權發海鮮酒家

星期日晚一家人黎食，都係屋企人提議，平時自己真係唔會黎到呢個位置，所以都真係幾靜。

因為食物用料比較差，所以都唔影相。火鍋湯底叫左個皮蛋荽茜，冇乜皮蛋，用料差。食物係自助式，行出去夾幾特別，除左火鍋配料，有驚喜係仲有熟食任揀，同雪糕甜品，如果用料願意用靚啲食材，真係唔錯！

肥牛啲肥膏多過肉，所以超靱，咬唔開，其他一般般，都係嗰啲，只是部份用料較差。
牛油粟米老過我阿媽，咬唔爛架。
驚喜在有膏蟹可打邊爐，用料新鮮架！

總括短期內我都未必會再黎，因為整體都較差，而且衞生欠佳，熟食區枱布發出異味，污糟碟又同乾淨放埋一齊。以$148一位唔算貴，不過我寧願俾多$30出荃灣食好啲，最唔值係小朋友8歲要計大人價，因為呢度係計高度。