燒烤堂

朋友話想食串燒，見荃灣呢間近荃灣西站，交通都方便就book嚟試下。

去到卡位都多，環境寬敞嘅，食物種類比想像中多，除咗一般牛羊豬雞之外，燒瓜菜、蒜芯，海鮮連扇貝，蟶子，燒蠔都有。

燒廣島蠔

仲有好多新穎野，例如豚肉荔枝燒、豚肉蘋果燒、豚肉無花果燒、蟹膏萵苣燒、黑糖燒菠蘿、雞皮蝦滑燒、日式燒白鱔、玉子鰻魚燒...

蟹膏萵苣燒

黑糖燒菠蘿

燒雞皮

呢d係大部份嘅燒烤店都無見過，中意以身試伏嘅我地都點咗唔少嚟試，最後一致確定，食落係好味嘅。
佢地清酒種類都多，但我最中意係佢地竟然有柚柑汁，呢個大部分餐廳都無㗎嘛😂

呢餐食落都幾有驚喜，朋友表示食得幾開心。