mytsoi1001的个人专页

作為新界人黎講，今日大鄉里出省，去西營盤附近，飲下酒🍺，食下西餐🥩，chill 下。墨西哥🇲🇽脆辣雞翼鎚 $68首先，雞翼外皮炸得香脆，一入口好重香料味，雞翼裏面仍然有肉汁，不會太乾，辣辣地🌶，幾惹味，送酒一流🍻。黑松露芝士溫泉蛋大啡菇 $48 🧀🍄一切開大啡菇，溫泉蛋即時爆晒出黎，令人垂涎三尺🤤，一入口，大啡菇非常juicy🍄，好多汁，芝士味濃郁🧀，反而黑松露味道不太突出，但整體而言都幾好食😋。美國安格斯牛板腱扒（8安士）$128🥩最後重頭戲終於黎啦，店員建議食五成熟，雖然平時食開七成，就即管試下啦，食入口不會太生，可以接受，冧度適中，牛味尚可🐂，仲有三種不同芥末俾你選擇，十分有心思，配料仲有沙律菜🥗同薯條🍟，薯條粗度適中，有薯味，口感不錯，沙律菜十分新鮮，整體不錯，可以一試👍。後面又好大個酒櫃🍺，我地唔係好常飲酒都拎左兩枝酒試下。呢枝酒明明話有好多水果味🍉🍋🍍🍓，但飲落去一d水果味都冇，似係普通啤酒🍻，有種被騙既感覺🤣🤣。呢款對於唔飲酒既人黎講，易入口好多，甜甜地既apple cider，唔錯👍。…查看更多

今日諗住去行山，所以上山之前去食個早餐，因為人生地不熟，所以求其搵間餐廳就入去食了，點知竟然有驚喜😻。今日就叫左個香草腸羅宋湯煙斗粉配牛奶炒蛋同多士（$38）牛奶炒蛋食入口非常嫩滑，重牛奶味🥛，一D都唔馬虎。最令我驚喜係，除左牛油外，餐廳竟然提供埋士多啤梨醬🍓俾你塗多士，真係唔係每間餐廳都做到，十分貼心❤️。香草腸羅宋湯煙斗粉煙斗粉平時比較陌生，但食入口又幾好食😋，呢種粉好索湯汁，令你每一啖粉都有濃濃羅宋湯味，而且煙煙韌韌，幾得意。最重點係呢個餐廳既羅宋湯十分好飲👍，濃郁得黎，仲有少少辣辣地🌶，岩晒鐘意食辣既我，仲要有好多配料，例如洋蔥🧅，青椒🫑同蔬菜🥬等，十分有誠意，如果我下次再黎樂富食早餐，一定會encore呢間餐廳😍。…查看更多

之前已經一早預約左咯咯雞韓食店🐓，去到已經坐無虛席，去餐廳之前最好要預約，如果唔係應該都有排等。我地入到去，已經叫左成枱菜，先講芝士紫菜包飯（豬）🐖$69，味道普普通通，芝士味並不濃，沒有驚喜，可以不試。半份咸蛋黃炸雞 🍗$119 半份蜜糖芥末炸雞 🍗$119黎到咯咯雞，當然唔少得食炸雞🍗啦，咸蛋黃炸雞有d失望🙍，感覺咸蛋黃同炸雞是分開的，沒有完全融合及入味，好彩蜜糖芥末炸雞加番不少分數，醬汁非常惹味，甜甜酸酸，十分開胃😋。唯一要提醒就係呢度既炸雞除左普通雞塊外，會摻雜埋雞翼，鐘唔鐘意就見仁見智了。海鮮煎餅 $89 🦑呢份煎餅有驚喜，煎得酥脆，每一塊餅都有海鮮🦑同蔥，都算足料，海鮮同粉漿既比例調教得幾好，入口非常舒服，加埋白芝麻，十分香口，值得推介👍。海鮮炸醬麵$69今次係我第二次食炸醬麵，因為第一次食炸醬麵時覺得好似死咸，所以以後都唔敢再食，點知今次再試又幾有驚喜，呢間炸醬麵有好多配料，口感豐富，所謂既海鮮就係蜆肉為主，但撈勻醬汁後，甜甜地又幾好食，仲有溫泉蛋，正👍👍溫泉蛋卡邦尼年糕 $69可能得本人唔係太鐘意食年糕，呢個醬汁又唔係特別creamy,所以我就不作太多評論。單純以價錢黎講，呢個尖沙咀餐廳價錢不是太貴，食物不錯，性價比幾高，值得推介👍，不過提提大家，用膳時間只有個半鐘，差唔多夠鐘就會開始趕你走，未必係吹水既好地方。…查看更多

作為半個大埔地膽，當然要周圍覓食啦，今日終於食到好難搵到位既一鳴拉麵🍜，大飽口福。今日就叫左一鳴豬骨濃湯拉麵🐖🍜（$78），豬骨味非常濃郁，入口好順滑，如果你同我一樣唔鐘意食天使麵或太幼既麵，可以選擇太麵，麵不會太粗，但好易掛湯，叉燒燒得焦脆香口，完全沒有豬臭味，溏心蛋合格🥚，濃濃的蛋漿味，蛋白依然嫩滑，係大埔黎講，暫時係食過最好味既拉麵🍜。另外，今次我地仲各自加左$20，叫左個套餐，包枝野飲及一款小食。雖然餃子🥟就普普通通，但炸雞🍗真係驚為天人，外皮炸得非常脆口，但雞肉仍然嫩滑🐓，仲鎖住到肉汁，再配上店家自調的醬汁，酸酸地，可以解膩，十分開胃，套餐包四舊炸雞，一個人食就係太飽，次次都食唔晒，建議同人share。PS 一鳴拉麵既名物：一鳴豬骨濃湯拉麵🍜同埋炸雞🍗，必點😋…查看更多

平時睇人地IG打卡打得多📸，今日終於到我黎當文歷餅店試下。紙包檸檬茶🍋-伯爵茶佛手柑蛋糕☕️🍰首先睇外表已經大加分，係我由細到大飲開既檸檬茶🍋，勁有歸屬感。本身以為只係虛有其表，食落去驚為天人，一咬入口，即刻食到伯爵茶慕絲，茶味好濃☕️，中間仲有佛手柑奶酪，非常清新，估唔到伯爵茶同埋佛手柑都可以咁夾，非常獨特，餅底仲要係杏仁餅及脆片餅乾，非常有心思，層次豐富，超級好食😋，值得推介👍。小熊餅一上到黎，有d似用放大電筒🔦將熊仔餅放大，好興奮，係兒時回億呀，但食落即刻好失望🙎‍♀️，雖然menu寫明有榛子慕絲、榛子味海綿蛋糕及軟心牛奶朱古力醬🍫，但食落去完全食唔出咁多層次，榛子及朱古力味並不濃郁，完全唔似熊仔餅陣味，餅底只是普通威化餅餅底，完全唔似檸檬茶有驚喜，令人大失所望，不值一試❌。…查看更多

食完辣野，最岩就係食甜品中和番，今日就叫左兩個甜品。厚Pancake伴海鹽芝士卡士達醬及雲尼拿雪糕 $80Menu上面已經寫明製作時間需要10-20分鐘，但我覺得等待是值得的，一上到黎，擺盤非常靚，一搖隻碟，個pancake震下震下，證明pancake夠空氣感，夠鬆軟，再淋上海鹽芝士卡士達醬係個pancake上，入口又咸又甜，口感豐富及creamy，好食😋，D藍莓🫐好大粒好好食，不過唯一敗筆就係雪糕既品質不太高。特濃朱古力Brownie伴朱古力雪糕 $55相比起pancake, brownie 較為普通，朱古力味不是太突出，雪糕一般，可以試下店內其他特別既甜品，不用試呢款甜品。…查看更多

突然今日好想食米線🍜，當然去米線集中地—荃灣覓食，今日就好好彩，食到老闆娘米線。今日就叫左酸辣湯中辣🌶，招牌酥炸雞球🐓，野菌腐皮卷🍄同埋豆腐魚丸🐟。以湯底黎講，佢比坊間好多米線店更重口味，要做到又麻又酸，唔係間間米線店都做到，好考功夫。但如果你本身食開淡口味，老闆娘米線就未必適合你。招牌酥炸雞球🐓老闆娘米線既炸物非常出色，其中必叫就係招牌酥炸雞球，每一次叫完即炸，一咬落去卜卜脆，裏面雞肉仍然嫩滑，有肉汁，非常出色，值得encore👍!野菌腐皮卷另一個我每次必叫既餸就係野菌腐皮卷🍄，因為我本身好鐘意食腐皮，我每次都會將腐皮卷浸落d湯入面，索一索湯汁後更好食😋。豆腐魚丸🐟呢個餸反而我就麻麻地，食入口有d似魚腐，但因為我本身唔鐘意食魚，食入口有陣魚味，我就唔係太鐘意。…查看更多

星期日下午3點幾去到cheesecake factory，估唔到都要等一陣先入得。入到去，點完餐之後，就送上餐包，個黑糖餐包有驚喜，完全比得上outback 既黑糖餐包，個麵包煙煙韌韌，但每啖都有淡淡既黑糖味湧出黎，又唔會過甜，令人上癮，值得推介🤤。脆焗釀薯寶 $86🥓🥔每一粒薯寶都食到濃濃芝士味🧀、煙肉粒🥓，炸得酥脆，調味適中，不會過咸但好惹味，再配上酸忌廉解膩，非常好食😋。香辣路易斯安娜雞肉蝴蝶粉 $196🐓🌶今次叫呢個蝴蝶粉中規中矩，有濃濃的紅椒同黃椒味，食落去辣辣地🌶，都幾開胃，但略嫌雞肉🐓炸得太乾，完全冇晒雞肉裏面肉汁，唔講仲以為食緊炸豬扒🐖，自己個人比較鐘意食烤蒜雞肉蝴蝶粉，食落比較creamy,味道比較獨突及有驚喜。Godiva朱古力芝士蛋糕 $84🍫🍰本身諗住畫上完美句號，叫個蛋糕黎食下，點知就出事了，一食入口，其實係幾滑，但好似食左幾啖砂糖咁，太甜膩，感覺再食多幾啖就會有糖尿病個種，第一次覺得d cream 冇味，可能已經破壞左味蕾，完全食唔晒成個蛋糕💢。PS 不過其實好多枱都食唔晒d蛋糕🍰。…查看更多

成日經過呢間泰國菜，每次都見到有人排隊，價錢又唔平，今次終於黎試下😌。今日都要等位，等成20張枱，本身都諗住打定輸數，點知等左30分鐘就入得去，比想像中快。一入到去，店員就俾左一碟蝦片俾我地。我地好似餓鬼上身咁，幾分鐘就食完，之後主菜都未上，就飽左一半，好後悔。泰式牛肉船麵 $138🐂主菜終於黎啦，呢個船麵非常足料，有牛柏葉、牛肉片、牛展、牛筋及牛丸，每個配料都好好食😋，尤其牛丸非常彈牙爽口，牛柏葉索晒啲湯汁，好入味，牛肉片都有質素，絕對唔係出面打邊爐既cheap cheap牛，成個牛肉湯非常濃郁，好重牛味，船麵一上黎已經加左少少辣椒粉🌶，十分惹味，唔鐘意食辣既朋友記得叫走辣。黃咖喱軟殼蟹 $198🦀一食入口就知係正宗既泰國咖喱，甜得黎又好香，仲要好足料，有四隻完整的軟殼蟹🦀️，炸得酥脆，即使浸係咖喱好耐，都唔會變到林晒，值得一讚，成個餸配飯🍚一流🤤。椰青$48🥥成個椰青大大個，份量都大，唔會飲兩啖就冇晒，入面d椰子肉好嫩滑，椰子水清甜，正👍。總括而言，成餐飯都好好食，沒有一道菜令我失望，仲要係正宗既泰國菜🇹🇭，令你彷如去左一個短暫既泰國旅行，好想食泰國菜的朋友，可以黎呢間止下渴先，雖然呢間價錢都唔平，但勝在每道菜都好大份同足料，而且質素有保證，每一道都好好食😋，絕對值回票價。…查看更多

今日星期六黎到圓方覓食，睇左一陣餐廳後，最後決定食越南野🇻🇳。我地叫左個週末精選套餐，盛惠$148，叫左香茅豬肉米紙卷🐖、蕃茄牛腩湯檬🍅🐂同埋椰汁芒果冰🥥🥭。香茅豬肉米紙卷🐖食落去以為自己食緊齋咁，一入口全部都係乾爭爭既菜咁🥗，完全感受唔到香茅豬肉既存在，不太推介。蕃茄牛腩湯檬🍅🐂呢個湯檬非常足料，有4大嚿牛，食落口唔係入口即溶既牛肉，係有咬口的，成個湯除左蕃茄味外，仲有好大陣牛味，鐘意食牛既朋友一定會鐘意。椰汁芒果冰🥥🥭雖然飲到最後有粒粒芒果，但平均得一兩粒係熟芒果，其他都係青芒果🥭，根本都未熟透，所以似飲椰汁多d，無咩芒果味，令人失望🙎‍♀️。蟹肉大蝦蕃茄湯檬🦀🦐🍅 $98因為見週末精選套餐唔係太岩我胃口，我就散叫左個蟹肉大蝦蕃茄湯檬，估唔到係最好食既一道菜😋。食入口，蕃茄味同海鮮非常夾，蟹肉🦀份量都多，有驚喜，大蝦彈牙新鮮🦐，豆卜索埋蕃茄湯汁一流🍅，雖然今日兩個檬粉都係叫蕃茄湯，但個人就鐘意蟹肉大蝦蕃茄湯檬多d,，飲落去湯頭清爽不油膩，令人想一啖接一啖飲落去，相反，蕃茄牛腩湯檬，相對多d香辛料同好重牛味，食到後期會有d膩，令人有負擔。…查看更多

今日黎到愉景灣，通常餐廳都收得好貴，老實講食環境多過食野食，今日落大雨，根本完全無景可言，所以見呢間餐廳有lunch set，就入左餐廳避雨。我地叫左兩個lunch set,一個叫左沙律，一個叫左餐湯。餐湯好飲，飲落好creamy同滑，好似用好多蔬菜🥬淆出黎，好飲😋。沙律菜🥗非常新鮮，仲有好多芝士🧀、蕃茄仔🍅、紅椒，黃椒，非常足料，唯一要批評就係橄欖🫒真係好咸，如果齋食，應該會有腎病。之後黎到主菜，我地就叫左紐西蘭西冷牛扒配烤薯菜，牛扒🥩勁有牛味，配埋個汁，勁好食，薯茸🥔好creamy,，連烤蔬菜都好好食，紅蘿蔔🥕好甜，黃椒好juicy,值得推介👍。芝士什菌炒闊條麵呢個闊條麵有兩三種菇菌，但成個意粉都好乾，雖然有好多芝士舖係面，但完全冇芝士味，真係好失望。最後，甜品係焦糖燉蛋，燉蛋重雲尼那味，但唔夠creamy,食落去正正常常，沒有太大驚喜。…查看更多

今日專登行遠d，係同事的推介下，食下良鮨壽司🍣。點完餐後，即刻上左湯，沙律🥗同埋吞拿魚壽司🍣，湯完全冇味，好似飲緊水咁，沙律🥗就正正常常，沙律菜都叫新鮮，吞拿魚壽司餡料多，味道正常。因為本人唔太鐘意食魚生既關係，我成日都食炙燒魚生飯，呢間炙燒三文魚🐟不俗👍，一入口有好重油脂味，完全唔腥，炙燒蝦🦐都幾有彈性，幾新鮮，蟹柳的質素都不錯，絕對唔係啲cheap cheap 蟹柳。最後，當日仲附送左一粒糯米糍，口味比較特別，出面完全未食過，係抹茶紅豆糯米糍，好好食😋。…查看更多

呢間紫菜飯捲不俗，今次專登叫lunch set for 2，炸豬扒紫菜飯捲🐖&辣炒年糕&蜜糖炸雞🐓（$192），試下新野。炸豬扒紫菜飯捲🐖好老實講，有d失望，唔睇menu,完全唔知呢個飯捲加左豬扒，同平時叫既紫菜飯捲味道完全一樣，唔需要特別加錢。辣炒年糕其實呢間辣炒年糕味道不俗，但係因為得好少魚糕🐟，齋食年糕，好快就會覺得厭同濟。蜜糖炸雞🐓成餐飯，呢個蜜糖炸雞最好食，外表炸得焦脆，蜜糖🍯味道濃郁，份量亦大份，仲有d花生碎🥜，但有少少黏牙🦷。…查看更多

之前黎食過幾次，都覺得幾好食，回頭率高，所以今次推介俾大家👍。點完餐後，店員就會遞上餐湯，以前既南瓜湯超級好飲，濃濃的南瓜味🎃，好順滑同creamy。今日餐廳轉左餐湯，係蕃茄濃湯🍅，飲入口甜甜酸酸，但可能加左吞拿魚🐟既關係，有少少腥，個人不太喜歡。黑松露汁雞扒配薯茸根據經驗，大家叫呢個餐通常都要等一段時間，雞扒🐓超大塊，外層煎得十分酥脆，黑松露汁香味濃郁，薯茸🥔非常creamy，薯茸裏面仲有薯仔顆粒，有雙重口感，唯一缺點就係雞扒有少少咸，不過整體來說，十分推介大家叫呢個餐😍。午餐仲附送一杯蜂蜜檸檬🍯🍋，如果平時係餐廳叫凍檸茶、咖啡、奶茶叫到厭，偶爾飲一杯都唔錯，非常清新同潤喉，甜度適中。呢度環境舒適，裝修簡約，座位與座位之間都有適當距離，係約會或聚會既好地方，值得推介🥰。…查看更多

晏就食到好飽，夜晚又唔知食咩好，於是係chicken factory 🐓買個輕食下午茶，夜晚當晚餐食。迷你海南雞飯 （$29，另跟野飲）呢間係用油飯，食落去好香，但唔知點解，雞肉冇以前咁滑，雞皮有少少肥，但勝在啖啖肉，冇咩骨，仲有d乾蔥係面，食落都幾惹味。另外，我地驚唔夠飽，仲加配$12焗薯🥔同埋$18瑞士雞翼🐥。先講瑞士雞翼，$18共有三隻瑞士雞翼，味道正正常常，甜甜既瑞士汁，都幾開胃😋。另外一定要推介就係佢地家既焗薯🥔，必點👍，焗薯連埋皮一齊焗，所以食落去有兩種口感，外皮焗到焦香，再加少少鹽點綴，簡簡單單，十分好食，令你忍唔住一啖接著一啖食唔停，十分推介😍。…查看更多