happylemonlemon的个人专页

平日lunch都係食茶記，見新年就嚟到，想食餐好少少嘅迎接新一年呢間燒肉喺iSQUARE睇戲成日見到，想試好耐，不過見佢舖面黑媽媽好似好陰森所以冇入到一路以為呢間淨係做放題，原來都有lunch set，見佢主打燒肉，個餐又唔貴，一於叫個三式豚肉$72試試一上枱見到三大塊豬扒，份量嚟講以咁嘅價錢都尚算抵食，加上佢唔算好厚，燒十零分鐘就食得燒完啲肉都幾嫩，不過可能醃過嚟，對我嚟講就有少少偏咸唯有撈埋啲飯食溝返淡啲味個餐除咗包飯，仲有前菜、麵豉湯同汽水跟，對我嚟講已經夠飽有突，仲食唔晒畀咗啲同行朋友總括嚟講個餐性價比唔錯，有咁多配菜都係$100蚊有找，下次可以嚟試吓佢個放題ps: 同行朋友嗌咗個醬汁牛肉，食咗少少都唔算差，lunch可以嚟多啲…查看更多

尋日遲咗去食飯，漫無目的咁去搵野食，落到去廣場地庫睇下，被一間充滿k-pop音樂的餐廳吸引咗入去。坐低後，四圍望間餐廳，再望下其他人食咩。呢間餐廳既裝修同平時去食既韓國餐廳唔同，無咗啲傳統佈置，換來係較時代感既裝潢，應該係走型格路線。又有幾部電視播放梗韓國既音樂節目，啲歌都好係快歌，應該啱晒而家去追韓風既年青人。食物方面，我見周圍既人食梗泡菜飯，飯卷，湯麵等...但反正走入咗呢間非傳統韓國餐廳，我諗都應該試啲新穎啲既野配合下，所以最後叫咗一個'冰湯涼麵'嚟試下。侍應將麵攞到嚟我面前，個樣同餐牌既相一樣，都有支唧筒插住係麵入面。我問侍應，呢支唧筒入面係咩嚟，原來係泡菜既湯汁，俾客人唧落啲麵到食，好搞笑。仲有啲麵有啲冰墊底，原來啲冰係用泡菜湯汁雪製而成，保持到冰涼之餘，又唔怕味道變淡，呢道菜好有心思，而且充滿泡菜味道，哈哈!下次可以再嚟試下其他野食，不過原來聽得多強勁音樂，會令人有啲煩...可以較細聲少少就好…查看更多

是晚約了3位朋友到沙田行街食飯，本想到新開的[鼎泰豐]一試，奈何太多人等 , 故轉移陣地到第三期的 [嚼江南]。 因為哩度有卡位可以坐得舒服些，雖然今日係星期六但一到就有位 (約九時)。已經光顧此店好幾次，所以餐牌無須多看已可點菜。湯泡小籠飽 及 醉雞 是我到這裡必食的，今次還點了 <農家小炒肉> ，<砂鍋津白>，<軟燒活魚> 及<鍋塔豆腐> 最後甜品是<奶皇窩餅>同<高力豆沙>。湯泡小籠飽 及 醉雞保持一貫水準。<農家小炒肉> 尖椒炒腩肉, 辣度適中,略嚴油太多,<砂鍋津白> , 湯底清甜配料頗多，<軟燒活魚>看圖片時見到 [橙橙o地] 色 ，以為會是酸甜的 ， 來到才知是辣的，落單時侍應又沒有提我們有點失望.但味道很好, 真是錯有錯著。<鍋塔豆腐> 醬汁不是太濃, 喜歡吃豆腐的朋友這是一個不錯的選擇。甜品<奶皇窩餅> 勝在熱辣辣, <高力豆沙> 一般。是晚進餐過程感覺不錯, 我會再來的。…查看更多