由門面睇已經覺得間餐廳唔錯，排位整齊加上地方清潔做到足
睇左一輪餐牌後，就揀咗個弘大至熱選套餐，都只係$288，望落仲好似好多嘢食添~
弘大至熱選套餐個份量真係幾多
兩個人食一定夠，個樣同menu都好似，貨真價實
最特別係碗年糕配忌廉，食起上嚟甜甜地又咸咸地
啲牛肉嘅雪花好均勻，厚度適中容易咬，香噴噴好惹味！
芝士同泡菜炒飯係上佳嘅配搭，仲可以放上小爐炒，等啲芝士同啲飯溶埋一齊食，GOOD
呢度既泡菜係任食，正呀~~~~~~(因為我堅係超愛食泡菜)
阿妹叫既呢杯棒棒糖白桃梳打，好特別又幾好玩，可以自己加啲料入去杯飲品到，蜜桃味仲好香！
西柚沙冰同蘋果酒就一次過滿足哂我三個願望嘅飲品，飲落都好夾好冰凍，最適合每天都心火盛既我
