燈籠滷味 (登龍街) (已結業)

之前見過好多朋友去朝拜打卡影得好鬼靚，台灣滷味本身就好鍾意食！

今日去到先知道只係為咗打卡⋯
叫咗麵，鹽酥雞，炸甜不辣，仲有佢哋嘅招牌奶茶

碗麵同入邊啲餸得個咸字，香料嘅味道接近不存在，連豉油嘅香味都冇乜。啲餸全部煮得太耐，唯一一樣好少少就係通菜。大腸煮倒冇咬口，白蘿蔔煮到好似湯渣

鹽酥雞：其實係鹽酥炸粉，你好彩嘅話會搵到少少雞肉。Good Luck! 👍🏻

甜不辣：仲軟過謝霆鋒整嘅雞蛋仔🤡夾住佢下垂情況比較嚴重，一啲都唔脆。

招牌奶茶：去任何一間台灣嘢飲點都應該好飲過佢。

好後悔浪費咗一餐喺呢間餐廳度