小慳妹吃好西的个人专页

今日去港島區有野做, 去之前不妨食返餐開心既lunch 先朋友帶我去既餐廳雖然係大坑, 但原來同中央圖書館好近3 course 已經包左前菜, 主菜, 及飲品先俾個暖暖地麵包前菜可以揀湯或沙律是日餐湯, 配上一條香脆酥餅條, 磨菇湯好creamy 濃郁, 有粒粒磨菇有口感另一個前菜要左帶子沙律, 上枱後, 眼前見唔到帶子, 我地以為上錯左呢~問左侍應, 原來紅色既就係帶子, 染上紅菜頭的顏色 主菜係Slow Cook Japanese Pork, 日本豬扒肉味香濃, 質感嫩滑,係非一般豬扒 另一個主菜係Pan-fried Halibut fillet, 煎比目魚, 魚皮很脆, 魚肉卻很嫩滑, 一起入口時很有層次, 旁邊配菜有香煎薯塊 &蘆筍甜品係fruit tart, 鮮艷奪目, 賣相都幾靚最後飲埋餐飲好滿足, 熱檸茶& 凍咖啡食物很不錯, 用lunch set 相宜價錢都食到高品質食物…查看更多

睇完戲後, 唔想行咁遠去第二度食但行左好多間餐廳都唔啱食, 之後發現個商場另一邊盡頭, 有間應該新開無耐既泰菜, 見到價錢幾抵, 就去試下泰式肉碎生菜包, 賣相幾好肉碎份量睇落好似唔係好多, 其實每人都包到3件, 同生菜份量啱啱好雖然係泰式的一款小食, 但味道比較與眾不同, 肉碎有種中式既味道, 仲有濃郁既九層塔味泰式拼盤有齊5款小食, 幾豐富, 包括釀蟹蓋, 豬肉&雞肉串燒, 燒豬頸肉, 魚餅, 酸辣鳳爪釀蟹蓋, 係款式上比較新鮮, 唔辣, 其餘都係一般泰式小食串燒燒得幾好, 唔乾, 咬落仲有肉汁豬頸肉份量好多, 肉質爽口酸辣鳳爪, 入哂味又開胃魚餅加左類似豆角既野,在軟腍之間帶點爽口, 入口唔油膩青咖哩烤雞肉意粉將西式同泰式mix & match, 創意滿分青咖哩汁辣辣地, 醬汁掛滿意粉, 入口幾creamy芒果糯米飯, 將糯米飯染成綠色, 即刻Colorful左糯米飯加左椰汁後都唔會太甜, 幾好其實一路食野都望到隔離有狗仔既? 原來係同餐廳既狗狗營地咁又幾好喎, 主人可以同狗狗一齊食野一齊玩雖然我無養狗, 但有得望下狗仔都幾治癒…查看更多

突然好想食韓國野, 行入TST 的韓國街, 咁多間韓式餐館唔知點揀好朋友被呢間粉紅色, 霓虹燈下的小店吸引左呢間主打韓式湯, 朋友話就係想飲湯, 於是揀左呢間侍應先俾左泡菜我地, 但我地2個人都只得1碟, 好似無得refill, 侍應無主動問需唔需要refill蔘雞湯,足一隻雞, 雞身內滿人參, 紅棗, 板栗, 我估D 配料應該都係韓國黎因為我去過韓國, 見過栗子都特別大粒湯頭濃郁層次豐富, 較杰身似粥底, 好熱, 雖然有藥材成份, 但入口順喉飲飲下都覺得個人開始熱, 正如好似韓國人咁飲到迫哂體內熱氣出黎, 蔘雞湯無論係冬天夏天都咁啱飲另一個湯要左香辣牛肉湯香辣得黎幾開胃,辣得黎又無蓋哂牛肉味用料應該係新鮮牛肉, 切成細細粒/條 因為驚唔夠飽, 我另外加左$20加素麵, 加麵後, 素麵立即上色, 吸收哂香辣味…查看更多

好耐無黎食了，因為朋友想黎，所以就陪佢食啦黎到先發現原來換左menu，好似多左款式tim首先一人杯飲品侍應介紹左off menu 既西瓜特飲，可以有酒精或無酒精我要左無酒精既，原個西瓜好新鮮，混合左青檸汁，沙冰打得好幼細雖然而家已經係10月，但我仲覺得好熱，飲呢個心都涼哂另一杯要左Teaco, 係竹炭芝士奶蓋配烏龍茶底加果汁奶蓋灰灰地色，竹炭其實無味，入口係濃厚既芝士味呢款mocktail幾特別墨西哥菠菜芝士卷我好鍾意呢款素小食，墨西哥卷焗得好香脆地道既小食當然配備牛油果醬，蕃茄醬 & 酸忌廉裡面係塞滿菠菜&流心既芝士燒原隻魷魚筒釀蝦膠，配上泰式辣汁魷魚筒好大隻呢，長過把刀起初睇相以為係釀糯米，但原來係釀蝦膠，釀得好full，仲好彈牙海膽鮮蟹肉扭捲粉蕃茄汁幾濃，混合絲絲蟹肉，放上幼滑既海膽用上不一樣既扭捲粉，口感比一般意粉更煙韌…查看更多

去接荔枝角約左朋友食飯, 佢帶我去左間新開既中菜館, 佢話Lunch黎飲過茶, 覺得幾好食, 於是帶我黎一齊食下小菜小菜款式幾多, 又有燒味, 又有海鮮我地揀左3個餸脆皮咕嚕肉, 外層真係好酥脆, 咕嚕肉掛汁之餘又做香脆, 到就算凍左都仲keep 到醬汁酸甜度剛好又開胃, 收汁做得好好燒鵝例牌, 叫佢係因為阿姐推介話今日燒鵝好靚上菜後, 果然真係好靚, 咁啱係脾位, 皮仲脆既, 有少少焦香, 肉質啖啖油香豉椒炒蜆, 份量好多, 應該有一斤有大排檔風味, 夠鑊氣, 醬汁又惹味…查看更多

好耐無食韓國野, 行到SOGO 附近, 想起Bingo & Cook 既炸雞, 就一於衝上去睇下有無位好彩都仲有位, 除左想食炸雞外, 其實我都想食豬腳, 可惜lunch 無豬腳食韓國野, 我地必食韓國炸雞, 叫左半份, 可以揀既味道雖然唔多, 但都有我鍾意既甜辣味半份份量都唔少, 另加炸魷魚, 好豐富甜辣炸雞加上醬汁後都保持到香脆, 雞肉嫩滑無骨, 啖啖肉好juicy而炸魷魚好大份, 應該係原條魷魚, 只係加$40, 抵食, 炸粉薄又脆, 可以蘸芝士醬食烤肉嫩豆腐火鍋, 材料有烤豬肉, 菇, 薯粉, 豆腐等, 加上辣醬, 份量夠, 連埋個爐上等各種食材煮熟, 撈兩撈就食得, 原來韓式火鍋咁易煮味道唔錯, 湯底好夠辣曲奇奶昔, 味道係oreo , 甜度適中, 忌廉幼滑柚子沙冰, 大熱天時飲好爽, 味道清新…查看更多

想係銅鑼灣食西餐都唔一定貴既, 其實食lunch 都係個好選擇黎到, 因為我地無BOOK 位, 見到以為無哂位, 跟住侍應帶左我地去間房, 好彩仲有位lunch set, 2 courses 有沙律或餐湯 + 主菜+ 飲品侍應好快遞上麵包俾我地揀, 麵包暖暖地圓形餐包好鬆軟, 長形的提子包帶點脆沙律係炭燒西班牙像果肩頸肉, 配不同新鮮沙律菜, 連羽衣甘藍都有是日餐湯, 好creamy 濃郁, 有粒粒磨菇有口感其中一個主菜係炭燒加拿大骨豚, 肉味香濃, 質感嫩滑, 係非一般豬扒配以獨特醬汁, 雖然唔知龍萵草本身係咩味, 但蘸上龍萵草朝胡椒忌廉汁令肉味更有層次另一個主菜係炭燒美國特級黑毛安格斯肉眼扒燒得表面有焦香, 炭燒味好濃肉眼扒要左7成, 生熟度掌握得唔錯肉質肉味濃, 肉質嫩滑, 油份較重, 被鎖住的肉汁在每啖口裡慢慢滲出最後餐茶, 一杯凍啡, 一杯檸茶食物很不錯, 用lunch set 相宜價錢都食到高品質食物…查看更多

約左閏蜜食飯, 佢地話不如試下呢間西餐, 我睇見位置都方便, 食物似乎都唔錯, 於是book定位黎到後, 原來餐廳好大, 環境幾舒適, 食物種類好多, 我地揀左好耐先揀左個串燒拼盤食住先串燒拼盤,有11串, 以肉類和海鮮為主, 配菜係薯條, 可以2至4人食醬汁除左茄汁外, 仲有 沙嗲汁, 泰式生蝦汁, 泰式羅望子醬, 將串燒蘸上不同醬汁, 更加惹味串燒包括, 白鱔, 油脂豐腴, 雖然魚骨可以直接食, 但個人覺得骨比較粗, 自己食前先起骨. 再整件白鱔入口更好味海虎大蝦, 非常鮮甜, 又唔會燒到好乾北海道帶子夠鮮味三文魚油脂甘香, 肉質唔鞋口澳洲牛肉, 雖然燒至全熟, 但牛味豐富西班牙黑毛豬五花腩, 肉質嫩滑, 充滿油香, 但也不會過份油膩雞翼燒得夠焦香, 帶點孜然味辣肉腸有兩款, 內裡juicy, 辣辣地幾惹味蔬菜類就有粟米 &脆玉瓜車厘茄串食完串燒, 已感覺有7分飽, 但又未必食得落多個主菜, 而且我地被甜品吸引左所以叫左2個甜品, 法式芒果拿破崙 & 焗酥皮香蕉卷, 侍應提醒係即叫即焗, 所以要等起碼20MINS法式芒果拿破崙, 做得出色, 酥皮鬆脆可口配軟滑忌廉, 味道唔太甜, 芒果新鮮, 配自家製開心果雪糕, 有粒粒開心果碎焗酥皮香蕉卷配自家製焦糖雪糕酥皮外皮一樣鬆脆而不易散開, 有大師級水準,  配搭香甜香蕉, 實在太好味飲品種類繁多, 我地唔想飲酒都有其他選擇登堂奶蓋茶, 茶底應該由幾種茶葉溝成, 茶味清香, 無苦澀味, 無糖分, 蓋上豐盈幼滑芝士奶蓋, 好飲, 可媲美街外排成粒鐘既飲茶專賣店玫瑰果茶, 係熱飲, 用精美雲石花紋的茶壺遞上, 玫瑰果茶微酸芳香, 有D 似山楂味, 含豐富維他命C, 更有抗氧化功效, 好啱女仔飲…查看更多

約左朋友食飯, 就黎呢間好多好評既火鍋店侍應安排左我地坐卡位, 有獨立電視, 座位寬敞坐得舒服侍應好快就放底醬料, 俾我地混醬, 特別一提個XO 醬好足料, 好多瑤柱 湯底有成20幾款, 我地揀左鮮茄坑腩薯仔濃湯湯底黎到後, 估唔到用料幾足味道清甜, 坑腩粒夠淋好好味, 仲有好多粟米, 咁就唔使另叫我地食火鍋一定要食牛, 但得兩個人就食得細細地又最平既特級手切肥牛(例牌)顏色鮮紅, 油脂分佈靚, 未食都估到質素唔錯, 只要淥幾下就食得魚皮餃, 雖然餃皮邊比較厚少少, 餃芯飽滿, 魚肉味濃大頭蝦只有逐份叫, 原來一份有3隻, 身長肉厚, 肉質爽口, 都唔錯脆炸響鈴卷, 可以淥黎食或即食, 即食只要點個醬汁, 酸酸甜甜, 好香脆蔬菜類都幾多, 唐生菜新鮮最後侍應仲請我地食甜品, 應該係椰皇大菜糕同埋奶凍, 都幾好食整體黎講, 正…查看更多

得閒同朋友聚會下, 一齊bbq 就真好選擇, 又開心, 又食得飽, 我地決定黎西貢呢間黎到Counter 前先買飛, 職員介紹唔同區域有唔同開爐費, 我地揀左坐玻璃屋, 因為就算落雨都唔怕之後由職員帶我地去玻璃屋揀位, 揀左個窗位附近, 吹著微微海風職員亦提供紙碟, 膠碟, 刀叉, 膠杯, 燒烤叉, 紙巾盒, 蜜糖兜連掃, 我地另加左個燒烤網揀好位後, 就坐定定等職員起爐就可以了, 之後要加炭, 都係自助形式, 就係用爐下面個紅色筒去裝炭食物種類都OK, 有職員不斷Refill, 除左有豬牛雞丸腸等基本野外, 仲有青椒, 車厘茄, 煙肉, 連雞翼都有3款味, 總共二十幾款, 肉類味道醃得唔錯推介蜜汁叉燒, 雞翼, 同埋蒜蓉牛油加麵包, 蒜味重, 仲有粒粒蒜蓉我亦鍾意呢到有煙肉, 我可以自行配搭食材做串燒, 例如煙肉腸仔或煙肉車厘茄飲品就有果汁, 水, 汽水, 任飲, 飲品都夠凍, 不過要拎住個膠杯去裝, 由於個杯唔夠大, 好多人都係企係到飲完一杯, 再裝多杯走, 如果你個位置離飲品機遠既話, 可能有需要行好多次, 呢點有D 麻煩…查看更多

食開焱丸因為貪佢食物質素高，種類又多，而且好鍾意佢既日式佈置，令人置身日本居酒屋既感覺我以前食開cwb 個間，但今日約左朋友係TST，就黎另一間分店麻醬蕃茄豆腐沙律，芝麻醬係另上幼滑豆腐加麻醬好match，加上栗米片，帶來脆脆口感刺身5盛，包括三文魚，油甘魚，吞拿魚，帆立貝，海膽魚生件件厚切，非常新鮮，我最鍾意海膽，顏色深橙，一睇就知係新鮮，有鮮味之餘又無苦澀味，質感細膩，但如果有埋紫菜包住食就更好焱丸號壽司，有幼滑吞拿魚蓉，新鮮帆立貝粒，鮮甜蟹肉絲，脆卜卜三文魚籽，入口即溶海膽，蛋絲等，一次滿足哂幾個願望，可以紫菜飯卷上，隨意放自己鍾意既配料甲羅燒，叫左黑松露蟹肉甲羅燒&蟹味噌甲羅燒各一隻，蟹蓋上的蟹膏超多，加上蟹肉，蟹籽，鵪鶉蛋侍應會幫手燒，將所有配料攪勻，一路燒，蟹膏香味隨之飄來，可以大啖大啖食蟹膏，印象深刻，膽固醇應該會超標，加上青瓜絲，可中和味道松葉蟹膏帆立貝燒 & 海膽帆立貝燒燒後帆立貝鮮甜多汁，兩款味道差唔多，有蟹膏既自然濃味d，最後飲埋d 湯，好甜，唔好浪費鮑魚殼燒，會跳舞既鮑魚係浜燒必食，好生猛，新鮮至極，入口鮮甜彈牙雜錦天婦羅，有魚，蝦，南瓜，茄子，冬菇等炸粉超薄，入口鬆軟又唔油膩，蝦肉鮮甜，蔬菜新鮮北海道海鮮炒飯，將青口，魷魚等切碎，加上蟹籽，加添色彩飯粒粒分明，炒得乾身，食完好飽肚鹽酸檸檬燒酌，咸咸酸酸味道，非常fresh，酒精亦唔太勁，幾易入口熱柚子茶，以為叫熱飲會細杯d，原來同凍飲一樣，柚子沖得好夠味…查看更多

我地不時都黎觀塘工廠區行街買野，發現樓上有間台式小店，主打係我鍾意既牛肉麵，於是入去試下我地要左紅燒牛肉麵 & 清燉牛肉麵紅燒牛肉麵，好大碗，第一啖當然要先飲湯湯頭非常濃郁，比較重口味，比我地係台灣食既牛肉湯更濃，更帶少少藥材味，而且無味精，飲極都唔會口渴老闆出黎同我地講，推介加辣油，果然令味道更濃，層次感提升，不過落少少辣油都已經幾辣，建議落得輕手d老闆同我地傾偈，在台南學師，堅持每日用勁多牛骨淆湯，用料由唔同地方入貨，睇得出老闆好有堅持，對食物有要求麵條煙韌彈牙，吸收左牛湯，由頭食到尾麵條都保持煙韌而牛展厚切而軟腍，好好食，份量又多而清燉牛肉麵，麵條同牛展同紅燒牛肉湯係一樣湯頭雖然係叫清燉，但都好濃味，牛骨味重，清澈唔油膩，而且飲到絲絲清甜味，老闆話因為落左蘋果雪梨小食類，貴妃醉豬手，酒味濃郁，豬手非常軟腍，有不一樣既口感，好容易食到豬手既筋位手拍青瓜，非常爽脆，酸酸地好開胃黑糖珍珠撞奶，奶味比例較重，加上黑糖，幾好飲，珍珠煙韌q彈黑糖薑茶，薑味濃而不辣，飲完喉嚨幾舒服…查看更多

老公為左補返我餐生日飯, 安排左私房菜俾我去到差唔多科學館附近, 係大廈高層內就隱藏左個私房菜啦, 座位唔多, 私隱度極高先黎個冰鎮鮑魚, 鮑魚爽滑彈牙, 口感唔會似橡筋胡椒豬肚湯, 驅寒和暖胃, 其實唔只係冬天推介, 營養豐富, 有藥用功效, 補益腸胃, 醒脾開胃, 四季都可以飲BB 鴿, 上菜時只分成一半, 用手撕吃先夠地道, 餐廳仲好細心提供埋膠手套一撕開鴿脾, 即有肉汁唧出, BB鴿肉質特別嫩滑, 又滷得入味, 皮又炸得脆蒸比目魚, 餐廳特登蒸左兩款味道俾我地, 豉椒蒸同埋神草蒸比目魚蒸後非常嫩滑無骨, 油份重, 加埋豉椒蒸, 非常惹味而神草蒸, 就係用左大頭菜絲, 冬菇絲, 薑絲等放係比目魚上, 味道比較清新津菜玉荷包, 造型精緻, 賣相好似小禮物, 拆開包裝, 內裡有肉粒, 甘筍, 粉絲, 冬菇等, 入口爽口金瑤五穀炒飯, 顏色鮮艷, 飯粒粒分明, 炒得乾身, 混合不同彩椒粒入口, 非常有層次最後甜品係菊花豆腐, 係熱食, 將平凡的豆腐變成一朵菊花, 賣相高端, 突顯廚師刀功一流豆腐花嫩滑, 加埋薑水底, 非常滋補…查看更多

好耐無食韓燒, 心郁郁, 近近地去左太子既炑八, 好彩唔BOOK 都有位一坐低, 侍應即刻送左沙律, 同埋幾款前菜, 生菜, 爐邊蛋, 芝士粟米沙律係柚子沙律, 柚子味香濃, 沙律菜幾新鮮前菜有泡菜, 酸蘿蔔, 青瓜, 大豆芽睇睇menu, 王者牛助骨, 應該係新出, 好似有D 貴, 但見隔離枱係非常之大份, 計落價錢都合理, 所以我地都要左份, 再加左份牛肉, 豬肉 & 韓式大蝦我地首先食易處理既霜降牛小排 (半份原味), 油花平均, 燒後油脂溢出, 入口即化, 好juicy名品豬排骨, 肉多骨少, 而且醃得幾入味, 帶少少甜, 燒完肉質仲幾嫩滑韓式大蝦, 就無乜特別, 無韓式既感覺, 不過上菜前已拆埋殼, 幾貼心之後侍應就幫我地燒王者牛肋骨, 因為太大份, 我地唔知點燒, 但侍應卻燒得得心應手, 大約5分鐘就差唔多燒好, 再剪成一件件, 方便我地享用牛肋骨好厚肉, 肉質軟腍, 都醃得好入味, 好好食跟住仲有炸雞, 首選甜辣味, 醬汁拉絲, 甜中帶微辣, 好開胃, 加上肉嫩有汁, 仲要係無骨, 啖啖肉好juicy炸雞底下仲有好多香脆薯條飲品方面, 種類好多, 唔止汽水, 叫左青檸梳打, 好清爽唔太甜而柚子冰茶, 茶味夠濃, 加埋柚子, 比青檸梳打甜, 都幾好飲, 仲有大大片西柚…查看更多

原來有間大阪拉麵係我公司附近開左，近近地同朋友過黎食只有5款拉麵選擇我要左白湯野菜醬油拉麵朋友要特製鹽味湯沾麵再轉左個套餐有汽水，同埋有炸雞share兩款麵都好快上先講我個白湯野菜醬湯拉麵，白湯即係雞湯加上醬味等調味，味道幾特別有層次叉燒肥瘦佔半，溏心糖呈半溶，入口即溶，好好味麵條係幼麵，雖然無得揀軟軟度，但麵條有彈性又爽口而朋友個特製鹽味湯沾麵，個湯好似忌廉湯湯，質感比湯拉麵更creamy，有少少黏口，雞味更濃郁麵條比湯拉麵既粗，口感更爽口，一樣有叉燒同溏心蛋，仲有蜆，無沙得黎又幾大隻炸雞炸得超香脆，雞肉嫩滑，可以蘸上檸汁，沙律醬食…查看更多