Dianeso的个人专页

新開試業火鍋店主打潮汕牛肉，位置就腳旺角瓊華中心9樓，地方環境舒適，店員安排卡位比我兩個女士，門口可揀定湯底同ABC，我地決定揀選B $298 一位，還有一份海鮮添。六點鐘還未滿坐 一到1900 好快陸陸續續坐滿。所以記得訂位穩陣。店員先安排一個牛肉拼盤，細心位係可以旋轉方便選擇，有齊吊龍，雪花，匙柄，五花趾及牛胸油，兩個字新鮮，試過啱自己口味再用QR code 落單任點。牛骨清湯好多料，白蘿蔔，唐芹 同牛筋腩。白蘿蔔要最後食，無渣多汁清甜。兩人海鮮盤 有彈牙海蝦，起埋殼的軟腍鮑魚，鮮甜蜆同肥美生蠔。脆鯇魚片閃亮登場 好新鮮 飲品區選擇多，喜歡飲兩杯嘅朋友仔，無限紅白酒啤酒都係任你飲架。甜品自助雪糕櫃，唔算多選但係海鹽味雪糕同可樂檸檬味雪條都幾特別，讚。好整齊乾淨嘅火鍋料區連配料區，應有盡有，蔬菜多款兼新鮮。生炸雞全翼 好香脆 不過我哋實在太專注火鍋。整體滿意度高，下次再食過。…查看更多

店鋪位於太子 非常方便 近去內地大巴站 好彩老公訂定位 大部份大枱 有VIP房添 下次好友聚餐多一個選擇 主打海鮮刺身火鍋 今次鍋底好有驚喜 冬瓜瑤柱田雞鍋 湯底超鮮甜 田雞即叫即劏田雞肉還在跳動 樣樣食材都好新鮮 熱辣辣新鮮炸響鈴必叫 即刻食超鬆化 放湯又得 手打墨魚同蝦滑 爽口彈牙無乜落粉唔會發大 水餃好飽滿一口咬落去滿口鮮蝦木耳絲筍絲餃皮薄薄 掂呀 牛頸脊肥瘦適中 切到厚薄適中 入口嫩滑但牛味濃 不過兩個人未能多嘗 下次吹雞約埋老友好記去先得。飲咗支竹蔗茅根 降一降溫 爽…查看更多

趁星期五放假約咗老公去尖沙咀搵食，今次揀咗間人氣店嘆嘆串燒，因為行經餐廳樓下比它吸引，$198任食 還可追加$98任飲，重點竟然有蠔，種類講真唔算多，不過價錢算經濟，每樣都熱辣辣，如果驚凍咗店員會提供gas爐比你預熱，細心位，好多一對對傾下偈嘆住串燒，個人極愛嘅燒牛舌燒得剛剛好唔會過韌，燒雞亦仍有汁水，雞比軟骨雞髀肉都齊，豬五花甘香油脂爆口，當然金菇牛肉卷，露筍卷，荔枝豬肉卷都出色，燒菠蘿超甜，燒蠔一般因為用咗醬汁蓋過蠔嘅鮮味，黑松露唔太配搭， 純個人口味。冷氣夠亦唔成身燒烤味，爽，飲品都多選擇， Asahi， Apple Cider, 汽水，特飲也有，可以接受。全店嘅員工都偏後生有活力，跟單處理都快手。其實還有入口一個小吧台，有麵豉湯沙律同埋凍蝦添。…查看更多

香港人好鐘意食韓國菜包括我，今次老公搵到間新開重點係釜山嘅美食。最近都追睇黑白廚神對決，見到美食都即刻想試，今日放工去咗尖沙咀新開韓國主打釜山豬肉湯飯，環境寬敞，適合一家大細或者情侶撐枱腳，新menu 第一眼已經介紹咗釜山美食，當然急不及待，韓國oppa招呼我地，介紹咗佢哋最有特色嘅釜山商會豬肉湯飯，口湯夠味但冇食完口渴，淘飯有豬肉片菜同菇，份量都好夠，我就試埋佢哋嘅蔘雞湯，雞嫩滑微微蔘味唔搶，足料半隻雞紅棗棉棉糯米，加陪少去糊椒粒，韓國風味。另外店員話要試埋佢哋醬油蝦意大利麵，醬油蝦彈牙，另外明蝦亦好爽，佢哋嘅秘製蝦油掛晒每條意大利麵，真係香濃。三樣都合格有餘，下次可以試埋其他。提下每台都有鴨仔，原來係紙巾盒，非常可愛。…查看更多

最近忙冇時間出遊，朋友傾偈話韓國炸雞魚板海鮮豬手冇得輸，講開都口水流，炸雞香脆肉嫩多口味選擇。朋友話試過兆萬11樓有間近近地，約我去食聚下。原來呢間店係韓國2008年已經開業至今，過江龍裝修食物都新派，環境舒服，適合閨蜜小情侶聚會，一排卡位街景。半半炸雞 $208一次過兩款味道 我個人鐘意原味，朋友揀咗店長推介黃金蒜香炸雞。熱辣辣上枱，原味炸雞一點也不油膩，皮炸得乾脆同時保持肉嫩，新鮮質地緊密新鮮，有底味，至於蒜香帶點辣但都好惹味，夾蒜片食特別更香。最驚喜竟然好多好多炸蕃薯條，甜甜香香比薯條有特色，鐘意。海賊王的寶物$238實在唔叫唔得，有齊蝦，魚柳，洋蔥圈，大大隻八爪魚添，樣樣都想食，酥脆魚柳大大件魚肉一梳梳，炸蝦蝦肉彈牙，洋蔥圈基本嘢冇特別，反而隻八爪魚非常大隻肉質Q彈又夠味。烤牛肉水冷面 $128好清爽， 解解熱氣感，味道唔會好濃調得剛好，配埋烤牛肉萍果片秋葵辣椒蘿蔔片，另整碗冷面口感層次提升。甜品- 蜜瓜雪冰 $88蜜瓜粒配蜜瓜刨冰再加埋蜜瓜味雪條皮，靚嘅味道單一d d咁，我覺蜜瓜唔夠甜。飲品選擇多 soda $48 打卡必叫 又靚味道清爽。…查看更多

有點餓決定同同事兩個諗住附近食點什麼，最後經過發現未試過嘅小店，簡單乾淨三個位，見有位就呢間吧。望住忙碌嘅人來人往，自己可以舒舒服服，嘆個久違了的焗薯，沙律，貝果跟coffee，真係好chill呀。驚喜發現檸檬同咖啡可以共融，之前係旅行試咗橙啡，今次檸啡都要試，店長推介的，他們用上鮮檸檬自家醃製還加埋蜜糖，中和咖啡酸度，陣陣檸檬香，入口微酸隨後咖啡膿膿帶點甘，幾特別。同事就選咗海鹽焦糖熱咖啡，佢話都好膿焦糖味大過鹹味。肉碎芝士焗薯，仲有芝士煙肉，我反而想試波菜三文魚。沙律更是精彩，每日精選每日8款比客揀呀，超吸細心配搭出息，我哋食咗蜜糖煙鴨胸萍果沙律，同埋慢煮雞胸牛油果沙律，亦都試咗有腸仔長通粉做嘅沙律，單拼或雙拼又或再貪食多拼也可，如果加$25 還是是日靚湯。醬汁我就較喜歡香橙羅勒醬，好清新香甜。 個人好喜歡貝果見同鬆餅，仲要好多口味手作貝果，點樣都要試試最後揀咗一款 紫菜肉鬆及抹茶鬆餅分享，一分為兩肉鬆滿滿，咬一口貝果，紫菜味充斥口腔，抹茶鬆軟香，掂。…查看更多

朋友約埋聚餐，講明一枱難求，更係立刻報名啦。星期四放工過去，彩虹邨金碧樓地下嘅金碧茶樓酒家匯合朋友們啦，嘩 唔係講笑，坐無虛席爆晒，真係連招牌都有歷史，食物質素高，老闆伙記同客人有傾有講，真的好難得架。 炸蟹拑 $85 一粒送上枱時蟹嘅香味已經快過碟餸。熱辣辣蟹肉蝦肉好廷身好好味，蟹肉嘅鮮味。呢個經典係魚腸蒸雞蛋。一点都唔會好腥，用上果皮薑絲減低腥味。脆鱔 好大條鱔的嘅肉先有咁厚肉，脆度唔夠但南乳豆豉味道又幾夾。八寶鴨又係手工菜，功夫多。呢個釀鯪魚先係我至愛同欣賞， 原條魚魚皮保留，平時鯪魚都唔會咁大條，但內部已經係爽口惹味鯪魚無得輸 100分。花雕蛋白蒸蝦 香味撲鼻 新鮮蝦 彈牙鮮甜 元蹄 可能之前已經好飽 見到都好濟咁，但當入口即化即時改觀。簡單有鑊氣 一點多餘油份也沒有。馬拉糕鬆化 甜香 限量 記得訂位預留呀…查看更多

同老公兩個放工有點肚餓, 大家諗緊食乜好，行經旺角兆萬仍然有好多選擇，最終決定去食日式放題，隨意揀咗間極上帝王水產, 一於上去搵位先。 出升降機餐廳入口已經有兩個甜品雪糕櫃，內裡品種好多選擇，尤其是Korea出品，好吸引。讚～ 見到好多位都滿咗，好彩接待門口個女仔幫我哋按排到位比我兩，真係好服務。大部份年青人，十分熱鬧，有氣氛，唯一係餐廳坐位唔多，穩陣起見預訂位好d。 食物質素唔錯而且選擇唔算少，個人覺得刺身壽司新鮮，三文魚夠肥美，北寄貝，帶子，榮螺，甜蝦，赤貝，已經值回票價，未落單已為我們送上極細心。還有入座即送二選一之選，鱈場松葉海鮮鍋或日式和牛壽喜燒鍋。我哋揀左海鮮鍋，湯底濃厚，青口大大隻，蟹柳，魚旦，蔬菜。我地自己再加咗生牛肉，牛丸，爽呀。 熱食火鍋炸物小食天婦羅通通都有，還有泰國風味食物，泰式豬頸肉，冬蔭功，炒通菜，生菜包，蝦餅，樣樣熱辣辣送上。可以升級厚身鰻魚串，鵝肝，生蠔，羈煮冷鮑魚，海膽軍艦無限添加。生蠔老公極推，我就揀鮑魚一口一隻超滿足。 飲品亦係任飲，重點係有嘉士伯啤酒，其他基本都齊汽水紙盒飲品。…查看更多

好耐無試過閒日放假，同老公去咗尖沙咀一間好似置身日本嘅餐廳，飲下野食下野，chill 下餐廳分西餐枱同日式榻榻米，當然要感受埋日本feel喇啦。 店員介紹咗開胃菜：牛油果山葵漬 我同老公一至覺得個汁調得剛剛好，山葵亦唔會太攻鼻少許獨有嘅辛辣，牛油果質地綿滑，好夾。五雕刺身盛合 佢哋用薄切用花形處理三文魚同油甘魚，其他元貝，吞拿魚，甜蝦還有入口卜卜聲嘅三文魚籽添，夠哂新鮮甜美。再黎多個三文魚層層疊 滿足我呢個三文魚粉，上枱時好簡單，店員將佢華麗轉身，炙燒方法再加上香蔥同魚籽，巧精彩即刻升級。明太子醬厚燒玉子 熱辣辣香濃蛋味，食時小心明太子醬爆漿，好過癮，口感軟綿。蟹味噌甲羅燒 配脆多士條 蟹味濃郁 入口回甘，帶鮮味又唔會腥，燒過嘅蟹膏醬。清酒煮白蛤鍋 足料份量唔少，隻隻飽滿，清酒味溶入蜆內，甜美又鮮，好掂。巨峰梳打 甜度適中 算普通 整體都高分 服務 環境 食物 都有…查看更多

同老公去慶祝轉工成功，老公訂咗近近地長沙灣一間好有氣氛日本餐廳，8點入坐都仍然好多人，店員好nice，介紹翻佢哋公司嘅主打菜，十分吸引。金酒杯 $168壽司飯底上面鋪滿滿魚籽，蟹肉，海膽同吞拿魚魚腩蓉，賣相極吸引 ，味道鮮甜，一次試幾款鮮味海鮮，味嘅沖擊爆燈，久久地留在口腔。爽∼∼還有紫菜配埋 海膽同脆紫菜好夾。 金龍珠海膽吞拿魚蓉卷 $158呢款卷物也是他們推介，真的好特別，半熟蛋黃主角再加上海膽吞拿魚腩肉口感好糯，之後蛋黃香濃軟糯真係好味，起初還誤會係漬物蕃茄仔，第一次食到值得試下。金丼-月見海膽三文魚籽拖羅蓉 $198老公嘅選擇 佢話滿滿三文魚籽粒粒脆卜卜 成口鹹鮮味 拖羅蓉軟滑海膽有層次 生蛋黃流心 一口有齊唔同質感 幾好配搭串燒揀左幾款 我最愛既燒雞肉免治棒 醮點蛋黃顯得更滑 少許燒烤味 我讚呀。q@ 老公就喜歡燒牛舌心， 估唔到剛剛熟焦香軟腍，又帶點質感。壽喜燒和牛鍋 $480 用上鹿兒島A4和牛使用)每人有兩片和牛片，另外鍋底超豐富，豆腐，大蔥，野菜，姑類同年糕福袋，牛肉入口即溶，牛香味濃，大滿足。每樣都有質素，味道好 ，環境舒服。 …查看更多

為慶祝朋友生日，選咗間中環食意大利半自助餐，食材新鮮種類選擇也多，冷海鮮有龍蝦，大蝦，青口，海螺。另外還有我最愛嘅即叫即製手拉pizza多有5款選擇，個人火腿磨菇同4色芝士簡單又好味，店員香噴噴送上，讚。不過不能多食好漏吓。前菜嘅煙三文魚，燒吞拿魚，大蝦蝦柳salad，好多芝士尤其特別係黑松露味，甘香芝味無窮。環境有氣氛，朋友聚餐一流，生果甜品唔少得，還可加錢食埋佢哋嘅頭盤，但跟本頭盤冷盤已經好飽，我們只選擇了加$98任飲，果汁，冇酒精雞尾酒。大家都好滿足。…查看更多

老公趁假期前帶我去中環蘇豪試新餐廳，佢保持神秘感冇講食乜，直到去到店前先知係我最愛嘅日本嘢，外觀已極具日本風餐廳，入店內麻雀雖少五臟俱全，坐位滿滿，好彩老公預早訂位。店員話留咗露天位問我哋介唔介，我哋當然唔介喇，好似去咗日本咁, 感覺店員同客人好close。好有氣氛。Menu 選擇也不少 飲翻杯Small beer 同我嘅選擇最强 lemon sour 先。好爽呀! 好chill!開胃小食 坐低就送上 炆煮牛舌年糕牛舌煮得入味配Q 彈年糕。鐵板芝士炒蛋 店員推介 $58燒熱嘅鐵板送上時還霧煙，點員隨即倒入準備定嘅蛋漿內有芝士同cream，不停兜炒，蛋漿慢慢 凝固，香滑蛋跟芝士嘅拉絲，掂喎! 話梅水果茄 $58老公同我都好欣賞，香甜又多汁，凍凍話梅香又好醒胃。香辣鰹魚片伴牛油果 $98牛油果夾住醃過嘅鰹魚片，魚質緊緻配牛油果軟滑有層次口感又出奇夾喎，有點驚喜。柚子魚生沙律 $98材料豐富，有多款魚生角配上酸酸甜甜汁。三文魚，油甘，吞拿，帶子同三文鱼子，每款獨立好鮮，做沙律都好出色。鰹魚半敲燒 $128 (必食之選)用咗稻草薰烤鰹魚，好多客人都圍觀。表現即燒，味道同醃嘅完全不同，外面燒烤過內裡軟棉。…查看更多

假期入東涌遊，行下outlet飲飲食食，比我同老公搵到間酒吧餐廳，開放式可以帶狗狗，讓客人可以帶埋愛犬享受家庭樂，還有好多外國人gathering，好chil兼relax。 感覺去咗外地，冇空去旅行入黎嘆下也不錯。室外亦好舒服 還有大電視可以睇波添。一人一杯 老公最愛嘅餐前飲 mojito 還就揀咗配 no hangover 多款鮮果汁混合而成兼冇酒精。Venetian Salad 意式沙拉律好豐富嘅食材 牛油果 火箭菜 Baby波菜 煙肉粒 牛肉條 雞蛋 車尼茄 好新鮮開胃海鮮龍蝦汁Risotto 熱辣辣 香噴噴 好豐富嘅海鮮 大蝦青口蜆同帶子，每口飯都包著汁，好鮮好creamy ，味道剛好。 yummy10oz 低温慢煮美國prime 牛腹柳擺盤精美 色香味 配上薯蓉 蕃茄 羽衣甘籃同大啡菇 牛肉味濃鬆軟 5成熟期剛好粉嫩，整體恰到好處。 飯後甜品點少得最係揀咗Opera Cake 好軟滑濃濃朱古力不太甜 配埋杯咖啡 好夾。佢哋閒日還有special offer $10 生蠔 $188 牛扒任食 不過只限星期一到四不同日子，記得打去book前問定。…查看更多

去左朋友大角咀家探訪，之後佢帶左我兩公婆去附近食好野，去到門口心諗酒吧唔通要企係度食，原來入內係餐廳，還有多張餐枱主打燒物，Poke Bowl (即係刺身飯)，佈置也讓客人舒服親民。Menu 都吸引選擇多，好多街坊幫襯，店員好親切招呼周到。多款套餐老公就選左，一本萬利$148已經包一罐飲品，還有和風刺身飯，靖魚，秋葵，牛肉串。和風刺身飯有驚喜，賣相靚又好好味，重點食材好新鮮兼健康，同埋明白到Poke原自夏威夷比日本人改良已成爲今日既美食，份量足夠晒兩個人分享。他們用上山葵乳酪醬做沙律汁好特別，配上日本醋飯，毛豆，雜錦香菇，芝蔴，主角大大粒吞拿魚呀，完美配搭燒秋葵平時唔太喜愛 不過呢個燒秋葵好香又調味得好好，老公勁鐘意。跟餐嘅燒靖魚燒牛肉ch，同另外叫金菇牛肉捲同燒雞軟骨，正常水準燒得剛好唔會太乾。朋友推介既三文魚刺身沙律，車尼茄多汁，自家醃既白蘿蔔爽脆，青瓜粒， 三文魚刺身 紫菜碎 新鮮沙律菜，配酸酸甜甜沙律汁，口感好清新又好開胃。…查看更多

賀朋友轉工成功兼出糧。由他發板帶我去食好嘢，選定荃灣廣場我兩都就腳，最後就幫襯呢間火鍋店，朋友話食評高分，係荃灣廣場6樓，，門面同普通酒樓無唔同，原來有午市的點心嘅，不過入內就發現枱與枱好有空間感兼卡位為主，比人各得好舒適，服務有好，尤其食材好有氣派。安排卡位近窗口 & 送上每人一少杯糖水，當任飲完後就會見到可愛小金魚Drink Menu內既飲品好吸引，最後每人揀左一杯囉。我選係桃花緣主要係桃味，而朋友仔選左鳳琉香。造形波波球好可愛。鳳琉香味道似 fruit punch桃花緣味道偏桃香。見人叫我哋有叫嘅7色丸，賣相好靚似盤景既食物，真係有足7款手工默墨魚丸，最突出係鹹蛋黃墨魚丸，青咖喱同紅咖喱味都冇特顯咖啡喱味，朋友就喜歡黑松露香味，7種佢投比黑松露我當然鹹蛋黃味。調味料設咗餐廳中間， 方便客人自取，仲要超多選擇，基本都有齊，葱粒，蒜蓉，芫荽，辣椒啦。。。。。還有其他配料重頭戲香江拼其實係牛拼盤好有氣派設計剛好圍爐，超級精彩好靚全牛不同保位，樣樣有啱晒人少少款多多，安格斯肥牛，牛白肉，牛柳粒，牛舌，牛展，牛小腿，黑柏葉，牛心頂同埋手切牛，口感要爽脆有幾脆，要嫩滑都得，牛味濃，各有所好，正呀。…查看更多