kaki001007的个人专页

週末想俾自己少少儀式感，去咗銅鑼灣試呢間 Omakase。菜色豐富不花巧，食材每日空運，水準穩當😉• Chef Omakase Course $1680/ppl- 山水茄子配甘栗、北海道石魷魚、醋漬赤水母- 北海道松葉蟹蟹肉甜度幾明顯，處理得好乾淨，食落就係松葉蟹嘅原汁原味🙆🏻‍♀️- 薄切間八魚配海膽及魚子醬間八魚油脂分佈平均，配上海膽同魚子醬兩款高級食材，令味道更豐富同層次分明🫶🏻- 仙鳳趾生蠔配鹽水海膽生蠔嚟自北海道，勝在味道濃郁，鹹鮮同礦物味突出，同鹽水海膽嘅甘甜疊埋一齊，好奢侈🥰- 煙燻平政魚刺身魚肉結實帶彈性，煙燻味重之餘唔會蓋過魚味，提升咗香氣同層次😌- 秋刀魚刺身秋季必食嘅秋刀魚刺身，油脂感十足兼且魚味濃郁，而且份量慷慨，相當滿足🧡- 青森縣產鮑魚伴肝醬鮑魚爽彈，特製肝醬為靈魂所在，香氣突出，有少少海水味同奶油感，兩者配合得好好😋- 北海道紫海膽餐廳用嘅紫海膽新鮮度極高，入口即溶，用紫菜包住食冇得彈，係當晚其中一個highlight👍🏻- 太刀魚天婦羅新鮮炸起，炸漿透薄，口感鬆化。中間夾著一層蝦膏以增添鹹香感🫡- 鮟鱇魚肝最中餅綿密幼滑嘅鮟鱇魚肝，同香脆嘅最中餅，形成口感上嘅強烈對比😗- 深海池魚- 金目鯛- 野生銀鱈魚- 真鯛- 喜之次- 中拖羅- 大拖羅壽司由清到濃味逐件上，配以微暖且偏清爽嘅醋飯，口感鬆而不散。其中喜之次脂香最突出，銀鱈魚外香內嫩。至於拖羅嘅部份就重油香，以醋飯嘅酸度平衡返油脂感🫡- 金箔拖羅手卷最後以拖羅手卷作結，金箔就純粹視覺加分，味道穩陣好食✨- 原味及焦糖布甸蛋- 雞白湯素麵- 日本蜜瓜及抹茶蕨餅…查看更多

• 鹵水鵝肝 $368鵝肝份量十足，鹵水味道唔會太重，反而帶點陣陣香料味，啱啱好帶出鵝肝嘅香滑✨• 杏汁燉白肺湯 $328湯底夠濃郁，有杏仁香，又唔會搶味。豬肺處理得乾淨，冇腥味，飲落順口，滋潤又暖胃，入口仲有啲爽口感。每啖湯都覺得滋潤暖胃，飲完成個人都舒服晒😌• 椒鹽鮮魷 $178炸得金黃香脆，外脆內嫩，椒鹽落得啱啱好，唔會太鹹，魷魚新鮮彈牙。每件都炸得金黃，保持到鮮魷嘅彈性，送啤酒一流😋• 頭抽煎封大花蝦 $316花蝦夠大隻，新鮮彈牙，用頭抽煎封後帶少少焦香，惹味又唔會搶走蝦本身嘅鮮甜🧡• 鮮蝦水瓜烙 $168內裏有蝦肉同埋水瓜絲，不過就偏油膩一啲，蘸少少醬油更惹味😗• 普寧蘿蔔灌漿 $140蘿蔔爽口清甜，炸漿輕薄，呢道菜比較特別，平時喺其他地方少見，值得一試…查看更多

朝聖全港第二得奬Pizza店🍕✨適逢週末嚟到食Weekend brunch，除咗有招牌Pizza無限任食，仲有一系列嘅凍海鮮同烤肉～不得不讚Pizza真係幾正嘅，可以再encore😗• Weedend brunch $528/位最期待嘅當然係佢哋嘅Pizza，試咗Margarita同Pepperoni 兩款，採用傳統窯爐高溫烤焗，即叫即做，係正宗拿玻里風味！口感鬆軟又煙韌，一個人食兩個都唔過份😋其餘嘅嘢食都係喺外面嘅自助區度拎，設有意粉專區可以自選喜愛嘅意粉同醬汁現煮。揀咗呢個阿拉比亞塔辣醬搭配長通粉，煮得剛好有咬口，酸酸辣辣幾開胃惹味！另一Highlight係凍海鮮區，最搶手嘅龍蝦、蟹鉗都Refill得好快而且有質素，仲有蝦、螺同青口等等。烤肉推介羊肉，肉質軟嫩帶有油脂甘香，必食！至於烤牛臀肉就比較乾身咗啲，略為失色。除此之外亦設有熱盤專區，多款經典意菜例如燉雞翼、肉丸等，屬正常發揮不過不失🙆🏻‍♀️記得留肚食甜品，事關水準好出色！試咗Tiramisu夠creamy濕軟，亦富有蛋香。就算最basic嘅雲尼拿同朱古力雪糕都唔馬虎，滿滿足料雲尼拿籽/濃厚黑朱古力香，非常好食😋…查看更多

又嚟到呢間我好喜愛嘅法餐💖呢次品嚐咗佢哋以港式融入法國菜嘅A la carte menu，好佩服佢哋喺菜式設計上源源不絕嘅靈感，最重點係做到出嚟味道依舊非常出色✨• L'amuse Bouche前菜小點係一道以北海道帶子製成嘅他他，上面放咗鹹鮮嘅三文魚籽點綴，加上葉片形狀嘅紫菜脆餅同柚子調味提升清爽感😌• Langoustine以墨魚切成薄片麵條狀，享用前輕輕將其拌勻，令每條都能夠掛上蝦醬奶油汁！醬汁巧妙地用上奶油平衡返蝦醬嘅濃重，食落鹹度剛好又惹味，另外小龍蝦都好新鮮彈牙🩷• Pigeon用低溫慢煮嘅方式將鴿胸嘅鮮味同肉嫩鎖住，味濃而不羶，非常有驚喜！另一邊廂係利用鴿腿肉絲結合鵝肝醬、松露醬等食材所製嘅春卷，層次感豐富！配以酸甜嘅甜梅醬更令人開胃，忍唔住一啖接一啖呢🥹• Eggplant原先我係唔太鍾意茄子，但Maison ES嘅主廚真係好擅長處理蔬菜，將茄子做成兩個完全唔同嘅口感同味道，同一款食材都能品嘗到多種變化。喺烤過茄子基底上加入混合咗奶油嘅茄子蓉，煙燻味道濃郁，面頭則為炸至乾爽不油膩嘅茄子粒，沾上碟上嘅辣粉帶出「避風塘」風味😙• The "Wagyu" Wellington 鬆脆富牛油香嘅酥皮包裹住和牛肉扒，生熟度恰到好處，醬汁用上港式柱候醬及清甜蘿蔔作為配菜，係「柱候牛腩」嘅變奏版😋• Espresso Lava Cake最後以一道咖啡心太軟作結，啖啖咖啡醇香，味道唔會太甜，內餡仲有粒粒西米令口感更加豐富☕️…查看更多

• 京式醬蹄 $148看似較常見嘅涼菜卻好巧功夫！用秘製醬汁烹煮本地豬蹄至軟腍，外皮Q彈肉質紥實😋• 京式素鵝 $148以腐皮包住甘筍絲、冬菇絲及西芹絲，經茶燻處理添上一股獨特嘅燻香😙• 山東燒雞 $288/全隻呢個價錢食到全隻雞真係好抵！採用本地三黃雞，醃製三個鐘頭再先炸後蒸，最後撕成一片片方便食。值得一提作為靈魂嘅自家製蒜汁，令每啖都充滿蒜香更惹味🥹• 酸辣湯 $148難得飲到咁足料，而且酸度辣度都好夠嘅酸辣湯，非常之開胃！裡面有豬肚絲、豬紅、鮮蝦、豆腐、木耳等配料，天氣涼涼地飲返碗勁正😳• 北京填鴨 $468/全隻睇封面就知幾多汁！連選材都用返北京嘅白羽鴨，肥瘦均勻，鴨皮充滿油脂香氣，配上夠薄夠煙韌嘅即蒸餅皮、青瓜、京蔥絲、磨豉醬同砂糖，一件接一件停不了✨• 高力鳳尾蝦 $108/隻將大大隻越南鳳尾蝦裹上蛋白油炸而成，蝦肉結實彈牙，與蓬鬆嘅蛋白形成鮮明嘅層次，沾上甜酸醬完全無油膩感🤙🏻• 干炒牛肉絲 $198• 叉子燒餅 $62當晚可謂最有驚喜嘅菜式，牛肉絲炒至非常乾身甚至帶香脆嘅口感，味道有如麥芽糖般香甜，將牛肉絲放入燒餅中一齊食，意想不到地幾match😚• 打滷麵 $80麵條粗身得有少少似烏冬，掛上濃稠醬汁，係飽肚得嚟味道又唔錯嘅主食選擇😌• 高力豆沙香蕉 $122尾聲甜品都好高水準！高力豆沙做到fluffy軟綿綿嘅口感，最特別係除咗豆沙餡之外仲包咗香蕉🧡• 拔絲蘋果 $122呢道拔絲蘋果亦係我嘅私心推介！爽脆清甜嘅蘋果被焦糖脆皮包裹住，甜而不膩，無論口感定味道都係一流😚…查看更多

拍得住日本質素嘅和牛燒肉💖• 日本鹿兒島和牛二人餐 $1680- 海之幸魚生沙律 新鮮沙律菜配上各種魚生粒粒，令人胃口大開呢✨- 日本鹿兒島和牛12種類、野菜1種類十二款和牛刁鑽部位，脂肪紋理好靚，各有特色！呢度嘅爐溫好夠，輕輕將牛肉兩面燒約十秒已經呈現金黃焦脆嘅效果，令肉汁鎖住喺肉嘅裡面！一開始先食油脂豐富啲嘅部位例如後腿肉、牛肋肉、三角肉、肉眼等等，肉質超級軟腍，一瞬間有返咗日本嘅感覺！之後再食牛味濃嘅部位如封門柳、牛肋條，最後再食牛舌，質素令人驚艷！如果個套餐可以包埋白飯就更滿足喇🤣- 季節清湯- 季節雪糕係味道濃郁嘅芝麻雪糕🍦…查看更多

二訪「希鳥」，一間來自東京嘅燒鳥割烹，使用鹿兒島產黑薩摩雞並且配合備長炭燒，使串燒均有一股濃厚炭燒風味，再加上日籍師傅駐場烹調，火喉控制得好好，每一道料理都係味覺嘅享受💖• 17 Course Dinner $1250/位- 季節の前菜盛り 四款精緻前菜，從淡到濃分別有味噌菠菜、柚子雞皮、螢光魷魚同雞肝醬多士。最喜愛依然係雞肝醬多士，非常濃郁甘香✨- 清湯スープ 自家製鶏団子清潤嘅雞湯毫不油膩，配上啖啖肉嘅雞肉丸子🤓- 本日の一本目雞肩；結實嘅肉質同脆口雞皮，層次感分明😌- ささみ昆布 いくら わさび半生熟嘅雞柳刺身、以紫菜包裏住再放上三文魚子，口感嫩滑但雞肉本身味道就偏淡，靠三文魚子嘅鹹香吊味😗- 本日の塩焼き雞心；爽得嚟帶嚼勁😌- 季節の焼き物鹽燒鯛魚；魚皮燒得香脆，肉質偏結實，零腥味☺️- むね身たたき以半熟雞胸製成嘅他他，調味用上柚子醋，既酸甜又開胃✨- 本日の塩焼き雞頸；咬落彈牙，口感好特別😚- 月見つくね免治雞肉棒外層烤得微焦，多咗一重炭燒香氣，醬汁甜甜哋，好好食，重點一定要蘸埋日本蛋汁😋- アスパラの和牛サーロイン卷き油脂四溢嘅和牛薄片包住嫩中帶脆嘅蘆筍，balance返和牛嘅膩感😬- お口直し中場以清甜蜜桃沙冰清一清味蕾😌- 鴨ロース山椒餡かけ薄切鴨胸；配以山椒醬調味😼- 季節の焼き野菜巴馬臣芝士嘅鹹香帶出咗翠玉瓜清甜👍🏻- 手羽焼き一貫用最簡單嘅鹽燒已經帶出雞翼嘅鮮味！雞皮厚身又彈牙，比起平常嘅雞翼更加惹味💖- シェフのおすすめ雞蠔肉；屬於稀少部位，一隻雞只有兩粒，肉質係超juicy爆汁，簡單鹽燒已經好正🥹- 白湯ラーメン暖胃濃郁嘅雞白湯底，嘴巴能夠感受到骨膠原嘅黏稠感😋- トリュフTKG +$100新鮮即刨黑松露片、雞肉碎，再拌勻生雞蛋，令黑松露嘅香氣同蛋香完美融合喺飯粒裡面，滿足😚- 水菓子甜品係海鹽雪糕大福同草莓🍓…查看更多

• 夏之煙燻盛饌 $1088/2位- 醬油盛合包括赤蝦、鮑魚同帶子，用醬油醃製至入味。鮑魚食落煙煙韌韌，而且滲咗辣味，好過癮！另外赤蝦蝦頭爆曬膏，鮮味滿滿，讚💖- 煙燻蘋果木豬五花重頭戲之一。即場用蘋果木將五花肉煙燻，再要焗一焗佢等啲香味滲入豬肉裡面，燒完真係仲保留到蘋果肉嘅燻香！而最地道嘅食法當然就係用生菜包住，再加上少少韓式辣醬調味，油膩感即時消散😋- 韓牛牛小排、和牛外裙肉、和牛牛肋肉、和牛牛舌至於牛肉拼盤，四款肉都靚！First Pick一定係油香十足嘅牛小排，其次外裙肉腍身得嚟牛味重☺️- 雪梨水冷麵主食可以揀水冷麵或者炸醬麵，不過本人就兩樣都唔太好喇🤣調味亦較清淡健康🤣- 是日甜品甜品係Tiramisu，不過不失，份量足夠兩人Share😌…查看更多

晚市套餐都只係398就可以食到三款小菜，幾抵食- 孜然羊扒 +$68有成五大塊，重點係肉質好鮮嫩juicy，真係估唔到，面頭放咗大量蔥蒜同辣椒，好香- 鳯尾腰花用咗乾辣椒同蒜心一齊爆炒，香口惹味，最啱餸飯- 干鍋有機花菜熱辣辣有個爐熱住咁上枱，保持溫度另外額外再點左個酸菜魚- 酸菜桂花魚片 $398辣度酸度平均，桂花魚片啖啖肉，有鮮味…查看更多

• SAVVY特色分享餐單(二人用) $798- 北海道刺身級帶子當晚最愛！帶子表面煎至金黃，內裡肉質依然非常柔嫩，呈半生熟狀態，加咗少少紫菜提鮮，好食✨- 日式海蝦蔬菜拼盤由牛油果、青蘋果、紅蘿蔔、青瓜組合而成，配上兩隻已去殼嘅海蝦肉，清一清個味蕾再食下道菜👍🏻- SAVVY特色蔬菜湯主要為紅菜頭以及多款蔬菜一齊熬煮，味道清甜舒服😌- 鐵板印度香烤拼盤有齊羊肉腸、烤雞、烤魚，十分豐富！印度烤餅鬆軟得嚟幾重麵粉香😋- 扒澳洲乳飼羊扒上枱時香氣撲鼻，真係流晒口水🤤羊肉羶味唔重，肥瘦適中，點埋黑胡椒汁惹味十足🔥- 北印度香炸雜菜外脆內軟，中心好似薯餅咁軟綿，不過調味就比較重手😛• 藍莓芝士蛋糕 $58飯後甜品是必須的！好有儀感地以甜品車嘅形式出場，款款都咁精緻真係選擇困難症發作！揀咗呢個藍莓芝士蛋糕有別於平時好厚實嘅Cheesecake，質感細滑，芝士味濃而不膩😚• 檸檬熱情果蛋糕 $58造型太吸晴，第一時間就揀咗佢！原本以為成個都係Mousse，其實裡面大部分都係果肉，好清爽，就算食咗咁多菜式都會忍唔住食曬🤣• Yuzuvvy另外佢哋嘅Cocktail一樣值得推介，呢杯Yuzuvvy以Sake、Gin、柚子蜜同橙汁調配而成，甜甜哋容易入口，酒感唔重呢💖…查看更多

一間個人非常喜歡嘅法國菜，節日慶祝首選✨呢次已經係三訪，水準依舊有驚喜！今期最新菜單「Taste of the Soul」就用咗中國八大菜系創作，十分佩服主廚嘅巧思，將中式同法式完美融合喺菜式裡面✨• Bread店家最Signature嘅蔥油麵包，食過幾次依然覺得驚艷！碟XO沙茶醬牛油絕對係精粹所在💖• L'amuse Bouche每次來訪都食到唔同嘅餐前小食，今晚呢個拖羅蓉多士帶少少微辣風味，幾開胃😋• Black Abalone將黑鮑魚及海參切成粒狀，以備長炭烤製，煙燻香氣非常突出，混合經油炸而成嘅海參薄片，口感好有趣！配上濃稠嘅鮑魚蔥汁更令整道菜嘅層次感提升✨• Eel與過往食到嘅鰻魚呈現完全截然不同嘅風格，爽彈鰻魚以上海名湯「醃篤鮮」入饌，增添鮮美。腐皮、檸檬果凍同竹筍三者能夠中和鰻魚嘅油分，味道平衡得好好🫶🏻• French Yellow Chicken採用雞胸部位口感不油膩之餘，肉質亦意外地軟嫩多汁！另一邊廂則是將雞脾肉配合麻辣汁所製作而成嘅法式凍雞肉批，酸酸辣辣得嚟卻唔會太重口味，帶出一份清新清爽嘅感覺😌• Lobster Ravioli 一吃便會愛上呢道龍蝦雲吞！靈魂在於那極致濃郁嘅龍蝦湯底，感覺真係用咗唔少龍蝦殼所熬製成出真材實料嘅味道！雲吞外皮厚薄適中，內餡為龍蝦肉、杞子與萵筍，再用上魚子醬同鵝肝泡沬點綴，精緻又好吃💖• Lotus Mont Blanc以往好怕蓮蓉嘅甜膩感，呢個蒙布朗做得唔太甜，反而食到蓮蓉本身嘅清香，完全改觀了！雪糕亦配合中式主題，是普洱茶口味🥰• Earl Grey Madeleines 傳統法式甜品馬德蓮貝殼蛋糕，入口已經散發住濃郁伯爵茶香氣，外層烘烤得非常之脆😚…查看更多

同屋企人提早慶祝農曆新年，今次嚟到主打新派台灣菜嘅稻埕飯店食佢哋嘅賀年套餐，當中包括咗店家招牌菜式，非常豐富🧧✨• 五福臨門 新春賀年套餐 $1688/四位- 話梅小山藥拼黑糖醋釀柑仔蜜前菜為爽口山藥粒同蕃茄仔，酸甜開胃而且份量好大😧- 白滷水九孔鮑魚採用台灣土產嘅九孔鮑魚，以白滷水滷至入味，口感彈牙☺️- 鵝不是鴨肉同樣以白滷水炮製，鵝肉鮮嫩，無骨食落好方便😌 - 金不換干貝螺頭燉雞湯每位都會有一個原盅燉湯，火喉十足，內有螺頭、雞肉等湯料🫶🏻- 古早味三杯雞煲上枱嘅時候熱辣辣，雞肉肉質滑溜，調味好夠香口，超啱餸飯😚- 秘製台汁骨膠豬手花膠石鍋豬手炆得好軟腍，仲配上片片花膠，滿滿骨膠原嘅組合🧡- 花枝月亮蝦餅蝦餅做得薄身，口感同味道上都冇傳統蝦餅咁油膩，啖啖蝦香🦐- 富貴黃金大蝦一客四隻，大蝦尺寸足足有掌心咁大，裹上濃濃鹹蛋黃醬，香口惹味🍤- 櫻花蝦魚湯油津白調味清淡，較遜色。- 八斗子炒飯材料包括有虎蝦、北海道帶子、鵝肉、蟹肉、蟹籽同肉鬆！飯粒炒得乾身，粒粒分明✨ - 薑汁桃膠燉杏仁鮮奶最後以滋潤暖胃嘅杏仁鮮奶桃膠作甜品🧡…查看更多

喺香港食韓國菜一般印象就係貴，最近搵到呢間韓燒店性價比唔錯，而裝修就以70年代嘅會長之家，又即係當時富人嘅屋企做主題，每個角落都充滿韓式古典美🌺• 會長招牌套餐 $498有牛有豬有海鮮仲包埋嘢飲嘅超豐富嘅二人餐都只係呢個價錢，非常之抵食！包括有韓式醬汁牛五花、M6澳洲和牛臀肉、美國極佳牛頸脊、西班牙黑毛豬肋條、特級豬頸肉同阿根廷珍寶紅蝦總共六款肉類。牛五花用上醬汁醃製，味道帶甜，而其他肉類就更原汁原味，和牛臀肉牛味濃厚，西班牙黑毛豬肋條肉汁豐富，值得一試😌值得一提嘅係呢度仲有手搖飲品，套餐包埋唔洗加錢！揀咗奶油桃桃烏龍奶茶同百香果梳打，奶茶上唧咗滿滿忌廉，有誠意，茶底可以更濃一啲，至於梳打就正常發揮～• 韓式燒鰻魚 $148上枱嘅時候會俾埋Timer，教埋你點燒，完全唔怕overcook褻瀆咗啲鰻魚！呢度嘅鰻魚係每日新鮮到貨，非常厚肉，食落口感彈牙☺️• 醬油蟹膏蟹子拌飯 $108一半係醬油蟹肉蟹膏，一半係蟹子，中間則放上生蛋黃。撈勻之後同時食到蟹子嘅爽脆以及蟹肉嘅鮮味💕• 麻油紫菜飯 $28…查看更多

最近發掘咗個超Cozy嘅Cocktail Bar！呢間位於銅鑼灣嘅Pistol Bar & Lounge，主打創意特色Cocktail ，融合東亞文化元素，非常有特色，想再特別啲可以交由Bartender發辦喔！另外每逢星期三仲有現場Jazz表演同DJ演出睇，Chill上加Chill🔥• Uji Matcha Ammo $128茶味濃烈回甘之餘帶少少來自於熱情果嘅酸味，質感如傳統抹茶般有一層細緻綿密嘅泡沫，層次豐富🍵• Elixer de Madame $128而呢款就用咗Lavender Gin、鮮檸檬汁同伯爵茶調配而成，營造出非常清新清爽嘅口感同味道，真係有啲似飲緊酒精版檸檬茶🍋…查看更多

之前試過銅鑼灣嘅牡蠣小屋感覺認真唔錯，今次去咗佢哋新開無耐嘅姊妹店炭兎，主打以備長炭烤嘅爐端燒，喺香港真係較為少見🧡• 鐵盒燒生蠔 $240/6pcs 追加芝士+$48/3pcs店家招牌鐵盒生蠔，燒過依然脹卜卜，不過就偏熟咗少少，略嫌未夠鮮嫩。額外追加咗份芝士，店員會喺食客面前將熱溶芝士加上生蠔，令整體再多份鹹香同層次感🫶🏻• 炙燒和牛卡爾帕喬 $188和牛片表面經過炙燒，所以食落會感受到微微脆口，中心則依然係半生熟，較有咬口，唧少少檸檬汁更加開胃🥰• 鐵板明太子芝士玉子燒 $108嫩滑玉子燒內裡包住滿滿嘅明太子同拉絲芝士，味道十分融和✨• 山芋明太子鐵板燒 $78第一次食山芋做嘅鐵板燒，口感幾特別，配料有啲八爪魚粒粒🐙• 鰯魚拌明太子 $118即叫即燒原條鰯魚，充滿炭燒香氣，再配上燒明太子，同平時生食嘅感覺截然不同，但兩者就未算好夾😗• 蒜香辣椒牡蠣八爪魚 $118至於主食就叫咗意粉，調味做得唔錯，夠重蒜香同辣味，會令人一啖接一啖食上癮😚• 湯底燒冬菇 $45• 糸島 甘夏の酒 $68…查看更多