烤爐印度餐廳

营业中

休息中

星期六日既lunch hour 黎食係全層全2張枱生意，估唔到咁靜~ 食食下隔離空枱有隻小小強爬來爬去🥲 明白街市實有既，不過餐具一早擺定係到，所以建議大家食之前都係抹下洗下比較好。送既胡椒餅，重胡椒，重口味人士會大愛。咖哩羊，叫左中辣，但其實食唔到辣味，反而對辣又好輕手喎😂份量唔大，但2個人加埋芝士烤餅食呢個就岩岩好。芝士烤餅：好香芝士味，但食落去唔會好重芝士味。有拉絲，睇張相都知佢落好多。加埋個咖哩食唔錯。什菜咖哩角，可以唔使試，皮厚，大量薯容，淡味。話佢貴又唔係，但亦唔覺得佢便宜抵食。最好最少都要2人同行黎食，如一條友叫一份餅同一份咖哩應該超飽。