莊兆偉的個人專頁

放題其實唔係我首選既菜式，但今日同老友出街佢話想食，唯有陪吓佢囉呢個品牌嘅放題之前食過其他分店都ok嘅， 呢間係第一次食，上到去當然係走出去攞D現成小食同埋嘢飲啦款式都正常的多，飲品都比較凍唔似有地方既放題一比較人多D嘢飲就唔夠凍之後當然係入正題點刺身啦，我老友 好似癲咗咁起勢食魚生, 一路食一路話正， 好新鮮又夠厚切夠質感， 我就唔同佢癲慢慢食， 我先食蝦…… 睇睇圖片 就知道有幾新鮮唔使我講啦我食完少少刺身之後 就食我至愛嘅鰻魚 鰻魚真係我至愛， 口感質感唔錯暖暖地， 鰻魚汁味道適中， 一碟有四件， 我總共叫咗四次真係成條鰻魚都食咗， 如果唔係留肚食其他 我諗我會繼續呢度值得一讚既係上菜速度， 快而準 唔會偷單全晚令我 稍一不滿的就係炒蜆, 因為其中兩隻有沙 食蜆最忌就係有沙， 雖然食咗咁多隻 只有兩隻有沙， 但一隻都嫌多， 其實只要用水養耐啲等D蜆吐番啲沙出嚟， 就唔好出現呢個問題， 呢樣嘢有待改善:(， 不過總體嚟計只係一個小小 瑕疵， 其他食物絕對可以將功補過炸物…… 夠脆唔油已經講曬， 推介天婦羅蝦 出面脆 入面嘅蝦肉彈口 近排腸胃唔算太好 刺身唔敢食太多， 呢度勝在熟食都唔少， 由以咖哩炒蟹最令我驚喜， 之前在其他地方都有蟹食， 不過嗰啲地方可能只顧刺身嘅質素 而忽略咗熟食， 但今次呢個咖哩炒蟹我真係好喜歡， 炒得好入味 但又唔會完全蓋過蟹嘅甜味， 我一向好鍾意食蟹， 圖中嘅份量我叫咗五次 一個人食曬真係大滿足最後當然食埋甜品啦， 選擇都唔少喎， 不過真係好飽， 只係食咗一兩樣都已經食唔落了同一間品牌 呢間分店 做得比我之前食過嘅好， 值得一讚…查看更多

好多時喺葵芳飲茶 都會經過呢間酒樓 望入去次次都好多人， 而且見到佢 寫住早茶有特價， 今日終於同父母一齊去試下第一味就係呢碟椒鹽魷魚鬚， 好有期望咁食但食後好失望， 死實實一條魷魚， 味道完完全全唔覺得係咩椒鹽， 同我想像中嘅爭好遠呢個黑色嘅流沙包就過得去鳳爪排骨飯中規中矩鮮竹卷非常普通牛肉正正常常呢個類似芋角嘅 完全冇乜味如果呢個價錢食呢啲嘢， 我覺得唔合格， 喺附近嘅北京樓 好過佢好多， 下次都係唔嚟…查看更多

今日自己行街 行到肚餓想食點心， 上網搵睇到呢間點心店評價 有彈冇讚， 於是就去試下， 星期六下晝兩點幾可能過咗飯巿， 唔需要等位就有位， 但成間店都坐咗九成， 坐低嘅感覺好寬闊 坐得都幾舒服， 一個人唔食得太多 我揀咗兩款點心鳳爪排骨飯既賣相 同其他點心店差唔多, 食落正正常常， 飯底夠乾身排骨唔會死實實鴛鴦牛肉燒賣 睇落同食落都ok 又係正正常常水準合格以上， 雖然唔算一級水準 但大致上呢兩款點心都ok價錢 唔算太貴又唔係平， 今日星期六而且係過年冇特價都正常， 路過嘅入嚟試下都ok， 但又唔使專登慕名而來， 一般點心專門店嘅水準！…查看更多

週末晚上家人聚餐 選擇咗呢間酒家， 星期六尖沙咀食飯以為好貴， 咁就錯喇！我哋叫咗呢個海鮮餐叫咗半圍 埋單價都係千二百幾， 覺得好抵食！呢碟龍蝦伊麵幾大碟， 味道都唔錯唔記得咗大班兩味還是龍躉兩味， 味道都算唔錯薑蔥炒蟹， 略嫌瘦咗少少， 味道還可以大扇貝都ok嘅豉椒炒蜆， 個芡汁比較濃 豆粉落多左， 有少少覺得蜆殼多過蜆肉……隻雞好似過火咗， 比較乾身不過總括嚟講呢個價錢星期六喺尖沙咀食 已經相當超值， 而且份量唔少， 我哋食唔曬仲打包咗兩盒帶走添…查看更多

幾個月前去過呢間火鍋店， 還記得當時既感覺係抵食但食物質素有進步既空間事隔幾個月恰巧有朋友約我再次黎呢間火鍋， 今次畀我嘅感覺整體係進步咗喎 由其是任叫任食嘅肉類同埋海鮮因為嗰晚有嘢做我哋選擇咗食頭輪， 原本以為咁早應該冇乜人， 原來又唔係喎， 已經有唔少嘅人喺度食緊呢度攞食物分開兩個模式， 肉類同埋海鮮係要落單嘅， 但係可以任叫任食， 而且上菜速度都唔慢， 其餘既食物就係自取㗎喇， 自取嘅食物款式都唔少肉類同海鮮嘅選擇都唔少㗎自取既食物質素 畀我上次黎嘅時候觀感上係有所改善但講到進步 肯定係肉類 同埋海鮮任叫任食嘅肉類 有相片中既質素 真係令我喜出望外😯另外蝦嘅 質素亦相當高， 夠曬大隻 好新鮮好爽口， 淨係食肉類及海鮮類已經對得住人頭收費， 其實唔單止 海鮮同肉類進步咗， 甚至連一粒好普通嘅魚皮餃, 雖然賣相未必特別好， 但食落原來又幾好食喎， 所以我覺得呢度真係進步咗唔少， 咁當然唔係天上有地下無啦， 但呢個價錢有呢個質素絕對合理有餘已經食到好飽， 仲有甜品都未食， 見到仲有名牌雪糕， 飽都要繼續， 下次有聚會可以再來， 希望下次嚟嘅時候更加有驚喜啦…查看更多

今日放假同友人茶聚， 第一次嚟呢間鴻星， 中午時間唔使等位 但差唔多都坐滿， 我哋叫咗幾款點心， 唔使好耐第一味黃金豆腐就送上， 40幾蚊價錢幾件细细嘅豆腐份量咁少有D貴， 入口皮脆内軟口感都OK呢幾隻豬仔其實係豆沙包，食特色囉 味道普普通通冇乜特別呢個鳳尾蝦， 又係冇乜特別同食放題嗰啲差唔多呢一鍋 唔記得咗係咩炒飯，味道OK嘅 但稍微唔夠熱, 可能傳菜員遲咗攞出嚟乾蒸牛肉 賣相幾挺身， 味道同其他酒樓差唔多反而依個 貌似雷沙湯圓嘅 價錢係最平 冇記錯好似係15蚊， 但竟然係今日最好食嘅一味， 唔喜歡太甜嘅可能會嫌甜少少， 個人覺得好甜好香口感都唔錯總結嚟講呢一餐不過不失， 但如果用名店嘅價錢食呢一餐， 我會建議用平民價錢 去選擇其他酒樓吧！…查看更多

今日休假 同個同事出旺角買啲嘢， 買完嘢差唔多到六點， 經過呢座商業大廈見到有雞煲我同事話想食， 我冇所謂咪陪佢去食囉上到去服務員安排我哋坐低， 個位都算 寬敞坐得都舒服。呢個價錢包埋飲品， 飲品款式都算多落單冇幾耐好快就送上雞煲， 一睇個賣相已經知道好濃味好入味， 開著電池爐一陣間D啲香味經出， 我哋兩個都口水流 急不及待開始食雞， 一入口啲雞肉好嫩好淋 味道好濃 好彩又唔太鹹辣味都ok, 我同我同事你一件我一件不斷食份量都ok多， 差唔多食曬啲雞嘅時候 我哋就加湯打邊爐打邊爐嘅配料都係一般嗰啲啦， 種類都ok多， 而且落單足料送上唔會拖時間呢碟牛肉質素都唔錯丫都幾新鮮 都幾好味食咗咁多肉食番啲生菜同粟米 清清腸胃都唔錯，菜幾新鮮， 粟米個賣相一般般但食落又好甜喎雖然係任食，但我哋兩個食完雞煲再打邊爐食咗一轉已經開始飽， 本來打算勉強再食啲， 我同事話唔使逼自己咁辛苦， 佢話呢度又經濟又好食又方便下次再嚟過咪得囉 咁我都唔同肚皮鬥氣了…查看更多

同友人去完街 夜媽媽有啲肚餓， 記起呢附近有間飯店有點心食， 咁就去食番個宵夜先， 如果講究裝修埸面及衞生嘅朋友呢度就未必適合， 入到去大部份既客人都係上咗年紀既男人又或者夜更嘅司機大佬為多， 唔使理咁多 都係坐低食嘢啫入嚟嘅時候喺門口見到 有即拉腸粉, 夜媽媽竟然仲有即拉腸粉 當然要捧吓場啦大约十分鐘左右就送上， 食落 真係同啲整定既腸粉又唔同， 腸粉皮幾滑幾薄， D叉燒唔會有雪藏味, 加埋D甜豉油 都真係幾好食另外叫咗碟鳳爪， 送上嘅時候先知道原來係黑椒鳳爪， 我就比較鍾意普通既醬汁鳳爪， 因為畀啲黑椒味蓋過咗原有嘅味道， 底下有幾粒豆腐卜索咗啲油本來係好，但本身嘅醬汁唔多 反而覺得有啲乾身咗另外目測其他嘅點心賣相只係一般般， 反而我見到其他人食嗰啲炒粉麵及小菜賣相又唔係差喎, 下次可以再嚟試下…查看更多

雲吞麵就食得多喇， 冇味嘅麵餅都係第一次 今日路經呢個商場， 見到有間池記咪走埋嚟睇下囉， 星期六下晝 都有下午茶餐， 40蚊連飲品 經濟實惠 坐低叫嘢食見到有水餃我叫咗碗水餃麵及飲品， 落單冇幾耐好快就送上， 先試下湯底, 味道清甜 再試下粒水餃, 蝦都幾多同埋彈牙但木耳比較少稍嫌爽口嘅感覺 一般，但也算格分數或以上， 最後試麵…… 浸咗咁耐都未淋， 粗幼適中麵唔錯，但食落感覺淡口完全冇麵嘅應有嘅味道， 真奇怪:(不過結合埋價錢 也算合格， 咁嘅價錢要求唔會太高， 可以考慮再嚟( 當然我選擇河粉或米粉啦)…查看更多

喺九龍灣收工 諗住順便食埋晚飯先返屋企， 咁啱經過呢間餐廳， 見到都算多人喺入便食， 咁就是但啦入去食囉我坐咗喺較為入面嘅卡位， 有兩個侍應 分別行過咗兩次 都好似當我透明咁， 已經火火地有套餐當然 平平哋叫返個， 俾我見豆腐火腩飯( 男人嘅浪漫) 當然不二之選啦, 就係咁就中伏 一見到個賣相已經知道伏伏地， 相片不能完全反映全部， 可能係角度嘅問題, 一睇啲豆腐就知道九成係隔夜的， 入口第一個感覺 醬汁既味道唔得， 豆腐故之然係唔得啦， 火腩係隔夜嘅可以理解， 但雪藏味真係重得好緊要唯一可取係D飯，一粒粒好爽身睇心我最後食淨幾多就知道有幾咁好食啦:(…查看更多

今日工作經過九龍灣，午餐去咗呢個商場搵食, 見到呢間靠得住， 未食過咪入去試下囉， 因為午膳時間呢度都好多人， 好彩我一個人比較易搵位午市有套餐， 我叫咗個甜梅菜蒸魚飯加凍飲大概十分鐘到就送上， 我見到碟梅菜蒸鯇魚嘅賣相係非常唔錯， 但碗飯嘅份量 我就會扣佢分， 呢個份量我相信一般嘅ol應該夠食, 但男士我相信唔夠飽囉不過好彩佢哋質素都唔錯, 鲩魚腩薄切, 都幾新鮮甜梅菜真係幾甜唔會喊，白飯一粒粒都幾乾爽，如果碗飯嘅份量可以變番碟頭飯咁多 咁就真係靠得住喇…查看更多

今日同老表外出做嘢， 收工嘅時候大家都肚餓喇， 我提議去食放題， 但點知老表話近來腸胃唔好要食清啲所以想食素食， 我呢隻無肉不歡嘅食肉獸 個心梗係唔想啦， 但老表話病唔通話唔好咩， 唯有跟佢去囉之前我以為老表帶我去齋舖， 去到先知道原來係西式嘅素食， 咁又有啲新鮮感喎 呢D餐前小食幾有特色估唔到食齋都有手捲食 食落好爽口 味道都幾豐富 加埋芒果既香甜又幾好食喎呢個薄餅及飯係配青咖哩食嘅， 薄餅幾好食喎煙煙靭靭, 加埋啲青咖哩食味道都幾夾薄餅都未食完呢個焗螺絲粉就送上， 睇個樣都知道味道都幾濃郁，焗得好香， 味道都好好， 食呢個螺絲粉 真係已經忘記咗自己係食素， 因為我覺得好好味好開胃再講番啲個青咖哩， 除咗啲汁好味 其實佢個配料都幾豐富先前以為黎食齋 應該係飲茶， 而家都係飲茶 不過係凍檸茶老表就飲咗呢杯好似係朱古力嘅嘢， 佢淨係話幾好味其實我都唔知係乜呢一餐我真係覺得食緊西餐咁， 竟然仲有飯後甜品， 不過真係食得好飽我哋只叫咗一杯 兩老表分享 幾甜蜜，總結 好彩我呢隻食肉獸食素都食得好飽而且覺得幾好食…查看更多

正斗我睇過好多唔同嘅介紹，讚既聲音多的是， 今日就等我呢個窮家仔會一會你入到去 餐廳嘅裝修真係 算唔錯， 侍應制服都同出面一般粉麵店 有天淵之別, 坐低一睇餐牌 一個字...貴……不過預咗我同朋友兩個人 揀咗兩個招牌菜 雲吞麵同埋乾炒牛河， 雲吞麵的麵好幼 都有彈性, 湯都幾鮮 雲吞就細細粒蝦都爽口, 乾炒牛河牛肉好多， 豉油都比較多， 正因如此 話明乾炒牛河 豉油多 自然唔夠乾身唔夠香但味道還算唔錯，總括嚟講 食物質素 未至於好超卓 但總算過得去 合格分數或以上, 但配合埋價錢 個人覺得唔值囉, 咁嘅價錢大把選擇, 兩款招牌菜雖然係合格, 但外面個別既普通舖頭 都會做得出畀佢優勝嘅 質素囉， 就算係質素平頭但 價錢上 肯定遠勝正斗， 我呢啲平民 都係食番平民價錢既舖頭好啲，名店唔啱我…查看更多

上次同屋企人去韓國旅行食咗烤雞覺得好正， 咁啱今日約咗佢個舊同學見面 佢又話想食烤雞我當然卻之不得啦， 佢話食過呢間幾好， 我話冇所謂於是我跟咗佢去呢間餐廳入咗呢間餐廳嘅感覺覺得 地方好清爽、 寬闊同埋乾淨, 坐得都幾舒服急不及待睇一睇menu有咩食先， 接近午餐時間 見到有幾個lunch set 都唔算貴喎, 我哋揀咗個泡菜蛋包飯、 香酥烤雞、 花瓶鮮果沙律、 同埋一杯好有特色嘅飲品先黎呢杯特色飲品， 好唔好飲我就唔知(因為係我舊同學飲)但賣相就殺曬啦呢個泡菜旦包飯，原本我以為係lunch set份量唔會太大但原來都唔细喎，泡菜本來我一般般但食落D味又調配得幾好喎，旦皮又唔會太老又夠熱辣辣又幾好食喎我呢隻食肉獸平時唔多食蔬菜， 但今次食呢個沙律 我又覺得幾好食喎， 裏面嘅蔬菜真係好新鮮之外， 佢仲有好多唔同嘅生果D生果仲好甜添， 再混入D醬汁 好似食咗之後仲開胃咗最後主角出場……呢個烤雞一送上嘅時候已經令嗅覺得到享受 小心 拎上手辣親因為真係一整好就即刻攞出嚟， 食落油唔太多D肉唔會太乾肉汁仲可以保留到, 其實就咁食已經夠味， 但配上醬汁食又有另一個口感，我同學喜歡用醬汁我就喜歡原汁原味多D 最後我哋兩個大胃王將全部嘢食曬真係 大滿足…查看更多

好耐無同友人見面，今日约佢一聚時佢話想食放題，近近地唔使出九龍 屋企附近荃灣有一間， 反正未食過咪一齊去試下囉第一次上嚟 坐低咗嘅感覺係坐得幾舒服, 唔會似有一啲食放題既地方坐得咁迫 友人已經急不及待填單揀嘢食， 佢揀咗 好多刺身 '壽司, 但近來我腸胃一般所以 打算食多啲熟嘢，好采呢度既熟食選擇都唔少仲竟然有避風塘炒蟹食, 啲食物落咗單冇幾耐就好快送上， 講番碟避風塘炒蟹先…… 蒜蓉辣椒配料都好多， 油就唔會太多炒得都幾好 味道都唔錯, 美中不足 就係如果隻蟹可以大番返少少 咁就更好喇友人一邊食一邊讚啲刺身夠新鲜 而且都算厚切口感好好， 佢不斷叫我食刺身， 但我還是決定繼續食我嘅熟食……鰻魚簡直係我既至愛， 淨係鰻魚我都唔知加咗幾多次單不斷不斷食有得食當然有得飲啦， 呢罐菠蘿味嘅飲品我 覺得好好飲 菠蘿味好真實， 其實仲有好多唔同嘅飲品可以選擇甜品 都有好多選擇，但呢款雪糕 肯定唔可以錯過， 連雪糕都畀呢一款 真係值回票價食咗好多熟食跟住就食雪糕食完雪糕原來仲有其他熟食未食曬 繼續不斷送上， 啲嘢好食 選擇又多 減肥嘅計劃 要暫時擱置， 真係食到肚滿腸肥先返屋企友人話淨係食刺身都返咗本， 我就覺得呢度適合 唔同口味嘅人，D嘢比較新鮮 而且調味得唔錯, 選擇多落單後上食物速度快， 又唔會走單 ，坐得舒服 好適合三五知己聚會。走嘅時候 門口已經 好多人喺度等位， 下次~再嚟食都係要早啲…查看更多