬肉仲有鮮味添! 啲餃子超好食，買餃子回家自己整，三蚊一隻，超級抵! 今次試咗芫茜豬肉，菠菜豬肉，兩隻都好好食! 下次要試下其他味道! 這些有住家風味，良心小店，真心推介!…查看更多

第一次食鐵板大阪燒， k11這一間分店有放題，和老公抱著一試心態光顧，想不到驚喜連連。首先講講價錢，在門口見到近期推廣星期一至四第二位有半價，放題總共三個價錢，我們點了中間價錢258蚊一位，已經包括有帶子、鮮蝦、五花肉、牛肋肉、牛脷等等回本食物，仲有好多款御好燒、廣島燒、文字燒，兩位連加一都係總共428蚊，真係幾抵。下午茶時段 星期一至五 本來198蚊減至98蚊一位， 更加化算。食物質素方面更加驚喜，想不到帶子和鮮蝦好新鮮好鮮甜，牛脷五花肉亦都好好味，多次再叫極之回本。雜錦御好燒，好玩又好食，仲可以叫蒸餃子、沙律、牛油 粟米等等小食，兩個小時可以慢慢食，仲包埋一杯飲品，正!…查看更多

老公元朗一日遊, 唔打唔撞嚟咗呢一間 蘇記流心燉蛋專門店, 真係不得了, 老闆會好細心問你鍾意食凍食定係熱食, 如果十分熱係即整嘅, 我個人嚟講比較喜歡熱食, 因為真係好似燉蛋效果. 我老公就好喜歡暖食, 因為上層有雙皮奶一般嘅口感, 下層則很流心, 係兩種唔同嘅食法. 因為用料上乘所以食得出濃郁的蛋白和奶味, 又滑又香, 食完之後口分仲有好濃嘅味道. 但係一啲都唔會好甜, 總之好正. 食完先知佢係米芝蓮推介店舖, 真心推介, 一定要試下!…查看更多