nicoocin的个人专页

阿媽生日食飯，五大三細，諗住搵酒樓book枱叫半席，睇過沙田同石門幾間嘅菜式同價錢，最後決定食稻香。一星期前打咗電話book枱，去到酒樓佢地好似完全無我地book枱紀錄咁，不過半席依然可以叫就ok啦。個餐本身免加一免茶介，因為多咗兩個人，所以收兩位茶介好合理，但俾個茶包我地，叫我地自己煲水自己斟水自己沖茶，收兩個人加埋60蚊嘅茶介，我覺得好唔值囉。部長話龍蝦會送伊麵，我地係開心嘅，但傳菜阿姐上菜好衝下，捧住個湯上枱但又唔睇枱上擺咗d乜，倒瀉水一枱都係，差d搞到我家人一身濕，呢個感覺好差。食物係ok好味嘅，半席嘅份量比想像中多，我地仲另外叫多半隻燒鵝，仲有壽包，埋單千五有找我地都覺得抵食嘅。不過真係覺得佢地要員工培訓下囉。…查看更多

朋友想搵抵食嘅omakase，俾我地搵到lunch 600蚊有找嘅重房，可能因為落雨，walk in入去都唔洗等位。首先嚟嘅前菜有兩款，係長腳蟹肉冷波菜同蒸蛋跟住四款刺身1. 秋刀魚刺身，第一個想法係：新鮮，高質！2. 北寄貝刺身 整得好精緻，因為有煙燻過，加紫蘇花同佢地自家制嘅jelly，有少少酸酸甜甜咁，令北寄貝嘅味道加上層次，令人開胃3. 赤身卷 配搭嘅黄蘿蔔有鹽漬過，所以會更爽脆，仲加埋芽蔥，好好食4. 磯煮鮑魚 發辦師父叫我地煮蘿蔔，先食鮑魚，再點醬，再食蘿蔔，咁樣可以食到幾個唔同嘅滋味👍🏻熱食一款鹽燒馬友點酸汁，配紫蘇葉食 （淨係放到12張相，呢張我就唔放住）跟住壽司有6款1. 鬚長蝦壽司（我唔知有無聽錯😂）師父話用昆布醃咗一晚，所以蝦肉嘅甜味會帶上昆布嘅鮮味2. 嚟自九洲嘅平政魚壽司，上面有少少薑蓉，有少少似油甘魚咁3. 雪花拖羅壽司取自大吞拿魚腩同中吞拿魚腩中間嘅位置，無乜筋又夠哂肥美4. 灸燒梳子魚壽司，即係香港人叫嘅竹簽魚，不過來自日本，所以會無咗平時竹簽魚嘅泥味，而且加咗柚子胡椒會味道再提升5. 拖羅蓉壽司 配搭切碎嘅白蔥，芝麻，黃蘿蔔，我想話加埋黃蘿蔔真係好好食呀6. 北海道壽司原來白海膽會比馬糞海膽更清甜，落咗d淡雪鹽提升鮮味，又唔會搶咗海膽嘅甜味👍🏻每年九月海膽繁殖期，九月嘅海膽更罕有，而且味道未必夠甜，但我地今日食呢個好甜。跟住係昆布湯烏冬，厚文烏冬比較幼條，口感似拉麵。最後甜品係綠茶蕨餅，都夠煙韌Q彈。total上咗15款野，每位都係600蚊有找，以omakase嚟講，唔止質素高，仲好抵食。…查看更多

環境寬敞，發現佢地除咗係寵物友善餐廳之外，餐單上仲有食物係可以點俾動物食嘅，感覺好nice.原本諗住一般cafe都係hea食，影相好睇大多唔係好味，好彩嘅係我地揀嘅幾款野食都係有擺盆之餘又好味嘅。下面呢幾款係我地今晚食嘅野，因為係用朋友電話掃QR code落單，我已經唔記得d食物叫咩名，但個冧酒提子乾cheese cake真係好滑好好味，要大推。呢個栗子甜品都要讚，入面真係有原粒栗子，仲有雪米糍同窩夫喺入面，都係好食有驚喜。…查看更多

原本想去七仔買野飲，但經過見到閑茶個裝修幾啱快閃打卡，就改咗去買手搖飲品😂好少有手搖店係有枱凳可以坐低打卡嘅，環境比較深色有型格。我揀咗杯珍珠四季春奶茶，朋友揀葡萄柚椰果多多，因為天氣太熱，朋友仲揀多個粉色梅梅新地杯食。四季春呢隻茶其實好香好好飲，見好多fd都無乜試過四季春覺得有d可惜，而四季春配搭珍珠同奶，係好清雅嘅茶味唔會俾奶味搶過哂，好正。梅梅新地杯好多梅粉，雪糕睇落好靚，好啱打卡。葡萄柚椰果多多，朋友話唔會好甜，啱哂減緊肥戒甜嘅佢。因為係拎去睇戲飲，我地拎咗個外賣袋裝野飲，佢地嘅外賣袋唔係d核突膠袋，係可以保溫嘅錫紙袋，都幾有心思。可惜趕住入場無試佢地個炸三治，朋友話呢排炸三文治好似幾hit，唯有下次再買嚟試下啦。…查看更多

同朋友出開元朗yoho睇戲，順便想喺元朗食個tea，就揀咗Tera試下。餐廳環境係行日式木系風格，仲有幾個波波大燈喺頭頂，感覺幾chill幾得意😂朋友揀咗個 鮮果美滿pancake，草莓番石榴乳酸梳打，佢話個梳乎厘好綿滑好好食，生果都好fresh，覺得滿意嘅。我就揀咗個開心果pancake同芒果香橙梳打，香港嘅夏天太熱喇，飲杯乳酸梳打，即刻吹散身上嘅悶熱感😂而開心果pancake 真係要大讚，pancake係好食嘅，而佢加上開心果醬，仲有大量開心果碎，配搭pancake一齊食，唔止增加香味，仲增加口感，我認為開心果控真係一定要試😂…查看更多

朋友話想食串燒，見荃灣呢間近荃灣西站，交通都方便就book嚟試下。去到卡位都多，環境寬敞嘅，食物種類比想像中多，除咗一般牛羊豬雞之外，燒瓜菜、蒜芯，海鮮連扇貝，蟶子，燒蠔都有。仲有好多新穎野，例如豚肉荔枝燒、豚肉蘋果燒、豚肉無花果燒、蟹膏萵苣燒、黑糖燒菠蘿、雞皮蝦滑燒、日式燒白鱔、玉子鰻魚燒...呢d係大部份嘅燒烤店都無見過，中意以身試伏嘅我地都點咗唔少嚟試，最後一致確定，食落係好味嘅。佢地清酒種類都多，但我最中意係佢地竟然有柚柑汁，呢個大部分餐廳都無㗎嘛😂呢餐食落都幾有驚喜，朋友表示食得幾開心。…查看更多

同朋友約咗去啟德行街，晏晝行airside原本諗住去五樓食foodmuse，見到側邊有間泰國火鍋幾好view，想坐得舒服d就去咗四面泰食。餐廳環境都係泰國悠閒風，有大窗可以睇風景，窗外雖然見到對面地盤起緊，但望到藍天白雲心情即刻好好多。餐廳侍應都nice嘅，因為我唔食牛，一人一鍋就唔怕要就嚟就去啦。我地幾個人分別揀咗三個餐，三款湯底，三款特飲😂😂侍應仲同我地介紹返每隻醬料點咩食最好，另外仲有無限量炸蝦片提供，btw，蝦片夠哂脆係好食嘅。美國特色肥牛套餐美國嚴選牛板鍵套餐西班牙黑毛豬腩肉套餐每個餐都跟咗蔬菜，菌類，仲有泰式船麵河粉，份量都幾足料。特別要讚，佢地個椰奶雞湯鍋真係好濃，好好飲，我連飲咗兩碗。加湯果陣侍應係用原湯加湯，呢個真係好加分。泰式芒芒碌碌，蝶豆花青檸梳打水，泰式手標波波奶茶泰式手打蝦餅夠厚夠彈牙，香茅雞翼點醬食都唔錯。食到咁上下，侍應拎咗碗甜品嚟，佢話慶祝新店開張，今個月31號前，每位客人都會獲送一碗賓粉爽椰椰，係個有冰粉、生果、椰肉珍珠整出嚟嘅甜品。味道幾好，椰汁味幾重，口感幾得意。同fd一邊吹水一邊食咗兩個鐘，飽到捧住個肚走。lunch打邊爐食到咁飽真係好滿足，haha..😂.…查看更多

又陪朋友發掘隱世居酒屋，今次我地去到上環半山！！小店位置比較隱世，開業邁向十年嘅小店，平時都係靠熟客口耳相傳。朋友好中意飲酒，呢到唔止有清酒飲，佢地仲入咗一款全港獨有嘅清酒杯，呢款杯薄到好似雞蛋殼咁，用佢嚟飲清酒，會比一般清酒杯去飲到更加美味。去到都係廚師發辦，由一開始嘅前菜已經充滿驚喜。主廚Whiskey 好好傾，每個菜式都好細心同我地逐一介紹，例如𩶘魚先用利尻昆布漬完，放上岩鹽上面吸味幾分鐘先再灸燒，油香會更突出。前菜蒜頭漬超級好食，因為無咗條芯，食落完全唔辣！深海池魚同拖羅都熟成過，魚味更出更濃郁。呢到高質食材仲有好多，除咗有馬糞海膽，仲有北海道厚岸蠔，主廚仲介紹神秘果俾我地食，真係好神奇呀，食完神秘果之後，食檸檬都唔會食到酸味淨係得甜味😳😳原來神秘果仲有好好嘅醫療價值，對痛風都有幫助。跟住仲有唔少熟食串燒都好好味，另外豚肋里竽煮都好入味，而魚湯烏冬好味到，我連個湯都飲埋😂食到最後，就有海鹽雪糕做結尾。哎呀，呢餐真係好滿足😂…查看更多

最近忙到癡哂線，唔好話屋企煮，連出去食都無時間。🥲出開屯門市中心做野，見到個螢幕menu有泡菜飯卷同炸雞嘅韓式餐廳，我即刻狗衝去買外賣！！！店員同廚房都係韓國人，識簡單嘅廣東話，由韓國人主理嘅餐廳，直覺係比較好食嘅😂😂咁我叫咗三樣野食。黃金蜜糖無骨炸雞（全隻），kimchi煎餅，芝士紫菜飯卷。一見佢拎個外賣袋出嚟，忍唔住嘩一聲，金色好靚，連個炸雞都有特別嘅紙盒裝住，好搶眼😂返屋企果陣經過七仔買野飲，店員姐姐都聞到炸雞嘅香味，眼甘甘望住我個金色袋問邊到買，猛話好香😂😂黃金蜜糖無骨炸雞（全隻）返到去都差唔多隔咗一個鐘，打開紙盒，一大盒炸雞仲熱㗎，同埋好香，金色嘅外賣袋應該係鋁紙嚟，有好好嘅保溫作用。蜜糖味嘅炸雞好好食呀，啖啖肉無骨真係一流。kimchi煎餅 食落幾驚喜，泡菜量好多，唔會食落成口餅咁，而且泡菜微辣，幾開胃。芝士紫菜飯卷 好長一條嘅飯卷！入面算好足料呀，芝士配搭上滿滿蔬菜嘅紫菜飯卷，食落口感比較清爽，唔會好膩。原本望menu仲有唔少韓式便當睇落都好吸引，不過留返下次得閒d先，有時間堂食我會再去試。…查看更多

沙田新城市廣場有好多餐廳，不過好多都又貴又唔好食。今日lunch喺新城市搵到間泰國菜餐廳，食落幾ok。本身新城市一期五樓主要就想睇波鞋嘅，行到角落位發現有間滄海遺珠未試過，梗係要試下啦。中午時間餐廳都坐到幾滿，入到去嘅感覺偏暗同柔和，裝潢都係雅致風格，氣氛都柔和舒適嘅。侍應好nice，落單主要掃QR code.我同朋友叫咗兩款lunch set，有黃咖哩炸雞丼飯，同埋泰式豬肉炒河，lunch set有跟沙律，湯，同飲品，都幾抵食。我揀咗椰子雞湯，好重椰味好好飲。朋友揀嘅冬蔭公湯微辣，都好濃郁惹味。沙律主要係菠蘿同菜，酸酸地都幾fresh 。黃咖哩炸雞丼飯，咖哩似加咗蛋黃中和咗香料嘅重味，炸雞外脆內軟口感幾好。豬肉炒河賣相一般，味道不過不失，相信下次我會想試泰式船麵多d。…查看更多

新城市廣場行街，見好多人行過都拎住一杯，心思思都好想試下好唔好味。門市都易搵，喺戲院附近。我地揀咗青檸多QQ同彩小芋爆芋厚奶厚奶果個入面勁多料，連牛奶麻糬都有，好好味！！青檸多qq都有珠，有益力多，但其實本身我唔係好想飲沙冰，而佢產品目錄無寫冰，我就以為佢唔係沙冰嚟，都好飲嘅，但我飲咗幾啖就飲唔到，有d可惜。店員哥哥仔幾好禮貌幾斯文，加分加分！！btw，我都係而家先知，原來佢係鮮芋仙嘅姊妹店嚟，芋圓同珍珠怪不得咁好味啦。…查看更多

葵涌廣場是香港的美食集中地之一，絕對適合愛吃的朋友，探索各家美食。今天我們試的是 10 cents bread的pancake ，聽說十分麵包 源自韓國慶州，本就風靡日韓多時。今日順路經過，終於可以一試。這間葵涌廣場的門市，由正宗韓國人主理，光猛衛生的制作環境，韓國oppa即叫即製，主打真材實料。去到的時候，已經有不少人在排隊等候。這韓式班戟大大的一個，印制10毫子的模樣，相當有趣。新鮮熱辣的拿上手，班戟的蛋香混了芝士的香氣，輕輕撕開，芝士立即拉絲！拉絲拉得很長很厚實！❤️愛了愛了。一口咬下去，就如雞蛋仔般柔軟的口感，配搭微微咸香的芝士，口味絕對一絕。不論視覺還是味覺，都是高度的享受啊。…查看更多

同朋友出尖咀搵野食，佢話想食炸醬麵，我地就事但搵間韓國餐廳入啦。呢間餐廳嘅主廚係一個韓國婆婆，待應係一個識講廣東話嘅韓國姨，仲有一個後生靚韓妹，睇落應該真係一家人開嘅餐廳嚟。（收銀先生講廣東話嘅，應該香港人😂）我地坐落都見到好多韓國人入嚟食，連露台都坐滿，期待值即刻大加分😂朋友點咗個炸醬麵，我見到有午餐set，就揀咗個清潭家庭套餐試下，加多一份炸蠔餅。首先嚟嘅炸醬麵係一大盆！！份量足夠兩三個人食😂😂個汁好濃，味道仲要好食嘅。跟住我個家庭套餐都嚟，勁多碟涼拌小菜，足足有8碟！一個餐夠兩個人食，湯係豆腐大醬湯，條煎魚唔知咩魚，淨係知煎得香，一d都唔腥。跟住炸蠔餅都嚟，炸蠔餅又唔同我地平時食嘅煎蠔餅。呢到每件都有兩隻生得好飽滿嘅蠔😂點魚露好夾，係我地食得慢，個底見到少少油，不過都好好食。因為份量太多我地食到尾已經抱住個肚😂估唔到韓國婆婆仲出嚟請我地食甜品😂😂唔知係咩嚟，外皮有少少青味似粉粿，裡面應該係綠豆溶嚟，味道唔錯😂估唔到亂入可以入到間高質地道嘅韓國家庭餐廳，份量足，夠哂家庭風味，韓國婆婆佢地都好nice好有人情味，韓國姨姨臨走仲教咗我兩句韓文，好搞笑😂…查看更多

以為喺大西北搵間居酒屋會有難度，點知天水圍T town就有一間街坊小店，低調咁做高質和食。餐廳門面都幾多餐點介紹，今期天氣有d涼，佢地新設限時任食火鍋套餐可以揀，睇落都幾抵食咁。卡位坐落都乾淨闊落，不過朋友問起，食得居酒屋會無酒飲？呢到除咗有好多款啤酒，清酒，仲有自釀梅酒可以飲。因為未肚餓，店員哥仔好有禮貌，話用QR code電話落單，會有廚師長推介，咁我地簡單點咗個時令刺身盤，另外仲有串燒雞皮，燒菠蘿，棒棒軟骨餃子，加多一個海蚌小食。刺身唔止厚切，蝦好甜，三文魚好肥美，仲有兩隻肥美嘅生蠔，最緊要係全部都好新鮮。知己相聚，飲酒梗係要配佐酒小食啦。燒菠蘿比相像中甜，餃子表現正常，串燒雞皮好脆好好食，海蚌配搽青瓜好清爽。估唔到天水圍都有得食好西，我地已經諗定，下次再嚟試下個火鍋先得。😂…查看更多

又到咗食蟹嘅季節，今日搵到間餐廳可以食大閘蟹放題同蟹粉小菜之外，仲有辣雞煲同蒸海鮮！！！我fd一口氣食咗八隻😂聽講之前有人食咗廿隻，大癲！大閘蟹四式，清蒸、鹽焗、酒釀、香辣，四款當中鹽焗最好食😂食得出係新鮮靚蟹多膏。佢地唔止有自家薑荼提供，試埋梅子花雕酒，加咗梅子入喉順滑帶甜，女仔都啱飲。飯品櫃仲有自家煲嘅竹蔗茅根、檸檬薏米水等等，勁有heart👍🏻繁囂鬧市搵到個寧靜位食蟹，仲有個長露台可以chill下睇下夜景，幾啱打卡。砂鍋蟹黃粥好食到連食咗三碗，辣雞煲份量好足，蟹粉小菜都好惹味，仲有蒸海鮮同桃膠糖水，我食到捧住個肚走。估唔到仲做埋送貨，可以掃QR code同佢地訂貨，極速落單極速送貨上門😂好方便估唔到一個放題有咁多野食，好抵食👍🏻👍🏻😂…查看更多