domperignonvintage的个人专页

Foxglove 是來自英國的雨傘老品牌，在中環的店鋪是一間隱蔽的私房菜餐廳，同學仔早早推介過這間餐廳，話玩味十足。 今晚終於約齊腳來吃晚飯。門口位於一條兩邊擺設雨傘的走廊，裝修隱蔽，豪華而有貴氣，入面燈光昏暗有氣氛。英倫紳士風的佈置，好high class。未入去，就已經有驚喜，要想下辦法才可打開這道門。打開門後，場地好開揚，仲有一張長酒吧枱，我地搵個舒服的梳化位坐低，再慢慢飲住雞尾酒等齊人。Old Fashioned Cinema, 係Vodka base， 飲住烈酒再配甜甜地的爆谷，係一種味蕾的衝擊，一種刺激的享受，幾特別。Waiter話平日有live band，除了禮拜一，下次可以再來聽歌，今日就可以靜靜地吹下水。前菜係麻辣牛腱，醬汁麻而香辣，煮得入味，牛腱肉質爽滑煙韌，咬落好彈牙，牛肉味濃郁，麻辣味滲入當中，加上有芝麻同花生粒，味道香濃。陳醋燒香菰，香菇軟稔厚肉，滑溜香甜，陳醋醬汁酸酸甜甜，燒得剛好熟，真的做到外脆內軟。礦泉水松茸竹笙燉雙連餐廳介紹是使用普娜天然礦泉水來煲成的，味道清甜鮮味，松茸香味濃郁，竹笙爽脆入味，係進補良湯。花雕粉絲蒸阿拉斯加蟹肉用新鮮阿拉斯加蟹肉整成，大大隻連蟹蓋無得呃，鮮甜美味，肉質彈牙爽滑，粉絲吸收醬汁精華，特別鮮甜，仲有淡淡的花雕味。酥香惹味豆豉雞係很有創意的一道菜，用酥脆的外皮夾住雞肉和豆䜴，豆䜴味道濃郁，而雞肉鮮甜嫩滑，味道好夾，第一次食呢個煮法。素蟹粉炒蛋白呢碟素菜份量多，蛋白炒得剛好熟，滑溜鮮甜，入口即溶，素蟹粉口感清新鮮甜。主食：香蔥和牛炒飯炒飯顏色較深色，師傅炒得乾身入味，飯粒飽滿分明，煙韌香甜，牛肉軟稔有口感，食得出係高質既炒飯。最後係一道精選甜品，有黃金脆奶卷、玫瑰棗皇糕、狀元湯丸等三款，炸湯丸煙韌軟稔，入面的芝麻餡香濃滑溜，脆奶卷香口得嚟有濃郁牛奶味，好滿足呀。…查看更多

今日去探朋友一齊食飯，就腳當然就去愉景新城找晚餐，有間日本餐廳裝潢不錯，而且都幾多人食緊，在門口睇餐牌都選擇不少，所以我地就決定入去食。打開餐牌，選擇嘅種類很多，刺身，壽司，串燒，煱物，飯類拉麵應有盡有。至於壽司方面，尤其火炙壽司確係幾有水準，火炙芝士熟蝦壽司，乾身脆脆的，配上芝士，味道豐富，鹽燒三文魚壽司，經火炙後充滿魚油，簡單鹽燒就能帶出鮮味，每人吃四件都不覺得膩。牛油果軟殼蟹手卷，軟殼蟹上到枱都仲係熱辣辣脆卜卜，加埋牛油果豐腴嘅口感，真係一啲都唔會覺得油膩。串燒性價比很高，走地雞三角軟骨很香脆，因為用左走地雞既關係，痴住少少肥膏黎燒簡直無得頂。燒菠蘿燒得微焦，吃起來很香口。薄燒牛舌，此道圃上桌便聞到陣陣牛香，牛舌口感爽脆中帶點煙靭，牛味香濃，只放少許海鹽及黑胡椒調味便已經相當好吃。另外薄燒牛肉蒜片都做得唔錯，牛肉卷住洋蔥見到幾厚身，用汁燒令整體唔會好乾身，味道不錯而且都不少，都幾香同口感彈牙，好味道。…查看更多

朋友今日介紹話佢試過呢間新開既餐廳，佢地出名係食吉烈牛，我心諗吉烈豬就食得多，吉烈牛係咩玩法呀。牛吉烈御膳，一人一個煎pan，一人一個set，無論食物，擺放或爐具都頗精緻，傳承左日本既賣相。店員會逐一介紹吉烈牛既煮法同食法，每面各煎30秒就 perfect 喇，仲有醬料同調味都講解埋。原來呢一隻吉烈牛係外面吉列，裏面係生嘅，再煎一煎，煎返自己鍾意既生熟度，所以牛肉非常之嫩滑，牛肉味又好香，而且肉汁又多，而且有好多調味料去配搭，加埋調味料都好好食，好正。鰻魚飯嘩~~~好香鰻魚香氣，而且大大碗，每粒飯粒粒鮮明，鰻魚汁亦都沾上飯粒，鰻魚好鮮好香，加埋鰻魚汁，一流估唔到呢間餐廳既吉烈牛咁好食，呢個食法令到牛肉可以保持滑嫰，而且地點方便，有多款食物選擇，絕對值得一試！…查看更多

朋友請食放題 一係唔食 一食緊係要食到盡啦！我就同佢唔客氣啦，梗係由刺身開始拼先啦。刺身無雪味 都好新鮮 任食甜蝦好爽 當然唔少得仲有帶子同埋赤貝，加上長腳蟹 一次滿足好多心願。呢度D壽司細細粒 唔會話太飽 可以食多幾樣野。火灸壽司D油香標哂出黎 好香 好鬼正。另一放題絕不可少既係燒物，食左牛舌、雞翼、蒜蓉牛油蝦、翠玉瓜、菠蘿、燒帆立貝，都好夠味，用嚟配酒飲一流。烤羊架好好食，啖啖肉呀。另外必食仲有炸物仲有炸廣島蠔同埋炸榴蓮，炸得好香口，蠔非常多汁，榴蓮控一定要叫黎食！串燒叫左燒雞翼，都唔錯幾好食。呢度相對其他放題黎講價格比較高但相對食物就比較多款式同埋新鮮，質素亦都好好，所以點解今次再黎食。每次食放題都怕漏單，但呢度上菜速度快而且唔會漏單，環境亦都幾舒適。…查看更多

有一個好朋友搬咗去荔枝角某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：Ankake 拉麵個湯底不俗，個湯底味道好啱，濃得黎唔會太咸又唔會唔夠味，好鍾意佢個瘦叉燒，好有咬口，好煙靭，除咗痩叉燒之外，仲有其他配料，例如：竹筍好香，浸落湯底到索晒啲湯底再食好好味，拉麵亦都好彈牙同埋拉麵可以掛係燒雞翼估唔到呢一個雞翼好香，個皮燒得好香好脆，火喉控制得好好，雞翼亦有好多汁，唔錯日式餃子餃子餡料非常豐富，一咬，有好多肉汁，加埋沾上餃子汁，味道更加好。蟹籽手卷蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道手卷章魚燒章魚燒味道非常之日式，燒汁嘅味都好好味，配上章魚燒，簡直冇得頂，加上面頭嘅木魚絲，同埋入面嘅章魚粒，真係好好食。餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！…查看更多

荔枝角地鐵站行8分鐘左右就到呢一間素食餐廳，外面門面擺放了不少裝飾，一入到去感覺好舒服。餐廳俾人感覺好舒服係好重要，因為可以坐耐d，而且背景音樂好舒服，服務員招呼好週到，亦都好有禮貌。竹笙上素呢一碟竹生上素好足料，有大量竹生、冬菇、木耳、菜、雪耳等等，口感豐富，竹笙吸收晒素既精華，仲有筍添，又爽又軟又香菇味香，正到不可開交。紅燒豆腐充滿惹味的一道菜，沒有肉類也可咁惹味，豆腐好香，味道不太咸，剛剛好，而且有好多材料，例如雜菌之類呀，好豐盛！椰汁杏仁露上枱非常熱辣辣，香噴噴的杏仁味，加上淡淡的椰汁，好夾好香。口感仲非常滑溜添呀。近年興健康飲食，所以呢間素食餐廳非常適合著重健康的你！而且價錢合理又好食，一定要幫襯。…查看更多

這間餐廳的賣點是平價牛、而且你不用揀牛扒的成熟度，統一medium rare。客人先排隊於門外點餐（你要多少牛都會於你面前即磅）、入座、自行取餐，離開時清理盤子。這樣子吃飯在香港真的是第一次很有新鮮感。餐廳內部設計充滿日式味道，每人一個餐一塊扒實在是壯觀。我點了個300g的牛柳🥩🥩🥩價錢尚算相宜🤑其實每1g的西冷比牛柳只貴了💲0.16！牛柳更有牛味、而且口感💯。而牛柳的肉質則較淋，但裡面都充滿肉汁。這裡的汁醬也沒有平時的黑椒汁、蒜蓉汁之類，但你可選蔥油、洋蔥油或蒜油，另配一碟柚子汁，甜甜的。其實不太喜歡甜汁，最後還是原汁原味的比較好，仲可以根據個人喜好加鹽或黑椒調味。男生吃一份300g多的牛扒也不夠飽的話可加💲25要個set！白飯/味噌湯/沙律/汽水或烏龍茶4選3，包你撐著肚子離開。…查看更多

今日突然之間好想大大啖咁食肉 本身冇諗定食咩 但經過朋友介紹話上次食過唔錯 今次要帶我黎 一入門口見D人食緊大大塊扒既鐵塊餐 聽到埋鐵板餐既吱吱聲 即刻流口水餐湯就要左職員推薦既紅湯 真係唔錯 係帶D微辣既雜菜湯 好香既辣味 搭暖笠笠又脆既餐包食一流 個湯入面都幾足料 有好多唔同既菜、青椒、西芹等等 飲落都幾濃當晚餐廳仲送左碟炸蠔俾我地 新鮮即炸所以個皮好香脆 裡面蠔汁有爆出黎既感覺 唔錯既餐前小食叫左份星級什扒 包括了兩塊很大的雞扒 一塊豬扒 一片厚火腿 一條司華腸仲有一隻雞翼 非常豐富 用加熱了的鐵板盛上 再由店員淋上蒜蓉汁 馬上就能聽到滋滋滋滋的特效🤤記得要拿起桌上的格仔枱布遮擋喔 不然汁可能會濺到衣服上說真的 豬扒讓我驚喜的🥺 不是一般用鬆肉粉醃的口感 另外雞扒有咬口有雞油香 而且很大的兩塊 我最喜愛浸泡在蒜蓉汁而且被鐵板燙得焦香的火腿和司華腸 吃起來特別juicy 當然唔少得跟餐的意粉 非常滿足最後甜品有涼粉 加上花奶非常滑 感覺像充滿兒時的回憶…查看更多

放工約左朋友係尖沙咀食飯，雖然好多選擇，但我最鐘意都係食火鍋，今晚試左重慶洪鼎火鍋。我地6點半黎到，坐四人卡位，好闊落。食物種類唔少，打邊爐要有既料佢都有齊。落單時侍應同我地講8點半離座 火鍋料7折或者鍋底半價 但唔限時。我地當然揀7折啦，有折又可以叫多d野食。一坐低 檯面就有2碟小食，酸橋頭同埋豆，我食左3粒酸橋頭，好爽口好開胃。waiter招呼殷勤, 貼心奉上小圍裙, 著白色衫食麻辣鍋都唔洗怕。湯底揀左強身松茸野菌湯($160) ，湯底好濃郁又足料，有名貴配料松茸、冬菇同埋雜菌。湯底唔hea，飲得出真材實料。所以係要即席飲返碗靚湯先。之後加既湯 都係清雞湯，所以打邊爐唔會好淡。推介一定要order海鮮拼盤，兩個人仲可以叫半份添，包括活魚石蚌刺身,  竹串海蝦, 大大隻漲卜卜貴妃蚌同原隻鮑魚。上枱時成盤好壯觀，活魚刺身係即切，個頭仲郁緊，所以一食就勁鮮味，點日本豉油及芥辣好match，用黎放湯食又得，海蝦爆爽新鮮度極高，貴妃蚌同鮑魚都係勁鮮甜。 肉類叫左手切本地肥牛，又可以叫半份，口感彈牙又好夠肉味，剝大概一分鐘就可以食得啦。另外，叫左牛柏葉，好新鮮，又爽口又彈牙。炸響玲都係即叫即炸，所以勁脆口超正。最後，當然要食番碟菜 清清腸胃啦，叫左本地生菜夠新鮮。食完好滿足，捧住個肚走…查看更多

咁啱今日約左個朋友去觀塘apm睇戲，睇完戲緊係食埋晚飯先散，觀塘工廠區入面出名有好多有水凖又唔會好貴既餐廳，喺apm行去都唔洗10分鐘，比起好多其他餐廳都算方便。餐廳店面半開放式，都算有很多座位，但環境舒適，而且背景音樂悠和，店員都很有禮貌，整體感覺不俗。柚子蜜糖雞翼炒年糕柚子蜜糖雞翼配炒年糕，呢個配撘非常特別，年糕又咸又甜，非常特別，有少少辣，同好有咬口，口感正。羽衣甘藍餅平時韓式海鮮餠就食得多，今次試下呢個羽衣甘藍餅先，話哂羽衣甘藍係近排好hit既super food，味道不過不失，不是太脆，如果再脆d同熱d就更加好觀塘唔係有好多韓式嘅餐廳，呢一間性價比都算係唔錯，食物質素都不錯，大家可以一試。…查看更多

屯門區其實有好多隱世Cafe小店 今次就試左呢間喇☕️Cafe有小清新嘅裝修🌿牆上仲有好可愛嘅壁畫😍座位闊落 仲有cushion可以攬下 坐得舒服👍🏻呢度係客人去cashier落order，之後就可以返埋位等店員送餐。嘢食係即叫即做，上菜速度都幾快。熱狗餐以木砧板為托盤。鬆軟麵包，粗身熱狗腸，加上滿滿嘅墨西哥莎莎醬，絕對係大滿足！新鮮牛油果🥑，蕃茄同埋檸檬🍋，食落好開胃呀。薯角亦係即炸，外面香脆裡面軟，無炸到過哂龍，亦有應有嘅薯仔味，CP值極高，值得下次再食！仲有份晚餐係雞翼配脆皮熱狗腸長通粉🍝雞翼外皮煎得香脆 同肉質滑溜，醬汁濃郁 同長通粉好夾😀 仲有水果送添.呢度嘅食物CP值高👍🏻1個set大概$40-$70不等 非常抵食😀如果我住係附近 一定會經常落黎打躉💁🏻‍♀️…查看更多

兩個女生去山林道搵食 打邊爐真是四季都適宜 哈哈～ 經過見到吞pot既廣告 旺角個間我食過 質量幾不錯 原來尖沙咀都開左分店 咁梗係去間食過又好味架啦。尖沙咀分店有室外座位 講真 我相信冬天一流 幾好feel. 先黎個微辣雞煲 好惹味。雞件啖啖肉 辣汁好香 又不會太咸 蔥頭蒜頭配料充足 所以雞肉份外入味。美國雪花肥牛 厚度適中 唔會太肥 肉味都幾濃 大大碟 襯雞煲食 一流。冬瓜竹笙 都好岩食雞煲 索曬d辣汁 鐘意濃味既朋友仔 千萬唔好錯過。炸物做得好出色 特別是芝士響鈴 好大件 即叫即炸 香脆 入口有流心芝士 超級yummy:)炸魚皮 新鮮 夠薄夠脆。吞pot幾多選擇 唔食麻辣雞煲 有魚翅花膠雞煲 見到隔離枱食 都好正。下次一定要黎試下～…查看更多

平日都好少去黃大仙，咁啱有朋友近黎搬左去黃大仙，housewarming 後就喺附近㨂間餐廳食晚飯，朋友一向都好識食，佢推介呢間和氣，大家當然冇異議，一眾人浩浩盪盪咁入去。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：鰻魚壽司嘩~~~好香鰻魚香氣，而且大大件，每粒飯粒粒鮮明，鰻魚好鮮好香，加埋蟹籽，又有口感味道又夾，一流！燒雞全翼雞翼好入味，而且燒到卜卜脆，而且雞汁好多，上枱時仲好熱辣辣，即叫即整，味道好好。海鮮石碢湯飯大大隻大🦐，再加上大大隻帶子，既鮮甜又彈牙，加上熱湯同石鍋保照，整個飯就算最尾食都仲好新鮮滾熱辣，加上脆脆同鰹魚碎，有口感之餘亦帶魚鮮味，正！餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！…查看更多

食放題都係想試多幾款野，最重要係任飲任食，啱曬大胃王另一半，而我就會貴精不貴多🤭。大喜屋呢個放題品牌都幾岀名，聽朋友講要預早訂位再早d去排隊先可以確保你成功入座🤨 一個平日嘅晚上，我就提早訂左8點半呢輪黎試一試佢！🤙🏻返開大陸既都知道，而家落單再唔需要寫紙，掃一掃二維碼係手機度落就得啦，又方便又環保。選擇就有超多有刺身、多種創作壽司、燒物、炸物、鍋物、天婦羅、甜品等，款式非常多！眼花撩亂👀壽司款式必食海膽、帶子、左口魚同鰻魚☺️回本必食！我自己就最中意食牛舌同有機菠蘿串，原來我地兩個人不知不覺一共嗌咗6串先收口😎菠蘿厚身又多汁，火喉部控制做得唔錯，味道夠甜十分滋味！牛舌唔會好靭，以放題餐廳黎講，味道同口感都係合格有突。熱食方面，黑椒抄安格斯牛柳好有驚喜，牛柳幾嫩，淡淡嘅牛油蒜香加上黑椒味，味道意外地比坊間中菜館惹味除咗普通飲品之外，佢地仲有梅酒同清酒任飲，前菜沙律亦都多樣化，夠曬爽皮。係甜品方面，竟然每人有一款Haagen-Dazz或Movenpick雪糕，仲有Milk Top添呀，夠晒誠意。食物款式夠多、價錢夠親民，尤其炸物大部份食物都熱辣辣上枱，夠晒香口。…查看更多

有朋友搬左入沙田圍附近，今日過去探訪，探訪完就一齊去食晚飯，有一間餐廳，最出名係食叉燒，一於一齊去試試~餐廳外有好多人等位，建議最好預約，服務員有禮，座位唔算好多，都不錯叉燒大王招牌叉燒果然係王牌呀，呢一個叉燒半肥半瘦，燒得剛剛好，少量既脂肪令一入口非常之滑，肉質就夠晒彈牙，而且蜜汁味好香濃，口感一流，燒得剛剛好，肉汁浸晒係裡面。頭抽雞呢個頭抽雞好似炸子雞，外皮非常之脆，肉質好嫩滑，而且好入味，頭抽味道突出，屬於必食之選。啫啫通菜煲呢一個啫啫通菜用咗煲，非常之保溫，上菜一段時間都仲好熱，通菜好入味，蒜香味好濃，正呢一間中菜餐廳，非常之適合一家大細去食，叉燒非常好食，其餘每一道菜都好好味，絕對值得一試。…查看更多