chow928的个人专页

出到黎深水埗，就會見到好多唔同風味嘅特色小店可以揀，最後同朋友決定黎呢到食下平時冇乜食開嘅印尼菜，叫左印尼海鮮炒米粉($79)、招牌椰漿飯($79)、沙嗲雞肉三串($59)、馬拉棧通菜($59)、牛骨牛丸湯($69)、凍咖啡($18)、牛油果沙冰($39)內裡環境簡約，都幾光鮮企理😄印尼海鮮炒米粉：一上枱已經聞到香料炒香嘅味道，米粉唔會太濕亦唔乾巴巴，配料有蝦、魷魚、煎蛋、蔬菜、蝦片等，啖啖都食到料。炒得夠鑊氣，仲有微微辣勁幾惹味😋招牌椰漿飯：呢個絕對係招牌之選！椰漿飯以尖塔造型呈現，賣相已經夠吸引😍香濃椰漿飯配埋青瓜、蛋同辣醬、椰漿雞肉、牛肉、豆腐、豆角蘿蔔等，仲有大大件炸雞髀，份量十足相當抵食🤤辣醬可以話係靈魂之一，帶少少甜辣，搽落飯度一齊食真係邪惡到冇得輸沙嗲雞肉三串：雞肉燒到啱啱好，外焦內嫩，配埋花生沙嗲醬好香濃，仲有陣微辣，濃味得嚟又唔會蓋過雞肉本身嘅肉味😉馬拉棧通菜：通菜炒得好爽口，棧醬鹹香重口味，每條菜都掛住醬汁，送飯一流😎牛骨牛丸湯：叫之前仲以為係肉丸湯，點知原來仲有麵底喺裡面，湯底清香中帶少少胡椒味，骨棒大大件，原來係以牛肉漿包圍整成，幾特別，牛丸彈牙帶肉汁😁大合照🥰 凍咖啡：咖啡香濃滑口，飲完即刻醒晒！平時鍾意食辣嘢但唔夠涼飲，呢杯可以幫你 balance 番個味😄牛油果沙冰：牛油果沙冰好足料，飲落去夠滑夠濃，仲有啲煉奶同朱古力醬甜味，食完咸嘢嚟杯呢個真係 perfect ending😉呢到仲要免加一，價錢經濟抵食，份量足、味道香濃，D野食仲要做得夠地道，味道好有印尼街邊店嘅 feel。下次想食啲唔同style，就一定要黎幫襯下👍🏻補MENU…查看更多

呢到非常適合想約朋友一邊打邊爐一邊聚會傾計而又唔會太趕，今次我地揀左最豐盛嘅 D4.日本黑毛和牛套餐(成人$898/位），而家做緊半價優惠，同埋足足有 240分鐘可以任飲任食，慢慢享受，真係無限放題嘅極致享受！由於全層都係間餐廳，所以空間夠大👍🏻自助區拎野食，已經好方便地分好一兜兜份量可以拎醬料區甜品雪糕飲品區：罐裝飲品、紙包飲品、啤酒都有好多款可以飲😁先送上頭盤刺身拼盤，有珍寶帶子、赤蝦、希靈魚、榮螺、三文魚，鮮甜肥美😋食完覺得唔夠滿足，仲有鮑片、吞拿魚、馬刀貝、赤貝、劍魚腩、甜蝦、八爪魚、鯛魚可以自己繼續落單ENCORE，以火鍋店黎講刺身款式選擇都幾多👍🏻然後再黎雞煲(小辣)，雞肉嫩滑，微微辣度刺激味蕾，開一開個胃準備黎緊嘅火鍋😄海鮮選擇都超豐富，有海蝦、廣島蠔、帆立貝、墨魚滑、海蜆、蟶子、日本魷魚、黃金螺，全部都係新鮮到不得了😎鮑魚同海蝦彈牙爽口，廣島蠔、帆立貝嫩滑鮮甜，海蜆同蟶子都處理得好冇咩沙👍🏻龍蝦大大隻，極為吸引🤩湯底 選擇咗 壽喜燒湯底，甜甜嘅醬油味最啱用嚟涮高質牛肉😄主角日本A4黑毛和牛肉質柔嫩，油脂分佈完美，輕輕涮一下已經入口即化，肉味香濃，唔需要額外醬料已經夠味，超高級享受🤤澳洲M5和牛亦都唔輸蝕，香味十足，真係每一塊都充滿享受😎大合照🤩揚物：炸餃子棒、炸薯格、網絲春卷、炸吉列魚手指等炸到金黃香脆，唔會太油膩😉炸蝦天婦羅 ，蝦身保持彈牙口感😋燒物：鹽燒虎蝦夠晒香口，蒜香雞中翼味道濃郁最後梗係要嚟啲甜品，放題仲可以任食 Häagen-Dazs 雪糕，又或者自助區D雪糕都有好多口味選擇，大滿足🥰集雞煲、刺身、壽司、海鮮、肉類、燒物、揚物、清酒任飲於一身，仲要食材新鮮、選擇多樣，最重要係240分鐘夠時間慢慢享受，夠晒爽🤩補MENU…查看更多

龍亭呢間日式鐵板燒餐廳就好似佢門面咁，平實簡約，但有種靜靜地奢華嘅感覺，每一道菜都做得好有心思，呢餐廚師發辦套餐，由頭到尾都係一場味覺旅程😉店內空間唔算太大，有得揀嘅話一定坐吧枱最開心，可以睇住師傅表演😁煙三文魚沙律菜中華沙律配魚子醬：開場就已經唔簡單，煙三文魚油香十足，配埋爽口沙律菜同中華沙律，再加啲魚子醬點綴，鹹香層次即刻拉高，食落清新又唔失氣派😋馬糞海膽配玉子豆腐：呢個組合真係邪惡，馬糞海膽鮮甜濃郁，配埋滑溜溜嘅玉子豆腐，入口即化，海膽味滲晒入豆腐入面，超正🤤法國生蠔配馬糞海膽：生蠔夠大隻，配上海膽同三文魚籽，鮮味爆棚，伴碟有檸檬片、芥辣、魚子醬可以選擇調味，食法自由度高，酸辣鹹香自己揀，啖啖都係海洋嘅鮮味😍呢道鐵板燒菜式都幾精彩海膽香煎鮑魚： 鮑魚煎到外脆內嫩，海膽香濃唔膩，鮮味DOUBLE UP👍🏻北海道帶子配海膽：帶子厚身而又咬落JUICY，香煎過後帶出鮮甜，同海膽一齊食味道好有層次🥰黑松露蘑菇：香氣撲鼻，簡單得黎做出一種高級演繹😄 和牛薄燒卷：全晚焦點之一，睇住師傅烹調時產生出嘅熊熊大火，好有氣氛🤩和牛我地揀左五成熟，牛肉嫩滑，捲住大量蔥蒜粒，一咬落去爆香，配埋蘆筍清新解膩😋配菜方面，海膽鵪鶉蛋蘑菇係邪惡組合，燒粟米仔同脆玉瓜就清新解膩，整體配搭好BALANCE😉花膠藥膳燉湯：湯底清甜，花膠滑溜，藥膳味唔會太濃，飲落去暖胃又滋補😄蟹籽三文魚籽海鮮炒飯配香煎蘭王蛋：炒飯粒粒分明，蟹籽三文魚籽爆口，海鮮味濃郁，配埋煎到微焦嘅蘭王蛋，蛋香同飯香互相提升，幾有滿足感😋檸檬柚子菠蘿雪葩：甜品方面，呢個雪葩酸酸甜甜，柚子清香、菠蘿果味突出，食完即刻REFRESH晒，完美收尾🥰日本清酒：清酒香氣柔和，唔會太烈，飲落去順喉，啱晒配海鮮同鐵板燒，提升整體味道😁龍亭呢個廚師發辦套餐真係由頭到尾都冇冷場，食材高質，火候準，味道有層次，擺盤精緻，係一場高級但唔浮誇嘅鐵板燒體驗👍🏻想同另一半或者朋友嘆返餐靚嘢，呢度絕對值得幫襯😎…查看更多

火鍋放題就好常見，但呢到居然係做緊火鍋+點心無限時放題($215/位)，唔使趕時間慢慢食，仲有啲驚喜位，真係抵到笑😎好經典嘅中式茶樓裝修除左點心紙落單之外，出面仲有自助區可以拎火鍋配料，蔬菜等熟食小食區醬料區飲品區：飲品方面選擇夠晒多，有罐裝茶或汽水、玻璃樽懷舊汽水、維他奶、啤酒等任你拎雪糕櫃雙冬羊腩煲：火鍋湯底有多款選擇，最驚喜就係有得免費升級做雙冬羊腩煲，呢個真係誠意爆棚🤩羊腩炆得夠腍，冇羶味，冬菇冬筍吸晒湯汁，啖啖精華。湯底濃郁又暖胃，食完先正式開波打邊爐，感覺好似先嚟個前菜咁，超有儀式感😉呢到嘅點心款式選擇唔算少，質素仲要都幾好👍🏻常滿蝦餃皇：皮薄餡靚，蝦肉爽口，唔會太粉鮮蝦燒賣皇：蝦味濃郁，豬肉比例啱啱好蠔皇叉燒包：包身鬆軟，叉燒餡甜中帶鹹，唔會太膩招牌小籠包：一咬爆汁，唔燙口但夠味鮮竹牛肉球：牛肉夠彈牙，鮮竹香氣加分薑蔥牛柏葉：爽口冇腥味，薑蔥味夠突出酸甜炸雲吞：外脆內香，酸甜醬汁好開胃豉汁蒸鳳爪：炆得入味，骨膠原滿滿，啖啖黏口火鍋配料，牛肉海鮮樣樣齊😄牛展拼牛脷、精選肥牛、本地滑牛：牛味濃郁，口感各有特色，涮一涮就食得😋海生蝦、脆肉鯇魚：海鮮新鮮，蝦爽魚滑，冇腥味豚肉片：油脂分佈唔錯，唔會太肥鯪魚球、墨魚丸：手打丸彈牙，咬落去有料鬼馬釀百花：炸豆腐釀蝦膠，外脆內滑，落湯煮一煮更正唔想成晚淨係打邊爐，可以去自助區拎啲熟食雞翼、雞軟骨、豬皮蘿蔔魚蛋：全部都係港式街頭小食 feel，味道唔錯，啱晒邊爐中場休息😄片皮鴨：重點嚟啦！每晚大約8點，就會有職員同人講自助區有片皮鴨可以拎，真係好似打邊爐BONUS ROUND，記得要去拎🥰鴨皮脆口，鴨肉嫩滑，配埋甜麵醬同薄餅皮，自己包住食，儀式感十足🤤甜品：食完咁多嘢，嚟杯雪糕收尾先至完整。出面有多款口味可以揀，今次就食益力多味，酸酸甜甜，清新解膩，唔會太甜，啱晒做最後一擊😋常滿百家菜呢個 火鍋 + 點心不限時放題 真係抵食又好玩，仲有啲驚喜位(例如片皮鴨、羊腩煲)，食足一晚都唔會悶。無論你係打邊爐控、點心控、定係純粹想搵個地方慢慢食、慢慢傾，呢度都啱晒你👍🏻補MENU…查看更多

牛氣一直都係高人氣嘅水準火鍋放題餐廳，有唔同等級嘅放題套餐可以揀，豐儉由人，今次我地揀左LV4澳洲穀飼黑安格斯牛、SRF美國極黑牛同海鮮套餐($338/人)，120分鐘任飲任食，肉類海鮮齊備，簡直係夢幻級放題😍內裡空間超大，唔會坐到好逼，乾淨企理，食得幾舒服👍🏻自助區：多款火鍋配料、本地水耕菜、今期期間限定主題韓風祭小食等，勁多野可以拎😍關東煮醬料區甜品區：有糕點、大福、雪糕、棉花糖等飲品區：選擇都唔少，有茶類或汽水類飲品，我幾中意罐韓國橙汁😉食物陸續到齊，大合照🤩湯底：今次我地揀左味噌海老鹽湯，鹹香適中，帶有濃郁蝦味，入面仲有味噌提升湯底層次，無論涮肉定煮海鮮都好啱口味😁肉類：今次揀左LV4套餐，當然主打澳洲穀飼黑安格斯牛😎油花分佈靚，肉質嫩滑，食落牛味香濃，真係極品🤤SRF美國極黑牛一樣高質，極黑牛肉質細緻，入口即溶，令人食過翻尋味😍至於PRIME美國肩胛肉眼食落都幾香牛味，質素唔錯😄牛舌爽口彈牙，口感幾好海鮮：LV4或以上嘅套餐就包埋海鮮放題，選擇都唔少，有花膠、青口、大海蝦、墨魚滑、爽脆水魷、脆鯛魚片、竹笙蝦滑、小刺參、海鮮蝦滑😉全部都係新鮮彈牙。墨魚滑、蝦滑口感細滑，花膠超級補身，煮完吸晒湯底精華，鮮甜惹味😋火鍋配料：必食手打黃金蝦丸，蝦丸彈牙鮮味十足，咬開裡面就有鹹蛋黃，邪惡惹味，每一啖都係幸福😎牛骨髓放入鍋裡滾一陣，味道變得更濃厚，口感唔錯👍🏻小食：有三文魚刺身可以ORDER過下刺身癮，肥美鮮甜，入口滑溜😄山椒拌魚皮食落爽口又帶少少辛香，醒胃又開胃😋醬油熟蝦蝦肉彈牙，鹹香適中，充滿韓式風味甜品：除左自助甜品區外，我地點左鮮柚楊枝甘露，清新解膩，柚子味同楊枝甘露融合得好完美👍🏻十勝紅豆豆乳冰豆花，紅豆香甜，豆花滑溜，係完美收尾🤩牛氣真係一間高CP值火鍋放題，啲肉質鮮靚，海鮮夠高質，職員都好有效率，夠主動提供紙巾同幫手加湯，食得舒服盡興，值得一再ENCORE🥰題外話：喺FB/IG留言仲有御守送，都幾精美用心👍🏻補MENU…查看更多

Couch CLUB 呢間店真係有種「坐低唔想走」嘅魔力🤣呢到有得自選便當，價錢由$128起，就可以主食x1＋肉類x2＋蔬菜x2＋飲品x1 任你配，仲可以加錢升級其他項目，啱晒鍾意自由配搭嘅朋友，今次同朋友分別都叫左自選便當($128)*2、宇治抹茶牛角窩夫($88)、鯛魚燒芭菲($78)裝修走日系簡約文青風，環境舒服，提供梳化座位，啱晒慢慢歎餐靚飯😁自選便當1：木魚湯烏冬 + 手打雞肉餅配牛油香蒜日式菇汁 + 烤牛肩胛(+$18)+ 秋葵醬油漬 + 山葵山藥漬 + 洋甘菊香柚綠茶呢個配搭走清新路線，木魚湯烏冬湯底清甜，烏冬煙韌唔糊口，食落好舒服。手打雞肉餅係亮點之一，肉質扎實，配埋牛油香蒜菇汁，香氣十足，好有日式居酒屋 feel😉烤牛肩胛加錢都值得，肉味濃郁，燒得啱啱好，唔會太乾😋秋葵醬油漬爽口解膩，山葵山藥漬微辣微嗆，口感滑溜，幾有驚喜👍🏻自選便當2：日本珍珠米 + 生薑五花腩片 + 唐揚炸雞配自家製他他醬 + 桂花糖漬蕃茄(+$8)+ 椒鹽玉子豆腐 + 洋甘菊香柚綠茶呢個就係邪惡版便當，珍珠米粒粒分明，口感煙韌，配咩都夾。生薑五花腩片肥瘦分明，薑香滲入肉中，食落去唔會膩。唐揚炸雞外脆內嫩，自家製他他醬酸酸甜甜，好開胃🤤桂花糖漬蕃茄係季節限定，酸甜中帶花香，幾特別🥰椒鹽玉子豆腐外層微脆，內裡滑溜，鹹香味啱啱好😄大合照🤩飲品方面，我地揀左洋甘菊香柚綠茶，清香解膩，飲完成個人都好舒服😎宇治抹茶牛角窩夫：牛角窩夫外脆內鬆，抹茶味濃郁但唔苦，配埋紅豆麻糬，甜度啱啱好，食完有種幸福感🥰鯛魚燒芭菲：賣相吸引，打卡一流😍鯛魚燒外皮香脆，入面係吉士餡，甜度啱啱好😋下面係芭菲層層疊，有雪糕、粟米片、有啲脆脆、果凍等，層次豐富，食落去有啲似甜品版嘅日式早餐，幾有趣😎Couch CLUB唔止係一間打卡餐廳，食物真係有質素，便當配搭夠自由，甜品又有創意，價錢合理，環境舒服，啱晒想慢慢食、慢慢傾嘅你👍🏻下次想hea住食好嘢，最啱一班朋友慢慢歎住傾偈，真係 couch 咗都唔想走😝補MENU…查看更多

黎到芝加哥串燒酒場，最啱同朋友CHILL住食串燒飲杯嘢，MENU方面都有好多選擇😎今次我地叫左紙鷂雞皮($19)、豚肉串燒SET($98)、招牌茄子燒($42)、忌廉蟹肉薯餅($26)、招牌珍寶生蠔串($68)、燒肉鬆小貝吐司($19)、蔥燒半殼扇貝($55)、蜜汁燒黑豚肉($42)、汁煮牛舌($22)、炸饅頭($23)、蜜糖雞翼($22)、炭燒左口魚珍珠飯($128)、燒宮崎雞腿扒珍珠飯($88)、Peach Mojito($128)、Pina Colada($128)裝修型格得嚟又唔失親切感，幾有氣氛😉食物陸續送到，非常豐富🤩汁煮牛舌：牛舌煮得夠腍，汁料入晒味，食落去有啲似日式燉牛舌，唔係燒嘅但一樣好食😋燒肉鬆小貝吐司：小貝吐司燒到微脆，面頭鋪滿肉鬆，鹹甜交錯，食落去有啲似 fusion 版嘅港式早餐😄蔥燒半殼扇貝：扇貝新鮮，蔥香味濃，燒得啱啱好，唔會過熟，食落去 juicy 又有鮮味😋蜜汁燒黑豚肉：蜜汁燒得好均勻，黑豚肉油脂分佈靚，食落去甜中帶鹹，肉質嫩滑😋豚肉串燒SET：呢個 combo 有極品即燒乳豬、荔枝豚肉卷、椒鹽日本黑豚、炭燒豬頸肉，真係抵食又精彩！乳豬皮脆肉嫩，荔枝豚肉卷香氣十足，黑豚肉鹹香夠味，豬頸肉就啖啖肉汁，燒得啱啱好，四款口感層次豐富，各具特色😍蜜糖雞翼：雞翼燒得香口，蜜糖味唔會太膩，皮脆肉嫩😋招牌珍寶生蠔串：生蠔夠大隻，燒完之後仲保留到鮮味，配埋特製醬汁，鹹香中帶少少辣😉炸饅頭：外脆內鬆，炸得唔油，配埋煉奶一齊食，甜甜地好有童年回憶😄忌廉蟹肉薯餅：薯餅入面有蟹肉同忌廉，味道creamy得嚟唔膩，啖啖都食到蟹香👍🏻紙鷂雞皮：呢款真係薄得嚟脆得癲，入口即化，鹹香味勁突出，好似食緊炸紙咁，唔油膩，一啖接一啖，幾有驚喜😎招牌茄子燒：茄子燒得好入味，外皮微焦，內裡軟熟，配合埋微辣嘅蔥蒜香味，係素食之選都唔失禮😋炭燒左口魚珍珠飯：左口魚燒得油香好香，魚肉滑溜，配埋珍珠飯一齊食，飯粒煙韌，仲有少少醬汁拌飯😄燒宮崎雞腿扒珍珠飯：雞腿扒厚身 juicy，燒得香口，珍珠飯吸晒雞汁，食落去好滿足🤤Peach Mojito：呢杯cocktail清新得嚟有啲果香，桃味唔會太甜，薄荷味好醒神，飲完即刻 refresh，配串燒一流😎Pina Colada：椰香同菠蘿味好平衡，creamy 得嚟唔膩，飲落去有種度假 feel，係串燒場飲到呢杯真係 bonus😍食左一堆串燒同小食，款款都好有心思，味道唔止夠惹味，價錢合理，環境又舒服，下次再嚟一定要食埋佢其他特色串燒先得🔥🍢補MENU…查看更多

今日約左港島區返工嘅朋友食LUNCH，呢到嘅午市套餐會跟配麵豉湯及沙律，我地揀左究極丼($208)、壽司定食配烏冬($168)、明太子芝士玉子燒($78)、帶子他他炸串($38)店鋪座位唔算太多，基本上都座無空席，所以想食嘅話記得預早少少黎拎飛等位😉午市套餐配麵豉湯及沙律：基本配置已經唔馬虎，沙律清爽開胃，生菜脆口，加埋少少和風醬汁幾開胃。麵豉湯飲落唔錯，先暖下個胃😄 究極丼：呢個丼真係賣相同內容都好霸氣！有赤蝦、三文魚、吞拿魚蓉、海膽、三文魚籽、帆立貝、油甘魚，再加埋海苔天婦羅，一碗丼飯有齊咁多刺身果然究極🤩食之前將海苔蛋黃醬淋落去丼飯，鹹香creamy感爆表，好有層次👍🏻海鮮全部都新鮮到不得了，帆立貝、赤蝦鮮甜彈牙，三文魚、油甘魚幾肥美，海膽冇腥味夠甘香。底下壽司飯酸度適中，唔會搶味，成個丼飯可以慢慢享受🤤 壽司定食配烏冬：壽司有6件時令壽司同2件軍艦壽司，今次食到嘅包括三文魚、拖羅、油甘魚、赤蝦、帆立貝、右口魚邊醬油漬，仲有三文魚籽軍艦同蟹肉軍艦。每件壽司都手握得好靚，壽司飯唔會過大粒，魚生新鮮冇得彈，右口魚邊醬油漬入口即溶兼且夠惹味，好正😍軍艦壽司爆滿，三文魚籽爆口，蟹肉甜美😋至於烏冬，湯底清甜，烏冬煙韌唔糊口，食完好暖胃，加分位👍🏻大合照😎明太子芝士玉子燒：玉子燒整得好有水準，內裡半流心狀態夠滑溜，芝士溶到啱啱好，明太子嘅鹹香滲晒入蛋中，食落口感超豐富，好邪惡但好幸福😍 帶子他他炸串：睇落賣相簡單，但味道幾出色，外層炸到酥脆，入面係帶子他他，口感滑溜又鮮味十足，表層加左D醬同魚籽提味，唔止係炸物咁簡單，有驚喜👍🏻午市套餐選擇多、用料夠晒新鮮，而且款款都好有心思，難怪座無空席，人氣高企😉補MENU…查看更多

今次黎到粗菜館食地道熱炒同家常小菜，我地叫左老火例湯($108)、小炒皇($118)、蔡瀾鹹魚醬茄子煲($88)、惠州梅菜扣肉($98)、山楂醬排骨($95)、香煎蓮藕餅($108)、豬油撈飯($20)、絲苗白飯($10)傳統中式餐館裝修風格老火例湯 ：今日係青紅蘿蔔粟米豬骨湯，簡直係住家嘅味道。湯色金黃清澈，飲落清甜順喉，青紅蘿蔔煲到腍晒又入味，粟米香甜，豬骨夠晒淋，真係啖啖滋潤😄小炒皇：鑊氣十足，魷魚鬚彈牙、蝦乾鹹香、腰果香脆，韮菜爽口，炒得惹味之餘又唔會太油膩。一上枱就香氣四溢，撈飯一流👍🏻蔡瀾鹹魚醬茄子煲：鹹魚醬香氣撲鼻，茄子吸哂精華，煮得夠晒腍身入味。底層啲汁撈白飯真係邪惡惠州梅菜扣肉：扣肉肥瘦分明，梅菜甜中帶咸，濃味但唔死鹹。肉炆到腍腍地，咬落即散，配埋啲梅菜吸咗肉汁，鹹香兼備，配碗豬油撈飯一齊食簡直絕配🤤山楂醬排骨：呢味玩味幾特別，排骨炸香先再煮，外層微脆，山楂醬酸酸甜甜，好開胃。唔會太甜膩，仲有啲果香平衡咗油膩感，好啱夏天食😋香煎蓮藕餅：蓮藕餅手工感好重，每塊都厚厚實實，表面煎得金黃，咬落有啲蓮藕粒粒口感，內餡鬆軟又有肉香，夠晒惹味，仲帶少少香芹提升層次😉豬油撈飯：香氣撲鼻，豉油鹹香同豬油嘅滑溜感完美融合，邪惡到不行😍大合照🤩總結嚟講，粗菜館係一間專注將懷舊味道煮得精緻又實在嘅地方，冇咩多餘裝飾，但每一味都食得出心機。想搵返啲舊香港味道，呢度絕對值得一試！補MENU…查看更多

突然好想食下海南雞飯，好自然就諗起好有名氣嘅天天海南雞飯，一於同埋朋友黎開餐先，呢次我地叫左酥炸椒鹽板豆腐($49)、黑胡椒羅氏蝦粉絲煲($149)、天天海南雞(中份)($169)、雞油飯(碗)($23)、豆花椰奶咖啡($35)、茶位($10/位)*2先放低壺茶，飲落茶香撲鼻內裡乾淨企理，仲會見到牆嘅位置貼滿唔少名人合照，顯得人氣十足😄食物齊晒當然影返張大合照😁酥炸椒鹽板豆腐：呢個板豆腐係外脆內嫩嘅完美代表。炸到金黃香脆，入口先係酥脆嘅口感，跟住就係豆腐滑溜嘅細膩口感，再配上椒鹽嘅鹹香，再點埋醬汁黎食，簡直係小食之選😋黑胡椒羅氏蝦粉絲煲：呢道菜一上枱已經聞到濃郁嘅黑胡椒香氣，羅氏蝦大大隻，新鮮彈牙，味道鮮甜。粉絲吸晒濃濃嘅黑胡椒醬汁，夠晒惹味🤤天天海南雞(中份)：呢度嘅海南雞可以話係招牌菜，雞肉鮮嫩滑溜，雞皮啱啱好啲啲膠質，夾埋秘製醬汁，真係越食越上癮😍中份啱啱好夠兩個人分享，唔夠滿足仲可以選擇大份添😉雞油飯(碗)：配海南雞當然要加碗雞油飯啦！飯粒煮得剛好，粒粒分明，又吸晒雞油嘅香味，食落去真係無敵好味。淨係食飯都想加多一碗👍 豆花椰奶咖啡：呢杯豆花椰奶咖啡係我嘅心水推介！咖啡嘅醇香加埋椰奶嘅清甜，仲有滑嫩嘅豆花，三重口感一齊落，既特別又refreshing，絕對係一個驚喜😍呢到最出名嘅海南雞飯當然出色，但其他菜式同飲品一樣高水準，遲D有機會再約朋友食埋其他菜式先得😊補MENU…查看更多

慶祝情人節，就畀人帶左我黎到呢間餐廳😆今次我地揀左香烤西班牙八爪魚腳伴加泰隆尼亞紅椒堅果醬($188) 、鮮甜藍蟹肉扁意粉($168) 、澳洲M3和牛肉眼扒($428) 、COCKTAIL: ONE THOUSAND & ONE NIGHT($168)、ARCADIA ($168)餐廳裝潢高雅，每個角落都透露住細緻嘅品味，充滿浪漫同神秘氣氛，絕對係約會同慶祝嘅好地方🥰佢室外嘅露台位，仲可以飽覽維港海景🤩情人節少不了嘅花朵擺設🌹今次黎到仲有LIVE SHOW，幾有氣氛😄先送上NUTS，夠晒開胃😄香烤西班牙八爪魚腳伴加泰隆尼亞紅椒堅果醬：呢道菜一上枱就令人眼前一亮，八爪魚腳烤得香口，外層略帶焦香，內裡依然保持嫩滑。而伴碟嘅紅椒堅果醬帶有獨特嘅香氣，搭配八爪魚腳食落去真係絕配，每一啖都好有層次感😋鮮甜藍蟹肉扁意粉 ：呢個扁意粉賣相都有悉心點綴過😍扁意粉煮得剛好，唔會過淋，口感彈牙，加上藍蟹肉嘅鮮甜，令到個意粉味道有所提升，正😋澳洲M3和牛肉眼扒：今次我地落單點左5成熟，和牛肉眼扒肉質鮮嫩多汁，烤得外焦裡嫩，每一啖都充滿咗和牛嘅香氣，味道濃郁，基本上就咁食已經好夠味，另外仲可以點埋伴碟嘅醬汁黎食，有另一番滋味，非常滿足🤤就連伴碟嘅薯蓉、車厘茄同蘆筍等都一樣出色，呢碟菜真係值得推薦👍🏻相信好多人黎得呢到，都一定會嗌返D 好吸引嘅COCKTAIL😆ONE THOUSAND & ONE NIGHT：呢款COCKTAIL真係充滿魔幻色彩，用上阿拉丁神燈造型做器皿，然後點火後嘅效果非常夢幻，好似置身於一千零一夜嘅故事之中🥰新鮮嘅熱情果配合伯爵茶嘅香氣，味道清新而濃郁，造型同味道都值得滿分🍹ARCADIA：呢款雞尾酒同樣令人難忘，水晶球微模型世界，用上小王子角色做裝飾，更加令雞尾酒充滿住故事，增添咗占卜嘅神秘感，好有特色🍸裸鑽威士忌浸泡馬達加斯加雲呢拿，帶出柔和嘅桃子同櫻花香，味道豐富而細緻😎大合照🥰總括嚟講，ARCADIA無論每一道菜，COCKTAIL，或者環境裝飾等設計都充滿心思同創意，賣相同味道一樣出色，絕對係約會同慶祝嘅好地方，一定會帶畀你一個難忘嘅美食體驗🥰👍🏻另外見到佢都有D新嘅COCKTAIL、SHISHA同TEA SET，有機會都要黎再先得😉補MENU…查看更多

今次同朋友黎呢間扒房開餐，見門面已經有好GRAND嘅感覺😉我哋叫咗兩款SET：$398 嘅 Set Dinner，揀左凱撒沙律(雞)、牛肝菌野菌忌廉湯 配 OX牛骨髓牛油包、香煎澳洲PR級草飼肉眼(8 OZ)、凍檸檬茶，同埋 $598 嘅 Tasting Menu，揀左煙三文魚沙律配蜜糖芥末醬、牛肝菌野菌忌廉湯 配 OX牛骨髓牛油包、黑松露鵝肝威靈頓牛柳、特濃開心果麻糬杯、凍檸檬茶內裡裝修環境同樣以藍色同金色做主題，好有格調感覺幾高級😍煙三文魚沙律配蜜糖芥末醬：煙三文魚捲以花朵造型，幾有心思，鹹香味啱啱好，配埋蜜糖芥末醬甜甜地又唔搶味，沙律菜新鮮爽脆，開胃一流😄凱撒沙律(雞)：雞肉煎得香口唔乾身，配埋爽脆生菜、巴馬芝士同香脆麵包粒，醬汁唔會太膩幾開胃😃牛肝菌野菌忌廉湯 配 OX牛骨髓牛油包：牛肝菌味濃郁，忌廉打得滑溜唔膩，飲落去好有層次，幾出色😉麵包搽上牛骨髓牛油，香到不得了，點埋湯一齊食簡直係靈魂配搭😍主菜到齊🤩黑松露鵝肝威靈頓牛柳：呢道菜真係高級感爆棚，外層酥皮焗到金黃酥脆，切開入面係粉嫩牛柳同香滑鵝肝，仲滲住黑松露香氣，三重享受一次過滿足晒。每一啖都係奢華嘅味道🤩香煎澳洲PR級草飼肉眼：肉眼扒煎到外焦內嫩，肉味濃郁，草飼牛嘅香氣好突出，本身唔使點醬都好夠味，點埋醬就另一番風味😋熟度控制得好準，切開仲見到靚靚粉紅色，啖啖肉汁，滿足感爆燈🤤特濃開心果麻糬杯：甜品方面都唔馬虎，開心果味超濃郁，麻糬煙韌得嚟唔黏牙，面頭仲有D開心果碎，層次感豐富，收尾收得好靚👍🏻凍檸檬茶：簡單但解膩，甜漿分開上可以按口味黎加落去😁晚市時段而家仲有88折優惠，總結嚟講，呢到無論係食材、火候、擺盤定服務都做得好出色，係一間你會想再返嚟嘅餐廳，約會、慶祝、或者純粹想獎勵自己都啱晒🥰 補MENU …查看更多

被同樣係雞翼控嘅朋友約埋一齊過黎瘋狂食雞翼，夠晒盡興🥰呢到有散叫拼盤或者放題選擇，今次我地揀左10款口味雞翼放題(平日$188/人)，任食90分鐘，真係畀你極限挑戰食量同埋味蕾。每款雞翼都各有特色，想試盡世界各地風味，一定要嚟呢度！店鋪空間唔算太大，座位唔會太多，所以想食嘅話就訂定枱穩陣D😉本身包埋任飲汽水，或者可以加$10升級任飲凍檸檬茶，夠晒冰凍解渴，食咁多雞翼落肚都冇咁熱氣感覺😆首輪田園風味：口味走清新路線，帶有酸忌廉淡淡香味，唔會太過濃味，食完覺得好自然舒服😄泰式甜酸醬：酸酸甜甜，帶少少微辣，同雞翼非常搭配！泰式醬汁入晒味，雞翼咬落去仲有啲黏口嘅效果，非常惹味，私心推薦🤤咖啡燒烤醬：帶有淡淡咖啡燒烤香，食落去有少少焦糖化嘅甜味，然後帶微微嘅苦韻，係一個意想不到嘅新鮮口味😄紐奧良香粉：充滿南部風情，紐奧良香粉帶有少少辛香料味道，口感厚實，雞翼外皮炸到微脆，咬落去香氣四溢😉加州風情：撒上左芝士粉，蒜香、芝士咸香同雞翼味道好夾😋黑椒檸檬：檸檬嘅清新加埋黑椒嘅微辣，配埋香脆嘅炸雞翼，呢款味道平衡得好好，食落去冇咁油膩，係一個比較清爽嘅選擇😋第二輪同第三輪水牛城醬：絕對係最經典嘅美式雞翼口味！酸酸辣辣，加埋微微嘅牛油香，食落去勁惹味，完全重現正宗美國酒吧雞翼嘅感覺😍死神醬：真係死神級挑戰！辣度極高，食完真係會逼你狂飲野！如果你係嗜辣人士，呢款絕對係必試，不過要有心理準備，真係會有啲上頭🔥中式海鮮醬：充滿地道中式風味，海鮮醬濃郁，帶有鹹鮮味，雞翼吸收晒醬汁，好有層次，食完仲有少少回甘👍🏻蒙古燒烤：蒙古風味帶有濃厚嘅燒烤香，醬汁微甜，仲有少少孜然嘅感覺，好適合鍾意燒烤味道嘅人😎WINGMAN嘅雞翼放題真係激正，10款唔同風味畀你慢慢試，每種口味都有自己嘅特色，絕對唔會悶！鍾意雞翼嘅朋友一定要試吓，睇下90分鐘之內可以挑戰到幾多款口味！絕對值得推薦🥰補MENU…查看更多

朋友收工帶路開餐，今次一於食下泰國菜，我地叫左炭燒雞翼(4隻)($48)、泰式蠔仔蛋($98)、馬拉盞炒通菜($68)、咖喱牛腩釀巨型麵包($88)、泰式地道豬手飯($78)、芒果沙冰($38)、班蘭椰子奶($36)環境空間相當闊落，唔會同其他食客坐得好逼😁炭燒雞翼：雞翼肉質嫩滑多汁，外皮燒到微焦，咬落去仲有陣燒烤味😉泰式蠔仔蛋：呢道菜絕對係邪惡又滿足，蠔仔數量都幾多而且夠鮮甜，D蛋又香滑，唔會太油膩，仲可以點埋醬汁食，味道一流😋馬拉盞炒通菜：有多款煮法可以選擇，我地揀左馬拉盞炒，呢度炒得非常惹味，通菜爽口唔會過軟，馬拉盞香氣十足，帶有微辣同海鮮嘅咸鮮味😎咖喱牛腩釀巨型麵包：呢道咖喱牛腩釀巨型麵包真係視覺效果滿分😍外層係酥脆嘅農夫包，裡面裝滿濃郁泰式咖喱牛腩，牛腩炆到超級軟腍，咖喱香濃但唔會太辣，麵包沾滿左咖喱食好滋味😋泰式地道豬手飯：豬手炆得夠晒入味，皮爽肉嫩，加埋泰式酸辣醬，味道升級，另外伴碟D酸菜一樣唔錯👍🏻班蘭椰子奶、芒果沙冰、：黎到當然要叫返D泰式飲品嘆下，芒果沙冰滿一滿勁抵飲，清甜解渴透心涼😋班蘭椰子奶香滑順口，帶有淡淡椰香，飲完超滿足🥰大合照🤩呢到嘅菜式選擇夠晒多，味道水準唔錯，價錢親民之餘，份量絕不吝嗇，真係值得再食👍🏻補MENU…查看更多

約左朋友食好野，黎到龍亭食鐵板燒，今餐滿心期待🥰我地今次叫左高級廚師發辦套餐(十一品)($688)*2、鐵板焦糖多士($68)*2、麒麟生啤($98)、生力黑啤($98)呢間餐廳環境雅致，睇住師傅即席鐵板燒，感覺好有儀式感，無論味道定視覺都係一場盛宴😍仲有好多款酒類可以揀 前菜：三文魚鼻骨配海草食落爽脆幾特別，三文魚蓉加牛油果他他醬嘅幼滑，仲有酸薑嘅酸甜，全部細緻得嚟又唔失驚喜，為整個餐點打開咗好嘅序幕😄招牌沙律：以煙三文魚包捲住有機沙律菜配搭魚子醬，入口有煙燻嘅香氣加埋魚子醬嘅鹹香，清爽又滋味😋魚子醬蘭王溫泉蛋： 溫泉蛋滑溜香濃，配埋魚子醬真係令味道更添層次感，鹹香喺口腔中逐層散開，超級滿足😋刺身一品(時令魚子醬生蠔)： 生蠔新鮮滑溜，一啖咬落去感受到海洋嘅鮮味，同魚子醬嘅鹹香互相輝映，味道豐富得令人難忘🤤鐵板海鮮兩品：有5款海鮮可以揀，我地揀左慢煮鮑魚同虎蝦，慢煮鮑魚肉質嫩滑而入味，虎蝦嘅肉質緊實，喺鐵板燒得香噴噴，鮮甜滋味😋鐵板料理：至於鐵板料理就4選1，我同朋友分別揀左美國安格斯牛肉薄燒卷同宮城厚切黑豚扒宮城厚切黑豚扒厚切得宜，煎到外層金黃，內裡嫩滑多汁，每一口都係肉香嘅享受😎中意嘅仲可以有WASABI同炸蒜粒搭配黎食，多重享受美國安格斯牛肉薄燒卷肉香濃郁，入口即化，搭配埋炸蒜粒一齊食更為惹味🤤伴碟仲有櫻桃蘿蔔可以食解一解膩 菊花豆腐白麵豉湯 ：呢款白麵豉湯帶有大豆嘅香氣，飲落暖胃又滿足，內裡加左菊花豆腐，造型優雅，入口滑嫩😉黑松露海鮮炒飯：飯粒粒粒分明，吸收晒黑松露嘅香氣同海鮮嘅鮮味，每一啖都係超級香口🤩時日甜品：最後嚟個清新嘅柚子雪葩，酸甜適中，食完即刻幫你解膩，留低一個清爽嘅回憶，係完美嘅收結🥰鐵板焦糖多士：外層焦糖燒到脆脆地，簡單而又滋味😄配餐嘅啤酒選擇都好唔錯，麒麟生啤清爽易入口，生力黑啤嘅焦香味濃郁，兩款都好適合鐵板燒菜式，飲落夠晒爽😎龍亭呢到嘅鐵板燒套餐選擇豐儉由人，每道菜都充滿誠意，味道層次分明，環境舒適，係一個適合慶祝或者想犒賞自己嘅好地方，值得一試！😊補MENU…查看更多