Deer Kitchen (The Wave) (已結業)

喺觀塘返工嘅我，成日都同同事周圍搵好嘢食，知道最近Wave 開咗好多新餐廳，於是就誤打誤撞去試吓啦。入咗呢張裝修唔錯而且環境好好嘅西餐廳。

首先個餐湯真係非常值得一讚！絕對唔係平時飲到會好飽好滯嗰種忌廉湯，亦都唔係罐頭味忌廉湯，真係真材實料，飲落去淡淡都有紅蘿蔔同南瓜碎。啱晒啲注重健康嘅OL。

我叫咗個豬鞍，好好食！肉質非常鬆化，而且醬汁配搭得非常好！同事叫咗個西冷扒，我試咗都好好食！叫咗五成熟，一啲都唔會好似平時出面食嘅牛扒咁un

價錢比起一般嘅lunch有少少貴，但佢嘅食物質素同環境令我覺得,值！