totoyeung的个人专页

早排朋友帶左我黎食呢間重慶火鍋渝味曉宇，初次嘗試，比想像中正好多，絕對值得再黎！我地黎食既時候咁啱做緊午市優惠，有免費湯底～就叫左鴛鴦湯底（普通辣湯+山珍菌湯），辣湯相當惹味，辣度十足，食落認真滋味，而珍菌就清甜可口，兩者配搭雙得益彰，雙重享受。朋友已黎過幾次，係咁推介’‘曉宇必點’‘嘅款式，道道菜都係相當有重慶火鍋特色，有重慶耗兒魚、鮮黃喉、稻田毛肚同埋手打蝦滑，每款都係好新鮮，肉質嫩滑，配合個湯底，真係好好味，真心正！餐牌仲好細心咁建議我地控制煮嘅時間，等我地可以掌握到最好嘅火喉，唔似平時打邊爐都好易過晒火喉，令食物失去鮮味。我地仲叫左曉宇牛肉、黑豚腩肉、鴨血，全部都好新鮮，同時間又係至hit 火鍋食肉者必點，火鍋都唔會少得素菜，我地都叫左功夫莴笋片、海帶頭、凍豆腐，就算配埋辣湯都依然鮮甜清新，叫左咁多野食，我地兩個人都食得好盡！遲下一定又要再encore!…查看更多

思鄉病發作，無得出遊情況之下，只好四出搵好野食。
先前經已成日聽朋友推薦呢間燒肉店，所以今晚約左朋友去呢到食韓燒，一解思鄉之情。環境黎講，呢間燒肉店，燈光帶點暗暗的，氣氛唔錯。入到去唔會好似其他既燒肉店咁帶有太濃烈既油煙味，成個感覺好舒服，可以好好同朋友享受一下燒肉，又唔會攪成身都你燒肉味。特別想講下呢度既泡菜，辣度有層次，辣中帶點微甜。呢種泡菜口味亦都係我最喜歡既口味🤤。另外，仲有腌青瓜同腌蘿蔔，甜甜酸酸，夠哂爽脆。開餐之前，食返幾担，好醒胃。😉👍🏻👍🏻爐邊蛋亦係好正，質感軟滑，有蛋香。芝士味同泡菜味，兩種口味，各有特色。豬護心肉 黎到主菜，護心肉係呢度既招牌肉。當然就要叫返碟黎試下。成碟肉份量都唔少，又好新鮮🤩🤩。燒出黎肉汁豐富，肉質勁爽口。習慣會拿黎包埋生菜包一齊食，會有一種好清新既口感。值得下次再食。👍🏻👍🏻牛肉眼食韓燒又點可以唔燒牛肉呢？🤣所以叫左塊牛肉眼扒，成塊扒油花都好均衡，燒出黎陣陣油香，食落牛味濃郁，好食😋～辣魷魚辣魷魚🦑甜辣配搭適中，賣相相當飽滿。燒出黎，仲有陣陣魷魚香～值得一試～😉石鍋吞拿魚拌飯 個石鍋拌飯相當有驚喜。吞拿魚，飛魚籽，撈埋出奇地相當好食😍。另外，佢唔會好似其他韓國餐廳咁，整到成碗又乾又硬，相反，非常鬆軟，但係外層都有脆脆既飯焦。好出色～～👍🏻👍🏻芒果梳打 & 西柚梳打食燒肉最容易食到喉嚨乾乾地，呢兩杯梳打就相當幫到手。一啖燒肉，一啖冰凍梳打，好爽。…查看更多

本人係將軍澳區域返工，基本上將軍澳都唔太算係美食沙漠，但係返工出去食飯都幾乎食曬坑口周圍既餐廳。都悶悶地，咁啱哩日本身想去食牛角，點知發現附近有開一間新餐廳！見門面設計好簡約又幾靚，同埋望落去都幾舒服，就去試下。餐廳食既野同內容都差唔多，係食丼飯既，而且係新鮮既海鮮魚生丼飯！我同同事一人叫jor一個丼飯。特上吞拿魚蓉丼（$160）menu上面影得好吸引，吞拿魚蓉極多！而且仲有海膽同三文魚籽蟹籽，好值得一試。一上菜，的確同menu上既圖片相符度達98%，吞拿魚蓉勁多，堆到好高，好滿足，視覺效果都已經飽jor先哈哈。海宝丼（特上）（$160）佢有三款海宝丼，分別在於佢內部海鮮材料既多寡，分別有《並》、《上》、《特上》，特上顧名思義就係最多海鮮係入邊既，比另外兩款多jor海老同埋海膽，所以好值得一試，佢仲可以再追加海膽添！但係其實本身特上舊海膽都好大舊！我同同事都一致覺得哩間餐廳幾好質。尤其係happy friday個日食哩間，心情應該會特別好（笑），而且環境都幾舒服，好值得一試。終於中午lunch可以試下唔同既新野啦。…查看更多

元朗至Green之選行完街，行過呢間餐廳見到裝修咁靚已經好有好感！又開揚，燈光又夠，而且座位之間一啲都唔逼，好舒服！Menu大部分都係好健康嘅選擇，一定有蔬菜，難怪叫自己做Green Waffle。2人set dinner又抵又多選擇，連甜品都有兩份，所以就叫咗set dinner。頭盤加$15升級咗雞翼，滿足我呢個雞翼狂魔！雞翼好有特別，推薦蒜香蜜糖味，惹味得黎啲肉都好嫩滑！小菜都令人好滿意！炒蘑菇好正，好fresh，好想食多碟。炸蕃薯條都唔錯，香口得黎就食到蕃薯嘅甜味。主菜方面：香煎海鱸魚蕃茄千層面 蕃茄醬好有誠意！好多材料，一啲都唔油膩。鱸魚不過不失，我覺得乾咗少少。千層面份量好多，一個女仔都會覺得好full。自製漢堡飽伴香脆牛油果香脆牛油果好少見，都幾特別，又香口又健康！漢堡飽勁大份！飽好好味，但如果有多啲汁就好啦，就咁食有啲乾。食到呢到已經飽到上心口，甜品本來有2份，最後決定取消一份。窩夫係呢到嘅招牌，果然非常好食！外脆內軟！啲水果好新鮮！係出面食起碼40蚊走唔甩，依家真係好抵！飲品都有好多選擇，奇異果汁幾特別，無加糖，好飲！…查看更多

觀塘返工一向食晏都人多，周圍都要等位，最近有間食車仔麵嘅，非常唔錯，而且因為新開唔使點等位，而且幾好坐，於是就帶咗同事嚟食！佢最特別嘅地方係所有嘢都好乾淨，餐具都唔需要點擔心，因為佢全部都係用即棄餐具，係呢啲時勢之下，清潔衛生真係好重要！食物質素都唔錯，佢同其他車仔麵唔同嘅地方係佢有好多好滋補嘅湯底！我揀咗個金蟲草野菌養生雞湯底！個湯非常之香甜，其實如果唔落面嘅話同媽媽係屋企煲啲湯分別不大！完全係我嘅 comfort food!份量都好足夠，而且面都好彈牙，非常滿意！之後一定會帶多啲同事嚟試！…查看更多

同男朋友行完山，肚仔餓，經朋友介紹下喺尖沙咀試左一間石鍋海鮮。同粥底火鍋有啲似，但係佢就係全部蒸嘅，非常健康，一啲都唔熱氣！而且食材都非常新鮮。我哋叫咗個海鮮套餐，加瑤柱粥底。有海鮮有蔬菜仲有澱粉質，非常健康🥰最欣賞呢間餐廳就係服務非常好，每一樣海鮮佢都幫你計時。所以全部海鮮都整得啱啱好，唔會生，而且亦都唔會太熟，全部野都好有條理好整齊👍👍👍佢每一樣海鮮都非常新鮮，雖然一開始係有整咗一碟醬料，但係佢本身嘅海鮮已經好有味道，建議需要沾醬食，不然會破壞佢嘅鮮味。另外佢嘅手打丸都非常一流，非常彈牙，而且你食得出係真係自己手打，冇添加！總括而言一間非常有誠意同埋好健康嘅餐廳！之後有聚會一定會叫多啲朋友一齊嚟食…查看更多

今日frd帶我來石門搵美食，其實我平時都好少會來呢頭，所以唔係好熟，來到呢邊發現原來呢頭都好多嘢食。一入來來餐廳，好鍾意個氣氛，播住我地中學時期好鍾意聽嘅歌，加上溫和的燈光覺得好有feel，我地都好滿意呢度個環境同氣氛，好適合情侶或三五知己來。餐牌都有好多選擇，但有選擇困難症嘅我地決定都係選擇個二人餐唔洗諗。呢度上菜都好快，有餐湯同前菜，前菜係好少次出面食到嘅健康藜麥沙律🥗，加上沙律醋好開胃；另外有兩個主菜我地想試試鵝肝義大利飯，個鵝肝煎得幾好味道，不錯👍第二道主菜係安格斯牛排，最近都試過好多次安格斯牛，對比下，覺得呢間真係整得幾好！我地叫左7成熟，無論係外觀肉質口感都好不錯！推薦！…查看更多

美味burger讚讚讚～呢日小妹帶朋友去威，去呢間位於朗豪坊13樓平時唔多覺眼嘅餐廳食美式burger, 氣氛幾好架～岩曬三五知己黎吹下水，特別係包廂位，坐到就可以影相呃like～我d朋友一去到就俾有蝴蝶裝飾嘅飲品吸引住，完全無視係咩味，不過好在係莓味奶昔，飲落味道都唔錯哦！另外，我地仲叫左蜜桃菠蘿梳打同雜莓梳打，味道酸酸甜甜，都唔錯哦～主食方面我地就叫左燒焗大蘑菇黑松露芝士漢堡、燒龍蝦熔岩芝士牛肉漢堡、青醬雞絲蘋果田園沙律同卡萊羅納燒烤骨。黑松露芝士漢堡味道比一般漢堡包清淡，食落唔會太膩；燒龍蝦熔岩芝士牛肉漢堡就夠曬豪華，龍蝦同牛肉嘅味道好夾，唔會搶左大家嘅風頭，芝士醬好香濃；青醬雞絲蘋果田園沙律味道清新，青蘋果一d都唔酸，沙律菜好爽好新鮮。燒烤骨肉質嫩滑，而且醃得好入味～漢堡包加錢仲可以配餐，有薯條、酸瓜同飲品，薯條炸得香脆，讚呀～Burger美味、飲品精緻、環境有情調，系約fd好去處哦！…查看更多

自從K11開左，都未試過來逛，今晚終於約到朋友到此一遊，原來呢邊都有好多餐廳選擇，係門口見到呢間餐廳環境同食物非常唔錯，決定好來呢間食晚餐。夜晚呢度有提供半自助陳餐，其實每個人加左一都係around HKD500左右，有海鮮🦞生蠔，精緻的cakes，等，加上，食呢度嘅環境好浪漫，每張臺都有點燃嘅真蠟燭，非常有情調，很適合情侶or夫妻來慶祝特別的日子。值得加分嘅係呢度d 員工都好nice，對客人也照顧周到，我地兩個今次冇食到buffet，而係點餐食，食物質素好高！我地叫左煎牛排🥩，7成熟，不會韌，好易入口，特別香，而且鎖住肉質，非常好味！食牛的朋友強推！另外叫左烤海鮮🦞，不我們想像中的多海鮮，有🦐，青口，帶子等等，烤得好入味。來到西餐不能不試薯條🍟，呢度薯條應該有機會要試試！人啦啦上來，好惹味！西餐一定要食甜品才算完美，最後我地見tart類賣相靚，確定分別買個藍莓，strawberry兩個都好好味，整體都好好味。…查看更多

放題食得多，真係一間所有食物質素都滿意嘅都真係比較難搵，呢一間性價比高之餘所有食材都好高級好新鮮真係一試再試！甜品同埋飲品嘅選擇都好多，尤其是佢呢個啤酒杯非常之特別! 佢啲啤酒唔係好似平時咁由上而下到出嚟然後由下而上，結構都係第一次見好神奇!!食物質素方面我要比10個讚，睇相都知道非常新鮮，海膽帶子啖啖肉，而且冇腥味魚生拼盤都係，種類非常多，而且非常新鮮!!生蠔都係冇得頂，好少有放題有咁高水準嘅生蠔食！我同我男朋友每人三隻都唔係好夠喉…查看更多

去到九龍城梗係要食泰國嘢啦，有咁多選擇都唔知點揀好，小曼谷的分店咁多，一定好食嘅於是就食佢啦！飲品方面我哋叫咗椰青波波，之前去曼谷飲過好好飲，嚟到香港果然係可以飲返泰國嘅味道！甜而不腻，而且仲有椰肉食，一次過滿足晒兩個願望。另外我哋仲叫左黃咖喱海鮮、pad Thai, 馬拉盞炒通菜同埋蝦餅，全部都好似係泰國食嘅一模一樣。我哋叫咗海鮮黃咖喱非常足料，食落去淡淡海鮮，黃咖喱唔會太辣，啱晒香港人口味，用嚟送飯一流。蝦餅方面佢都炸得非常鬆脆，食到停唔到口。馬拉盞炒通菜都好香口，而且唔會太油膩，食落都幾健康。本身想叫埋甜品，但係實在太飽啦，都係留返下次啦…查看更多

好耐冇帶屋企人出去食飯,朋友推薦之下嚟咗呢間尖沙咀嘅樓上西餐廳。朋友話性價比高而且質素同高級西餐廳冇乜分別，試過之後果然冇伏！每次食西餐，餐包都係我最鍾意嘅環節。佢呢度嘅餐包除咗種類多而且每樣都非常好食食到我哋舔舔脷。前菜方面有鮑魚沙律，佢呢個鮑魚煮得非常出色,第一次食凍嘅鮑魚，再加埋佢嘅秘製醬汁簡直一流。另外仲叫咗牛扒，要知道一間餐廳嘅質素有幾高，其中一樣嘢就係要睇吓佢嘅牛扒佢牛扒質素都令人非常滿意，唔會太un，而且牛味好出，唔使點任何醬汁都可以。 另外叫咗個卡邦尼意粉，意粉幾彈牙，醬汁都好鮮甜，而且一啲都唔會太油膩。今次間餐廳如果10分滿分我比9分…查看更多

呢間餐廳之前喺尖沙咀食過佢間分店，知道佢旺角開咗間新嘅，於是同朋友一齊去試吓啦。呢間出名食炸雞嘅餐廳，聽朋友講除咗炸雞之後原來佢其他嘢食都好正，今次一於試吓新野！首先想講係飲品，我哋叫咗一碗米酒，無論係佢嘅presentation定味道都加分！如果怕飲啤酒苦嘅女仔就最啱！甜甜地，好易入口。佢新推出一個菜式叫芝士王國，顧名思義就真係有好多好多好邪惡嘅芝士啦!我哋叫咗個芝士豬肋骨，肉質好鮮嫩，唔會好un ，而且拉出嚟一條條芝士絲，真係好好食！另外佢嘅炸雞都係一如既往嘅出色，雖然我哋叫多咗好多份量，但係由於太好食啦我哋全部清晒…查看更多

喺觀塘返工嘅我，成日都同同事周圍搵好嘢食，知道最近Wave 開咗好多新餐廳，於是就誤打誤撞去試吓啦。入咗呢張裝修唔錯而且環境好好嘅西餐廳。首先個餐湯真係非常值得一讚！絕對唔係平時飲到會好飽好滯嗰種忌廉湯，亦都唔係罐頭味忌廉湯，真係真材實料，飲落去淡淡都有紅蘿蔔同南瓜碎。啱晒啲注重健康嘅OL。我叫咗個豬鞍，好好食！肉質非常鬆化，而且醬汁配搭得非常好！同事叫咗個西冷扒，我試咗都好好食！叫咗五成熟，一啲都唔會好似平時出面食嘅牛扒咁un價錢比起一般嘅lunch有少少貴，但佢嘅食物質素同環境令我覺得,值！…查看更多

人越來越大，同好姊妹去食飯通常都一定要揀啲健康嘅，所以我哋都好耐冇打邊爐啦，我聽朋友介紹呢間個火鍋湯底滋蔭養顏，而且仲好味，今次我哋大破戒一齊去打邊爐啦! 首先湯底方面真係非常健康，入面食材健康養顏，有烏雞、桃膠、蟲草花淮山等等雖然聽落啲食材健康，但配搭起上嚟都好好食！另外我哋仲叫咗好多唔同嘅配料，其中鹹蛋魚皮真係超好食，食都唔停口，脆得來又唔會太油膩用醉雞打邊爐都係第一次！都非常好食，醉雞落落個湯底度，令到成個湯底多咗陣酒香，回味無窮總括而言無論食物質素同服務態度都好好！以後唔會再嚟…查看更多