winyeewin 的个人专页

今晚試咗火井的招牌湯底，很足料，湯底竟然有我尤其喜愛的豬皮 😊 味道清甜。 手切牛肉入口即溶，肉質鮮嫩，真的真的好好吃。 而家諗起都一再回味。今次特別點了池魚刺身。 老闆介紹原來池魚當天一早才由日本空運到港，傍晚才到店舖。 所以非常新鮮。 配上他們特別準備的柚子豉油，薑蓉及日本蔥，真的份外鮮味。 真心推介 ❤️差點忘了提及我們的餐前小吃 ： 炸魚片頭拼蝦餅。 原來魚片頭及蝦餅都是他們自家手打的, 唔怪得知咁彈牙，鬆軟。 必食老闆一家人非常好客熱情，跟客人打成一片，很喜歡那種人情味。 其他員工招呼也很親切殷勤。 一定會再光臨🥰…查看更多

行完街經過見到呢間新餐廳，唔使排隊，所以入嚟一試。 叫咗三個小菜，菠蘿咕嚕肉，黑腐竹炒菜心苗，海王粉絲煲。 其實入嚟嘅時候完全冇期望，點知三個小菜都好好食，真係有啲喜出望外。菠蘿咕嚕肉尤其出色餐廳裝修雅致, 樓底高，環境十分舒適，座位亦很寬敞，乾淨。服務員態度也很好，當他們送上餐前小吃，我們說不用了，他們亦很客氣回覆：好的，幫你扣起佢 （因為餐前小吃是收費的）。今次只係試過普通中式小菜，下次一定會試一試滷水鵝及其他潮州食品。 整體十分滿意，會再幫襯…查看更多

呢間齋舖因為喺我哋屋企附近，之前幫襯過，味道都幾好。 所以買齋都會諗起佢。不過近呢幾個月幫襯買外賣，店員態度真的十分差，同樣事情發生至今，已經第三次，所以我真是想在此分享一下。 我請他們分開袋裝食物，他們就會用一個非常凌厲不友善眼神望你 （其中一次就好差語氣同我講：我哋唔可以咁㗎喎），所以我話可以俾錢要幾多一個袋，因為係比老人家喺醫院食，分開袋衛生啲，會方便他食用。其實都是就老人家，點解唔可以寬容啲，給人一個方便？而是用一個非常差劣的眼神給客人？簡單一個回覆，例如：分開袋要收袋錢。 是否很難說出口？ 普蓮素食係一個齋舖，雖然員工吾一定係佛教徒，未必個個都行善心善，但起碼都要有基本服務員的禮貌及態度。 其實正正因為你係一個齋舖，我更加想分享出嚟，他們這樣的惡形惡相根本是趕客，我真的感到有點驚訝，顧客光顧不是想受氣的，真的不想動怒，花這麼多時間時間認真寫食評出來，誠心希望店主可以認真跟進一下。 食素都是希望積福，希望普蓮素食店主可以繼續推廣呢種食素文化。改善服務員質素。好希望繼續可以吃到你的素食。謝謝🙏🏻…查看更多

好耐冇嚟過呢間食店，今晚再次光臨，原來已經改咗名。 我哋叫咗部隊鍋，泡菜煎餅及原味炸雞（無骨）。 炸雞真係好好好食 一啲都唔油，皮脆肉滑。 因為食唔晒，所以包起兩件炸雞外賣，返到屋企仍然脆。泡菜煎餅乾身唔油膩，唔喊但係又好夠味。至於部隊鍋都有水準。店員非常友善，送餐時間也非常快。如果可以改善店內空調流通溫度凍啲，以及把用餐樓面的食材貨品，放回貨倉內，那就非常理想。 如果揸車，可以泊喺附近海悦廣場停車場，非常方便總括，一定會再光臨。炸雞好好味 …查看更多

晚上到店內買牛腩麵給爸爸，本想買隻好食嘅牛腩，我就跟收銀員說，我想要切腩麵，收銀員話都正常禮貌地回覆：我哋冇切腩，都未聽過切腩，好嘅牛腩我地得爽腩。因為我未聽過爽腩，只買過崩沙腩或者切腩，我一時未反應得切，隨即在廚房戴眼鏡短髮女士 （語氣似老闆的）就好不耐煩問收銀員咩事，跟住非常不客氣話我哋淨係得爽腩。因為我係買俾爸爸食，我又未試過爽腩，店員亦沒什麼有再解釋或者指比我睇乜嘢叫爽腩，我費事買錯，所以我最後決定話：我都係要普通牛腩就得。跟着那位女士就好晦氣講 ：吓，原來要普通牛腩咋？。雖然我只係買一碗$44的牛腩麵，個位女士嘅態度都不用那麼差劣吧。 其實如果有她友善d告訴我，我哋爽腩好好食，叫我試吓，我諗我都毫不猶豫試下。 做服務業，尤其是做飲食，基本態度都沒有，客人點會再回頭。 我記得之前那位老闆娘是很好的，相信已經是轉了手。 之後也不會去了。 免得受氣。…查看更多

之前揸車無意經過這裏發現這小店，驚喜元朗竟然有這樣出色的串燒。 今晚突然又掛住那芫荽卷，所以特登返嚟食。依然都是好好吃😋 除咗芫荽卷，其他食品都很有質素。 P.S. 之前試過lunch 嘅滑蛋豬扒飯 ，一樣都咁好食 👍🏻👍🏻…查看更多

lunch 點了辣豆腐餃子湯和炸雞翼薯條那些雞翼完全冇味難食，我們隨即向店員查詢，她只冷淡回應: this is our style. Different style. 另外有位韓國女店長，我特登用Google 翻譯韓文話比佢知啲雞翼冇味，佢比店員更冷淡，睇完冇反應 (表情非常不友善），隨即叫剛才那店員同我再講: this is our style.  跟住行開咗 （繼續面黑）。食物質素差，服務差， 都唔想做生意，一定唔會再去 …查看更多