妹妹0_0的个人专页

想食牛扒，在附近，就來了這餐廳。個餐包熱辣辣外脆內軟。點了兩個餡餅，芝士煙肉和雞肉，我會比較推薦雞肉，其實芝士煙肉也不錯，不過雞肉加埋蕃茄醬料就不是周圍都有。牛扒叫了肉眼和側覆膜橫肌，側覆膜橫肌比較靭，切得啲辛苦，味道不錯；肉眼好食，好厚，所以對我說偏生的，medium 是medium rare; medium well 是medium 。牛扒旁個醬汁，提升左，令成件事變得阿根廷。…查看更多

很有趣的露營feel餐廳，選擇呢間餐廳真係原意係為左影下相，但食物都係唔錯嘅！坐喺矮凳子，配上露營燈、餐具食烤肉。要著causal d 襯返個主題，如果上左年紀或不方便，也有平常的座位選擇。朋友生日所以叫左烤肉蛋糕，有d 儀式感，不錯！…查看更多

呢度令我最深刻的是一是環境, 二是甜品，因為真係無敵大海景，係一望無際，唔係載貨船個d，成個人好 relax 好平靜﹗下午茶坐露天茶座，叫左個雞翼薯條，算係水準啦，仲有德國芝士蛋糕，好正，外面有層薄皮，蛋糕軟淋淋好新鮮。我見好多人叫英式tea set 個d 3 層架，不過我地想留肚夜晚 bbq buffet所以冇叫。夜晚bbq buffet，最值得食係乳豬，真係見住個師傅係現場叉住成隻乳豬碳爐燒﹗仲有黑豚肉，本身個樣燒到好乾但原來都幾軟孰，仲有西冷扒都ok﹗個義大利飯都okay，好濃味好足料。冷盤最普通個幾款，反而我食左2,3 round甜品，tiramisu, brownie, 芝士蛋糕、豆腐花, 焦糖燉蛋, 芒果布丁, 佢轉得都好快，比人夾哂就轉另一款﹗仲有個朱古力噴泉，我夾左好多生果去點，連豆腐花我都放埋朱古力醬﹗順帶一提，最好坐餐廳出面，個海景真係好靚，好大自然，好多花草樹木同盆栽。夜晚個燈光好浪漫，最搞笑係食食下有幾隻牛係隔離經過，呢個體驗我諗係呢度先有﹗ 服務ok，我地係住房連buffet咁買，感覺上比一般酒店便宜，我會再回來﹗…查看更多

純粹睇8 卦雜誌，知道係劉嘉玲開而來。裝修有型，但我覺得太暗，可能咁先襯得出個景色卦。食物方面，由於主打都是西班牙小食，全部好細碟，我地一行幾人，實在要食完再翻單再翻單。有個炸忌廉球，就咁食都幾好食，但我發覺原來將d HAM 包住佢黎食，原來仲好食，2 種食物好夾﹗海蜆同青口，係唯一冇翻單的，味道一般。最好食同最值得推介一定係乳豬﹗ 其實食第一輪個時都唔知係乳豬，因為一D 都唔肥膩，佢好似去哂D 肥膏位，好軟熟，不過一碟得3 舊，冇記錯我地叫左5,6碟....Sangria 係食西班牙菜必飲吧，我地有人駕車說唔飲叫manager 唔好斟比佢，manager 還風趣說「excause!」整體上唔錯，但略嫌款式唔夠多。不過我覺得唔合適太大班朋友食，因為 portion 好細，情侶浪漫下、2,3 個好姊妹黎比較適合。…查看更多

平日的 Lunch time 到了九龍城廣場，由於周圍都好多學生，所以誤打誤撞來到這間餐廳，因為唔算多人。從裝修同餐牌黎睇，我感覺這算是一間港式的西餐吧﹗ 上菜算快，不過唔馬虎，點了一個三文魚扒，算有驚喜，三文魚扒亦煎得岩岩好，而且個汁調得唔錯，仲有幾隻蜆仔，有點誠意，賣相也不錯。…查看更多

今次是 business lunch，算係幾深刻的餐廳，款式非常精美，而且好特別，我覺得廚師好有心思心機。一打開個菜牌，waiter 就走過黎介紹，所以我冇睇過有咩食就直接叫侍應介紹，我想食魚扒，於是order 左佢介紹的個多寶魚扒。個主菜到時我有點嘩然，因為好靚好精緻，廚師用麵包糠圍在著魚扒，所以食落外脆內軟，口感好好，但好細份。沒有心水甜品所以冇食，不過客人吃了個soffet, 大大個好似不錯！唔知係咪飯後叫左coffee, 所以送左一碟好"的骰"的甜點，試左朱古力同marcom,高水準。價錢偏貴，我地亦冇被安排window seat, 不過食物質素，服務，環境裝修等都是中上，我會帶家人再來！…查看更多

老公同我黎食生日飯，因為知我鍾意食鵝肝，星期六晚放題可無限供應！不過鵝肝每次份量都好細好細，我諗等於平時食一塊的的1/5左右，所以唯有叫多幾轉寫多d 數量。 因為生日所以有刺身壽司birthday cake, 睇得又食得！好喜歡好喜歡！刺身中上，但係放題冇咩點叫了。 主攻鐵樣燒同串燒，帶子，銀雪魚牛舌，簿燒，雞翼咩都唔錯，不過如果你係牛痴，呢度唔岩你，因為唔會食到靚牛。我地坐係鐵板燒bar 枱靠最左的2個位，個廚師馬不停蹄係你個位面前煎鵝肝，你諗下全餐廳的客人order的鵝肝就成晚係你面前煎，幾百塊咁，最後我就係焗到有點暈而且聞到都想嘔…… 整體上食得開心愉快的，食得爽的，不過就真係下次去千萬唔好座bar 枱。…查看更多

來的目的純粹為了晚上飲野，沒有嘗過晚餐主菜的，只點過小食。點了bailey coffee，但賣相好普通，似茶餐廳的奶茶，幾粒碎冰浮係高身玻璃杯個面，再加枝黑色飲管，味道淡，真係太多奶了。有少許餓，上次食過牛肉粒，好難食！好乾好乾，一點肉汁都冇，仲要凍的，於是向侍應投訴，但侍應只係幫我地整熱一次睇下好唔好d，我地話仍然好差，但他們已沒再為我跟進了，最後成牒都冇食了，因為實在太硬胃了。而令次叫了荷葉包雞，108蚊，某幾舊軟孰都ok，不過另外幾舊就又乾又硬，不過都食到既… 好在就腳同環境舒適，否則也不會再光顧的。平心而論，是一個飲「啤酒」和看波的好地方。…查看更多

我是由h8 樓下派宣傳單張的人員而認識此餐廳的。這會給幾好的評價。他提供的食物種類不算多，不過9成都正符合我的心水和口味，可說是貴精不貴多吧﹗一心想來吃燒肉的，不過亦點了黑松露野菌湯，細細杯，好濃味，有誠意﹗ 印象中想左個生牛肉甚麼，放題黎講真係好少好少有，而且賣相幾精緻。其他熟食的就普通啦。燒肉方面，牛舌、雞肉、牛肉都有水準，而且我仲覺得鹽燒好食過汁燒，因為食材本身不錯，食得到肉汁，唔洗點調味。仲有其他海鮮魷魚，一般吧。我反而鬥把刺身的三文魚當燒肉咁燒，是另一番風味，哈哈。價錢略貴，不過環境坐得舒服，而且裝修都幾型格﹗ 不錯。…查看更多

日本的中低價放題，這可算是首選，而且如果你是主攻刺身的。食物質素不錯，種類多，可能是平日的夜晚，來食物的速度也算快，基本上你可以不用把所有的點菜紙一次過叫哂。不過座位太細，感覺好多人而且好嘈。刺身方面，大致上的種類都有，而且不會切得好細舊，不錯。串燒牛舌、雞翼、雞腎都係水準。不過好意外有糖心蛋，又幾好食喎﹗ 麻醬冷烏冬都是不錯之選。整體上，這個價錢，這個食物質素，我會認為是中上。不過，上次同朋友帶左個bb一齊去，竟然bb座椅壞左冇提供，這個要留意。…查看更多

我覺得呢間烤魚會為你帶來驚喜，我兩個人叫左一整條，（佢其實有大半條同小半條選擇的。）叫左麻辣小辣的，但我覺得下次可以叫中辣，因為今次覺得唔夠辣。食魚之外你可以係魚旁邊滾下其他配料，（ 好似打邊爐咁）叫左肥牛，粗薯粉，蘿蔔同蠔。最值推介係蠔，d 蠔雖然細細隻不過好乾淨而且一d 都唔腥！講返條魚，我朋友說這魚叫“大魚”係淡水魚，唔算多骨，啖啖肉，一d都唔鞋，好滑！餐廳佈局一般，而且見客人通常係一班朋友黎食，有d嘈。不過一句講哂，一定會返黎！…查看更多

這個地方我可說是只是一個食景色的餐廳，可能因為窗外有霧，所以也不見有咩景色吸引，得個高字！要食貴價的高水準日本菜一定唔好揀呢間！第一次來是日式鐵板燒的business lunch，一個餐有多個款式，食物一般，略嫌多油，尚合格，算係得體。再來一次，同家人黎晚飯散叫，本想質素定比set lunch 好，可惜價錢貴了幾個double，食物水準反而大失所望，真係一般到一般！刺身唔見新鮮！本身好期待kinki魚，淡而冇味！串燒普通貨色! 炒飯太咸太油！總之，食物質素只係普通日本餐廳的質素，但是就是五星級的收費! 算是史上最不值得的一次!服務也好差，不似高級餐廳。…查看更多

很喜歡在 H8 食野，可能是過去幾次在不同的餐廳也食得愉快，不過今次在千江雪中伏了。我是因為看過 openrice 其他食家的推介，一心來食日本火鍋，原來已經沒有提供了，但我們坐下來了所以只好食放題﹗ 由於是次晚餐是我訂來為朋友慶祝生日的，可惜完全失望﹗ 他們的服務倒是好的，只衰在食物的質素。刺身ok不過種類不夠，所有燒的串燒也十分一般，我覺得連最基本的雞翼也失敗了。串燒牛舌第一轉吃的水準好好，但第二轉已經不是簿切而是.. ( 不知點形容，可能是切左d 頭頭尾尾吧) 牛肉粒第一轉吃的水準好好，但第二轉來的時候已經凍了，脂肪"鯨"左....汽水也只限一人一罐，再叫要加$10... 是次我們消費500 多元，即人均$250，我覺得不值得.... 好肯定有更多更好的選擇... 非常失望 …查看更多

嘗試過三國宴了。不知是否我們選擇了錯誤的決定，就是點6人餐。有幾款看相都幾特別的款式都冇包到，如果下次再食，應該會散叫，起碼賣相都吸引些。菜式普遍濃味同油膩，不過8 陣圖當中有個辣辣地的牛舌幾好食吧﹗…查看更多

一直覺得板長都是普通的水準，不過今次有驚喜。鹿兒島火炙西冷巨切壽司是我意料之外咁好食﹗特別如果你係喜歡食薄燒牛肉的朋友﹗但係我覺得一舊起兩舊止，一來我覺得幾貴，二來係其實都幾油膩。我食左1/2 切同巨切，味道就冇分別，其實2 隻都足夠包哂成舊飯黎食。…查看更多