道頓堀御好燒專門店 (K11購物藝術館) (已結業)

第一次食鐵板大阪燒， k11這一間分店有放題，和老公抱著一試心態光顧，想不到驚喜連連。首先講講價錢，在門口見到近期推廣星期一至四第二位有半價，放題總共三個價錢，我們點了中間價錢258蚊一位，已經包括有帶子、鮮蝦、五花肉、牛肋肉、牛脷等等回本食物，仲有好多款御好燒、廣島燒、文字燒，兩位連加一都係總共428蚊，真係幾抵。下午茶時段 星期一至五 本來198蚊減至98蚊一位， 更加化算。食物質素方面更加驚喜，想不到帶子和鮮蝦好新鮮好鮮甜，牛脷五花肉亦都好好味，多次再叫極之回本。雜錦御好燒，好玩又好食，仲可以叫蒸餃子、沙律、牛油 粟米等等小食，兩個小時可以慢慢食，仲包埋一杯飲品，正!