lovemanXD的个人专页

星期六帶小朋友等食台灣野，想讚下門口接待姐姐好好人，安排較寬的位置比我地，仲有小禮物送俾小朋友，小朋友開心死仲留意到小朋友未扣好張BB椅幫手扣好！服務及環境都唔錯～由於有小朋友無乜影到好多相，我地叫咗個2人餐，臭臭鍋中辣真係唔錯，有菜有肉我覺得最正係個大腸，好入味！鴨血都好好味二人餐內的食堂臭臭鍋另外叫咗麻辣臭豆腐，真係辣得過癮同好正宗，真臭最後有包個甜品但已經好飽了店員清晒枱先上甜品，唔太甜啱晒我口味整體感覺幾好，下次去開荃灣會再去…查看更多

喺駱駝漆發現呢間充滿日本風味嘅牛舌餐廳同朋友都好鐘意食牛舌，但係牛舌丼就真係未試過，叫咗兩個set加咗幾串串燒。叫咗鐵板套餐 配和風鹽蔥汁，蒜味好香好好送飯推薦舌芯！好有咬口又唔韌，個飯仲有紫菜，紫菜控表示加分串燒最特別係燒秋葵蝦肉串，好用心用秋葵包住蝦肉，本身唔食秋葵嘅朋友都覺得好好食:)另外炸物吉列蝦同多春魚都好好食！店員好熱情介紹我飲白桃烏龍茶，仲叫我拎返屋企再冷泡，都仲好有茶味鍾意食牛舌，不妨一試！…查看更多

大年初三周圍好多食肆都冇開見到呢間泰國嘢就諗住同班朋友仔叫外賣食全部人都好失望價錢算中等-泰式炒飯竟然係用雜豆炒茶餐廳楊州炒飯都多了料過佢-泰式炒金邊粉無乜味嘅炒粉啲粉好硬啲配菜例如芽菜好似生嘅無炒過咁-馬拉盞炒雜菜一啲馬拉盞嘅味都冇當佢係清炒雜菜咁食都過得去另外叫咗個串燒同拼盤算係正常少少可能都係因為現成品拎返嚟炸或者燒總括然而我哋好失望唔會再有下一次未食過咁嘅質素嘅泰國野打咁多嘢希望大家唔好中伏…查看更多

同朋友食飯慶祝生日，想食海鮮所以選擇左尼度，地方唔算大不過坐得好舒適，店員服務好好，我地4個人佢推介我地食個二人餐，另外可以加其他野食試下。本身個餐其實都已經好豐富前菜/口水雞/蒜蓉蒸扇貝個餐有2隻扇貝，見佢大大隻又新鮮另外叫多2隻一人一隻！避風塘炒蟹個蟹真係炒得好惹味，食得出係用新鮮蟹炒蒜蓉炒菜/豆腐蜆湯個湯好鮮味仲有條蒸魚，以一個二人餐尼講條魚都算大條。我地另外加多左個酸菜魚同蒜蓉蒸蝦，酸菜魚好多配菜，用桂花魚整，肉好多無骨又夠味個酸菜魚本身唔算好辣，如果要辣啲嘅話可能要另外同店員講聲。4人食到好滿足，值得推介，可惜我地太肚餓掛住食冇影到相…查看更多

朋友想食日本放題，網上搵左幾間黃店就選擇左尼度。啲價錢同網上見到有少少唔同，好似係改左價。我地7點前入座$249加一因為我較遲先到，一到就已經見到有兩個鍋喺枱面。一個係壽喜燒湯底配牛肉，唔錯另一個有蟹嘅關係都好鮮味。魚生選擇都多，都算新鮮。店員會溫馨提示叫我地叫左啲燒物同炸物先，驚人多會等得耐，然後見我望左個飲品櫃好耐，都主動幫我，服務幾好另外佢有個訂座優惠可以換啲野食，推薦個蟹蓋飯，真係好好味唯一缺點就係座位就偏窄左少少。整體好滿意，下次會再去…查看更多

行過灣仔，諗緊食咩嘅時候，見到尼間拉麵店，比個門口吸引左，諗都唔諗入左去。可能午餐時段人較多，要企喺側面等位，排前面大約有10幾個人，不過都好快入到坐。一坐低就見到有自助嘅辣芽菜同蒜，辣芽菜都幾辣，幾開胃叫左兩款套餐，兩款拉麵各一款加兩款小食。已經好似叫左好多野食咁，尼個小龍蝦沙律連紫菜食真係好好味蝦味噌湯好鮮味豬骨湯都好濃味因為湯頭好鮮，食食下會感覺有啲膩，尼個時候飲返杯冰凍麥茶，正最後用一杯冰水做結尾，好滿足尼個價錢我覺得都合理，平時啲大公司拉麵起碼都$100左右碗。非常推薦，下次必定會再去…查看更多

今日行過見到涮涮鍋有半價優惠，諗都無諗就入左去試下我選擇左原味嘅湯底加上和牛同豬腩肉，滿滿腩肉同和牛真係好吸引肉底下有菜，唔會淨係得肉咁寡，又感覺健康啲湯簡左原味，店員話叫飛魚湯，清清甜甜都不錯，佢有2款汁醬，一款麻醬配肉一向不錯，另一款倒出尼好似水咁，店員話叫出汁，雖然唔知咩黎，但加上蒽花配肉一流Daddy都話好味另外加左條𩶘魚，上枱都嘩左一聲，師父放得好靚，條魚好鮮甜，好好味加埋烏冬呀、飲野呀$600幾埋單，好滿足！…查看更多

之前食過尼間西川乜乜餐廳，覺得喺屯門黎講都算不錯，結果去到見到改左名....仲驚轉左老細野食會變差左，點知keep返水準之餘，對於2個人去食嘅我，覺得改左自助形式真係好適合我地，平時去食單點雞煲/火鍋餐廳，2個人有時叫得多又食唔哂，叫得少又好似好寡，但尼度款式多，自己食幾多拎幾多又唔洗浪費，真係不錯老地方雞鍋見花甲唔貴就叫黎試下，老細建議加入去炒好味啲，結果不錯唔會淨係食雞咁寡，配菜紫洋蔥同芫茜好多好惹味！肉類，菜類，丸類，基本上平時會點嘅野食尼度都有，烏冬都好高質，食左2個自己食幾多拎幾多，種類多，選擇又多，值得一試呀…查看更多

比佢個奶蓋吸引左諗住試下，叫左所謂Top嘅頭2杯....真係推翻左我對奶蓋嘅認知，唔知自己飲緊乜草莓嗰杯所謂奶昔，又無奶昔味又稀，另外一杯得糖水味...唉！好難飲好伏，唔怪得無人買早知睇左尼度嘅評價先買…查看更多

得知尼度係塚田農場嘅副線餐廳，決定情人節尼試下安排左我坐窗邊，感覺唔錯全英文Menu 本人英文唔太好，叫左店員推薦，點左幾個小食食住先好驚喜，一開始諗緊點解未叫飲品會有壺茶，原來係關東煮入面昆布，個湯好好味，昆布都好入味，又爽口濃濃芝士味嘅薯仔，幾特別，唔錯尼個唔知叫咩，因為辣辣地嘅關係，配小多士好似唔太夾咁塚田農場本身雞料理都出名，尼個炸雞都keep到水凖！食落完全唔覺得油，配酒一流！感覺飽飽地嘅時候上左個刺身沙律，酸酸地嘅沙律汁非常開胃，食完決定試下佢地嘅拉麵店員推薦我地食尼個辣油伴麵，睇落好似韓國伴飯咁，左邊嗰個係辣油，辣度自己調配，但本身已經夠味，啲麵都好有咬口！推薦最後叫多個湯飯團，好特別，用湯浸住，唔錯！因為太飽嘅關係，食唔落佢個甜品:( 尼度個feel唔錯，價錢對中環尼個地區尼講算合理，好適合食下野，飲下酒，傾下計下次要再試其他關東煮同試佢個甜品…查看更多

今日剛好去太子接朋友收工，諗住食啲野，朋友話見到尼個餐廳有個優惠$98 酸菜龍躉球，見幾吸引，決定去試下:)去到整體感覺係乾淨嘅，但燈光略為暗左啲。一坐低就緊係問下有無我地見到嗰個優惠啦，老闆好爽快話：有，要咩辣？中辣，唔該酸菜龍躉球朋友一開始話酸菜魚嘅湯一般都可以飲，我地就即刻每人一啖試試佢先，真係好好味，又夠香，又夠辣，配一流酸菜唔多，但配菜都幾多，配菜種類都好多，有雲耳，芽菜，青瓜等...真心推薦湘味小炒肚絲唔太記得個名，尼個炒豬肚絲都唔差，份量又多，又夠惹味湘味辣炒土豆絲炒土豆絲係我多數食川菜都會點嘅其中之一，唔知係咪前兩個菜太惹味，食尼個反而覺得無乜味，但土豆絲都炒得好爽身，口感都唔錯湖南大千雞個人覺得反而尼個無乜特別，可能係唔夠辣嘅關係，但都炒得好香，略嫌雞件唔夠滑，比較硬身。整體而言喜歡食辣嘅朋友可以一試，個魚真係令我覺得好驚喜，好味!真心推薦喜歡食酸菜魚嘅朋友就算下次無尼個優惠我都會再尼食…查看更多

平時喺旺角見到廣告牌都覺得幾特別，唔同顏色，又唔同口味，上去見到無人排隊，可能因為都9點了，就入去試下8色小籠包打開餐牌本以為係以上海菜為主，但原來都有唔少川菜選擇。香辣蒜泥白肉見佢一卷卷幾特別，比佢吸引左，作為前菜真係唔錯，小清新嘅感覺，都幾開胃京味炸醬拉麵對麵情有獨鍾，眾多款入面選擇左尼款，個汁有少少咸，但都唔錯。皇朝小籠包佢有埋個食法提供佢建議嘅食法係由淡味到濃味，但因為個炸醬麵味道都好濃，所以我地都無跟佢個次逐去食，我地一人簡一粒食，成個過程好開心雖然覺得原味最好味，但都推薦叫哂8味試下香煎豆沙鍋餅最後食個甜品，我地要求後上但我地食到中段已經上左，上枱襯熱食左一舊，好味但之後因爲等食哂啲野再食，凍左就覺得有啲膩。總括而言，食物唔錯，都幾特別…查看更多

比廣告吸引，對麵情有獨鍾嘅我決定放工搭車出旺角試下，一入到門口已經聞到好大陣臭味，坐落聞慣左又無乜野，我唔抗拒尼陣味入去嘅時候人都好多人，要搭枱，張枱仲有條蔥同粉絲喺到未抹乾淨...叫左個香煎蛋餃但無貨，個麵想加個牛肚都無貨...蒜蓉香煎千頁豆腐味道唔錯，好惹味但係第一碟上嘅菜，店員無比筷子，我望住佢等左大約5分鐘，店𥚃嘅冷氣又凍，幾驚吹到凍哂...原創胡椒豬肚雞麵尼個我試左幾啖，覺得幾好味，個麵有得用火燒住，都幾特別，友人略嫌胡椒味太重，雞無咩雞味，但配上海麵口感不錯，好有咬口柳州螺絲粉無我想像咁好味，我心目中覺得佢係酸酸辣辣的，但佢唔係，我覺得都個湯好少同都幾淡椒鹽鍋巴土豆幾香幾惹味 抹茶奶茶幾好我覺得友人個胡椒雞麵好食啲，可能係隔離飯香嘅心態麵嘅選擇好多，下次再試下其他先。…查看更多

今日2點幾同屋企人去左旺角食飯，媽咪突然話想食韓燒，搵左好幾間尼個時段都唔開，呀妹就見到尼間餐廳，寫3點前$118，傳單都係咁寫，就趕快3點前沖上去。上到去店員同我地講Change Menu，但剛剛喺樓下拎嘅傳單都未改店員話有9折，見媽咪想食，都照試下。佢門口個價都未改去到一個人都無，店員等我地坐低比完前菜就走左，我地坐左陣先見到要自己寫單落單，感覺無乜服務可言，然後自己搵拎野飲嘅地方有啲野食要晚市先供應，但其實種類都多，啲肉好好味又淋、肉汁都算多不過個年糕就差少少，凍的，但啲湯屋企人都覺得不錯，而我就最鐘意個蛋邊，平時喺香港食會好快就煮到又乾又燶，但尼度完全唔會，食咁多肉再食個滑滑嘅蛋，不錯一開始真係有被騙嘅感覺，但食物加左唔少分，到最後$218/位其實都唔覺得貴，推薦不過希望店員快啲換返個Menu:)…查看更多

本人十分喜歡食辣，平時都有去尼度食宵夜，今日約埋朋友，朋友都係愛辣之人，就推介佢地試下因為朋友遲到，我先叫左個辣油青瓜比我想像好味，青瓜好脆，好夠味之後朋友到左，佢地狂點左幾個餸，仲係要大辣，不過個個餸都無話特別辣，略嚴唔夠辣孜然羊肉好似餐牌無嘅，我朋友問佢有無，佢話有，都炒很幾乾身，但有點咸...乾窩肥腸炒得幾香，食辣嘅人一般都鐘意叫尼個菜，唔錯麻辣烤魚，桂花，大邊其實平時喺到食開水煮魚，但因為店名，我朋友就叫左烤魚一試，4人食感覺唔夠，而且配菜較少辣子雞炒得乾身，都幾香，乾身得黎啲肉唔會好乾好硬，都幾好！乾扁四季豆四季豆朋友覺得炒得好老，但啲肉碎好味整體尼講喺香港食辣暫時都比較喜歡到尼間，辣得尼夠香，夠味，友人為一名女孩子竟然食左3碗飯…查看更多