和平飯店 (V Walk)

同老朋友食飯想坐得舒服D, 上openrice search左一會就搵左和平飯店。雖然疫情關係，但餐廳都有唔少客食飯。我地大約七點鐘到，幸好不用等位。
食物叫左小籠包，海皇羹，翡翠苗，和平炒飯，脆鱔及乳鴿。

小籠包鮮味多汁算唔錯，不過湯汁可以再濃香小小。

海皇羹足料既，好耐未食過呢D湯羹😂雖然唔算有驚喜，平平實實唔錯啦。

炒翡翠苗正常發揮，屬於一般中式酒樓飯店質素。

前菜脆鱔就麻麻地，炸到好重油益味，我覺得下次叫燻魚會好一D。
和平炒飯都好一般，以為係招牌炒飯會有大d期望，但味道偏淡，亦都炒得唔夠香，有改善空間。
綜合覺得和平飯店食物質素OK啦，而且價錢親民，所以如果一家大細又想環境好坐少少都可以選呢到。