天娜子的个人专页

因為驚夜晚黑要等位， 我地5點9就已經去到餐廳😂😂😂嗰陣未係好多人，見到裝修好繽紛，牆上面貼住好多即影即有相，仲有天花板有好多乾花做裝飾，氣氛好好。見到個餐牌有幾個套餐揀，有Pizza套餐，有海鮮拼盤套餐，但我同敏仔驚食唔晒，就嗌咗個二人pizza套餐。🦞龍蝦明太子pizzaPizza係薄皮，有蝦頭同兩隻蟹鉗， pizza常有明太子醬、龍蝦肉、屬煙三文魚粒、紫菜和鰹魚碎，夾埋一齊好惹味。🥦芝士焗西蘭花食得出除咗芝士之外仲有少少生蒜，西蘭花咬落唔啱，軟硬度啱啱好，面頭嘅芝士都幾match.🍄‍🟫松露牛肝菌忌廉湯好多粒粒雜菌喺裏面嘅忌廉湯，味道Creamy帶點鹹香。🥗煙三文魚凱撒沙律煙三文魚份量幾多，凱撒沙律上邊有煙肉脆粒，夾埋一齊食都好fresh.🍰雙拼巴斯克芝士蛋糕拼盤呢個堅啊！芝士蛋糕可以雙拼，我揀咗焦糖無花果同埋開心果味，要求畫usagi 同師傅，出嚟嘅效果勁靚！我超鍾意呀！ ！即刻係咁同佢打卡影相。食評總結：店內環境乾淨企理，有兒童餐，啱晒一家大細，除咗Pizza套餐，仲有海鮮套餐，感覺都唔錯，而令我最驚喜嘅當然係佢哋嘅甜品啦！慶祝生日就啱晒啦。…查看更多

有一日講起雞煲，原來敏仔係未食過🐔雞煲嘅，咁就上網搵，搵一間地方乾淨企理又好坐嘅雞煲火鍋食吓先😆餐廳係要上2樓坐嘅，地下就掛起唔同嘅食材，望落都吸引。而環境以🌱🪴綠色植物為主，座位相隔距離闊落，有幾張圓形卡座，空間感不錯，加上🪴🍀綠化植物望落同坐低都舒服，最緊要地下唔會油淋淋。坐低咗之後我哋就去咗醬料區，除咗生蒜熟蒜之外，仲有🌶辣椒面、燈籠椒醬同埋新鮮嘅🫚沙薑，呢幾樣我覺得幾特別。睇咗Menu，大致分為三款唔同嘅雞煲，✨第一款係椰子雞煲（見到佢話用四個椰青做湯底），✨第二款係脆皮雞煲（見到有🫒橄欖或者無花果做湯底，而個脆皮雞係好有咬口嗰款雞肉），✨而第三款就係今次我嗌嘅醬汁雞煲，係經典濃味醬汁配上文昌雞整成，入邊有🥔薯仔、洋蔥🧅等配料。除咗雞煲，我哋見到有其他涼拌嘅小食，我哋揀咗撈汁海帶同埋撈汁鮑魚。海帶朔晒啲汁，酸酸辣辣鹹鹹咁，🤓好開胃，可以中和咗🐔雞煲嘅醬汁。以撈汁鮑魚配埋🥒青瓜，有口感得來青瓜又爽脆。食到咁上下，我哋嗌咗空中花園拼盤，佢係二人份量嚟嘅，有牛肉、南瓜、牛丸鹹蛋黃流心蝦丸、響鈴、蟹柳仲有啲蔬菜，分量非常足夠，牛肉係正常發揮，南瓜好香甜，而鹹蛋黃流心蝦丸有驚喜。食飽飽通常我哋會以甜品作結尾，我哋一個嗌咗芒果椰子凍，另外一個嗌咗桃膠椰子凍，原來佢嘅椰子凍係白色椰汁整成嘅布甸，口感有啲creamy.好啦，食咗咁多嘢咁豐富，而且環境又好坐，我覺得呢一餐嘅體驗都幾高分。…查看更多

人來人往的厚福街入邊有間抵食日式丼飯🍚$100有找，就有碗五個餸嘅丼飯食啦！我揀咗一碗係自選嘅，有灸燒左口魚邊、拖羅魚蓉、北寄貝、鰻魚片同埋蒜味螺肉。我本身好鍾意食左口魚㗎，輕輕燒咗下，令到佢本身嘅油脂更加香🤤 加埋甜甜鹹鹹嘅鰻魚片，同埋好好送飯嘅拖羅魚蓉，味道好夾呀，另外我都好鍾意食貝類嘅，加埋北寄貝同螺肉中和一下油膩感😆 不得不提嘅係丼飯入邊嘅飯好有口感，黏度都係啱啱好。另外仲嗌咗個虎士山丼，面頭有幾個醬可以揀，我哋揀咗明太子醬，最記得仲有海膽醬嘅，刺身係灸燒三文魚、蟹柳同黑松露醬，撈飯好食。同埋餐廳位置好方便，我成日都係個邊搵野食，下次再嗌其他食。…查看更多

平日路過見到門口好多人排隊，原來而家🍵做緊下午茶優惠又👯‍♀️好熱鬧，所以都諗住試吓。個人覺得🌬冷氣足夠，啱晒而家夏天☀️熱辣辣嘅天氣，而且環境都好🌟光猛，平日呢個時間都座無虛席。✨金光燦爛點心盛盆✨有流金🐼熊貓包、千層糕、兩粒燒賣、兩粒菜苗餃同兩粒蝦餃，🥟蒸餃表皮好煙靭，燒賣嘅肉都好彈牙食得出係新鮮嘅，熊貓包細細粒粒幾的骰，入邊係奶黃嚟嘅，千層糕我本身都幾鍾意食，有💛奶黃香味。🌶川味沙薑豬手🌶呢個❄️雪到涼浸浸，夏天食真係啱晒！而且佢個汁係超級入味，我自己就好鍾意。🐷西班牙黑毛豬叉燒酥🐽佢個酥做得好鬆化，外皮非常香牛油味。🦐西芹鮮蝦長春卷🦐唔係好食到西芹，因為我本身麻麻哋西芹嘅，食到一粒粒蝦仁，而且春卷炸得好乾身，配埋醋味道啱啱好。🐟花膠灌湯餃🐟有啲雜菌同花膠喺個湯度，飲落去好清潤，灌湯餃入邊係有蟹柳肉碎等食材。😃食評總結：餐廳環境坐得舒服，落地玻璃採光度十足，點心造型精緻，味道都唔錯，我個人最鍾意係叉燒酥仲有燒賣同蝦餃，食得辣嘅可以揀埋豬手，下次會同屋企人再去。…查看更多

🌟K11 Artmall 後面有條街有好多日本菜，我今次walk in 揀左呢間，餐廳大部份都係卡位，而牆壁上貼滿本日推介食物，及木質屏風間隔。🐟喜之次魚生丼$318喜之次灸燒及刺身，再加上拖羅魚蓉、三文魚子、三文魚及油甘魚，非常鮮味，米飯係日本米，好有口感，仲配左味噌湯，好滿足。🐡味醂魚干$82 呢樣係居酒屋必點串燒：🍖薩摩赤雞肉蔥串$38 - 雞肉非常juicy 配埋大蔥超夾味。🍖鮑魚雞翼$78 - 呢樣好特別，喺甜咸汁燒雞翼之中夾住煮過而又入味既鮑魚，推介！🍖黑豚蘆筍卷$46 - 蘆筍係我鐘意既食物，加上咸咸地既豚肉。🫑日本青椒仔$38 - 我自己幾鐘意食青椒😂我知小新唔鐘意，但加左d 鹽咸咸地爽爽地，味道唔錯。🍲安格斯牛肉鍋燒烏冬（醬油湯底） $148牛肉好嫩，其他配菜都好豐富，有金菇、冬菇、鳴門卷等， 烏冬有口感同滑滑地，加埋清淡醬油湯底，岩岩好為呢餐飯作結尾！🌟食評總結：味道不錯，比較喜歡佢地既串燒，另外座位都坐得舒服，店員都幾細心會留意我地用餐進度，有下次。…查看更多

上次食過覺得幾好食，今次朋友喺附近返工，就同佢一齊食吓。餐廳嘅座位坐得舒適唔會有油煙味，空氣都幾流通。🤤我哋每人各叫咗一個套餐，分別係三種和牛極致定食同埋和牛霜降。赤身定食。 每個定食都有日本米飯、昆布清湯、醋汁沙律同埋泡菜及飲品，非常豐富而又傳統嘅配搭。當天的牛肉種類分別有1️⃣和牛龜之甲、2️⃣和牛羽下及3️⃣上後腰脊肉。要講到霜降最多的，就是🥩上後腰脊肉，因為佢嘅位置比較貼近西冷嘅臀部肌肉，所以肉質比較柔軟，同時帶有豐富嘅油花，所以肉汁豐富，最適合配白飯嚟食。其次霜降同肉質分布平均嘅就係🥩和牛羽下，佢係屬於全部肩胛位嘅稀有部位，喺油花同肉質方便攞到個平衡點。而肉味最濃郁嘅就係🥩龜之甲，佢係屬於牛臀部內側嘅瘦肉，肉質非常柔軟，加上油花比較少，係一個清爽嘅牛肉！🍚牛肉同白飯果然係一個絕配嘅配搭，因為米飯真的很有口感，今餐食得好滿足😋…查看更多

被二人套餐餐牌👀吸引咗入去，餐廳有普通座位及榻榻米座位，雖然榻榻米位置要除鞋，但都冇阻我增加🍁氛圍感嘅喜好，所以都係揀咗坐嗰度😆 見到窗口位有啲熊貓貼紙同熊貓咕𠱸，好得意，加上窗口位係望到海🌉嘅，景色更加好。我哋揀咗二人套餐，有四色前菜、🥗沙律、兩個主菜仲有🍦甜品同飲品，非常豐富，移民仔姪子定一定要食🍲壽喜燒😆識食呀下。💚四色前菜及沙律：連殼炸蝦，有啲鹹鹹香香好酥脆。枝豆，正常發揮。三色刺身，有帶子三文魚同吞拿魚。芥末八爪魚，辣辣地好開胃。沙律，中間有小龍蝦沙律醬，配埋生菜食味道好夾。🧡照燒三文魚：三文魚有成個手掌咁大，甜甜鹹鹹嘅汁好惹味，可自行選擇配搭沙律醬，送飯一流。🤎豪華和牛肉壽喜燒：和牛肉質好嫩滑，無筋，配菜有豆腐，冬菇同菜，配埋溫泉蛋更加滑。我哋最期待嘅環節出現啦！就係甜品時間，我哋揀咗抹茶蕨餅新地同埋黑蜜抹茶蕨餅。💚抹茶蕨餅新地：新地有煉奶味，好香甜，側邊仲有綠茶雪糕，配咗紅豆蓉同蕨餅，下低有啲粟米脆脆，成個都好食。🖤黑蜜抹茶蕨餅：如果你係鍾意超濃抹茶嘅，呢個就會比較啱你，因為外層有滿滿嘅綠茶粉，另外驚太濃仲有黑糖。食評總結：性價比高嘅二人套餐，無論同朋友同小朋友都合適，🎎榻榻米位置坐得舒服，如果唔怕除鞋嘅可以考慮一下。…查看更多

餐廳好有法式情懷vibe, 藤蔓加上綠葉為主調，有些吊燈感覺好chill。雖然我們吃晚餐，但因為六點時間未日落，有幸可以望到窗外風景，跟著就順便點了Cocktail傾吓偈吹吓水。💜Lavender Long Island底下是薰衣草糖漿加上Gin + Vodka, 感覺花香甜美帶點酒香。❤️Japanese Mule水蜜桃和巨峰提子作底的紅茶酒，感覺很溫和。💛法國田螺六件香草牛油配合田螺和薯蓉，傳統口味非常配搭！🧡龍蝦馬賽魚鍋半隻烤龍蝦煮得岩岩好，馬賽魚肉質非常嫩滑，側邊配有少少青口，加上特製醬汁，啱晒濃味嘅朋友仔。🧡香橙油封鴨腿一向我都鍾意食油封鴨腿，配咗特製產酒，橙汁嘅酸性不但只可以令到肉質更加嫩滑，仲可以加添風味，配咗西蘭花苗同烤薯。🩷海鮮燴飯有好多雜錦海鮮嘅燴飯，米飯吸收晒湯汁，比海鮮更加濃郁。🧡火焰橙酒可麗餅店員會將燒熱咗嘅橙酒放喺面然後點火，令到成碟可能都充滿酒香，口感比較煙靭，有別於平時食嘅crepe.❤️法式蘋果撻蘋果撻上繡球雲呢拿雪糕，果然雪糕同蘋果撻係絕配。食評總結：食物質素唔錯，幾間分店都坐落於商場之內，喺一個比較方便嘅選擇。…查看更多

今日我同朋友黎左食午市半自助餐，見到個Menu幾抵，有前菜餐湯，自己揀個主菜，甜品就出去自己夾，仲包一杯茶添！店員安排咗我哋坐圓形嘅卡位，座位都好闊落舒服。半自助餐頭盤有炸薯條、炸雞翼同炸雞塊都係熱辣辣好脆，特別係炸雞翼，外脆內嫩，搭配少少醬汁，口感勁脆。至於沙律，自助凱撒沙律加上濃郁嘅凱撒醬，好fresh。而通粉沙律同薯仔沙律亦都唔錯，係開胃嘅好選擇。主菜方面，我哋點咗忌廉菠菜香煎三文魚同五成熟牛扒。牛扒上菜時已經切好，方便我哋食，肉質鮮嫩多汁，搭配埋番薯蓉同烤蔬菜，好match，至於三文魚煎得剛剛好，外皮脆內質嫩，搭配香濃嘅忌廉菠菜，味道非常夾。餐湯當日係菠菜湯，味道清新，口感creamy，餐飲揀左凍檸檬茶，中和一下。最後，甜品有芝士蛋糕，口感creamy濃郁，而小蛋糕仔唔太甜，外皮有啲脆，好食我encore咗兩次。總結黎講，The Grill Room 嘅午市半自助餐真係值得去，食物質素高，環境優雅，服務亦非常到位。下次再約埋朋友一齊過來chill 下！…查看更多

其實我平時好鍾意食椰青，覺得椰青同海鮮或者雞肉係非常之咁夾！而係香港又唔係好覺得有餐廳主打呢款菜式。喺OpenRice搜尋咗一輪，見到呢間餐廳幾符合我嘅要求，就膽粗粗去試吓，因為就放學時間，所以我哋都早食飯， 6:00就已經到達餐廳啦！我哋被安排喺卡位度，座位都算幾闊落，坐得幾舒服，而且冷氣都好夠，最後我哋揀咗套餐A，有海鮮拼盤（蟶子、鮑魚、鱔片、龍躉、蝦、生蠔）仲有安格斯肥牛同黑毛豬，烏冬同埋蔬菜拼盤，包埋兩杯果汁汽水同甜品芝麻卷。首先老闆喺我哋面前倒咗幾個椰青水喺煲入邊，再落埋新鮮嘅文昌雞半隻，等到沙漏夠鐘就可以飲湯，時間過得好快，嘩咁快就煲滾啦，個湯係超級超級鮮甜！我總共飲咗兩大碗開始打邊爐，哈哈！而且文昌雞肉質係彈牙，有雞肉嘅味道，跟住落嚟我哋就六海鮮，首先當然係生蠔同龍躉片，都係非常新鮮！蝦肉質好爽脆，因為當日冇聖子，店家改咗做鮑魚俾我，鮑魚夠晒大隻，一啲都唔嚡口，好食。另外黑毛豬同安格斯牛肉片都係正常發揮，我個人喜歡牛肉多啲。最後甜品係新鮮即製嘅芝麻卷，好香濃嘅芝麻味，而且熱辣辣，好有細個懷舊嘅味道！食評總結：食材用料新鮮，椰青香甜，成餐飯嘅食物配搭夾得好好，而且座位舒適，最緊要冷氣夠，俾我想像中更有驚喜！…查看更多

今日同老best去咗最近好Hit嘅😆啟德WOWDON，我哋特登早啲去，🕛中午12點左右都要排隊，大約排咗20分鐘左右就入得去啦，不過之前睇社交平台話一定要開舖時間去，先有闊條烏冬賣，🥹原來係真㗎 ！嗰日去到闊條烏冬已經賣晒，想食闊條烏冬嘅朋友仔一定要去💪開舖嘅時間去！好好彩我哋坐近咗🎐窗邊嘅位置，如果天氣好嘅話望到🌤藍天白雲真係幾chill㗎。最後我哋嗌咗🍜天婦羅澆汁烏冬套餐，仲有炸雞澆汁烏冬套餐。🍤天婦羅澆汁烏冬套餐：烏冬上邊嘅汁味道有啲似🐟魚乾+壽喜燒嘅味道，甜甜鹹鹹咁，有啲天婦羅脆脆、蔥（個人口味可以唔要）、🤍白蘿蔔蓉仲有溫泉蛋。天婦羅有蝦、冬菇、南瓜同埋🫑青椒，每款各一件，味道正常發揮。🍗炸雞澆汁烏冬套餐：烏冬大致上都係一樣，炸雞外皮脆，有少少Juicy，有啲似平時居酒屋食到嘅炸雞，每份套餐都配有🌶泡菜一碟，我自己就幾鍾意食嘅。食評總結：🥢烏冬的確口感彈牙，🧂配嘅汁味道鹹鹹甜甜，的確係🩷我鍾意嘅口味，希望下次可以試到闊條烏冬🌪。…查看更多

今日想食下泰菜，約左朋友chill 下，就去返呢度食。🤍烤豬頸肉配埋泰式辣醬，酸酸辣辣好開胃，作為前菜一流。🤍沙嗲串燒我哋揀咗雞肉串，肉質都好Juicy，沙嗲醬都好香濃。🤍泰式大蝦炒金邊粉大蝦肉質好爽蛋，炒金邊粉旁邊會配有啲花生粉，酸酸甜甜辣辣，金邊粉又口感好煙靭，好match ！🤍泰式和牛肉碎炒飯和牛牛肉碎本身油脂比較豐富配合埋炒飯味道香濃，適合鍾意澱粉質加食肉嘅人士。🤍椰奶雞湯大酸味的椰奶雞湯，我超鍾意飲！🤍香蕉榛子醬煎餅香脆嘅煎餅配咗香蕉，熱辣辣再有啲榛子醬同煉奶點綴，好好食！食評總結：食物味道唔錯，最鐘意椰奶雞湯，午餐好豐富，餐廳環境唔錯。…查看更多

前嗰排真係好想食壽喜燒，因為天氣又涼返，好耐冇食過啦！🤍A5宮崎牛壽喜燒熊仔造型嘅壽喜燒外型討好，加上宮崎牛一咬就花開，牛眉好足，好食，追加咗豬肉片，豬肉片都爽爽地，冇咩豬臊味，肉質唔錯。🤍廚師推介壽司拼盤有海膽、油甘魚，赤身、三文魚、帆立貝同燒牛肉，都係當日精選推介，正常發揮。🤍檸檬青瓜梳打顏色好靚，青瓜味都好fresh.🤍百香果梳打鍾意百香果嘅酸酸甜甜，好解渴。食評總結：已經是老顧客了，食物質素一如以往地好，每次來都有期間限定，有驚喜！…查看更多

午市套餐一共有五道菜😍而且餐廳的環境優雅舒適，坐喺窗邊可以俯瞰維園既美景，更加有vibe✨✨🩵🥗韓式雜菜沙律首先上桌係韓式雜菜沙律，沙律的醬汁酸甜適中，好fresh，中間仲有啲鮑魚脆片同柚子醬。🍲Deul Kkae- 韓牛蜆肉粥用韓牛、蜆肉和芝麻葉熬煮15小時既粥，搭配自家製米餅。粥的質地滑順，非常鮮美。面頭中添加了芝麻油令風味加強，自家製米餅則帶來了脆口的對比，口感更加豐富。🍗主菜：手打乳鴿免治肉漢堡我揀左韓國主廚的得獎名菜——手打乳鴿免治肉漢堡。漢堡的肉質鮮嫩，與杏鮑菇的搭配相當出色，非常juicy！🍖主菜：慢煮韓式五花肉另一道係慢煮韓式五花肉，配搭芝麻葉和韓式特製醬汁。五花肉的油脂恰到好處，豬皮非常有口感，肉質都好嫩滑，側邊配咗啲新鮮嘅芝麻葉同蔬菜配搭韓式嘅特別醬汁，味道好夾。🍚韓國珍珠米飯配韓式腌菜：飯煮得粒粒分明，添加了鱈魚子一起食用，原來米飯會變得口感煙靭。5種配菜：如黑豆、海帶、合桃、銀魚仔等，有着濃濃嘅韓國風味。🧇甜品：韓式年糕窩夫最後是甜品是韓式年糕窩夫，搭配栗子奶凍。年糕的彈性與窩夫的酥脆形成了非常煙靭嘅口感，有粒粒栗子喺入邊，豐富嘅口感。☕️餐飲我們選擇的飲品是ice Americano，非常適合搭配成份lunch set。食評總結：🍴餐廳既精緻韓國菜式同優雅既用餐環境相輔相成，✨氛圍感十足，令到我同妹妹有個開心難忘嘅一天。…查看更多

前排去左食呢間餐廳，入面環境幾有南洋風味，有啲藤製嘅燈同風扇，牆身仲有啲綠色植物點綴，坐得都好舒服，同埋見到佢牆身標榜自己係口碑好好嘅10年老店，仲推介咗啲招牌菜添，咁我就揀咗牆上幾樣嘅推介菜食吓。🥢湖南剁椒蒸魚頭（半隻） $99香辣嘅蒸魚頭好大個，手工麵可以撈埋啲剁椒汁，好惹味。🥢爆炒鹽焗手撕雞$119佢隻碟下低有蠟燭看住，可以保持溫熱，唔會因為天氣凍熱凍咗，手撕雞有啲沙薑味，送飯一流。🥢18秒爆炒雪花牛肉$139呢個我好鍾意食，入邊有啲蒜頭粒同埋糖芹，配埋牛肉好Juicy好fresh，又係要送飯先正🤣🥢至尊煲仔飯（二人份量） $99喺門口見到廚房整緊煲仔飯，終於到我哋上枱啦，職員問要唔要豉油同豬油，落豬油嘅煲仔飯簡直係一流啊，配埋臘味而且底下仲有好多飯焦，敏仔都話要食多碗。🥢啫啫西蘭花苗$89超有鑊氣！底下有啲蒜頭同埋五花腩肉片，配埋菜真係好match ！🥢至尊健康水果茶$45呢個足足有人頭咁大杯嘅水果茶，擺得超靚，面頭有啲芒果花，好似甜品咁，食食吓咬下啲生果中和下油膩感，的確唔錯，味道以百香果味為主，入邊有啲椰果有啲咬口。食評總結：性價比高，而且味道質素真係好好，我自己就好啱口味啦，好彩有啲餸唔辣啱敏仔食，所以我覺得一家大細都啱食㗎，而當中我就覺得煲仔飯好抵食， $99.2人份量，出邊啲餐廳真係做唔到，仲有大大塊飯焦㖭，我會再嚟㗎 ！…查看更多