po元的个人专页

好幾年都無食過放題，因為出面的一是水準不好，一是就太貴，最近荃灣開左間新的放題，中午12點食到3點都是300多一位，加上見好多人推介，早幾星期就預約定星期六中午同朋友食。我11:45去到，已經有人排緊隊，一條隊是沒有預約，一條先比預約左的入去先，佢地提早2個字放人入，服務很體貼，一入去就立即掃code落order，原本餐廳分左AB set餐，但好似食材不夠，所以無左B set餐，但是…..手機落order是可以免費叫到B set的食物，我原本就是想食奄仔蟹，點知可以試，不過可惜不好食，又細隻，又乾身，反而第一輪叫刺身同壽司就好新鮮，出面仲可以自助夾白鱔，選擇都幾多，有啲都沒食。食物方面我覺得比較好的有白鱔，刺身，海膽壽司，烤榴槤，焗蠔，雞湯，炸餃子，聖子反而不太好的有牛肉肉壽喜燒，奄仔蟹環境我覺得有點逼夾，餐廳將4人座分開2人座，左右都是咁，同隔離啲人太近了，外面夾野食又堆埋一個角位，都是太迫…查看更多

呢間餐廳都值得推介的。泰式fusion菜，因為朋友生日，一早Book左位，時間6點半，入埸時職員話按照booking時間計2小時，所以你遲左都是2小時內。到左可以即時入埸，環境裝修幾靚，cafe 的感覺。食物方面都不錯：1）串燒4串118，可以雞牛豬自選，味道都是香矛味，點埋汁就更好食2）蛋炒咖哩軟殼蟹蟹肉飯198，先上左咖哩軟殼蟹先，隨後職員會攞住大碗過黎幫你每個人加飯（其實想問佢飯是不是任加）咖哩汁做得幾好，不太辣，不似正宗泰式咖哩水汪汪咁，配飯一流推介呢個3）清邁腸炒長通粉158，見到長通粉已經知不是泰式野，佢個泰式腸好似魚餅味，都重泰式香料的味道，長通粉用番茄汁煮，不過不失。4）飛天小椰菜78，一開始以為小椰菜是小小粒圓身個款，點知出黎應該叫蒜香小唐生菜，完全是min版唐生菜5）玻璃紙包蜆148，菜如其名，用玻璃紙包住上枱，一開始食上面個d蜆無咩味，要浸少少汁先好d，似鹽水煮蜆，不太推介呢個菜6）芒果糯米飯椰子雪糕甜筒58，芒果偏酸，配埋雪糕食岩岩好的，甜品整得好靚。但是好值得讚的是，我地沒有要求寫Happy Birthday 的字眼，應該職員見到我地一開始同朋友講生日快樂，他們幫我地在甜品寫上的。真有驚喜7）泰式奶茶42，茶味濃，玻璃瓶入，冰另上，一支可倒出1杯半整體不錯的，環境靚，職員細心，夠鐘其實都無催我地走的，食物有特色。…查看更多

我除左鐘意打邊爐，就是鐘意食日本野，之前都食左幾次呢間Magic，但今次發現原來有lunch set好抵食，所以上黎推介比大家。我選了三文魚小元貝迷你set，包括了一碗迷你飯有三文魚粒＋小元貝＋青瓜＋蛋粒＋蟹籽3件炸蝦反手卷2塊炸雞粒1碗三文魚味噌湯是不是睇落都好吸引，呢個餐只是62，加埋一先68元，除了呢個仲見到鰻魚飯的餐，或者烏冬餐，不想選都可以單點叫壽司食，如果到左2點半有下午茶時段，某些壽司會平左。當然啦，抵食是抵食的，但如果新鮮的程度黎講，他就不及壽司郎啦。炸蝦可能一早整好，已經不是太脆，紫菜都淋左，同埋加左塊生菜一齊包，我就不太喜歡。…查看更多

行過睇到間泰國野，突然想食口水雞飯，睇個餐單除左海南雞飯/冬蔭公的泰國餐點外，點知仲見到有螺絲粉食，但在泰國餐廳食螺絲粉應該怪怪地，所以都是叫返口水雞。一落完單好快就上枱，睇到好似大份好吸引，點知食落口就中晒伏，無咩味，凍凍地，得少少辣味，最大問題是全部都比骨位我，好似食緊口水雞皮仲多過食雞。不知是不是疫情關係，定人手不足（只見一個樓面＋一個廚房），餐具同飲品都用即棄餐具跟紙杯。不理會其他原因，單單食物質素就不會比機會食下次。伏晒…查看更多

一直都好想去貓貓cafe，見網上介紹呢間只需要食一個餐就可以坐2小時，不需要入埸費，所以在閒日放假（星期一）去參拜各位貓主子。如果沒有book位，要在門口按飛，等了一陣就可以入，我去的時候都差不多下午2點半，但入面都好多人，原先以為閒人無咩人，都不是嫁，keep住都有人黎。入到去見好多貓貓其實好興奮，職員安排了我坐近貓樹架附近，有好多貓貓都在睡覺，所以我都不先摸住，叫左野食先，可能2點半，想叫的泰式咖喱意大利飯和牛排都無晒，只好點黑松露汁豬扒＋紅豆奶茶（$99包加一），野食我就覺得一般般，但多數人都為了睇貓貓的可惜好多貓貓好少主動討摸，多數都在睡覺，除非餵罐罐或者小零食才會有貓貓圍住，雖然環境小左少少，但多貓貓是好開心的事，睇得出有些貓貓以前是浪浪，有個好地方比貓咪已經好好了，值得再去的支持。…查看更多

朋友生日，緊係去食好野啦，由於比較趕去選餐廳，在OpenRice 見到有預約，加上又有88拆就選了*南瀛水產*一開始已經有目標一定要試下蟹味噌甲羅燒，賣相好靚，味道都好有蟹味，不太鹹，基本上每枱都會叫上一份。之後朋友選了南瀛卷，當中海膽魚籽都好新鮮，果然在居酒屋就要食返呢d野。講完好的就要講差少少啦，我一直好期待試一夜干那條魚，一上枱好大條，感覺好吸引，可借就是太鹹了，不知是不是用來配酒，所以做到咁鹹，燒是燒得剛剛好，不會太乾，但真是好鹹（鹹到要講3次）最後令我失敗是松葉蟹海膽釜飯，當時職員上枱要我地等20分鐘左右，話會幫我地搞，咁我地就食住其他野，到食晒，都未仲有職員幫我們整，見個火都熄左，我地咪自己落手搞囉，呢個飯不知點形容，一舊舊，又淡淡地，無咩味，仲知好失望，可以再選一定選其他。原本仲想叫帆立貝，但話貨源不夠，要留比叫套餐的人先喎。整體環境服務都ok，服務生人數都成7-8個，用黎幫客人燒海鮮，食物參差 一半半…查看更多

同朋友打算7點半睇戲，朋友介紹在戲院附近食海南雞飯的"雞仔"咁"雞仔"主要是食海南雞，我緊係叫個海南雞飯黎試試，佢個飯仲包埋湯，聽朋友講每次湯都不同，今次的湯是椰子雪耳湯，都好好飲。講返個飯先，我叫海南雞飯，雞件都好滑，油飯不算好油，好似加多10蚊仲包埋油菜同飲品，真好抵食。隻碟又得意，可以分晒不同醬汁在碟上面，同埋我見門口牌寫住可以幫你去皮，加飯，仲選擇要雞胸，雞翼，睇得出老闆好為顧客服務。朋友叫左個口水雞，我食左2舊，覺得口水雞的仲好食，個汁少少辣，加上雞都仲好滑，如果下次我就選口水雞黎食。…查看更多

在OPENRICE找一下荃灣有什麼好食的介紹時，雲家正正在第一頁，因此特別走過去食。當時下午3點左右，外面沒有人排隊，但內里是坐滿人了，店內不算大，食米線都預左。去之前已經諗好食咩，叫了腩肉 + 金錢肚 小鍋米線，餸的份量都可以，金錢肚仲好多塊，但是覺得金錢肚比較硬身。湯底跟連鎖式雲南米線 "雲XX"差不多味。所以普通左少少。如果想試下的朋友都可以試，但未去到好好食的地步。…查看更多

朋友請食飯，她話之前食過香香幾好食，所以今次帶我黎試下，可能最近疫情關係，所以在OpenRice book 有68折。門口位比較難搵，好容易會錯過了，行上樓梯一入門口就有張龍椅，環境已經好吸引。行入去，就見到每張枱都用熱水消毒緊碗碟，呢樣好加分，職員幫我們夾出黎就簡單介紹下，同我地講 "國色天香" 不包在68折中。我們叫了個卜卜鍋（198），入面好多隻蜆，超抵食，另外仲叫了手打雜丸，蟹黃餃，牛肉拼盤，雜菇拼盤。牛肉拼盤，整體覺得太油，好不好食見人見智，比較突別是花雕浸牛肉，煮完都好有酒味。蟹黃餃有點失望，太硬，無咩蟹味手打雜丸有牛丸，蝦丸，墨魚丸，當中蝦丸好爽最好食，朋友話墨魚丸有腥味，其他無太大特別。不知是不是疫情沒什麼人關係，這里可以坐幾耐都可以，到我們走，職員都沒趕我們…查看更多

上次去過柏景餐廳食過下午茶，感覺都不錯，所以今次朋友生日，想試下呢間自助餐，網上預訂有65折（好似有少量六折，但我book的時候已經變左65折），需要預先付款。因為當月有朋友生日，可以打電話預約送一個蛋糕，牌子原本只寫Happy Birthday ，預約時職員話寫名要加10蚊，我覺得生日牌加個名先是最重要的，更係要加啦。我們放工再過去都要7點鐘，buffet 開始時間是6點，一入去報名同電話就可以入埸，一開頭見到一堆長腳蟹真是好吸引，入座緊係第一時間去攞野食。第一輪緊係攞冷盤，冷盤有長腳蟹＋翡翠螺＋凍蝦＋青口＋沙律＋刺身，但刺身款式得4款（三文魚＋吞拿魚＋八爪魚＋不知明的魚），款式真係少左d，帶子又無，甜蝦又無，有點失望。只好不停攞長腳蟹同翡翠螺，冷盤中我覺得翡翠螺是最好食的，又大粒，都新鮮。第二輪就開始熱盤，熱盤大約有10樣，都是有魚，牛，素海參，燒烤吧，火雞，迷你煲仔飯，湯粉麵。好普通的款式，連我諗住會有的炒飯，炸子雞都無，在燒烤吧度有半邊烤龍蝦，但是好睇不好食，湯麵又煮到好淋，個咖沙湯又好淡，煲仔飯又硬又淡，熱盤講好食可以有牛胸肉，比想像中軟，另外椒鹽白飯魚都好食，最後是個湯可以推介。之後講甜品，我就對整好一件件的cake無咩興趣，但見朋友食左2啖就放下，都知道啦，聽講豆腐花是最最好食，好滑，我就食左雪糕。整體款式少，款式食完不會變，只是不停加新，味道一般，服務都算好，就是失望左d…查看更多

同朋友去完海洋公園，超肚餓，就想食打邊爐食盡佢，最近海之戀都開左好多新餐廳，就選了一間火鍋店去試下。我地去到時間大約6點半，一去到就可以入去食，在門口先選擇了款式和湯底先，我地選了最平的牛肉放題HKD 203/位，是一人一鍋，同朋友各選一個，可以試下2個味道，我選了蕃茄麻辣（中辣），朋友選椰子湯底。之後可以入去，我們剛行到埋位，職員已經拿住湯底同牛肉到，超快速，完全無浪費我們的時間。一人一鍋的好處是可以超快就滾起，我超餓，即時整牛肉黎食，牛肉也算不錯，因為湯底好濃，不需要加醬料都好夠味。我的湯底是麻辣蕃茄，嗅上去好似好辣，但食落不辣，同埋煮耐左會好甜，變甜就無咁好食，而朋友的椰子湯底都好椰子味，但也是太濃，我不太好，但下次可以試其他湯底。除了牛肉豬肉是送上，在外面有自助吧去選擇其他的餸，最最最吸引的是8吋長的蟹棒，基本上在座每個人都會食，另外比較特別的有萵筍，台灣新竹米粉，米血糕，蟲草花。食完火鍋，佢的雪糕款式都好多好吸引，有M字牌的貴貴雪糕，又有花生醬味雪條。食埋雪糕是超滿足的一餐…查看更多

朋友又突然約出來食飯，她想食中菜，咁有人試過這一間，覺得不錯就決定去食。這餐廳在女人街近家樂坊，要上一樓，但在門口已經很有舊時的大排檔風味，如果想懷念下，大家可以去試下。我們叫左3餸1飯1湯，叫了個杞子螺頭湯，時菜炒牛肉，咕嚕肉，鍋貼小棠菜，蟹籽蛋白炒飯。好快就先上湯，仲幫我地即時取出湯渣，要證明他們是真材實料的湯。其他的菜都上得好快，又大碟，味道可以。特別要講一講鍋貼小棠菜，跟我想像有點不同，包的料是加了好像墨魚膠，魚膠撈小棠菜去煎。而蟹籽蛋白炒飯就普通，可以我不太喜歡每咬一口都卡卡聲整體環境味道都唔錯，是貴了少少，人均200多，喜歡中菜的朋友也可以試一試…查看更多

中秋節前夕，當然要跟同事食好點當做節啦。我們第一次lunch time食但馬屋，在12點15分就要攞定飛，要等佢第1輪食完，時間就剛剛好。我們選了$98，60分鐘火鍋(每人有一碟牛），牛的質素真是好，外面的菜，丸，麵，飲品，雪糕都可以任食。湯底有5-6款選擇，我選左千夜湯，其實就是昆布湯底，都可以啦，清清地。菜方面除了一般的娃娃菜，生菜，仲有萵筍，蟲草花丸都不差，貢丸和牛丸都是好食的最意想不到的是雪糕，是haagen-dazs小杯裝，真係超級抵食因為趕住返工，食60分鐘是好趕，一去到就要攞菜，好在他個鍋是小小，可以好快滾，時間一到就真是要交枱，出面仲有好多人等緊位。整體真超級抵食，比起我上一篇那間，但馬屋cp極高…查看更多

朋友突然約出來食飯，他想食火鍋，就選擇了這間夫妻沸片。去到不多人，講明只可食2小時，即有位入去，要用QR code落餐，我交給朋友決定食什麼。叫了一個$208的一人鍋，美人鍋湯底（美人鍋要＋$38），美人鍋湯底有花膠同雞件，配1小盤菜同1碟牛，$208的牛是好少少，但都是一般。最差的是另一款一人鍋，我們叫了另一個$158一人鍋，暖男湯底，有藥材同雞件，都是配1小盤菜同1碟牛，嘩，呢碟158的牛真是**極品**， 肥膏一大堆，真係仲差吉野家的肥牛。另外我們仲散叫其他配料，其他都可以的，鮮蝦丸是好食的。整體講湯底是好的，是足料的，不過加湯都是加普通上湯牛肉真好差，食火鍋都是為左碟牛，佢完全不值呢個價，出面大把任食火鍋的牛都比佢好…查看更多

因為疫情關係，公司都不準我們出去堂食，咁只好叫外賣，有位同事叫我用OpenRice 落order，話第1次用加埋在alipay比錢，有迎新優惠，可以扣20蚊。嘩。原本都已經特價左，依家再減20蚊，超低食，咁就在OpenRice 落order ，可以選時間取餐，仲會有取餐提示 （搞到我好似幫OpenRice 賣廣告）咁我就叫左個海鮮番茄意大利飯，第一啖食落去，好似pizza味，味道算不錯，就咁見個飯以為無咩餸，但入面都有4隻蝦，都大隻的。仲配上時日餐湯，當日是紅湯，我覺得比較咸，同埋不夠熱，外賣就是有呢種問題。整體都算可以。…查看更多