GabriellePoon的個人專頁

好耐無食韓國嘢，所以上星期心血來潮帶咗媽媽去食韓式炸雞！雙拼炸雞我哋叫咗原味同醬油味，兩款都好好食呀！外皮炸得超級香脆，而且雞肉保持到嫩滑多汁。原味特別香脆，醬油就甜甜鹹鹹，特別惹味！另外伴碟嘅薯條薯角都超級好味😍脆卜卜非常香口！菜包肉另外我哋仲叫咗個菜包肉。啲五花肉肥瘦均勻，非常嫩滑，配生菜、泡菜同埋蒜子一齊食特別清爽！飲品：蜜桃梳打/伯爵茶蜜桃梳打好出色！唔會太甜，非常解渴，同炸雞係絕配呀~😍0…查看更多

呢間日式餐廳唔錯！好有氣氛，入到去好似咗日本咁😍食物味道都唔錯，尤其係串燒～特別推薦五花肉同豚肉青提串，後者幾特別同清新！明太子唐揚豆腐都推薦～😌😌明太子鹹鹹香香配豆腐就最啱！玉子燒都幾好味，整得好滑～裡面仲有蟹膏㗎！唐揚炸雞好惹味，因爲加咗好多蔥蒜燒生蠔都唔錯，唔會有腥味蟹蓋飯好足料，有好多蟹膏、蟹肉、蟹籽！前菜嘅醃蒜頭好開胃，雖然係生嘅，但一啲都唔辣😎甜品係雪糕配燒蕃薯🍠，冰凍嘅雪糕配熱辣辣嘅燒蕃薯，的確唔錯🤪…查看更多

上星期約朋友食晚飯交換手信🥳試咗間好正嘅日本餐廳😍🌟 Hika 丼餐廳嘅招牌菜之一😍有炙燒和牛、拖羅、蟹肉、海膽同三文魚籽😍和牛同拖羅都非常肥美🤤，海膽同蟹肉好鮮甜🥹最鍾意佢哋加咗啲酸酸地嘅醃海藻，減低油膩感😍🌟 五色刺身分別有帶子、真鯛、赤蝦、深海池魚同吞拿魚五款刺身☺️每一款都配有獨特嘅調味料/醬汁，各有風味，而且刺身非常新鮮，食落唔會有腥味😍我最鍾意就係帶子，因爲好爽口鮮甜😉🌟 和牛壽喜燒配雜錦野菜呢個真心正😍一共有三大塊和牛🙀另外配有金菇、春雨、大白菜、豆腐等配菜🫶個壽喜燒湯底好好味，唔會太甜，啱我胃口☺️和牛入口即溶，非常出色，食到最尾春雨同豆腐係精髓，因爲索曬啲湯超入味😍另外值得一讚係和牛沾咗生雞蛋同芝麻醬之後，口感更加軟滑🥹超好味！餐廳環境好靚好舒服，服務質素又好，真心強推！😍…查看更多

食個豐富早餐先~呢間餐廳啲早餐都幾大份，但都係30-40蚊，性價比幾高。店員向我推薦柚子蜜，佢話因為唔洗加錢抵飲！😂試咗佢哋嘅豬潤米粉，配炒滑蛋同牛油多士。豬潤真係幾好食，無異味，米粉都幾爽滑~湯底唔會太味精，加咗韭黃幾香！炒滑蛋都好食，好滑嫩，又唔會好油。多士都唔錯，質地鬆軟！茶餐廳黎講環境都幾舒服，一個人去仲可以坐單邊位，唔洗怕面對面搭枱～同埋感覺呢間餐廳都幾乾淨衛生！店員姐姐仲推介我食撈麵，下次一於去試下～😆…查看更多

收工返到黎元朗，心血來潮就諗住搵左個朋友出黎食飯吹水。因為個朋友近來轉左食素，但係我最近口淡淡，又想食返多少肉，結果好難選擇。突然諗起平時有間間唔中都會經過既漢堡包小店，除左有手打牛肉漢堡之外，亦都有素食漢堡。一直都未有機會試下，於是就去左一試。 我地揀左兩個漢堡套餐，各配一份小食同飲品。 啡菇脆薯餅漢堡 配 田園沙律大啡菇菇味濃郁，一啖咬落去，菇汁多到爆出黎。另外，配搭上炸得好鬆脆既薯餅，食落完全無油膩感，相當唔錯既素食之選。另外，跟左田園沙律，每種蔬菜都好新解，特別覺得車厘茄好鮮甜。黑松露啡菇牛堡(轉騸牯牛肉) 配 紫心薯餅呢個牛堡相當足料，手打既騸牯牛肉漢堡，相當有口感多汁，啖啖肉既牛味亦相當濃郁，加上多汁味濃既大啡菇，爆汁就唔在講。但係餐廳好好，一早為我地預備左手套，唔使食到成手都係汁。包底有烘過，有濃濃既牛油香，配上黑松露醬同芝士都好配合。值得推薦! 另外，紫心薯餅個皮炸得好脆，紫薯容唔會太甜，剛剛好。 桂花冷泡茶 & 白桃冷泡荼整體兩款冷泡茶都相當甘香清甜，荼味易入好，唔會覺得好澀。特別值得一讚既係個侍應姐姐，態度好好，相當有禮貌，亦都好熱心推薦佢地既食物。…查看更多

難得唔洗OT所以放工去咗歎下世界😍🌟 海蝦羽衣甘藍沙律海蝦、蓮藕同茄子都有略略炸過，所以食起上黎比一般沙律口感更加豐富！酸酸地嘅洋蔥沙律醬同略帶苦澀味嘅羽衣甘藍好夾！🌟 海老牛油果美人卷非常清新嘅前菜！蔬菜爽口，海老鮮甜，牛油果香滑，沾埋酸酸甜甜嘅醬汁一齊食就更加開胃！😍🌟 炭燒黑摩薩走地雞配稻庭烏冬好香碳燒味，雞肉好嫩滑🥰，滑嘟嘟嘅烏冬吸收濃郁嘅醬汁超惹味😍🌟 炭燒清酒（結）味增銀鱈魚非常嫩滑！😍油香豐富，塊魚皮特別好食🥰🌟 Mango Coco係用椰子水、芒果汁同菠蘿汁製成嘅飲品😆唔會太甜，酸酸地好醒胃！🌟 抹茶雪糕牛奶味非常濃郁，有淡淡抹茶香味，配上櫻花夾餅一齊食就更加好味🤭唔單止嘢食好味，仲有靚靚夜景睇，簡直絕絕子！😍…查看更多

早排食嘅一間串燒店😆呢度主打食串燒，仲有好多手工啤酒同cocktail飲😆😆等我highlight下有咩好食先：🌟 香蒜燒鮮鮑魚香蒜好惹味，鮑魚爽口彈牙唔韌🥰🌟 芝士牛肉漢堡呢個極邪惡🤣但流心芝士餡料真心正🥰🌟 吞拿魚玉子燒呢個好特別，上面有焦糖的，甜甜地脆脆地，口感不錯～🌟 燒雞皮餃子呢個真係超香口，雞皮包住肉餡整成餃子，外脆內軟，肉汁豐富🤤🌟 芝士燒年糕軟軟糯糯的，芝士唔會太膩～🌟 茄子燒加咗香蒜同孜然粉調味，最適合重口味一族😈另外試兩款手工啤酒，味道都唔錯，麥香濃厚，尤其係蘋果cider 嗰款，我覺得甜甜地，好香蘋果味，易入口😉…查看更多

呢日就去咗一間餐廳 chill 下～🌟 卡邦尼意粉醬汁非常香濃，食到有少少蒜香，非常惹味，意粉軟硬適中。鍾意佢食完唔會有飽濟嘅感覺～🌟 烤豬肋骨上枱嘅時候熱辣辣😍醬汁辣辣地非常惹味～啲薯條炸得超級脆，灑響上面嘅味粉畫龍點睛，令薯條更香口～🌟 巧克力蛋糕配雪糕唔會太甜，蛋糕鬆軟，慕斯細滑～同雲尼拿雪糕好夾！🌟 Mocktail: What a Peach! & Jeremy’ s Passion“What a Peach!” 用提子肉、桃蓉、菠蘿汁同檸檬水調製而成，神奇嘅係飲落好似珍寶珠味😍唔怪得佢杯邊都夾左一粒珍寶珠！幾鍾意呢杯飲品，因為味道幾清新☺️“Jeremy’s Passion” 原本係以熱情果、橙汁、薄荷同tonic water調製而成，但因為材料供應問題，調酒師將熱情果改為青蘋果、仲加入左青蘋果味嘅爆珠😆雖然材料有變，但風味依然，果香滿溢嘅飲品令人精神為之一振！…查看更多

Monday blue需要一點甜，好在有布丁包嘅加持！ 😍原來紅豆烘焙響旺角西洋菜南街開咗新分店，所以又忍唔住買布甸包嚟食啦🤣今次仲試埋佢哋嘅甜品同蛋糕～🌟 朱古力榴槤布甸包朱古力同榴槤呢個組合的確新奇，估唔到都幾夾。呢個包係西洋菜南街分店限定嘅，大家留意番啦～🌟 伯爵茶布甸包茶味濃郁，布甸餡香滑，外脆內院嘅口感衝擊……一個字：正！🌟 咖啡芝士蛋糕咖啡味香濃，蛋糕質地輕盈而且芝士味唔係好濃，所以食落唔會好膩，好食！😍🌟 焦糖燉蛋呢個超級好食！燉蛋非常幼滑，唔會太甜，加上帶少少苦澀味嘅焦糖，味道正常balanced！…查看更多

琴晚試咗間老字號中菜館，真係好唔錯～😋😋🌟 招牌華香雞拼烏龍茶香雞(半隻)招牌華香雞係用招牌白滷水浸製而成，鹹鹹香香，特別突出到雞肉嘅鮮味🥰至於烏龍茶香雞就煙燻味比較濃郁，茶香都突出。兩款雞嘅肉質都非常嫩滑，個皮都爽脆😌另外，佢哋個蔥油都好正，超級惹味呀！🌟 濃雞湯枝竹菜煲雞湯非常清甜，菜蔬同枝竹吸收曬啲湯汁好好味😍除咗雞之外，其實佢哋仲有提供好多唔同嘅健康菜式，包括鹵水、牛腩、蒸魚等等，好有住家feel！超想全部試曬佢呀！😆…查看更多

話說我哋又去咗黑木亭度食晚飯😆因為佢哋近排推出咗新menu~🌟 巨無霸蟹蓋飯隻蟹啖啖肉，炒飯粒粒分明，同埋裡面已經有蟹肉同埋其他豐富配料，連埋蟹膏一齊食都幾惹味～🌟 串燒：豚肉雞脾菇、鴛鴦翠玉瓜、黑豚荔枝卷三款味道都唔錯～我最鍾意翠玉瓜，因為有明太子同芝士醬，呢個配搭幾特別😋其他兩款串燒都惹味得黎唔會死鹹😆🌟 海產細味六杯子😆打卡一流～🌟 北海道草莓牛乳乳酸&蜜桃烏龍熊茶兩款飲品都酸酸甜甜，幾醒胃🥰…查看更多

突然想食辣，所以走咗去食麻辣香鍋🤣🌟 香鍋（醬香，微辣）呢個超級惹味，餸飯一流！😍同埋唔會好辣，我唔係好食得辣都食到😆叫咗五個配菜，分別係豬頸肉、鯛魚片、雞件、萵筍同腐竹。鯛魚片最好味😍，有點爽脆嘅口感。萵筍同腐竹索曬啲汁都超正！🌟 孜然羊肉配麼麼皮鑊氣夠，孜然味濃，超級惹味，同羊肉嘅臊味好夾！包住麼麼皮食又有另一番風味😍同埋鍾意啲洋蔥keep到爽脆嘅口感😆🌟 涼拌黃金皮蛋呢個比較辣🥵皮蛋好彈牙，同埋吸收曬啲汁，超級惹味！夏天食好清爽～🌟 酸梅湯&百香果檸檬茶兩款飲品都酸酸甜甜😍解辣又開胃！…查看更多

呢排天氣悶熱，有時真係無咩胃口😮‍💨所以夜晚就咁去食啲小食其實都唔錯～琴晚我就去咗廟街，試咗間小食店🤭呢間小食店一次過滿足我兩個願望，可以食玉子，由食到其他小食😍真心正！🌟 韓式蟹膏玉子老闆話呢個係佢哋嘅人氣產品～見到佢哋整嘅時候，一啲都唔吝惜，擠咗好多蟹膏落去個玉子度😂蟹膏好香，加上蟹柳同流心芝士真係好夾😍玉子嘅質地係滑溜溜的，同埋即整即食，熱辣辣好正😌🌟 大雜燴😂呢個名堂有啲搞笑，實質係鐵板燒牛柳粒、雞軟骨同魷魚鬚😜首先係好有鑊氣，同埋佢啲調味好惹味，酸酸甜甜，又有少少辣辣地，好有食緊台式夜市嘅感覺！順帶一提，個老闆超nice～ 大家經開嗰頭不妨去試下支持下呢間小店😚…查看更多

星期日加班後終於可以去chill下！又去咗食西班牙菜啦~ 呢間餐廳環境好靚，又坐得幾舒服，所以見到唔少一家大細嚟食~ 飲品：Sangria & Lemonade食西班牙菜當然唔少得Sangria，呢度嘅Sangria果味香濃，酒味唔算好重，我幾鍾意！Lemonade係有氣嘅，所以飲落更加清爽，酸酸甜甜好開胃。 🌟 Beef Garden幾欣賞呢個前菜。薄片牛肉配上黑松露醬同黑松露片，兩者味道相輔相成，雖然濃味，但又唔會好膩，相當適合作爲前菜。另外，呢道菜一上菜嘅時候係用個玻璃蓋蓋住，做咗個煙燻效果，所以食起上嚟又多咗一重風味了~🥰 🌟 辣味番茄醬拌馬鈴薯呢道菜相當惹味，酸酸辣辣嘅醬汁刺激味蕾，馬鈴薯軟軟糯糯，味道真係唔錯！ 🌟 紅菜頭凍湯呢個湯好特別，紅菜頭酸甜嘅味道非常清新，上面嘅忌廉畫龍點睛，增加左菜式嘅口感層次。 🌟 黑毛豬肋條肉西班牙飯黑毛豬肋條肉嫩滑，西班牙飯煮得剛剛好，味道不錯~ 🌟 香煎西班牙走地黃油春鷄鷄肉鮮嫩多汁，配上三款醬汁，風味各有特色。 🌟 巴斯克焦香芝士蛋糕呢個甜品值得一讚！我地影完相個芝士蛋糕仲係暖暖的，口感鬆軟，甜而不膩，非常出色呀！ …查看更多

今晚開始晚市堂食要暫停😢好彩琴晚都俾我試到間正嘢🤪😍趁仲有堂食，當然要去食我最愛嘅雞煲同煲仔飯啦😻呢間餐廳就可以一次過滿足我所有願望😹白鱔臘腸煲仔飯（$88）😍 白鱔豆豉味好濃，肉質好嫩滑，可能因爲加左少少辣椒🌶️所以辣辣地，食多幾舊都唔會覺得膩😚啲飯煲得剛剛好，粒粒分明，有少少飯焦😍重點係個甜豉油都好好食😆另外臘腸唔會太肥～麻辣雞煲（$118 細份）我哋叫咗老闆整小辣，佢個麻辣係麻多於辣😆相當惹味！雞件夠入味，又嫩滑😝另外呢個雞煲有好多蔬菜，所以感覺less evil 🤣新鮮油菜（$18）新鮮爽甜，灼得剛剛好😆😍…查看更多