DonnisChan的个人专页

三個女仔黎食，叫左一個pizza ，半份炸雞同青口，再每人一杯野飲，每人除開220蚊岩岩好夠飽本身對炸雞同pizza無乜好感，覺得好[行]，但食完之後觀感大改！三個都比好評Pizza個樣好靚~唔大份，對比起傳統食開pizzahxx 個d pizza，呢個真係好！好！食！！！！！出色一百倍。有d蜜糖係底，又有拉絲芝士，估佢唔到，但又唔會太甜或太溜。炸雞夠晒脆 勁熱！青口個汁好出色，想成個倒入口。 三樣都清到渣都無正。…查看更多

柴灣去到太古都好似無乜特色打卡新餐廳，終於而家有一間喇！！同事生日黎左試下。其實由打電話book位已經覺得職員好有禮貌，蛋糕上寫名亦會再三確認，唔會急住想收線咁到個日安排左個木馬下面既打卡位😂分別叫左3位職員係食飯中途既前中後影相都好樂意幫忙🥸叫左豬手，加20蚊轉蕃薯薯條🍟豬手好脆，加蘋果容清新開胃，職員會幫手係上枱前係隔離切定，加分💓蕃薯薯條好甜，成份都幾大份足料，2個女仔食唔晒。大啡菇都好食！！！！！因為我本身鐘意食菇，調味得岩岩好，一整好熱辣辣就上枱，正個cake都幾出色，唔會勁甜，職員會送上個公主閃閃頭cool😂😂仲好熱情幫手帶左係生日個人頭上一秒😂😂又話佢18歲，好識講野。唯一麻麻係杯野飲🤔無乜味。。。得個樣靚 同埋名乎其實真係dirty😂成個杯痴立立🤧用個匙更又不到明年今日先飲完，用手拎又隻手都dirty埋。同埋！！！！！每枱都有既檸水有d料到，勁中意重檸檬🍋既水，好過d當裝飾用求其一塊唔知做乜。枝水就黎比我飲晒。係一個開心既晚上🌃…查看更多

唔使book位假日衝上去都有位lucky2個女仔叫左個炸蝦天婦羅，海膽炒飯，甲羅燒同芝士年糕。埋單590蚊～最好味係268蚊既海膽炒飯，雖然海膽又唔算多不過成個炒飯真係yummy yummy好想再叫多個黎食。炸蝦天婦羅98蚊有3隻，唔算好油，皮薄脆肉厚Juicy!!唔錯！而最普通係甲羅燒，就係咁無乜特別。…查看更多

Iphone原相直出無美圖。2條友食左1000蚊，主打係牛，都有少少雞啊豬啊可以食。其實選擇就唔算好多，但確實係其他地方少食到咁多款牛內臟。麵啊飯啊好似得1.2款。所以唯有狂叫串燒，食個時其實係分唔到即係食緊乜😂😂下面張圖呢個主打可以唔使叫，同一款野不過唔同調味。然後一黎會比左碟菜你先，唔知有乜作用。不過係收錢既，28蚊，有加一。整體覺得有d貴，最好味係厚牛脷。…查看更多

叫左最多人揀既赤豚同白豚呢到無得揀麵既軟硬度，所以對我黎講係偏硬🥲而且隻拉麵好似唔係常見食開個d，覺得呢隻麵底唔岩胃口。而本身好鍾意食有蕃茄既食物，之前mk同天后好出名的蕃茄拉麵同沾麵都結業了😢所以滿心期待呢到既香辣蕃茄赤豚，辣味ok既肉醬仲要幾多下，但蕃茄味完全吃不到。如果唔係menu有寫應該唔知有蕃茄係入面。當三哥既蕃茄湯三小辣都辣同蕃茄味兼顧到，但呢到兼顧唔到，叫我呢個蕃茄迷如何不心痛~~~~~~~~~~而白豚就。。。。你幻想到既豬骨湯味啦，都唔錯既唔會伏先囉。要讚下隻蛋就好好味啵入晒味。…查看更多

前菜碟魚仔花生：脆但唔咸，無乜味。食2條就放棄。咸蛋黃鮮尤：睇個樣都覺得普通雞煲，唔夠味牛尾：都係麻麻，唔夠味湯：算全晚冠軍，幾好飲唔夠味，無獲氣，唔明點解係老牌有名氣餐廳。而且價錢比起其他同類算略貴，接近1000埋單食以上呢幾味，麻麻地唔算好食先慘。建議遠少少去灣仔大*檔*炒好好多，連環境都靚d（睇我之前食評有提）…查看更多

星期六日既lunch hour 黎食係全層全2張枱生意，估唔到咁靜~ 食食下隔離空枱有隻小小強爬來爬去🥲 明白街市實有既，不過餐具一早擺定係到，所以建議大家食之前都係抹下洗下比較好。送既胡椒餅，重胡椒，重口味人士會大愛。咖哩羊，叫左中辣，但其實食唔到辣味，反而對辣又好輕手喎😂份量唔大，但2個人加埋芝士烤餅食呢個就岩岩好。芝士烤餅：好香芝士味，但食落去唔會好重芝士味。有拉絲，睇張相都知佢落好多。加埋個咖哩食唔錯。什菜咖哩角，可以唔使試，皮厚，大量薯容，淡味。話佢貴又唔係，但亦唔覺得佢便宜抵食。最好最少都要2人同行黎食，如一條友叫一份餅同一份咖哩應該超飽。…查看更多

黎食之前其實對個斑蘭咖央多士最期待因為見好多食評都讚佢。而我本人亦勁中意*利既牛油煉奶多（因為勁厚牛油多醬），所以期待呢個咖央多都會一樣咁厚料就好喇。但！！！！！！！！並唔係架～～～佢上枱個下正面睇係令人幾興奮，但側邊一睇就知出事🥲wa個牛油得條邊。。。咖央亦都係咁易hi一hi，基本上每塊食一半另一半係空白既想丟左佢。咁高評價未免名過於實🥱用左170個字形容個咖央多，去番呢個2個主食。主食反而幾好啵喇沙比起d專做喇沙既地方有得揮，仲無敵多餸，d肉係多到食唔晒。海南雞亦都巧滑，仲有肉骨茶，呢個組合好正～🎈…查看更多

壽司郎黎左咁耐，由於港島區一直冇分店嘅關係，本人又太懶一直拖到今時今日終於肯出城過海排隊喇～～～12:30上到去已經叫飛叫到140幾號，而我哋拎飛係拎215號。上左YouTube睇住直播周圍行下😂仲係附近食左個米知蓮推介嘅小食檔狗尾粉😂一個鐘左右終於都差唔多排到我哋即刻狗衝返去，其實都唔算好耐嘅一個鐘可以去到70張飛！食咩冇需要詳細講啦基本上必食嘅都食咗，佢舊壽司飯d醋真係岩岩好而且唔會有之前食過其他壽司店有未解晒雪或d飯仲熱既情況出現。。…查看更多

無美圖秀獸既圖片～份量就樣樣都比較小，不過價錢都唔係算好貴既，所以ok啦。每樣味道中規中矩，食完後無乜印象，亦無番撻既打算😂但亦唔會難食。不過無乜熱飲🥲得一款，所以唯有飲水。其他凍飲除汽水外都係咁樣一枝跟冰杯上。…查看更多

黎左幾次先寫食評其實樣樣都幾好食，以茶餐廳黎講算高質啦。係香港開d垃圾低質茶餐廳都大把人食，所以桃園算難得一見有番d水準。最回味係個葱油雞扒飯😂雖然聽落好似周圍都有得食，但咁大方落咁多葱油塊扒又大到cover晒個飯，每啖飯都有汁有葱雞扒又脆皮yummy yummy就真係少有d囉。蕃茄芝士焗飯就略酸，唔知是咪情義結硬係覺得一哥焗豬扒飯係最好味🥲公司三文治好靚仔，係每一份都好平均，包脆料多。酸辣粉，幾正宗喎隻味！算好食喎！呢到既檸茶檸水都係用揸左既檸檬，唔使自己篤的，凍熱都咁大杯，環境又舒服寬躺，價錢同普通茶記咁上下，如果係我樓下開間就好喇…查看更多

雖然個名叫大排檔，但其實入面好骨緻，又乾淨而食物品質就真係keep到大排檔個種獲氣同職員亦超有人情味💛2條友叫左4樣，職員都問食唔食得晒😂由碟前菜花生開始，其實把口就無停過係咁japjapjap放入口，見我地食得咁快職員都問有無咁欣賞使唔使黎夠碟，原來碟花生都係佢地自己出品架！！！！4碟餸分別如下：菜💛唔會太咸，平時唔食菜既我都忍唔住塞左一半入口。硯：幾大隻喎衰鬼 又惹味 骨：招牌野，無得挑剔蠟味煲仔飯：有飯焦，好食啊媽咪啊2個人真係食得晒，明明樣樣都幾大碟下，食到個肚都漲出黎最後食完已接近10點，伙記們係隔離枱開飯，見最香望左下，原來都係食呢個飯不過加左料有鱔🥰 見我眼甘甘伙記比左舊鱔我食😂wa都好味！平時唔揀魚唔食菜既食肉獸表示呢間野係乜都好食，正💛…查看更多

聽一位周圍搵食既司機介紹，話呢間係佢試過全港最好味既泰菜果然無介紹錯喎！！4個人黎食，每人都係平均百幾，每一樣都好食，而且係出面唔是間間有。雞，香口又帶點脆皮魚，老闆娘建議一上枱就食，但咁靚就相機食先啦腸，司機大推，叫我地book之前一定要confrim有得食😂果然都係無失望既，辣辣地，而且隻辣係食完先黎料，用生菜包住岩岩好，辣得好過癮～～～～～最後！！！隔離有個印度芝士薄餅呢司機又係極力推薦，買左過黎一齊食，都係幾十蚊，d芝士係咇出嚟咁多。勁香，同平時食既唔同層次～～去開記得買過黎食。…查看更多

前菜如下，普通通通，泡菜無乜味百佳買個d仲好食。叫左個300幾蚊牛set，豬皮同埋辣豬肉，2個人食岩岩好~ 但全部都不過不失，無乜驚喜，唔會特別好食。個牛舌睇黎好考師傅力功，薄過張A4紙3塊合埋一齊食都唔會食到牛舌味。睇下面張相就知，會透埋個爐出黎。要讚下職員好快手，見佢地炒場周圍撲但要求加菜都有求必應好快黎無話唔記得左你。另外抽煙系統幾好，滿場都無乜油煙。…查看更多

黎到叫左個set lunch 另外叫左個海膽松葉蟹意粉~無影到個是日例粟米湯，係蓉黎見唔到粟米粒但超級重粟米味，用個鼻聞都知有d料到。💛餐包就都係包啦，熱既包就好味💛set lunch既豬鞍，夠juicy，唔hea，有豬味🥺 又唔會鞋，百幾蚊又湯又包又甜品又野食低食啦仲要樣樣都幾好食💛由於鐘情d creamy 意粉所以叫呢個，足料，求其影左張無美肌佢既相post ig都勁多人問邊到食💛心太軟就set lunch加錢轉既，出現左個離奇笑位😂由於上枱係相反方向，d字睇落第一眼以為寫左 Auntie母親節快樂😂😂😂😂😂😂嚇親左一下個雪糕有好大粒d士多啤梨肉架💛性價比高，職員nice nice。…查看更多