Muiji的个人专页

曾經好喜歡嘅一間餐廳，N 年無黎過，今日剛好經過就諗住入去食個 lunch。見到個個都嗌牛扒，呢個啦可以揀白飯意粉或者薯條，但係竟然冇得就咁淨菜。上菜速度係非常之快，賣相亦都 ok。但係全部放入口嘅嘢得杯檸茶係有啲檸檬味。實在係十萬個問號。首先講嗰個我估應該係菠菜忌廉湯。入口係非常之 creamy，但係一啲味都冇完全唔知飲緊乜。係唔想浪費食物嘅情況之下好辛苦飲咗七成頂唔順要放棄。牛扒飯呢 d 睇落穩陣嘅野，牛無牛味 (不過咁嘅價錢其實都預咗)，飯冇飯味，呢樣都算，但係點解連個汁都可以無味？😨 要做到全枱野一啲味都冇實屬高難度。$60 食d 咁嘅野真係九龍城大把好食過佢嘅選擇。睇到 openrice d 相唔知晚餐係咪高質 d，但係一間有誠意嘅餐廳，冇理由接受到自己午餐做到咁嘅質素。已 blacklist 唔會再黎。…查看更多

未食過一間野係難食到我要寫食評的! 話說早兩日食過觀塘另一間鹽水雞，剛好經過灣仔見到呢間就諗住試下。睇 openrice 見到啲人話佢份量好細所以就諗住分開叫咗兩樣野。分別叫左 $61 半隻雞同埋 $41 有 5 款配菜嗰盒野。首先講盒雞先，我見佢撈緊嘅時候係咁加水我都已經 R 晒頭，但係心諗鹽水雞呢 d 咁大路咁穩陣嘅野應該無事嘅。好喇，返到屋企打開個盒望到底下嗰層水已經唔開胃。😔 果然，食落去係完全無味的。淡茂茂得黎仲要啖啖都濕笠笠有啲水咁真係好難受。我食到一半真係有 d 反胃。然後佢嘅所謂招牌洋蔥真係不得之了，又係好似用清水白拾咁完全無味，連洋蔥本身應有嘅洋蔥味都無乜。😑 好喇，講返嗰兜 $41 有 5 款配菜嗰盒野。本身係叫咗百頁豆腐/甜不辣/芭洛/皮蛋同埋雞腎。雞腎佢話賣晒，咁我就諗吓叫其他嘢。點知諗緊嘅途中我發現佢全部嘢都係比一舊我。我好驚訝咁問佢，你收我 $41 比一粒百頁豆腐俾我?! 佢答我"我地呢度係一份咁計"。ok 你玩食字無問題吖，我換過條問題，我再問"咁你地一份係得一粒"? 跟住佢繼續死撐話 "我地比一份你"。咁我見佢都未整即刻問佢可唔可以唔要，佢即刻黑晒面退錢比我。唔知係我唔好彩定係點，見其他分店 d 食評好似 ok，不過我應該唔敢再試呢間野。諗起嗰層水我就反胃。…查看更多

上個月同兩個西人黎左呢度食飯. 三個人開左支白酒叫左四樣野一個甜品食左$13XX!! 一 d 都唔值!!! 唔係太記得 d 食物名, 記得一開始食左個 boiled 餃子, 普通到不得了, 灣仔碼頭好似好食 d. 個餃子無乜味, 個皮又厚. 但係兩個西人朋友都覺得好好食. 跟住叫左個羊, 係連皮的, 呢個唔錯幾好食, 入味又夠淋又唔 so, 非常之好. 然後叫左麻婆豆腐, 勁勁勁辣, 食左一啖食唔到, 豆腐幾滑. 最後好普通叫左個豆角炒牛肉, 勁勁勁咸!! 同埋勁普通, 我煮都好食過佢!!!! 甜品就叫左一個圓 look look 的番薯物體, 呢個都幾好食.所有食物都係西人朋友點的, 佢係呢度嘅常客. 兩個西人都食到 lam lam lay. 我就覺得非常一般, 自己一定唔會再黎, 唔值呢個價.唯一好嘅就係入面嘅 design, 幾古色古香, 如果有外國朋友到香, 都可以一去. 仲有, 我去當晚係全場都係西人, 一個 chinese 都見唔到(除左我同埋 d waiters).…查看更多

做左咁多年人, 都未試過食到成肚火到要即刻飛番屋企寫食評. 呢間野真係不知所謂, but to be fair, 佢 d 野食唔係難食, 之但係唔係好食到要我咁受氣囉. 而且極級 over priced. 酒店價錢, 高級茶餐廳味道, 大排擋都不如嘅服務. 話說今日係我老豆 65 歲正日生日, 其實本來星期六已經食左餐豪嘅, 不過諗住正日都應該食餐飯嘅. 其實本來諗住去馬會, 點知落大雨之餘又遲左放工, 阿媽話有 coupon 於是就近近地係倆老公司附近食, 於是就黎左呢度. 結果係由 7:45pm 一路食到 10:05pm - 而 8:50-10:00 呢段時間呢, 我地就係坐係度等佢其中一個 set 嘅一碗炒飯. 中間吹左起碼 5, 6 次都無反應. 大家聽住喎, 唔係等一碟或者一大碗, 係一個人份量嘅細碗, 足足等左一個幾鐘!!!!!!!!!!!!!!!!!!!!!!!!!!!!!!!!!! chee chee 地線. 最後個飯黎左之後都無吹佢上埋生果就走左. 離晒大譜!!! 由於太太太嬲, 單同 extra 送嘅 $100 coupon 都唔攞就走, 所以唔係太記得叫左乜. 同埋佢地好賤, 本來個 set dinner 入面有好多野, 佢一咋咁黎, 有一半都貨不對辨. 由於等緊個飯時無野做, 於是睇下個 menu, 點知一睇先知佢借 d 兒黎錯晒同勁 miss d 貴野:- 刺生寫明有 d 咩嫁嘛, 竟然無比海膽.- 番茄"讓"雞翼變左就咁雞翼.- 有一個什麼海參讓生蝦竟然無蝦, 問佢時佢話"哦, 今日無蝦, 所以比多舊海參你" (嘩, 你無野呀, 成 $300 一個餐, 唔問你你唔洗講比我聽嘅?? 仲要舊海參細過我舊擦膠囉~同埋我唔信無蝦囉~)- 一開始唔知個餐包左一碟野叫什麼"珍之寶", 所以另外散叫一個. 成 $80, 黎到係有一粒細細粒嘅帶子仔同細到我都睇唔到係乜嘅爛鬼海鮮, 咁就收 $80, 仲要係 special 喎, 已經平左嫁啦喎. 好喇, 睇餐牌先知原來本身個餐都有呢個, 即係另叫嗰個未黎啦, 叫個 waiter 埋黎, 佢好意思話已經上左兩個囉. 我用一個好驚恐嘅眼神望住佢, 佢先話幫我 check 下. 結果三吹四請等左唔知幾耐先有囉.- 仲有, 個餐入面有一隻大蝦, 都係無黎到. 問佢時佢又好似我地騙佢咁嘅眼神同語氣問"未黎咩"?喂, 大家, 你係我食到呢到係咪成肚火先?? 以上嗰 d 全部都係分開上, 所以基本上全晚就係咁攞住個 menu 係咁不停叫 d waiter 埋黎對野.好喇, 叫左個 $35 嘅燒番薯, guess what??????? $35 佢比左四粒同個 $5 銀一樣大細嘅番薯粒比我攞. 唔係講笑, 真係好嬲, 所以攞左個 $5 銀出黎放左係碟度影左張相. 上面講嗰個 $80 嘅珍之寶都有影相.跟住想叫 deep fried eel, 佢話無, 我話"下? 完全無鰻魚呀?" 佢又話有, 不過無 deep fried. -_- 咩料?!!?!叫雞腎佢又話無雞腎. 想點??????其實好肚 or, 不過都唔敢叫, 個飯都等左個幾鐘, 我驚再落 order 要等到佢聽日開門先有得食!!! -_-""""其實一坐低打開餐牌已經心諗好彩有 coupon, 大部份食物都 over priced. d 串燒 $15-$65+ 不等, 食得串燒都係預左燒錢, 不過無諗到係成曡咁燒~lol 成餐飯三個人食左成 $900!!!!! 仲要唔飽, 之後去左第二度食野!!!!!!!!!!!!!!!!!!!呢間野真係無下次, 如果大家錢多, 不防考慮捐左佢, 都唔好去呢間野食!!! 唔值之餘仲要包你食到成肚火. 最嬲係佢偷工減料貴野唔比你仲要唔講你知!! 真係不知所謂!!!…查看更多

未黎之前諗住會貴, 點知價錢非常之咁reasonable! Service 非常好, 野食都唔錯.3 個人其實叫得太多野, 不過樣樣都想試:1) 泰式鳳爪沙津- 唔係好夠入味, 可以再酸甜些.2) 沙嗲串燒(1/2 打- 雞牛豬每樣兩條) - 好咪同好大條3) 泰式春卷- 沒有肉的, 很crispy, 不會過硬, 好食!4) 豆辦醬炒茄子- 茄子很大條很多汁, 跟飯一流5) 椰香咖哩羊肉- 羊肉一d 都唔穌, 而且非常之"lum". 咖哩都幾香. 而且入面仲有茄子! 羊肉都多, 不是比多多potata 少少羊肉你! 真係比足料!6) 泰式炒粉絲- 呢個都係好好味! 有超多細細粒的蝦, 好入味!7) Spicy 番茄雞- 呢個都好食, 不過比佢個名"ark" 左haha 其實係"古lo" 味o既dish. 不過雞無deep fried 過的, 而且入面係有腰果, onion & 馬蹄, 個配搭都幾新鮮, 幾好食.8) 白飯一個- interestingly 個白飯都幾好食haha 唔知點解9) 兩杯cocktail, 一杯mango soomthies, 一個椰青- drinks okay, 係杯mango 比較水, 怪怪味的.In general, 所有dishes 的份量都好足的. 唔會比少少你. 樣樣都係40-60 到(我地叫o個d).每人$210 到, 不過係因為我地叫左太多野同飲左cocktail.Spend 多過好似$100 仲有free ship ticket 出返中環! (i.e. $100 就free 一個, $200 就free 兩個) 變相$27 來回, 都ok!!值得一試. 而且裝修都幾靚. 夜晚可以坐出面tim!! 我地食完飯仲可以睇埋disneyland 的firework, 因為對到正, 睇到firework 全景, 不是少少!! 正!…查看更多

其實平時不嬲都有係自己個blog 寫開食記, 所以都有為食物影相的習慣. 不過由於前幾日先係open rice 開左個account, 所以而家再post 番d 感想上黎! 有d 其實已經係前排食, 已經唔係好記得幾多錢!我記得次次經過呢間野都見佢門口排晒長龍o甘, 但係因為唔想排隊所以都無試過. 直到有一之行過油麻地, 忽然間又好想食拉麵wor, 又唔想食味千, 於是就諗起呢間野喇! 雖然都排左一陣隊, 不過門口有位口, 都ok. 入到去發覺間鋪都幾細間, 我地就坐左係counter 位.我叫左牛肉拉麵, 男友就叫左叉燒拉麵. 記憶中都第左一段時間先有得食. 不過由於坐正係個師傅前面, 所以就不停睇住佢點煮d 麵, 都幾得意嫁!! 講番個麵先! 我個牛肉拉麵好好食! d 麵彈牙, 牛肉又甜又無乜肥! 唔錯! 男友都覺得佢個叉燒拉麵好食! d 叉燒有汁同淋! 雖然唔係話坐得好舒服, 不過為左佢碗麵, 一定會再來幫襯過!! ^^…查看更多

其實我自己除左魚之外係唔食海鮮的. o甘點解會黎左呢間野食呢? 原因就係因為約左朋友而朋友又揀左呢度. 我地12:00pm 就黎左因為想避開lunch time d 人. 可能都算早, 所以唔算好多人, 不過如果你想lunch time 去, 我會見議你book 定位, 因為走時極級多人等位! 好, 講番個lunch 先. 一打開menu, 發覺差不多全部都係海鮮! 本來想叫鰻魚, 但係又無wor. o甘無理由我自己散叫d 小食當main course 嫁, 於是就叫個經理介紹下啦. End up 全個menu 我食得o既就係個牛肉鍋set. o甘都無得揀咯, 就叫左牛肉鍋喇. 其實都唔平, 加埋一要almost $150. 不過食完之後又覺得都值呢個價o既. 首先成個set 都有好多野食, 又大wor! 首先黎左個少少o既前菜, 跟住就上左雜菜天扶羅. 個雜菜天扶羅脆漿很薄很脆, 好好好好食!!! 直頭想散叫叫多碟!! 跟住就上牛肉鍋喇!! 個鍋一放底見到o甘大個, 塊牛肉又大, 已經諗緊食唔食得晒, 點知都未諗完佢就拎左碗飯黎!! 原來仲有飯跟埋tim!! 噢, 即刻覺得呢$150 都比得幾舒服!! hahaha~~都未止wor, 原來仲有餐茶bor!!o甘講番個牛肉鍋先啦, 樣樣野都好好食!! 個湯又甜甜地o甘! 一啖一啖o甘, 簡直就係停唔到口. 除左牛肉之外, 我最鍾意入面o個d 好似粉絲o既野. "yin yin un un" o甘, 連埋個汁一齊食真係好好味! 食食下o既途中發生左一件小事, 就係有個waitress 唔小心係我地張檯隔離倒瀉水, 佢地當然即刻有clean up 番啦, 仲不停有人上前道歉. 跟住成餐飯都超好o甘, 耐唔耐就過黎問下我地d 食物點, 茶亦都好快refil! Service 唔錯!! 就係呢個原因我亦對呢一餐加左唔少分呢! …查看更多

由於太熱, 去到又無位, 所以只係叫左兩隻窩貼外賣. 豆腐花就唯有第下次咯. 講番隻窩貼先!! 嘩~~$2 一隻大大隻又好食!! 真係超值!! 打開個袋望到隻窩貼時第一個反應係無乜反應因為望落無乜特別, 同埋(口岩)(口岩)比海南雞飯失望完, 所以食呢隻窩貼前都唔敢再有期待. 點知一咬落去, yee? 有驚喜wor! 窩貼入面有汁, 甜甜地o甘幾好食, 個底又crispy, 唔錯! 仲要o甘平!! 一定會再去食過!! 下次要試埋其他食品先! ^^…查看更多

見d 人講到好好食o甘, 有d 又話差到爆, 於是決定自己黎試下. 由於係下午茶時段來, 一個食客都無! 都幾好! 清清靜靜自己食. 首先講個飯先. 第一啖食落口覺得d 飯比較硬(唔知o甘樣係咪即係人地話o既有咬口?), 我自己就鐘意軟身d o既飯, 所以第一啖已經扣左少少分. 至於香唔香呢個問題, 自己就覺得d 飯微香啦, 又未至於完全唔香o既. 好喇, 食雞喇, 又係ok lor. 又係有微微o既雞味, 唔算係好香, 但又未至於無味. 不過唔知點解d 雞肉自己散開晒o甘. 同埋都真係ok 少. 碟飯就好大, 可能因為我叫雞肶? 個sauce 都係不過不失, 原全無驚喜. 個湯都係普通. $46 算唔算貴就真係見人見智. 自己就覺得$46 可以食到d 更加好食o既野. 不過一試又無防o既. 再食就唔好喇!…查看更多

前排去左大埔食意大利餐. 間餐廳叫Oliva. 超好味!! 其實之前成日行過呢間野都好想試嫁啦! 再加上好似係magazine 見過佢介紹話好就更加想試! 但係就一路都無機會. 尋晚終於試到喇~~! 由於去到都已經9 點幾, 所以完全唔洗等位. 一入到去第一個感覺就係覺得o個度好似又一城o個間Amaroni's (另一間我幾鐘意o既餐廳, 有d 人好似叫Amaroni's 做Little Italy)! 好, 講番入正題先. 由於男友已經黎過呢間餐廳, 再加上佢又唔係好肚餓, 同埋佢話呢度d 食物size 都幾大, 所以end up 只係叫左兩樣野!! 但係都食唔晒!! End up 有兩件pizza 要take away tim!! (kakaka~~益左我!! XDDD) 由於pasta 係one of my favourite food (唔知點解由細到大都她鍾意食pasta 類o既食物), 所以首先就點左個意粉. 全名已經唔記得左係乜, 總之就有白汁同煙肉啦!! And then 點左個什麼香辣雞pizza.首先上檯o既係麵包(with 醋& olive oil) + salad. 呢兩樣野係叫pizza 送的. 自己就好鍾意食麵包時點醋同olive oil. 不過感覺上好似Amaroni's d 麵包好食d 因為係熱o既. 呢間d 麵包都ok, 不過上檯前無整熱, 感覺上無甘柔軟(其實係有d 凍同硬). 同埋d 醋& olive oil 無乜olive 味, 雖然d 醋都幾好, 但係都係Amaroni's d 好少少. 至於個salad 呢, 就係用左醋啦, 粟米粒, 生洋蔥圈, 生菜同埋mini-茄整成o既. 我地都覺得salad 個醋多左d 同埋酸左d. 如果可以自己落就仲perfect 啦. 但係整體黎講個salad 都幾新鮮同埋幾開胃.(口岩)(口岩)食完d 麵包同salad 個pasta 就黎左喇!! 嘩~~~實在太太太好食!! 個意粉煮得好好, "yin yin un un" 甘, 唔會太淋又唔太硬, 真係(口岩)(口岩)好!!! 個汁又好正!! 超香濃!! 總之個pasta 就係好好味!! 同埋我地只係叫左個細, 但係都好大碟!! d 煙肉又多! 絕對唔係比多多pasta 少少肉你o個隻! 至於個pizza 呢, 就係我地享受緊我地o既pasta 時就黎埋喇!! 個waiter 一放底我就已經知道會好食!! 同pasta 一樣, 我地都係叫左個細o既, 但係都有6 大件!! 仲要係100% 比足料你!! d 雞粒超大粒, 真係鋪滿個pizza!! 仲要係新鮮雞!! 食落去粒粒雞都有汁!! 超正!! 自己都好鍾意Grappa's o既pizza, 不過呢間都整得非常之dim!!!由於連main course 都食唔晒o既關係, 所以諗都無諗過叫甜品!! 但係頭先睇到一d 其他o既食評先知完來呢間餐廳o既甜品都幾好嫁wor!! 噢...無辦法啦...唯有留待下一次吧!! ╮(╯o╰)╭總括呢講, 呢間餐廳真係唔錯!! 兩個人食左$150 到, 加上甘o既水準, 真係幾抵! 鄰店扒王之王食個buffet 都要$88 (weekends) 啦!! kaka~~又多左間favourite restaurant 喇~~~!By the way, 不好意思, 由於相片是用手機相機拍的, 所以相片比較暗, 因為餐廳入面的燈光不夠.…查看更多