Cwhk的个人专页

食物質素都算幾好能夠保持水平，只係外賣自取流程建議簡化。建議外賣盒費用直接加到貨價上，無需要客人再選，因為本身店舖也沒有第二個選擇，例如自帶外賣盒。既然係必選嘅東西，店舖直接加在食物價錢上吧。俾客人選擇而發現無得選係加上彼此不必要程序。…查看更多

短時間來第二次，食物質素幾好。少有自助餐牛扒同羊架都係中上之作，好味。幾款湯 (椰子雞、肉骨茶、中式湯、牛骨湯) 都係好飲好味。沙律前菜都好，芝士都有四款。凍海鮮都有幾款選擇，魚生正常質素。蒸魚好滑好食。今個月主題係東南亞，蠔餅一般，其他正常。海南雞好滑好食，記得配飯食。只係今晚生果、甜品比較普通。好在有雪糕補救，攞返唔少分數。不過部分雪糕比較多雪，需要注意一下。整體食物質素中上，係朋友聚會嘅好選擇。座位亦好舒服！…查看更多

本身去過餐廳幾次，都覺得食物味道好好。於是星期六帶媽媽一起來再食。當日到現場12點左右，我哋見地下有張4人枱。我哋3人於是問帶位地下那張枱有冇人訂，她回覆沒人訂。我哋問可否坐該張枱，她回覆唔可以。我哋再三表明長者上行樓梯級上二樓有啲危險。職員再三拒絕我哋要求。結果，我哋被要求上二樓。當日有雞肉河，味道非常好，大家都覺得好食越南法包，包脆可口，材料亦好美味米紙卷正常，醬汁做得幾好環境，枱細，而且用料輕，枱凳會搖來搖去。感覺絕不舒適。可能因為地方細的關係，枱與枱之間很貼。空間很少很迫。食物係好嘅，服務好卻講唔上。如果米芝連推介係咁嘅質素，我會加上提示此餐廳不推薦長者前往進餐！This restaurant is not recommend for elderly while they need to climb up and down stairs3位不能坐4人枱3 people sitting on 4 seats table is prohibited …查看更多

睇咗幾個食評都大讚味道、牛扒出色，於是就現場一試。老實講，每人都叫咗牛扒晚餐。侍應有禮貌，我哋諗住靚牛扒的話，應該少少生係可以接受。但奇怪事展開序幕，侍應不建議少少生，而係要熟。到牛扒出場，其實熟唔代表無味，但成件牛扒係無牛味同硬到飛起。用二百幾蚊食牛扒仲差過佳寶買件自己煮。我只能夠講，我唔明點解會咁多好評。唔通「鮨見」牛扒版再現江湖？為咗要刋登我真正食評而無被報告，我用文字表達就算啦。各位自己睇路！…查看更多

見到呢間餐廳好評多嘅比數好高，一直好想去試！早上終於到此一試，先講入內，無特定職員觀察入坐客人的體溫，結果個個職員好大聲咁叫客人量度體溫。呢種情況係唔有善同唔禮貌。呢種情況比去大家樂還要差。餐廳環境做得咁靚，你要做到比連鎖餐廳高一線，但服務態度如此的差，對餐廳係大打折扣。叫咗沙爹牛肉麵，因要遷就侍應喺電腦落單，要大聲叫餐。其實點解侍應唔可以去到客人將枱度寫呢？一係餐廳提供電子設備俾員工落單，再唔係客人自行落單，減少不必要職員。早餐到了，奶茶係好飲嘅，好滑！咖啡一般，可能用奶粉原故？咖啡同奶放一陣會自然分開。沙爹牛肉麵，麵正常，汁好味道，但牛肉好硬，難咬。結論，早餐正常！沙爹牛肉不推薦。腿蛋甜餐包係OK嘅。奶茶好飲，絕對推薦！咖啡就唔好試。服務，職員對客人嘅禮貌有待改善，始終你叫茶東西餐廳，唔係茶檔。而員工服務態度同質素比茶檔要差，係餐廳老闆嘅問題。後記，用餐發現，職員對熟客比較有善。似乎不太歡迎新客。做熟客都做夠嘅都恭喜佢。不過我未必再去。…查看更多

I placed an order for pickup during the COVID -19 period. This is first time I got this paper lunchbox with interesting portion. Quite surprised!! It’s good for people who is on diet. The curry tastes okay. The potatoes is crunchy as eating apples. …查看更多

歷山酒店由原來本年七月開張，因各種原因延遲至12月開張。11月知道可以網上訂購自助餐，立即訂咗第一個星期日中午。食過之後，整體用「好差」去形容。先講訂枱，網上比咗錢之後，喺11月下旬已有員工致電confirm。當日員工話知道我哋有長者，會安排我哋去大啲嘅Grand Ballroom，我仲唔該佢。喺食之前幾日，再有員工再致電double confirm，表現好細心。可惜，當天reception就比咗我哋坐Cafe A嗰邊，枱細、椅窄。完全同原來安排好唔同。（枱細、椅窄係因為我之後行去grand ballroom發現有比較）雖然家人說不要計較，但有如此安排係酒店F&B同事之間溝通不足。第二樣係食物，講真餐中午真係唔知食咗啲乜，係因為無一樣令人覺得出色有印象。反而有印象嘅係熱盤全部都凍嘅，係廚房嘅低級錯誤，無理由啲廚師無一個去睇啲嘢熟唔熟。反而grand ballroom啲嘢食係有水蒸氣。第三樣係設計，自助餐區個個煲都高身，個煲蓋未開已差不多頂到個玻璃架。（你如果有食過會知我講咩）。可能要搵日升起個玻璃架高少少。唔係今日見到有報紙話個buffet有9大指控，又話要更換廚師團隊，我都無諗住寫編出來。其實F&B個阿頭知唔知有咁多問題？總結，「硬件好靚，軟件唔好提」是香港新常態？後記，職員服務其實好好，不停收碟。呢個要讚…查看更多

因工作關係，店好近辦公室。上樓都係一樓啫，有𨋢有樓梯。樓上小店好處係做事有心機！之前食過肉醬意粉，汁味濃稠剛好！又食過豬扒飯，豬扒做得幾好，唔會因為特價餐而馬虎。👍上環好多西餐廳都貴，反而樓上店仲好。今次食台式鹵肉飯，份量都足夠。疫情下仲有特價外賣餐。外賣都有杯飲品👍飲品跟餐係果汁！👍 不過今日杯橙汁好似有啲唔同平時。堂食都舒服，搵日可以試吓，堂食都有多種午餐。店舖地方唔大，限聚下都係無乜所謂。仲好啦！…查看更多

好味，即叫即做而且服務非常好👍疫情期間，選用openrice自取外賣。到店時因為未做好，店員告訴我可以坐住等。我覺得非常好👍 天氣炎熱，可以比客人留在室內非常好！讚！而且，每個客人入內都要探熱，好好！之前食過一次堂食，佢哋服務已經好好。每一道菜都會介紹，非常好！…查看更多

有一天晚上，我們到了銅鑼灣這家餐廳食野。一入會就聞到一陣怪味，個怪味有種「噏」，因為自己訂左台，所以唔好意思走。個menu同圖片整得幾好，我地叫左Pizza同廚師推介黑醋汁香煎黑毛豬。個Pizza薄皮，啱細食嘅朋友，味道正常OK，唔難食，但唔算好好食。至於個黑醋汁香煎黑毛豬，我會叫大家唔好叫，$198一份，份量少唔係問題。但份量少再加上好難食、仲要係有「星星」推介就係問題。一碟有兩件豬，好多渣同筋嘅豬件，配幾舊薯仔。我會建議大家唔好浪費食物，叫多個Pizza好過比兩舊水而唔知食左D乜野。真係唔好叫「黑醋汁香煎黑毛豬」。:(:(:(唔知有無其他食家叫過其他「伏食」？環境OK嘅，想傾喫一流，因為晚上唔多人。但想食好味嘅食物，請等餐廳改善好食物質素之後再光顧。另外，我見佢lunch menu $50，相當抵。唔知有無食家食過係OK嘅？…查看更多

之前見過呢間店好評多人又多，終於有機會一試。叫咗好評嘅海南雞半隻、小食併盤、炒通菜、串燒半打、肉骨茶、海鮮炒粉絲。先到海南雞，唔知係特色，定係師傅比刀有問題，件件肉互相連埋一齊，切刀未能乾淨俐落。失分！然後到併盤上枱，侍應按自己方便，就咁放喺我地其中一個人個餐位上。個併盤唔係一個人食曬，係打算share 。（呢個可以之後解釋，我覺得同阿頭點做嘢有關）失分！肉骨茶大家覺得好好味，藥材味重，如果去一去碗面上滿面油粒仲好。加分！（家人因爲太喜歡有藥材味嘅肉骨茶，所以話會再嚟食）服務方面就麻麻，點解黃衫嘅服務麻麻？同高一級嘅迷彩有關。當晚有一位中年紀嘅迷彩同個黃衫喺啲客前大大聲手指指落幾張枱咁講，「拿！呢張、呢張、呢張枱啲碟執走佢，一陣快啲返枱！」我明白你有客排隊等，但係咪需要喺個場大大聲講到啲客聽到又係另一回事。而且你地集團提供曬walkietalkie比你地用，而你地放埋一邊唔用。所以阿頭點做就教出咩部下。失分！清潔分面，我一枱人換咗三隻碗，要注意啊！如果下次再來，希望有所改善。到時候我一定會比返個好評你地！…查看更多

我中午到嚟食中午，落單叫咗午餐後20分鐘都未到，眼見附近後到嘅人啲餐都到曬。問返個waitress有無落單，佢話落咗。之後再返嚟由頭問我食乜，我再問佢係咪未落單，佢答係。成間餐廳要收加一服務費但無服務，唔做嘢係員工問題，做得唔好係經理問題。如果無法提供服務，店主應該考慮免收加一。結果我起身走人，去第二間叫外賣返公司食。給大家建議，午飯得一個鐘嘅，唔好喺呢度浪費。附近仲有好多選擇！I ordered the food and waited for 20 mins, I asked the waitress who took my order again while I saw people who came late and got their food. Then I asked the waitress check my order, the waitress told me she placed the order. But after a few mins, she came back and asked me to order again. I asked her and she confirmed she didn’t place the order actually. Therefore, I complained and left. I am angry because the restaurant charges us 10% service charge while they actually didn’t provide proper services. And most of us who work have 1 hour lunch time, HIGHLY RECOMMEND picking another one nearby unless you don’t mind wasting your lunch time with no food. …查看更多

中上環係一個人多車多嘅地方，特別係文咸東街開頭一段路。今日走到嚟呢度，係繁華中嘅清泉。因為早食lunch，餐廳內唔係好多人。好舒服好relaxing。侍應嘅態度非常之好，好有禮貌之餘仲好細心，不會差過五星級酒店。試咗佢地個三文魚三文治餐，味道有d濃，可能係煙三文魚嘅關係，但係整體係好味嘅。餐湯同杯咖啡都唔錯，有時間不妨去relax一下。…查看更多

叫左漢堡午餐，味道幾好！肉唔會好乾，味道唔錯。餐湯就一般，唔能夠話好好食。侍應態度好好！樣樣事都細心。唯一係唔俾水我地。唯一係付款只收現金。咁樣係唔夠嘅，應該收其他電子付款方式會好好多…查看更多

今日叫咗個波士頓龍蝦蒸飯，朋友一食就覺得肉霉，叫伺應，伺應要搵黑衫部長。點知部長第一句說話係：波士頓龍蝦嘅肉質「霉」係正常㗎喎。我相信女部長係喺美國波士頓出世，長期與龍蝦生活先有此結論。其他酒家嘅波士頓龍蝦一定唔係波士頓生長嘅。- 完 -…查看更多