早餐好重要的个人专页

雖然傷心酸辣粉開到周圍都係，但係我就好少入去食，所以趁今日放工唔想行到咁遠搵嘢食，就入咗去呢間度開餐未入到去，出面就已經話緊比你聽佢有幾多嘢食，咁吸引就梗係入咗去先算啦仲諗！微辣嘅生腸好開胃，就好似佢個名講嘅咁，生腸非常之爽口，惹味之餘仲好開胃添紅油海蜇就帶微辣，口感爽脆，灑咗啲芝麻上去之後仲香口咗夫妻肺片煮得好嫰好滑，入口即化，但係就好似唔係好夠辣(可能係我個人較為重口味)不過咁就啱啲唔食得辣嘅人主角鮑魚麵就有好多鮑魚，而且粒粒都好多汁，帶少少辣，再加埋蔥同芫荽嘅香味，真係食到停唔到口雖然杯嘢飲有其他鮮果响入面，但係主角荔枝嘅味道依然好突出，係解辣首選…查看更多

今天與同學完成了一份專題研習後，有人提議吃飯慶祝，最後來到了酒鍋。餐廳正門充滿東方風情與色彩，同時可看出餐廳别出心裁的設計。餐廳貼心地提供多款不同醬料，供食客自行作出配搭，我當然又係左溝又溝，辣椒就梗要多多多！各款湯底有其特色及味道風格，材料十足，我就梗要咩都食！所以最後就揀左侍應介紹既"三十道豐味歡樂時光套餐"餐入面個湯底係四國豐味湯底，分別有藥膳、麻辣、椰子雞同咖哩味，一次過食足4款，滿足晒貪心既我，當中我最鍾意就係藥膳同麻辣味，前者帶微甜，後者夠晒味，而椰子雞味就好清甜仲有椰子肉同雞肉係入面，咖哩味就略為普通。首先送來就係掛架頂級美國安格斯牛頸脊，單係個樣已經滿分！食落肉質鬆軟，味道鮮甜，正！響鈴卷亦非常鬆軟，卷中一層層紫菜亦有效中和響鈴卷經油炸後的油膩感鮮蝦水餃中，個人認為相當足料，不像其他餐廳含大量豬肉及極少量鮮蝦；韭菜餃亦非常美味，不會太咸上菜時看見海蝦仍隱隱約約在動，好正！蝦蜆口感爽甜多汁，而且非常鮮甜日本黑毛豬腩肉整齊地平放碟上，可見廚師及餐廳的心思，放進湯底後，薄薄的豬腩肉吸收了湯底，非常惹味!洋蔥清甜，豬肉鬆軟，讓第一次吃蛋餃的我，對蛋餃有非常良好的印象吃過多種肉類以及多款濃味的湯底後，吃這蔬菜拼盤不禁使人感覺清新呢!完成專題後，大家走出緊張的氣氛，來到這間氣氛輕鬆的餐廳，吃着有一點點狂歡感覺!…查看更多

响朋友嘅推薦下，星期五夜晚就去試咗一次呢間Double Tree。呢間無論係裝修定係菜式個樣都幾靚白色係間餐廳嘅主調，燈光好光亮，而且座位嘅排位亦都好整齊乾淨，真心讚賞~餐廳主打西式菜，有飯麵類都有扒類，款式仲要有好多，每樣睇落都唔錯干邑龍蝦湯嘅龍蝦味好濃，飲起上嚟好滑溜，而且食落仲有龍蝦肉粒煙三文魚無咩特別，但係最抵讚嘅係上面嘅芒果一啲都唔酸，成個配搭食落好新鮮而青口好大件好多汁，啲煙肉粒令啲汁咸咸地，有口感之餘仲好香口阿妹揀既炭燒美國安格斯肉眼扒幾厚身，但係唔會韌或者難咬開，配上佢嘅醬汁會令塊扒更加惹味我都係揀左食牛，一上枱就被隻大蝦吸引住！大蝦好爽口，而且同塊牛柳差唔多大，紐西蘭特級牛柳同肉眼扒一樣好嫩滑，份量亦都算多總結係滿意既…查看更多

次次同阿爸阿媽出街食，佢地都唔想食得太重口味或者太油膩，所以今次突登揀咗間火鍋店，感覺上會食得健康啲，最緊要有菜店入面嘅裝修好光亮，整齊，最緊要係好乾淨，坐得舒服又食得舒服。阿爸阿媽特登揀咗個花雕藥膳醉雞鍋，貪佢有少少酒味可以過下癮，同埋佢有中藥成份，可以補下身。店內提供唔同嘅醬料，我當然又係時候左溝右溝~牛片嘅雪花分佈平均，而且切得幾薄，好易食，連老人家都食到雜丸拼盤有好多唔同種類嘅丸，我個人就最like墨魚丸，口感爽彈又鮮甜，好食！啲響鈴卷可以直接食，亦都可以放落啲湯到幾秒，等佢淋淋地同暖個陣食，我就最like入落湯幾秒，脆口又香腐竹味，正正！為咗可以食得健康，就叫咗半份油麥菜，幾新鮮同爽口。…查看更多

近年開咗愈來愈多間Fusion菜餐廳，响朋友嘅推薦下，我嚟到間位於沙田嘅餐廳，希望可以試到啲特別嘅菜式門面係西式嘅裝潢，但係入面有日式嘅餐牌同日式嘅菜單，可以見到設計者嘅心思。店入面非常光亮又乾淨，好舒服爆鍾意食蠔既我就立即叫左吉列炸生蠔！炸到好香口，而且仲好大粒好鮮甜，配埋明太籽沙律醬一齊食感覺上唔會太肥膩日式嘅和牛用嚟整西式嘅漢堡，入面嘅蛋係太陽蛋，半生熟，所以食落唔會乾，口感豐足之後送上枱既特選刺身單係個樣已經靚到唔知講咩好~海膽好香濃好滑，三文魚嘅油脂分佈好平均，啲蝦亦都好鮮甜阿妹就叫左個沙律，我以為係普通野，原來响番茄同生菜上面仲有魚生同蟹籽，而且無沙津醬，咁就健康得嚟又唔怕會肥啦~酸酸地幾開胃添~~呢度既檸檬茶都唔似其他餐廳咁淨係比幾塊檸檬你，好豪爽凍柚子蜜酸酸甜甜又開胃，味道好清新~~~~~~~…查看更多

同屋企人行MegaBox行到肚餓，就入咗間睇落似玩具店多過似餐廳嘅餐廳食飯，好在佢响商場入面，好快就可以行到去店舖好寛闊，座位唔會排得太密，成間店嘅色彩好繽紛，而且仲有遊戲機，等食個陣可以玩美式嘅餐又有，中式嘅餐又有，大人小朋友都OK我叫左雜扒飯，碟飯有好多肉，最啱鍾意食肉嘅朋友，而且d扒唔會韌，好容易就可以咬開，啲汁都唔會咸阿妹既雞串飯都幾ok，串燒雞好嫩滑，而且燒得好香，吉列炸魚柳外脆内嫩，仲有兩大塊添，成碟飯都好大份，一個人食真係超飽最後叫咗杯凍檸檬茶，酸酸地可以開下胃~!~!…查看更多

晚餐時間想同屋企人搵間有特色嘅韓國餐廳，見有好多朋友都話呢間唔錯，值得一試，咁當然試下無仿，而且個價格都合理。由門面睇已經覺得間餐廳唔錯，排位整齊加上地方清潔做到足睇左一輪餐牌後，就揀咗個弘大至熱選套餐，都只係$288，望落仲好似好多嘢食添~弘大至熱選套餐個份量真係幾多兩個人食一定夠，個樣同menu都好似，貨真價實最特別係碗年糕配忌廉，食起上嚟甜甜地又咸咸地啲牛肉嘅雪花好均勻，厚度適中容易咬，香噴噴好惹味！芝士同泡菜炒飯係上佳嘅配搭，仲可以放上小爐炒，等啲芝士同啲飯溶埋一齊食，GOOD呢度既泡菜係任食，正呀~~~~~~(因為我堅係超愛食泡菜)阿妹叫既呢杯棒棒糖白桃梳打，好特別又幾好玩，可以自己加啲料入去杯飲品到，蜜桃味仲好香！西柚沙冰同蘋果酒就一次過滿足哂我三個願望嘅飲品，飲落都好夾好冰凍，最適合每天都心火盛既我…查看更多

放假嘅時候要此諗食乜嘢，其實真係一件好頭痛嘅事~早餐、lunch、dinner，自己又懶唔想煮，唯有一日三餐都出去食啦~樓下街市都差唔多俾我食勻曬啦，所以今日就走左去表妹話幾好食既呢間火鍋食吓先嚟一份時蔬拼盤先，蔬菜種類都幾多，有蓮藕片、粟米、番茄、生菜；粟米好甜好脆，番茄新鮮健康有營養再加上哩個野生菌菇湯，各種菇加埋紅棗，真係好養生好健康吖！食落就係好補嘅feel，加咗紅棗嘅湯底味道更濃，淨飲個湯都好好味~跟著就係鮮味一流嘅韓國半殼蠔，韓國蠔嘅特點就係個蠔身比較修長，蠔汁又多又鮮甜，份量都多，而且肉質軟彈，口感軟綿綿，很是美味再點上我自調嘅醬料一齊食，就更是好味到要飛起！其他火鍋配料也是很新鮮，食得我同老公都好開心…查看更多

朋友話，食大餐就要同條仔食，食街邊小食就要同死黨咁即係中左六合彩都唔使指意請我食大餐啦......所以佢今日就帶左我去佢自己想去食，但係又唔會同男朋友食嘅辣辣米線平時呢間野都係排晒長龍，所以我地2條友之前都食左D蛋糕咁，入去前佢好大方咁話請我食，咁我梗無所謂滷水拼盤(金錢肚、腎片、豬大腸)我最鐘意就系食拼盤啦，因為裡面咩都有，金錢肚爽，腎片爽口，大腸滑得來都系爽口，入味而且好淋，小小辣但係又唔過分，鹵水味好正宗，分量都好多下，夠曬食喇~~食辣野，一定要飲凍野先過癮，整翻杯凍朱古力，冰下透心涼。又可以繼續食過辣野。朋友就要豆漿，佢話呢排戒凍野飲喎~兩個人就系圍住盤野食下吹下水，環境都算OK，可以傾到計。最緊要，最緊要，最緊要，就係好抵食啦梗係~~~…查看更多

婆婆好鍾意食泰國菜，難得今日放假，於是就同左佢去食泰國菜等佢開心吓，食得泰國菜就梗要去九龍城！係阿媽帶領之下就到了這餐廳，原來阿媽話之前食過都OK所以就帶我地來食，坐下後就由阿婆發版叫菜，真好！又唔使煩嚕阿婆最愛食魚，佢就叫左條泰式明爐烏頭魚，條魚都好大條，肉質軟香仲吸晒湯汁在內，少少酸少少辣，甚是開胃易入口，魚骨唔算多，大人小朋友老人家都適合食與此同時我們也叫了蛋網海鮮金邊粉，這裡的不是蛋網是蛋奄列才對，有更多蛋食，蛋都仲好滑嫩，金邊粉則炒得入味又可口，有咬口，入而5還有不少海鮮，讓口感都豐足很多，會使人不自覺的食完一口又一口雖然點菜款式不多，但也已經好飽，可能係早上飲茶食既點心都未有消化好的關係，這餐是幾好食，阿婆也食得好開心！…查看更多

第一次幫襯哩間日式燒肉放題，打電話book位嘅時候話要夜晚8點幾先有，太爆啦！入店內燈光其實唔會特別光猛，不過反爾會令客人覺得好warm。因為食嘅係晚市特有嘅放題，所以入座之後就即刻送上日本刺身啦。日本刺身有蝦啦、帶子啦、三文魚同螺肉等等，味道都好唔錯嘎食材新鮮得嚟又大份，兩個人啱啱好夠...另外送上橡果級嘅伊比利亞黑豚，果然品質不一般！！肉味香濃之餘仲帶有脂香，而且因為肉質真係好厚，越食落去就會覺得肉嘅味道越濃郁...最後加左一隻龍蝦，128蚊就可以食到啦，龍蝦切開兩邊嚟燒，放少少自己鍾意嘅醬汁同蒜蓉再燒，醬汁嘅味道滲曬入龍蝦肉入面，好正…查看更多

店裡邊嘅環境幾好，細細間，坐唔倒幾多人，但係窗外睇得到維多利亞港，風景唔錯！但係妳來得到呢度食嘢妳真係要有心裡準備，真係要浪費唔少時間先食得到，而且妳要來得早，因為有D嘢係每日都限量供應嘅，來遲咗就冇喇！蕨餅就係限量供應嘅喇！好似係每日16份，蕨餅出邊係一層抹茶粉，有dd抹茶嘅苦味，好正，裡邊比較滑，成隻入口即化嘅感覺吖，仲配有紅糖漿同抹茶醬，鐘意抹茶嘅朋友肯定唔可以放過抹茶醬喇，當然，鐘意甜嘢嘅我都唔可能放過紅糖漿，總之食完一蝶好滿足！抹茶芭菲，好多味道，一層疊一層，唔會覺得膩，造型同味道都OK👌！但係來呢度食嘢真係煎熬吖，首先妳等位肯定要30分鐘以上，另外就餐時間被規定為90分鐘，但係等上菜都等了成40分鐘了、唔講喇、心悶、…查看更多

其實我香港好多老字號嘅店都係好似麥文記咁樣，睇落細細舊舊咁一D都唔起眼，但係分分鐘都係開咗幾十年嘅老店！以前婆婆仲係度嗰陣來睇婆婆試有時都會來呢度食，但係依家，好少咯！雲吞麵，一如既往嘅水平，竹升麵比較彈牙比較硬身，係我鐘意嘅口味，雲吞蝦比較大，肉比較爽！但係湯底唔係幾夠味。牛腩撈麵，其實牛腩都係幾入味下嘅，雖然覺得比九記嘅差D，但係都係好食嘅，但係中間竟然食到有幾塊係唔霖嘅，嚼咗半日都未爛，唉、有D失望😔。南乳豬手，都仲係唔錯嘅，豬手都幾入味，皮霖滑，膠原蛋白滿滿吖，但係唔應該叫豬手湯麵嘅，因為D湯浸到D豬手味都冇咁濃喇，應該係邊幾多下！…查看更多

呢度離蘭桂坊都幾近下，晚上食完有興趣嘅可以去玩下，蛇王芬店裡細下，但人好多，好多時候一個人來或者人少都係要拼檯嘅。蛇羹一小碗，就係平時食飯嘅碗，一碗120蚊，裡邊各種絲，傳說中嘅蛇肉絲，雞絲，木耳絲冬菇絲陳皮火腿薑絲、仲有D唔記得喇，仲有薄脆同檸檬葉嘅絲，羹都幾鮮甜但係都係覺得有些小腥味，呢嘅真係失敗之處，本來我都唔幾敢是蛇，依家仲有腥味，最後食咗小小就比朋友食咗。仲有裡邊嘅各種絲，都唔知邊D先至係蛇，因為我未食過蛇唔知乜味喇，總覺得大多數都係雞肉。燒鵝飯無功無過，不過又係細細一碗！朋友和臘腸潤腸飯，潤腸比較正，都算冇白來。不過整體來講，都唔幾值呢個價。…查看更多

興記五點先開門，但係六點打后都一直好多人，雖然成條廟街街口都係興記嘅地頭，但係有時候都係免唔到要等位喇。同朋友一人一個煲仔飯，食煲仔飯一定一定要食臘腸！我嘅滑雞臘腸煲仔飯，臘腸都唔錯，幾香好有臘腸味，反正雞肉麻麻，有D腥，淋咗d豉油都食得落去。朋友嘅排骨臘腸飯，真係無語吖！煲仔飯來加，竟然一D飯焦都冇，冇飯焦仲叫煲仔飯？明明都悶咗一陣先開蓋嘅，唔會係見到人太多就快快停火吧最後真係只可以食嘅豉油撈飯喇！真係無語！蠔餅要咗一小份，咬第一啖仲覺得唔錯，粉唔會好多，蠔仔都幾多，但係再食一啖就會發覺真係好油好膩好滯吖！好喇，個人感覺！…查看更多