小玲子的个人专页

晚巿不能在外用餐，只好買外賣返屋企食，老公被二人餐吸引住，而店員表示二人餐係新出嘅餐係包括2個粉絲，每個粉絲可以再選擇2個餸，2個小食，2個飲品，價錢$138佢係有網上點餐服務，不過套餐網上訂購唔到，walkin落單都等咗起碼5分鐘，注意我係排第一個，因為佢地都真係幾忙下，最後店員都有講唔好意思要等咁耐嘅買完外賣返到屋企食路程起碼15至20分鐘時間，所以始終會爭少少，冇即刻食咁好可選沙白或花甲粉絲，我地都選擇花甲，花甲細細隻正常味道，選擇配料分別有肥牛、餐肉、手絲雞、魚腐，全部都正常，主要係粉絲湯底，我地都選擇麻辣小辣，佢個麻辣好香，不過係唔麻嘅，小辣黎講係好微辣，如果食得辣嘅，可以叫辣啲，整體黎講係好食炸豆卜有啲乾，因為炸關係，不過都仲脆嘅，但唔推介，除非好鐘意食豆卜啦水水辣雞我估佢本身唔係脆，咬落偏向淋身，味道普通，完全唔覺辣燒茄子食開燒茄子，同樣落得多蒜，但覺得佢呢個孜然粉落得太多啦，而蒜蓉亦有少少偏向苦，我係好鐘意食蒜，佢雖然多，但個味差啲燒聖子店員送比我地食，話每日新鮮運送海鮮到店好甜，容易咬開，時間啱啱好，好食嘅整體黎講係ok嘅，不過下次唔會叫餐，散叫應該會更加好食到啲啱食嘅心水選擇，推介花甲粉絲…查看更多

講到喺美國咁出名，咁未試過點都要試下嘅，星期日下午2點左右都有位坐，唔太多人，我地選擇咗cheese burger＆ bacon burger ＆薯條，呢度冇套餐得單點15款配料免費任加，可以配合自己心水，係幾好嘅，我地選擇配料唔多，所以個飽都唔會太濕，漢堡質素就真係好一般，個牛肉冇乜汁，唔夠 juicy，味道正常，不過個價錢唔值呢種質素囉，至於薯條係好食嘅，真材實料見到薯仔皮應該唔會再黎食，最多只回頭會食佢個薯條囉…查看更多

有朋友話荃灣如心分店下午茶份量夠又好食，於是今日黎試下個下午茶生牛肉河，點不知份量好少食完唔飽，個味道係好食嘅，湯底亦都好香，不過河粉好碎，份量已經少，碎到要用匙羹先食到，而且一夾就斷開可以優惠價追加小食，不過我冇試啦唔明點解咁多人都話下午茶份量夠，連我個細食嘅同事都話食完好似冇食過咁，咁代表唔可以每日都保持住水準下次如果唔太肚餓可以食嘅，但要預咗唔夠飽囉…查看更多

下午4點幾去買外賣，外賣自取有9折，不過呢度冇下午茶午餐嗰啲套餐選擇，任何時段食都係同一個餐牌本人選擇咗香酥雞扒魯肉飯，食物質素我覺得唔錯，雞扒尚算脆香，魯肉足夠撈勻整個飯，鹹淡適中可惜服務態度需要改善，當其時冇乜人好靜，我企店舖內等候，有個阿姐行埋黎問我外賣幾多號，跟住佢話未有就出去等啦，其實出面好熱我唔太想出去等囉，而且店舖有多餘位置點解唔比多個選擇個客坐低等呢，如果多客我會出去等嘅，真心覺得要再培訓下服務質素…查看更多

下午放食飯想搵平野食，於是乎由愉景新城行過黎搵食，見到有口水雞好想食，就試下，其實見到好多人推介冬蔭公湯底嘅粉麵，不過基於想食得經濟啲又想食飯，所以今次試口水雞先啦價錢實惠，凍飲加＄2，可惜味道唔太正宗，偏向較酸味道，唔夠香，醋味重，又冇乜辣味，不過都可以接受，有機會要再試下其他…查看更多

本人用外賣自取滿$40減$20優惠，真係好抵呀，而且電話落單又方便，話就話15分鐘之後先可以取，其實10分鐘左右已經有得攞啦，有好多款味道可以選擇，我就揀咗西檸香甜酸味道，買咗6隻試，酸酸地又幾開胃，甜甜地咁，夏天好適合食，而且都幾入味下，不過整出黎個樣係有啲黑囉，唔係好靚仔咁，有啲影響視覺，唔知係咪因為過份期望所以食完之後又冇乜特別咁囉，不過都仲有興趣想試下其他味道嘅，加上本身都好鐘意食雞翼，建議可以加下啲期間限定味道，增加新鮮感…查看更多

好耐都冇行過旺中，而家多咗好多小食店，行行下見到呢間都幾出名食川菜嘅，於是叫咗份紅油抄手試下，正常紅油抄手係唔會有湯，係有個汁浸住，點知佢俾我嗰份係一碗辣味湯雲吞，我問店員個阿姐呢份就係紅油抄手呀？佢話係，我話點解有湯嘅，佢竟然話有湯先可以煮熟佢，我心諗係咪玩野呀？咁無奈都要食嘅，攪勻咗個湯同辣油之後佢似係一碗水煮雲吞不過味道唔差嘅，係一碗好正常嘅雲吞囉，只係多咗個辣味嘅雲吞，係失望在想食紅油抄手個味道，佢竟然係兩樣野，完全係估唔到佢咁唔正宗㗎，總結我係唔會再來旺中食呢間，一黎唔正宗，二黎啲回應服務好勉強下…查看更多

今日約左班朋友仔食飯，見食評講都唔錯，但非常失望，唔明點解咁多好評，被騙了！蒜香火腿絲燴長通粉完全係難食，汁還汁，長通粉還長通粉，啲汁就咁倒喺長通粉面頭，本身長通粉又冇味，啲汁又係冇乜味，又唔香！燒牛肉配田園沙律又係冇味，好似冇醬汁咁！好彩有小食食下，叫做好過冇啦，水準一般！蜜糖雞翼，冇乜蜜糖味，味道可以！未試過同呢班朋友仔食唔晒啲野，停晒手，因為大家都係唔浪費食物嘅人，另外有幾個都幾大食下，所以冇下次！…查看更多

星期日晚一家人黎食，都係屋企人提議，平時自己真係唔會黎到呢個位置，所以都真係幾靜。因為食物用料比較差，所以都唔影相。火鍋湯底叫左個皮蛋荽茜，冇乜皮蛋，用料差。食物係自助式，行出去夾幾特別，除左火鍋配料，有驚喜係仲有熟食任揀，同雪糕甜品，如果用料願意用靚啲食材，真係唔錯！肥牛啲肥膏多過肉，所以超靱，咬唔開，其他一般般，都係嗰啲，只是部份用料較差。牛油粟米老過我阿媽，咬唔爛架。驚喜在有膏蟹可打邊爐，用料新鮮架！總括短期內我都未必會再黎，因為整體都較差，而且衞生欠佳，熟食區枱布發出異味，污糟碟又同乾淨放埋一齊。以$148一位唔算貴，不過我寧願俾多$30出荃灣食好啲，最唔值係小朋友8歲要計大人價，因為呢度係計高度。…查看更多

傾開計原來有朋友同我一樣，俾啲食評引左黎食，點知大家都係嗰句"冇下次"，真係笑左出黎，佢話食物太鹹，我都覺得係！豬手雞叫左半隻，呢個好入味，最好食係呢個，不過冇影到相炒聖子，呢個冇乜特別話差，但又唔係話好正咁囉跟住等左好耐先再黎野食，呢個咸菜門鱔湯，都係一般呢個砂鍋粥，真係唔見得有幾好食，鹹到爆，完全浪費左隻蟹啲鮮味，得個鹹字，仲要$160 一個最後個菜心係最差，又苦又乾，老過我阿媽！總括：食物未見得好好食，唔知佢旺角分店係咪一樣，但一樣好肯定就係呢度員工服務態度差，眼見佢對啲客說話冇禮貌，客人唔明白咪解釋俾人聽囉，佢唔係架，完全唔憂用態度趕客走！所以冇下次…查看更多

聽朋友講尖沙咀有間食芝士撻好好食，但排隊排好耐，所以有少少卻步。今日行街無意中俾我見到呢間都有賣芝士撻，而且唔使排隊，一於買個試下，味道好香濃芝士味，唔屬於鹹香芝士，甜甜地、酸酸地、少少鹹味，味道唔錯，但因為冇比較，唔知同其他的有咩分別！…查看更多

下午同老公仔經過見到呢間甜品店主打抹茶，本人係唔鐘意食甜品，但基於對抹茶較鍾情，所以有興趣想試，於是晚飯後行返黎食。呢度寫明每位最低消費一份甜品，原本想一同分享，都變左各自叫一份。老公叫左個焙茶聖代，呢個超重茶味，甜味比較少，唔鐘意甜味嘅人就最啱，裏面一層層放左好多唔同嘅甜點。至於我就叫左個抹茶拿鐵霜淇淋，將小杯內抹茶倒入雪糕內，抹茶味非常濃郁，帶少許甜，就係我鐘意味道，茶香得來又不會太甜，正！一定會再來的，下次要試埋其他！…查看更多

因為只想食少少野，誤打誤撞走左入黎，啲服務員阿叔好親切，可惜啲食物……我只係叫左個紅油抄手($35)，通常食親覺得麻麻地都係個汁唔係我想要的，或者唔夠正宗，但都唔會難食，一定會食到有餡喺裏面，呢度呢個特別啦，我只見到成塊皮包住提子乾份量嘅餡，食落去係好似食梗塊皮，完全係食唔到有其他野，只不過個汁味道唔錯，真係浪費左個汁，當然我只食左一半就走。最特別仲要收茶位$5，同埋收加一，因為個格局環境係估唔到佢會咁！講真相信其他食物都會有好食，但係未必全部囉，亦肯定會有好多特別唔好食嘅，一碟紅油抄手都可以搞成咁！！…查看更多

food court食物價錢唔貴，要求當然不能夠太高，所以這個泡菜豆腐辣湯，係唔錯選擇。因為夏天，想食啲濕濕地嘅，唔想乾爭爭，呢個好呀，加左啲泡菜味，酸辣開胃，又有豆腐唔使咁鹹，再加啲飯食，咁就啱啱好，只係啲豬肉好'鞋'，唔好食。如果唔想食咁辣可以叫少辣架！其實四周圍都有food court,都會有韓國屋食，不過佢係有味精，但本人唔太介意，因為唔係好多，第二通常都會有架啦～…查看更多

年三十晚出黎食完飯再行個花市，不過好多店舖都已經收爐，冇開！點知見到焗薯喎，我的至愛，又未試過，好！就呢間。因為好肚餓食左啲，後來先記得影相，所以有啲係冇相。點了個2人焗薯餐：有雞翼，炸芝士條，芝士西蘭花，忌廉湯，蒜蓉包，肉醬焗薯，酸忌廉焗薯。香蒜雞翼：不過不失，只是香蒜味不夠。炸芝士條：有芝士味，但不夠香脆。芝士西蘭花：味道啱啱好，芝士味唔太濃又唔太淡，好味。肉醬焗薯：同焗薯好夾，味道不錯。酸忌廉焗薯：相反，呢個麻麻地，個酸忌廉得個酸字，本人好愛吃酸忌廉，可惜佢整得麻麻，下次唔再叫佢！之後另外再點了幾樣！蜜糖薯條：呢個好食，不過蜜糖甜左少少！一口芝士：呢個好好食，芝士味好香，又唔會太濃，外脆內軟！巴馬火腿pizza：個批脆脆的，不過不失！總括：食物質素還可以，選擇也很多元化，只要揀啱食物，就冇問題，加上好少地方有焗薯選擇咁多，可是焗薯方面要多加改善，因為主要靠汁先會味道，但係都會再黎，下次要試下其他。…查看更多