meowcat88的个人专页

我第一次幫襯就係天后興發街店新開張N年前。覺得有水準好正。第二次食應該係深水埗已經水準跌咗。到今日第三次食屯門市中心新店。。。。中哂伏，以後都唔會再幫襯。我叫咗7個點心。蝦膠炸兩腸粉，蝦餃，叉燒包，沙薑豬手，菠菜蝦餃，魚湯鮮竹卷，蒸排骨飯。最先上蒸飯。阿姐一碟豉油飛埋嚟，一枱都係，張單瀨咗野。蝦膠炸兩腸粉一放低賣相夠哂衰又係一碟醬汁飛上抬其實侍應阿姐想點慣性飛碟？完全冇蝦味，油炸鬼唔脆，啲粉一堆咁，好求其馬虎囉。叉燒包點樣可以濃汁但冇味呢？魚湯鮮竹卷內餡好爛嘅口感湯完全冇魚味。飯冇飯香，最大問題係個甜豉油同個飯唔夾，排骨又梅。沙薑豬手一碟上，一塊有味一塊無味。唯一可取就係啲點心夠蝦囉。池富，你唔好好管理間鋪棧越做越差。…查看更多

以為抵食隔涉都刻意搭車去。一坐低就被店員阿姐挑引態度惡劣對待，其實部長已經問咗飲咩茶。轉頭位態度惡劣阿姐走埋嚟講咗兩字‘唔開‘，我都未知咩事就答已經嗌咗茶。個阿姐又發脾四咁重覆講‘唔開‘，原來部長頭先冇開茶叫佢嚟開。態度惡劣行埋嚟講唔開係咩意思？跟住我就好火咁回應，你可唔可以禮貌講清楚，唔開唔開點知你講咩。到食物方面，唔似係自製冇爆口嘅叉燒包，咸死人嘅小兒麻痺症鳳爪，空心燒賣筷子一夾落去唔係實，厚皮蝦餃，冇味叉燒瀨個湯淡如水，仲有油浸空心炸雲吞，全部有圖為証。絕冇下次。香港餐飲嘅悲歌，集團都做到咁。啲蒸籠又唔乾淨，明明個籠上枱係蒸蝦餃，有圖有真相，蒸籠邊痴咗啲飽皮，咁衛生都好麻麻囉。態度無，食物質素無，衛生都無。真係一粒星都唔想比。…查看更多

今晚第一次別冇他心隨意搵間餐廳有炒菜食就入咗去。台式菜，單睇餐牌有啲錯愕因為菜式選擇唔多又好似唔太特別咁，本來有啲後悔入咗去。餐單翻來翻去翻好耐最終我點咗三杯雞，肉燥飯同埋香腸炒高麗菜。到上菜，好疑惑店員哥哥好細心咁將肉燥幫我分開上原來係有特別原因。之後再上咗三杯雞，好正好入味嘅不止係雞仲有煲裡嘅鴨血九層塔好夠好香，係我至今食過最好味嘅三杯雞。就算食完鍋底冇一鍋油剩底好乾淨。肉燥分開嘅原因係佢地想我可以試真肉燥同三杯雞嘅味道，老闆娘建議我地試咗三杯雞先，之後再食肉燥飯，咁先品嚐到每道菜嘅獨特味道。咁細膩嘅野都諗到真係好值得讚賞。老板娘都好細心同客人介紹菜式，老闆娘仲每枱向客人查問食物味道同意見真係好有心。另一方面員工服務周到對客人好體貼，對老人更加倍照顧，見婆婆上樓梯仲叫佢扶住小心慢行。總括嚟講佢地製作認真對食物有要求，又細心諗到點可以比客人品嚐到最佳味道，老闆娘管理態度一流教到員工對食物嘅認真同待客之道。成間店食物正服務好價錢合理不但止仲非常有人情味。選擇少唔緊要，最緊要夠精有幾道招牌菜都夠煞食。香港真係欠缺依種極有食物水準又服務態度極佳嘅店鋪。👍👍👍👍👍滿分！…查看更多

好少幫襯佢因為主打嘅腸粉好一般，已經唔知食咩今晚見有新野，又有我喜歡嘅咩粿咩粿就行埋去試吓囉，小店口碑好重要做生意應該要老實啲。今晚我要咗30蚊10個嘅菜粿，返到屋企食咗2隻數一數，竟然得番7隻喎。。。失蹤的菜粿，唔係咁呀嘛。。。。又冇得追討喎唔通刻意落樓問阿叔攞番隻粿咩？咁樣下次點再幫襯呢？…查看更多

KOL 介紹老闆猛料，有多年米芝蓮日式餐廳工作經驗跟過大師級師傅。我試過完全唔似豬軟骨嘅豬軟骨飯，算合格老闆製作嘅雜錦天婦羅飯到今日不堪入目嘅唐揚雞飯。有人講過老闆唔係度唔好買。我今日冇為意真係中哂招，員工態度惡劣，外賣唐揚雞飯係我畢生係香港同日本食過最差最差嘅。打開外賣賣相驚嚇滿分，啲雞唔覺有炸醬乾到唔知翻炸幾多次。。。雞肉得番雪藏味，有相為証。正如標題所講係唔係要老闆長期陣壓店內呢？有人倒老闆米嗎？米芝蓮日本師傅學徒之名，信じられないです。…查看更多

好耐無食，剛剛中午見佢有番$54雙拼豬脾同海南雞，又難得有位埋入去食囉，點知碟野嚟到好似人地食剩嘅，三幾條豬肉絲再加甩開哂嘅海南雞，連塊豬皮都無。。。人地比$47單拼係個正正常常嘅海南雞飯，我比多啲錢嘅雙拼係食餸頭餸尾。。。。超唔服氣，跟住埋向啲人投訴囉。嘩，不知幾慷慨比番一塊豬皮我。。。下面都係三幾條豬肉條，雞又多皮無肉。。。個厨師無心做囉。好慘咁比多啲錢食咗餐無餸飯，你話，以後仲洗鬼幫襯咩。唔怪得之會有位啦…平日坐滿工程人員嫁麻。…查看更多

以前尖沙咀厚褔街有間大粒雲吞店已經搬遷咗去荃灣，依家係尖沙咀嘅人氣店都係最近先發現。款式唔多，只有牛肉雲吞鯪魚球，理應係可以專心做好。我唔食牛所以點咗雲吞鯪魚球雙拼河加芥蘭。去個陣已經接近兩點可能旅遊書有介紹仍然客滿有大班韓國人。雙拼各有三粒，雲吞係大大粒有蝦夠彈牙，至於鯪魚球都大大粒嘅但係就麻麻地好食囉。口感太實又混咗啲細魚骨，要小心食。賣點就係招牌雲吞夠大粒，味道一般般，未去到念念不忘，想翻兜再食。…查看更多

見舊老店埋試吓囉，見有人排就排埋一份。樹立多年都未試過。。。點知就中伏。叫咗雙拼三文治餐，上面價錢寫$26,下面寫$22又第一次幫襯埋問幾錢，跟住阿姐就態度非常惡劣咁話卜$22,放低啦。跟住又好兇我，飲咩呀。。。幾想即時擺番錢唔幫襯，之後就咁放袋野係度又唔講。入袋時已見份三文治係超薄，買份早餐都要受氣，唔想就就關門拉閘執笠啦。跟住返到公司，開袋，果然係超薄形。。。三分鐘K.O.咗。。。餡薄唔在講食唔到味，份三文治啲飽嘅味道係苦苦地，食完個口到依家都仲係苦嫁。…查看更多

尋尋覓覓，意外搵到依間小店，見到林林種種嘅丸類，餃子。第一次去覓食，選咗個雙拼墨魚蝦條同菠菜餃加河粉，好鐘意佢哋附送冬菜蔥同香蒜。見評分咁高第一次好大期望，果然無嚟錯。河粉稍為過軟之外，其他真係好味到喜出望外，價錢又平份量又多真係好抵食。雙拼份量墨魚條同餃子各三件。墨魚條真係好彈牙，食到粒粒墨魚粒好有咬口，菠菜餃大大隻無草腥好好味。。。令人念念不忘。過咗幾日再同男友一齊再去食。今次點咗西洋菜餃，鮮蝦雲吞，豬肉丸。。。又有墨魚蝦條。西洋菜餃好味但就細隻咗啲，鮮蝦雲吞都好好味但略咸咗啲，貢丸一樣咁彈牙。會再去食，試哂咁多款。環境又乾淨，服務態度又好Nice。平靚正食店一定要再去。…查看更多

滿心歡喜帶住希望，想尋找回憶中嘅味道。未十二點去到已經要排隊，幸好第二張枱就到，坐底發現條隊已排到轉角位。兩個人點咗魚柳滑蛋飯，焗豬扒飯，奶茶。本來想試腸粉可惜當日已售罄。奶茶味道唔錯。至於對食物嘅評價，好似有啲誇大。魚柳質素係好食唔差，淋上豉油第一口試食就換來失望。有爆過嘅蔥油但無蔥油香，豉油淡而無味，好似將豉油加開水開稀咗。蛋唔多滑無咩蛋香。。。。:(:(:(更奇怪，明明招牌菜大多係以滑蛋為主，但入到餐廳聞唔到蛋香味。另一個飯點咗焗茄汁芝士豬扒飯。飯有加蛋炒過，芝士唔多，茄汁囉真係得茄汁加洋蔥，無其他配菜。豬扒口感非常唔錯，但個汁超級超級鹹。。。茄汁味唔太夠。總括嚟講，無想像中咁好，唔值得排隊，無咩特別，味道未去到想去再幫襯。可能恃住店舖有人氣唔憂做，店員服務態度都唔多好。對於一間老店係咁樣。。。有啲失望。焗飯鹹死人蛋唔太滑，豉油有蔥油無蔥油香，又淡而無味。…查看更多

好味台灣菜唔多，個個話自己古早，咩五十年招牌。。都中哂伏。自己親身試過先知好與壞。下午三點，張張枱有客都算係咁。點咗餐有細鹵肉飯，鹽酥雞，配貢丸湯。另加肉鬆蛋餅，香芋奶茶。過往試過淡而無味中伏嘅鹵肉飯，真台客嘅鹵肉飯有肉汁味又夠味道半肥瘦豬肉加半隻鹵蛋，令人想再潻食。鹽酥雞即叫即炸，味道適中唔會太咸。肉鬆蛋餅有驚喜。好好味，好夠味，餡料飽滿，食完唔夠喉。貢丸湯味道同丸嘅口感都非常一般。:)香芋奶茶🥛有芋香味，但比起三⭐都仲差啲啲。值得翻兜嘅一間台食店。價錢適中，環境乾净。只係店員比較Cool,目無表情。有啲食物餐牌無寫，要自己抬高頭望一望啦。…查看更多

難得到元朗一趟，一定要去高人氣店舖一試。以為無人排隊，原來為免防礙其他店舖做生意，人籠要到轉角位開始排，去到已經有廿幾人排緊隊。好好彩，肉鬆味可以唔洗排隊不消十分鐘就可以拎住香噴噴蛋糕返屋企。本來應該由原味開始試，但我本來又極喜愛食肉鬆，所以又邊會介意肉鬆味貴啲？說真肉鬆口味都唔錯，咸咸甜甜咁蛋糕夠軟熟，肉鬆口感好又夠香。蛋糕真係好有蛋香，沿路搭車拎住返屋企都一路聞得到香味。值得推薦，排隊買都抵。…查看更多

🥂紀念日🎉，到大好評嘅主題餐廳一試。🤔🤔🤔怕人多，提早訂位。📞到場後發現客人唔多，店員親切儘管試試。無千層麫，就叫佢推介食品。今日唔太餓點咗三樣食品😋。芝士椰菜花，卡邦尼🍝，照燒雞漢堡🍔芝士椰菜花 聞到芝士味濃厚…放入口就有差異。味道唔夠。卡邦尼🍝賣相唔錯，有隻半生熟好有動感嘅溫泉蛋🍳,煙肉🥓。放入口無咩卡邦尼味，味道唔夠，講唔出差啲咩，加咗胡椒粉稍為吊到味道出嚟。照燒雞漢堡🍔有蕃茄🍅，酸瓜，生菜同薯條拌碟。雞扒🐓厚已去皮，健康非常🍴。放入口，有啲乾，味道唔夠，無咩照燒汁，麫包太軟無口感。唔知點解所有野我地都覺得唔夠味🤔。只有餐廳裝飾有八哥，🍃食品裝飾無完全同八哥無關，少咗啲驚喜。食物無特別之處，:(試咗一次都已經足夠。…查看更多

仲坐係鋪裏面都氣難下，深深不憤，即時要寫食評，意外中伏，自己唔親身試真係唔知。要有要求囉食野。唔係填到肚就得，入到口就好食。下晏兩點幾，幾個餐都賣哂又唔早講，等你坐低嗌先講有三款都無。個女侍應好似遊魂咁，叫極都聽唔到。叫咗推薦嘅咖哩豬扒蛋包飯，再無得選下叫咗溫泉蛋薑燒豚肉飯。我落哂單飲品都嚟埋，隔嚟有個男人坐低，一樣都叫咖哩豬扒蛋包飯。好啦，跟住男友叫個豚肉飯嚟咗，我試咗一啖，辣得嚟有陣焦味，好難食，我差啲叫人嚟想換咗去，但比男友阻止。個汁本來深色所以煲燶咗係唔覺，但味道呃唔到，仲有啲苦，好失望，同啲評價唔相乎。等好耐個飯未嚟反而隔離個男人嘅order先到。三催四請追咗三次…終於到，好明顯分明攪錯我order比咗人地先囉。好期待嘅蛋包飯，外表同推介圖片差唔多，但絕對無講嘅咁好食。蛋滑有，豬扒肉嫰多汁係無。。。好硬。無咩日式咖哩味。我情願去日式咖哩連鎖店食好過囉。汁煮燶咗就唔好比人食，如果唔係燶咁就係醬汁調配有問題。飲品都，都唔想再講。要讚嘅就只有佢嘅滑蛋。正如標題講。。。。無下次。…查看更多

見好似食評幾好,就前往親身一試。坐底見旁邊張枱食完未執，碗麵食咗三分一，心諗啲人咁無衣食咁浪費。不禁搖搖頭。第一次光顧當然試最基本野啦。我自己就點咗原作天婦羅，男友唔想食炸野所以選咗叉燒拉麵。餐牌上寫明可選烏冬或麵。首先天婦羅送上，天婦羅蝦，蕃薯，南瓜各兩件，配菜有酸蘿蔔，青瓜絲，天婦羅脆脆，觀感都幾好，好豐富咁。如果可以好似日本咁大熱天時配杯凍玄米茶或麥茶就更正。 炸物唔算油，味道一般。醬汁欠缺蘿蔔蓉。分量價錢適中。一碗都飽肚但唔會話好味到下次一定要翻躂令人極度回味囉。另外個麵就。。。。無為意係蕎麥麵，諗住清清地算啦無所謂既然自己叫錯。(明明見到寫住拉麵，烏冬)，個湯底甜過糖水，食得出係カツオ湯底但甜度一流。中途男友無辦法再食落去啦，只能講句唔怪得頭先叫隔離枱食剩大半碗麵啦。總括嚟講，不過不失。服務普通，環境鋪頭細細咁，安排上唔算太迫，衛生都算乾淨。…查看更多