gumarm的个人专页

全港最好食西多 之一同瑞記分唔到高下.今日想挑戰好耐冇食既科記豬扒又失敗轉個彎 就有豬扒米.一碗麵食狗一份西多呢個組合係完滿記得食到咁上下先好叫西多即叫即炸.去興記 重點係‼️很重要‼️Survival tips‼️.阿姐計數很隨性!有時收多幾蚊嗰啲我會由佢佢只會俾一個總數同埋同你講 啱架喇 信我啦😂.但比較會介意的朋友猶其如果你叫多於一個配搭 蛋/牛/豬扒/炸菜或者同行有幾位朋友只要點餐數目多於一阿姐心算就好隨機😂😂😂.係挑戰阿姐之前自己睇住餐牌價錢 計清楚先好理論但無阻M底的我繼續得閒路過食件西多…查看更多

從悠閒嘅富山🏔️同下呂溫泉♨️ 返嚟忙碌嘅香港冇耐已經要差一差電 😮‍💨🪫.中環 猶其蘇豪一帶集中咗不同食肆 中西餐廳 cafe 走到上伊利近街意外地遇上一處綠洲 🏝️鋪面外面感覺清新 有種遠離繁囂嘅感覺正好適合星期日嘅步伐 #chillin #weekendvibes.Cosha 走澳洲風格自由隨心 laid back 嘅步調cosy嘅氣氛令人想放慢腳步食一個滿足嘅brunch .餐廳無論店內擺設 到食材選擇方面 都十分講究擺盤用心 令客人食慾大增之餘好打卡able 📸📸.🍳 Simon Egg SourdoughSmoked salmon配以poached egg 同sourdough 特別在於店鋪自家製嘅lemon mayo 比一般以cream cheese配煙三文魚更加zesty 更加清新🧇 Croissant French甜品控必試😍😍由牛角包嘅麵團整成窩夫淋上海鹽焦糖醬同埋脆脆睇到滿滿嘅焦糖已經令人好期待甜度剛剛好 亦唔會覺得膩🍹Fair Berry Smoothie 🍹Mango Hill Smoothie兩款smoothies都以超足料新鮮水果加上yogurt加上店主講明唔加冰加糖感覺飲咗滿滿嘅維他命同纖維滿足又有營😌😌😌…查看更多

Umberto Bombana 有白松露之王之稱對松露嘅香氣 食材 菜式嘅配搭有獨特嘅天賦餐廳利用世界各地時令嘅菇菌類及新鮮食材設計菜單而今次我哋試嘅degustation menu嘅主角係來自日本嘅松茸烹調松茸嘅菜式 其中最重要當然係保留佢獨特嘅香氣令整度菜式提升餐廳無論喺善用食材同烹調手法上都處理得好好.另外當然要提吓由Chef Roland Schuller主理被稱為全港最好食嘅紅蝦意粉來自西班牙Carabinero嘅紅蝦係calidad suprema級別就是很 大 隻！ 食嘅時候記得要連埋蝦膏係呢道菜嘅重點.嚟緊秋天 就係食松露嘅季節值得再去試.👑 Degustation Menu 👑.amuse bouche 日本魔鬼魚面頰肉.WARM KING CRABzucchini trombetta / sea urchin / fennel tomato jusABALONEfresh matsutake mushroom / sweet peas / parmesan cheese主角松茸配以鮑魚同Parmesan cheese嘅foamPORCINI AGNOLOTTIfresh porcini / parmesan cheese / mushroom jusPasta我仲試埋牛肝菌意大利雲吞CHALLANS DUCKbeetroot / spice duck jus / donabe matsutake mushroom riceMedium rare 野鴨肉味香濃pre dessert 無花果Zabaglione 混合住酒香同蛋香 .PEACH AND TONKA BEANmarinated peach / tonka bean parfait / peach sorbet / yuzu gelPETIT FOURShand-crafted chocolate …查看更多

咁啱上星期去咗中環街市見到之前一直好想試嘅手工泡芙網店而家有實體店店主2016年喺法國藍帶廚藝學院畢業之後一直都係五星級酒店餅房工作後來仲創立咗自己嘅品牌以精緻嘅手藝結合傳統港式糖水嘅味道設計咗唔少創新嘅款式.鋪面好打卡able玻璃櫃入面擺放左好幾款設計得好有心思嘅手工泡芙 同法式瑪德蓮小蛋糕小朋友先至揀 😍😍我要咗綜合泡芙禮盒一次過可以試到六款唔同口味：.芝麻湯圓泡美👑 法式焦糖燉蛋泡笑黑糖珍珠奶茶期間限定 栗子麻糬泡芙👑 特濃意大利開心果麻糬泡芙台式芋泥鹹蛋肉鬆麻糯.其中焦糖燉蛋同特濃意大利開心果係best seller 非常受歡迎.至於芝麻湯圓泡芙係店主嘅原創款式脆皮嘅泡芙入面包住煙韌嘅麻糬同日本九鬼黑芝麻醬令人聯想起港式芝麻湯圓風味.私心推介 必試黑糖珍珠奶茶以沖繩黑糖蜜加上海鹽芝士奶蓋咬落去係脆皮泡芙嘅質感加上台式珍珠奶茶嘅味道非常有驚喜…查看更多

夜晚想搵個地方同朋友暢飲詳談 🍺 去咗灣仔一間席前炭火串燒店 餐廳有提供套餐 亦可以散叫心思思想試多啲唔同款式 #我全都要 😎於是我哋足足試咗20幾款唔同嘅前菜同串燒落單嘅時候餐廳職員會先了解客人口味然後根據當日新鮮食材推介菜式俾客人 .✨日本A4和牛刺身✨時令漬物 Hoso Special✨日本鬼爪螺✨鹿兒島柚子豚肉✨芝士蟹蓋配紅菜頭薯蓉冇紅菜頭本身青澀嘅草青味 有驚喜✨櫻花蝦紫薯豆腐✨田樂茄子✨鴨油枝豆✨銀杏✨燒白粟米✨厚揚豆腐先炸後燒 外脆內軟✨大蔥✨雞髀肉配手指檸檬  清新解膩✨月見免治雞肉棒✨關東大根天婦羅外面炸到鬆脆 入面仲好juicy 高質🤩✨雞皮✨雞腸✨銀皮 (雞胗上嘅薄膜)✨雞心元  (心臟前血管嘅部位)✨熟成手羽先雞翼✨提燈 (母雞卵巢同未孵化嘅蛋)✨煙燻鵪鶉蛋✨青提豚肉卷餐廳不時以時令水果入饌增添加清甜口感 令食物更有層次✨羊架✨黑毛和牛舌✨鹽燒白鱔✨雞皮紫蘇葉海老卷✨燻製帆立貝帆立貝先經過蘋果木煙燻 再用備長炭燒香表面 .整體嚟講和食前菜做得好有心值得一試!餐廳職員亦會介紹每道菜嘅特色有職員相對較新 但都好細心照顧客人需要環境氣氛係幾cozy係同朋友聚餐之選…查看更多

咁啱今日同朋友去大埔林村許願樹附近行吓周圍影吓相點知行入少少見到呢間餐廳 環境好清幽好靚心思思想試吓.餐廳分別有室內同室外位置坐一入門口睇得出佢好有心思擺設好似去咗旅行咁.餐廳嘅員工非常主動有禮經常會主動斟水 提供協助照顧客人需要.我哋今晚叫好多嘢！😛😛😛- 檸檬蜜糖單骨雞翼- 法式焗田螺- 香煎羊扒- 紅酒牛肉焗飯- 朱古力心太軟配雪糕- 棉花糖特濃朱古力.我自己就鍾意單骨雞翼配上檸檬蜜糖汁 酸酸甜甜好開胃法式焗田螺 我見到係每枱都必食配上薯蓉 吸收晒香草牛油嘅精華最後我叫咗心太軟做甜品作為一個完美嘅總結朋友就叫咗飲品特濃朱古力杯飲品嚟到嘅時候粒棉花糖大到 😆😆😆仲微微燒香咗.今晚見到有唔少在場嘅客人去慶祝生日好多都叫咗火焰雪山下次嚟一定要試😌😌.荷華園環境舒服 氣氛好對於日日都係石屎森林嘅我同你荷華庭係好適合一家大細 一大班朋友聚餐 或者拍拖嘅好去處😋😋😋…查看更多

Restaurant Week 又返嚟喇梗係即刻訂座試吓新嘢啦🤓🤓 .朋友好鐘意食黎巴嫩菜蘇豪嗰間去過好幾次 我麻麻地見中環有另一間黎巴嫩餐廳趁Restaurant Week 去試吓 .Shahrazad Lebanese Dining Lounge & Bar主打異國風味黎巴嫩中東菜式餐廳有好多打卡位 室內設計用色好鮮明藍色大梳化 🛋️ 富有中東色彩嘅吊燈 特色牆等等我哋被安排到靠窗位置對面就係大館 .🍽️ Roasted eggplant salad eggplant 烤茄子配雜錦沙律及椰棗糖漿 .🍽️ Halloumi cheese 煎哈羅米芝士配石榴糖漿由山羊同綿羊奶混合而成嘅哈羅米芝士由於高溶點嘅特質 好適合煎焗有口感得嚟帶有陣陣鹹香配西瓜食 出奇地夾 .🍽️ Batata Harra 香草烤馬鈴薯 .🍽️ Galayet Bandura羊肉配新鮮蕃茄, 洋蔥及黑胡椒 .🍽️ Mashawy阿拉伯式烤羊肉及雞肉串羊肉有點overcooked雞肉嘅調味恰到好處香口惹味 .🍽️ Chicken Ouzi烤雞配煙燻阿拉伯米飯配乳酪乳酪醬汁配搭得好清新解膩.想繼續追看更多今季Restaurant Week highlights記得留意住咁啱搵食喇…查看更多

Flat Iron Steak 平鐵牛扒 (直譯)係食牛CP值高嘅選擇嫩滑程度僅次於牛柳價錢就比牛柳平 .Flat Iron Steak位置係牛嘅三角肩被三條小筋包圍住所以煮之前要用人手切走筋膜 處理工序比較麻煩但係!!! 去除咗筋嘅Flat Iron肉質紮實 嫩滑嫩滑程度只係僅次於filet mignon係連英國名廚Jamie Oliver都推介嘅CP值之選 .喺香港想食吃到抵食又高質嘅Flat IronTop Blade Steak Lab係唔錯嘅選擇而我哋就鐘意去何文田嗰間坐得舒服之餘唔會太嘈雜 .Top Blade主打嘅Flat Iron經過21日熟成處理嫩滑得嚟 牛味突出簡單以海鹽 香草調味已經好足夠 .同另一間牛扒+任食薯條比較我更鐘意Top Blade用白松露鹽調味而且連皮即炸非常香口 唔覺唔覺坐吓就食唔停口 .私心推介 Medium Rare就啱啱好帶粉紅色 肉味重 夠juicy唔蘸醬汁 試咗原汁原味嘅食法先呀…查看更多

最近好鍾意食西多有兩間上環茶記平時耐唔耐都會去食晏原來係全香港最好食嘅西多.瑞記咖啡係上環街市一間歷史悠久好有舊香港風味嘅茶檔堅持以正宗製作方法 .去到瑞記通常都會叫咗麵或者米粉先我就鍾意食佢嘅鮮牛.講到瑞記我諗冇人唔識嘅係佢嘅樽仔奶茶係瑞記嘅招牌飲品之一茶味好香好濃 同味奶完美結合 濃郁順滑 .重頭戲 西多有時食啲好普通茶餐廳嘅西多炸到唔湯唔水唔知叫佢包定多士好瑞記嘅西多 炸到金黃酥脆搭配牛油同煉奶 （雖然我記憶中嘅西多係點糖漿）我明點解係全香港最好食嘅西多🤤🤤🤤.食晏時間好多時都要排隊搵位想試就趁非繁忙時間去唔使等咁耐…查看更多

試人氣烘焙店天使之鈴.本身超級超級鐘意食canelé (canelé de Bordeaux)即使焦糖色嘅外表唔係最打卡able酥脆外殼包住軟糯內餡食過真係一試難忘 .可麗露是來自法國波爾多嘅甜點因為佢可愛嘅做型日本叫做天使之鈴材料好簡單但整起上嚟好考功夫日本同台灣都唔少烘焙店有可麗露喺香港唔算多地方有做得好嘅就更少 .人氣烘焙店big grain主打無添加麵包同甜點咁啱路過灣仔見到竟然仲有一次過買左半打canelé用焗爐輕輕整熱令外皮更加酥脆 .另外試咗伯爵茶英式鬆餅配以clotted cream同果醬絕對係下午茶之選 .Big grain喺香港有好幾間分店除咗甜點亦有唔少款式嘅bagel同artisan bread有啲仲好早就賣晒㗎…查看更多

蘇媽蘇媽係一間馬來西亞餐廳以相宜嘅價錢提供正宗馬來西亞菜餚室內裝修好有懷舊氣息亦擺放咗好多70/80年代嘅擺設充滿馬來西亞嘅傳統元素就好似置身於馬來西亞嘅感覺咁 .肉骨茶係一道以肉、骨 lol連同一啲中藥 例如當歸 玉竹 黨參 杞子加上香料 八角 甘草 蒜頭等等熬煮出來嘅湯係東南亞地區 特別馬來西亞好受歡迎嘅美食 .蘇媽蘇媽嘅肉骨茶都有好幾款肉食以供選擇好似花膠雞腳 一字骨或者咩都有嘅大雜錦 .蘇媽蘇媽仲會教埋你點樣品嚐肉骨茶先係最好食嘅四步曲首先要調好醬料 飲啖暖粒粒嘅湯先開始食肉骨茶仲要記得點醬最後再添飲佢嘅湯真係補吓身嘅好物…查看更多

喺中環食晏好多時都排晒長龍但其實中環都有抵食又好食嘅餐廳四季常餐就係我經常「翻兜」嘅餐廳 .四季常餐中午時份成日都大排長龍我選擇買返公司悠閒hea住食唔駛同人迫用openrice app外賣自取可以落定單唔駛等去到就有得攞 .餐牌可以選擇嘅款式唔多雖然其實我次次都係叫同一樣味叉燒炒蛋飯配秘製豉油汁 ($60)做一樣嘢 做得夠好就足夠 .炒蛋夠滑 鐘意佢有蔥花半肥瘦叉燒 份量ok精髓係佢配咗個秘製豉油汁吊起個味好好送飯 .餐牌仲有其他選擇例如南洋咖哩豬扒飯豬扒炒蛋飯配秘製豉油汁你又鐘意食邊款呢~…查看更多

去完日本返嚟冇耐好掛住滑嘟嘟嘅蛋包飯今日晏晝心思思想食俾我搵到呢間揚食屋見話主打蛋包飯一於去試吓點知 大伏 十分大.根據餐廳介紹揚食屋嚴選日本卵、米作為原材料還原這道簡單美味的日式洋食蛋包飯之前其實食過隔離嘅21堂正正常常.至於揚食屋咁嘅價位你唔會expect食到咩正常質素日本嘢諗住叫做平平地求其食嘅質素滿足一下我當下嘅crave明明已經調低期望居然可以打破食物嘅下限.白飯 份量很多務求塞飽蛋包飯好重要的蛋A4紙咁薄唔係滑嘟嘟都算唔係fluffy egg都算真係煎蛋皮 咁薄 同咁熟.我點嘅係山賊燒牛肉蛋包飯牛肉都係有啲調味 炒吓食到心灰意冷只想快啲食完move on.不禁懷疑人生 我到底食咗啲乜…查看更多

咁啱今日下晝要開會中午食個快飯繼續上路雖則中午時間中環周圍都要排隊但呢一間食店快得嚟 勁有鑊氣 係我嘅飯堂首選 .新興美食喺中環昭隆街地鐵站C出口行幾分鐘就到其實又唔係真係咁隱蔽中午時份成條昭隆街有唔少人買野食 .鋪入面唔係好多張枱晏晝好多人都係嚟買外賣炒粉麵飯 最重要當然係夠鑊氣廚房炒到著晒火嗰啲新興完全係無carbs不歡嘅我嘅選擇每日有唔同嘅精選比主餐牌平少少有時一點幾已經好快賣晒 .私心推介雪菜肉絲炆米乾炒牛河超有鑊氣 食完要出去跑返10個8個圈 .香港宜家好多茶餐廳普遍水準都大跌上枱唔凍唔熱就最無癮新興嘅鑊氣炒粉麵唔係好多度食到架…查看更多

本身唔係米線愛好者唔食譚仔但係食過南記嘅春卷米線就愛上咗佢嘅春卷去南記基本上淨係會叫春卷通常都係單拼 有時再加多半份總共6條春卷朋友鐘意嘅程度係仲會放工路過都要買淨春卷返去當加餸😱😱😱.湯底可以選擇麻酸辣 番茄 酸辣 麻辣 清湯 腩汁或者蠔油撈麵南記嘅酸辣湯底湯底本身有酸菜 炸醬 腐皮 芽菜 韭菜等配料小辣對我嚟講啱啱好 好開胃好適合呢啲天氣冇胃口時候食.登記做南記嘅會員可以網上叫定外賣自取唔駛等仲會有電子優惠券生日月份仲會送仙草奶茶扣埋優惠券就更抵食…查看更多