1Q84_WW的个人专页

老老實實，我通常都係食咗啲伏嘢所以上嚟俾劣評。但係今次得閒冇嘢做，決定上嚟積番啲陰德。頭先中午時段經過中環「天蓬」（之前喺同一條街嘅一間餐廳）又執鬼咗，突然見到一間黑鼆鼆嘅越南法包餐廳。入到去其實間餐廳好細間！右邊排隊嗌嘢食，去到收銀左邊就係整嘢食嘅地方之後你接近要出返門口先至有位置俾你等待。唔記得影餐牌，但係我就叫咗品味特別 (cold cut) @ $78 再加$12加要杯咖啡。 等咗三至5分鐘就已經攞得，但係因為餐廳內冇地方俾你食嘢，如果條街亦都相當污糟，所以我決定走遠啲去食。去到皇后像廣場地方寬敞好多打開包裝品嚐一下啱啱買咗外賣。首先講一講杯咖啡，幾好飲！講完講到重頭戲法包：份量其實一啲都唔多，但係味道都幾好，！如果細看一下幅圖你會見到肝醬、肉鬆、肉片、及海量嘅蔬菜！ 同平時嘅扎肉唔同，佢唔知用咗乜嘢肉片，但係非常香口。肝醬嘅味道亦都非常濃厚。個包一啲都唔硬。但係特別特別特別需要留意食個包嘅時候就算細啖都好都要確保係拗晒所有配料因為我頭先嘔咗開口嗰邊多啲嘅時候就係一啖蔬菜冇乜其他味道。最後其實講返相當滿意，如果得閒冇嘢做行開依頭我應該會再食…查看更多

見到嗎？呢個就係：”巴斯克芝士蛋糕” 佢幾流心？ 另外睇得出蛋糕個底係焗咗一次先之後佢哋再倒下一層上去焗埋剩低落去作為一個都會焗嘢嘅人，我會估計佢分開兩次倒落去係怕煮得太熟。但係點解都煮到咁熟嘅呢？真係唔明另外佢係咪巴斯克芝士蛋糕白啲嘅親戚？ 佢依個顏色真係以為係唔怕食完會生cancer🤡對比佢個廣告真係同交友app嘅照騙差唔多。想打卡就去啦想食好嘢就建議可以買東海堂嗰個會好啲同佢嘅廣告幅相真係一模一樣嘆為觀止🤯😂…查看更多

趁而家記憶猶新．．打定先！（仲坐緊喺餐廳入邊。）餐牌上邊嘅食物嘅相影得好好出到嚟嘅賣相都一樣差唔多好！(consistent🤩)特登叫咗一個以為冇得坐嘅食物結果．．哈哈睇幅相先睇落唔錯呢？ 係咪有啲想食呢？講啲嘢俾你知呀～ 如果你瞇埋眼有人喂你嘅話⋯⋯有機會你未必知道係牛肉亦都未必知道係咖喱！ 點解？ 我都想知！ 牛肋骨不嬲都好重味，但係竟然可以冇牛味．．咖喱味都冇添，笑死人肉質係一絲絲嘅煲湯肉Hallelujah。😇歡迎去打卡，啲食物影相OK 㗎📸尋找美食就可能搵另外一間餐廳好啲😉…查看更多

禮拜日下晝一點去食，裝修都幾靚，非常開陽。竟然唔駛等位…有少少擔心😮‍💨就算週末都有午套餐~！啱晒我呢啲窮人😎$70食一個午飯其實有啲貴但係食落咗之後覺得性價比👍🏻香葉肉碎煎蛋飯：好大碟! 好香，唔會太油！ 但係唔夠辣。加咗$14要咗杯「冰滴咖啡」：出奇地好飲~唔苦唔澀仲幾香添~泰式炒金邊粉(蝦肉):佢嘅金邊粉口感好好，非常彈牙(係熟嘅)。分量十足! 蝦肉亦都感到爽口唔會「梅」。但係美中不足嘅地方係佢啲蝦仁冇去腸💩。(🔥唔食得辣嘅朋友仔記住唔好一開始就撈勻全部野，因為佢哋放咗唔少辣粉喺旁邊🔥）最後仲叫咗甜品添！芒果糯米飯：好可惜佢呢個甜品變咗依餐飯嘅失分位！😱佢嘅糯米飯分開咗兩隻唔同嘅味但係份量極少！ 以佢嘅芒果份量好多但係食落有浸怪怪地嘅藥水味💉…查看更多

本身諗住去食早餐先發現原來12點先開門，11:45去到排緊第二張枱。12點入去嘅時候已經後邊有六七張枱等緊。 (早去有着數)裝修幾特別非常濃厚嘅香港感覺。舖頭唔係坐都好多人但係個別位置唔會太擠迫。打開個餐牌發現樣樣野都唔係特別平，但係試新野梗係想試多啲唔同嘅產品啦！麻辣豬皮魷魚牛柏葉：佢個湯同辣到都做得好：豬皮亦都非常好味。但係魷魚同牛柏葉就冇乜味道。(相信如果叫沙嗲味果汁掛住會好味啲)瀨尿蝦乾唔係到處有得食所以即刻叫，見到師傅仔喺隻筒入邊攞啲乾出嚟：放入鐵兜，加蠔油，撈下佢之後用火槍焦糖化。有啲難咬但係非常鮮甜。沙嗲雞湯滑牛湯麵好好味！湯唔會太杰，牛肉夠多，平衡得好好。每張枱亦都會有蠔油丶蒜油丶蝦油。加咗蒜油之後味道更佳！（湯底亦可以選擇龍蝦湯）流心奶黃蛋撻唔似蛋撻。切開左之後啲蛋漿睇到過熟，變到一粒粒。味道亦都唔似蛋撻純粹係另外一隻甜品。好肯定會再去！但係甜品就不了。。…查看更多

之前見過好多朋友去朝拜打卡影得好鬼靚，台灣滷味本身就好鍾意食！今日去到先知道只係為咗打卡⋯叫咗麵，鹽酥雞，炸甜不辣，仲有佢哋嘅招牌奶茶碗麵同入邊啲餸得個咸字，香料嘅味道接近不存在，連豉油嘅香味都冇乜。啲餸全部煮得太耐，唯一一樣好少少就係通菜。大腸煮倒冇咬口，白蘿蔔煮到好似湯渣鹽酥雞：其實係鹽酥炸粉，你好彩嘅話會搵到少少雞肉。Good Luck! 👍🏻甜不辣：仲軟過謝霆鋒整嘅雞蛋仔🤡夾住佢下垂情況比較嚴重，一啲都唔脆。招牌奶茶：去任何一間台灣嘢飲點都應該好飲過佢。好後悔浪費咗一餐喺呢間餐廳度…查看更多

Call me a germaphobe if you like... I was the only customer when I went to place my order. The cashier kid was chilling and took my order for a Nutella donut. Went over to the kitchen area to relay my order, took his mask off and started munching on snacks in the kitchen.While the food is being prepped he got a video call from someone, (still in the kitchen) took off his mask and started chatting. Told the other staff to go in to say hi to the person in the vid call..... so we got 3 folk maskless staff chatting next to my donut.... and the tray of coating sugar 🤦🏻‍♂️ The donut was warm soft and sweet, heavenly. I hope I m ok🤞 …查看更多

喺上環行返中環嘅時候經過呢間舖頭，做緊低頭族嘅我第一浸咖啡香吸引住。間舖頭非常之細原來我留意到嘅時候已經行過左一定兩間舖，入到去order左一杯Flat White但係真係冇乜空間嘅原因就出去喺街等。排我前邊仲有大概四定五杯嘢飲所以都等咗一陣。佢哋櫥窗外面有個好細嘅木板當作枱面使用，上面亦都有個煙灰盅😉。條街比較窄所以唔係太適合好多人響嗰度企，但係一兩個朋友仔都應該OK。杯咖啡奶泡細滑亦都好香，但係咖啡味就唔算濃郁。唔知係比例上嘅問題，定係咖啡豆嘅問題⋯⋯反正對比吸引到我嘅氣味爭好遠如果啱啱經過，純粹想要一杯咖啡提提神都可以考慮。但係特登過嚟就未必再會啦…查看更多

話說見到朋友個度見到塊好靚嘅扒。問一問佢究竟係啲乜?喺邊度食?貴唔貴?結果佢就同我話唔錯~最緊要係鍾意食蒜頭!!!!! (我同老婆都好鍾意食蒜頭）所以Weekend就即刻帶老婆去啦！環境唔錯，服務都唔差，係有兩條友嘅招呼奇怪咗啲囉。叫咗佢哋出名嘅garlic bread tower，結果其實都係法國麵包上邊加咗啲蒜蓉同paprika。賣相老實麻麻哋，個侍應仲問需唔需要影相添⋯我同老婆〇咗咀話＂唔使＂ 7/10分之後叫咗個牛扒porterhouse。一般來講大家嘅PotterHouse都係好大塊嘅牛扒仲要好厚嘅添。結果嚟到嗰塊扒應該同大家樂夜晚嗰啲差唔多大，味道會好少少，但係真係好鹹。啲蒜頭其實都係煮咗之後淋上去，冇真係hero佢。之後再叫咗個爛蝦炒飯，一啲都唔難，賣相亦都好差⋯放到落枱我同老婆對望左一下，＂唔係啩＂。開始食嘅時候一如所料⋯唔好食，仲要勁鹹！為咗唔好嘥野，最後都有食完⋯返到屋企之後同老婆飲咗好多杯水因為勁口渴！…查看更多

同朋友去聚會，首先係OpenRice book咗。應該就有全張單九折，但係一句（冇update到）就算。禮貌好一般說話嘅內容有禮貌但係語氣好差。嘢食唔好食，收走碟野嘅時候亦都有問返啲嘢係咪唔啱食。但係問完就算話會同廚師反映下。四人餐嘅加錢甜品，芒果羅米飯應該係兩人份量⋯⋯唔係應該係一人份量！叫咗四人餐：有大嘅頭盤拼盤但係啲嘢有啲重。有個咖喱雞，但係比較似雞加咖喱顯汁，啲雞仲有勁老！亦都有牛肉都好老⋯反正就係乜都煮太耐，夠唔夠味。…查看更多