牛牛鮮

新開試業火鍋店主打潮汕牛肉，位置就腳旺角瓊華中心9樓，地方環境舒適，店員安排卡位比我兩個女士，門口可揀定湯底同ABC，我地決定揀選B $298 一位，還有一份海鮮添。

#香港美食

六點鐘還未滿坐 一到1900 好快陸陸續續坐滿。所以記得訂位穩陣。

1

店員先安排一個牛肉拼盤，細心位係可以旋轉方便選擇，有齊吊龍，雪花，匙柄，五花趾及牛胸油，兩個字新鮮，試過啱自己口味再用QR code 落單任點。牛骨清湯好多料，白蘿蔔，唐芹 同牛筋腩。白蘿蔔要最後食，無渣多汁清甜。

兩人海鮮盤 有彈牙海蝦，起埋殼的軟腍鮑魚，鮮甜蜆同肥美生蠔。

脆鯇魚片閃亮登場 好新鮮

飲品區選擇多，喜歡飲兩杯嘅朋友仔，無限紅白酒啤酒都係任你飲架。

1

$300

甜品自助雪糕櫃，唔算多選但係海鹽味雪糕同可樂檸檬味雪條都幾特別，讚。

好整齊乾淨嘅火鍋料區連配料區，應有盡有，蔬菜多款兼新鮮。

生炸雞全翼 好香脆 不過我哋實在太專注火鍋。

整體滿意度高，下次再食過。