fattyfoodies的个人专页

剛坐底仲‘不’緊醬料配料，呀姐就黎收走。前菜炸蝦餅，雞軟骨正正常常叫了胡椒豬肚及蕃茄湯，呀姐叫飲左胡椒豬肚湯先，但飲落火鍋湯底淡而無味。雞肉算滑，但食落又係完全冇味。一路打，呀姐過份勤力，不斷過黎“不”鍋內面層油，頻率密到我想淥野食都淥唔到。又係咁陏D餸既擺位，催促我地夾埋佢，令人好唔自在。肥牛，手打蝦丸等配料算正常，黑松露墨魚丸偏咸。唯一幾好係配料個xo醬，不過人均消費600蚊，附近可以有更多更好選擇。…查看更多

沙爹牛肉麵有驚喜食落有濃厚感，係誠意之作。麵底唔會太淋，爽麵一流。牛肉份量多，又入味。汁撈入湯都唔會覺得淡奶茶茶底都幾好，炒蛋滑，餐肉厚度正常，蛋士都唔錯。沙牛fans可一試…查看更多

同朋友約咗食早餐，叫咗一個早餐C，一個all day。Cafe黎講早餐唔算太貴，但加埋野飲就唔算抵食。沙爹牛麵味道香濃可口，但係牛肉偏少。滑蛋好滑好香，滿分。蒜蓉包都烘得好好食。個all day好吸引，芝士薯仔波同腸仔都好食。咖啡就中規中矩。…查看更多

聽講排到癲既點心店，夜晚黎完全唔駛排！！！九格點心拼盤係晚市限定。粒蝦餃勁大粒，勁高質。仲有蘿蔔糕，流沙包，燒賣，仲有兩款涼拌小食。鳳爪同排骨都好好食😋窩蛋牛肉飯係用山竹牛肉黎整，我就覺得唔係太夾。門口仲有日本雪條賣😍$15 正呀…查看更多

下午茶時間好好彩唔駛等位就可以入到去。入面座位都幾迫下，坐係角落位唔通氣食到成身汗，個爐又熱，又無風。食到崩潰😞但個吉列牛係好抵食既，$128有飯有得玩煎牛。係咁椅燒一燒就可以，唔駛太熟。個飯仲好好食，服務仲幾好。只係通風要搞搞佢😔…查看更多

黑松露野菌忌廉意粉$92用既係黑松露油，唔係醬。所以都幾均勻🤗唔算好重口，但啖啖都有黑松露味。食落唔會好膩👍🏻自製肉醬芝士意大利粉$98外表同味道有幾大既落差👽食左兩啖就要落芝士粉🧀肉醬味唔太重。三重芝士焗肉丸 $78肉丸有少少鹹🐂🐖芝士夠少，得面頭中間有芝士覆蓋。蕃茄汁都幾香濃。但唔太味。Latte Cappuccino 都揀左oat milk☕️🥛好香豆香，同咖啡融洽得好好😀好值得黎試。…查看更多

煲$158/位 唔駛加一🥳雞件都幾嫩滑，好少雞胸部分🐔味道香口，但多少少醬汁會更好。似食緊啫啫雞煲咁。打邊爐部分比雞煲無咁理想。湯底味道啖，醬料要加錢先有🌚食完火鍋料會想選擇食番雞煲😂但雲吞都幾好食既。不得不食既係炸！饅！頭！食一轉係唔夠🤤野飲方面唔算多，汽水外仲有水吧野飲同菊花茶。菊花茶幾好飲，好清熱。$158係黃店良心價。…查看更多

睇完戲黎食泰菜，唔駛排隊，買完飛入得。鋪面細細都環境唔錯。青咖哩雞配香酥餅。香酥餅好香好鬆脆。雞數量比較少，但咖哩汁味道唔錯。鮮菠蘿炒飯。正正常常，炒得較乾身。…查看更多

同老朋友食飯想坐得舒服D, 上openrice search左一會就搵左和平飯店。雖然疫情關係，但餐廳都有唔少客食飯。我地大約七點鐘到，幸好不用等位。食物叫左小籠包，海皇羹，翡翠苗，和平炒飯，脆鱔及乳鴿。小籠包鮮味多汁算唔錯，不過湯汁可以再濃香小小。海皇羹足料既，好耐未食過呢D湯羹😂雖然唔算有驚喜，平平實實唔錯啦。炒翡翠苗正常發揮，屬於一般中式酒樓飯店質素。前菜脆鱔就麻麻地，炸到好重油益味，我覺得下次叫燻魚會好一D。和平炒飯都好一般，以為係招牌炒飯會有大d期望，但味道偏淡，亦都炒得唔夠香，有改善空間。綜合覺得和平飯店食物質素OK啦，而且價錢親民，所以如果一家大細又想環境好坐少少都可以選呢到。…查看更多

今次諗住黎淨係打邊爐所以就冇叫到雞煲底，但係發覺就有少少後悔,因為發覺呢個養生煲底真係太淡，雖然有半隻雞喺入邊，但當係煲唔出味。野食都都係叫返一般打邊爐常叫既配料，好似肥牛，響鈴，水餃竹笙咁，呢度款式唔算特別多，所以多幾個人食咩款都可以叫到。佢地既封門柳好好食，肉質嫩但重牛味，值得一試。同埋提一提呢間火鍋店俾現金喺有海鮮送，所以大家不彷cash找數，不過佢當日送嘅鮑魚就有啲腥😅，海蝦就較為新鮮。整體覺得D野食野飲有D偏貴，食物質素就中規中矩。…查看更多

去黃埔探朋友之後響AEON行街。行到攰攰地打算去Food court坐下食D野。行左一個圈覺得呢間D野最吸引，而且睇落都係最多人幫襯。本來只係抱住填飽肚子嘅心態去食，分別點左燒比目魚定食同埋三文魚海膽丼飯。食落發覺有驚喜,比目魚燒得香而且肉質結實，而且我加左十蚊有蟹膏飯，連埋比目魚個汁送飯冇得頂。另外唔好以為food court 刺身無好野，海膽都好新鮮,開頭有啲驚會苦,食完就知好鮮甜。佢每個餐都會有麵豉湯，而且係有落真料去煲，絕對唔係淨開粉果D。加十蚊仲有野飲，出面任何餐廳都搵唔到咁平。…查看更多

呢間係屯門V city附近嘅燒肉，賣點係石版燒牛。晚飯有套餐揀，唔食燒肉仲有其他嘅飯類選擇。價錢唔算好貴，但食得出係靚牛。今次揀咗牛小排同吉列牛板腱。叫兩set牛仲可以送一份炸雞。$158/$168可以叫到10片牛價錢都算合理。仲送飯，麵豉湯同飲品。真係算良心價。本人覺得吉列牛嘅牛味差少少，冇牛小排咁重。如果鍾意食牛，可以淨係試牛片。牛小排油脂都幾豐富，每邊燒一陣就可以食。仲幾嫩口:)配埋飯食仲可以燒滯。而炸雞一般，可能餐廳主打嘅都係牛。…查看更多

位於屯門置樂既聚福樓以非常精緻既裝修造賣點。但好可惜佢座位唔多，晚飯時間最好book檯先。龍蝦湯。龍蝦味好濃，但湯入邊欠缺龍蝦肉。反而係有兩隻蝦。呢個炸物拼盤有炸蝦，炸蕃薯條，炸雞，炸餃子。炸蝦好有水準，炸粉唔算好厚。仲保留到蝦嘅爽口。但餃子就比較硬身。龍蝦汁帶子意大利飯。呢個龍蝦味冇龍蝦湯咁重，帶子煎得好香。依然保留到帶子嘅鮮味。三文魚班尼迪蛋。呢兩隻蛋整得幾靚，配埋新鮮三文魚感覺好Fresh。…查看更多

呢間位於虹橋嘅甜品舖，裝修非常之特別，用咗大阪固力果大叔做招牌。見到就好似去咗日本咁。餐廳落單嘅方式係用qr code落單。淨係塊招牌都足夠吸引我入去食灸燒焦糖布甸疏乎厘。疏乎厘好香蛋味，但面頭嘅焦糖唔算好多。珍珠奶茶窩夫。呢度嘅窩夫外脆內軟，面頭嘅奶茶非常creamy，有好重嘅奶茶味，加埋珍珠，兩隻好夾。仲有佢嘅奶茶雪糕亦都好好味。珍珠奶茶疏厘班戟。呢款同樣係有好香嘅蛋味。面頭同樣有好重既奶茶cream。好似飲緊珍珠奶茶咁。班戟亦好好食。…查看更多

今次嚟到屯門碼頭食下午茶，揀咗一間開左一排專食牛角包嘅小鋪試下。鋪面唔算好大，只有大約10個位。所以建議大家外賣。海牛。牛角包非常之鬆化，咬落好似食緊薯片咁脆。估唔到牛角包有咁驚喜，但要小心啲食好容易食到周圍都係。配料係吞拿魚同粟米。未到正常，唔算話好特別。小食揀咗薯角同單骨雞翼。只有一條骨食落好方便，揸返唔算好厚，十分惹味。而薯角一般，冇太大驚喜。總括嚟講呢間牛角包係唔錯，但如果想叫多啲配料，價錢都偏貴。…查看更多