eatingjenny的个人专页

手抓餅口味選擇非常多今次叫左芝士火腿粟米蟹籽沙律（$33）（另加生菜+$6）店員幾有禮貌，用心整食物即叫即整，夠大份， 食到底都有好多餡塊皮酥脆，唔會好油。包得靚仔， 唔會跌曬啲餡出黎There are many flavour options for hand-grabbed pancakes. This time, I ordered the cheese, ham, corn, and crab roe salad ($33) (with lettuce +$6).The staff are quite polite and put effort into preparing the food. It's made to order, generously portioned, and has plenty of filling throughout. The crust is crispy and not too oily. It's well-packed, so the filling doesn't spill out.…查看更多

因為媽咪係越南華僑，所以我地都好鍾意周圍試唔同嘅越南餐廳。依間SOHO Banh Mi食物味道非常正宗，由越南老闆娘主理，檯凳餐具都係喺越南運過黎，簡直去左越南咁。1️⃣ 豬肉越式法包 $68特別訂造嘅麵包外脆內軟，配上自家製嘅肝醬，豬肉，同大量醃蘿蔔。味道平衡非常好，大份，男仔都夠飽。2️⃣ 雜錦撈檬 $88雖然價錢唔平，但分量十足，有3條春捲，燒雞扒，燒魚柳，檬粉，同大量蔬菜。質素高，開胃，值得一試！但一個人食會飽到飛起。我都有提議老闆娘不如出個平啲嘅細份版。仲有其他湯檬，米紙卷等菜色😋…查看更多

本身好鐘意食越南野，之前依間餐廳新開嘅時候就想試但一直未有機會。今日見到外賣app有折就試試，點知非常失望，雖然坦白講食物唔係超難食，但就完全唔正宗。1️⃣ 順化豬肉串撈檬粉撈檬粉唔係用檬粉，係用雲南粗米線。完全唔係果回事，用米粉都叫似d呀。。。😅芽菜係用連住粒豆嘅大豆芽🤣真係第一次見豬肉串就唔錯，但分量稍為小dd2️⃣ 越式法包好似唔係用扎肉，而係用d豬耳定豬皮(?)太多沙律醬，太濕口味都比較酸，個人唔太喜歡3️⃣ 炸單骨雞翼，豬肉春捲午餐送嘅小食，好食…查看更多

餐廳位於海港城連卡佛裡面，第一次去都搵左一陣。可以用海港城免費泊車👍餐廳係Cafe格局，菜單主要都係all day breakfast, 麵包，蛋糕，丼飯，意粉，咖啡等。本身期望不大，因為睇落食物都係大路cafe野。食落味道有驚喜，超乎預期😆🥐午餐肉炒蛋牛角包：新鮮熱辣，午餐肉份量多而且脆口，味道平衡好好，唔覺太膩🍟小食叫左炸墨魚嘴＋炸蕃薯條。都好新鮮熱辣，墨魚嘴咸左小小☕飲品／甜品叫左Affogato （咖啡加雲尼拿雪糕），都唔錯…查看更多

無意中經過這間食魚麵嘅小店, 發現食物美味, 製作認真, 價錢合理而且裝修有心思 非常舒適稱心!點了1. 鴛鴦魚卷幼魚麵 配花膠魚湯 ($68)魚麵爽口彈牙 感覺健康輕盈 (比一般麵低澱粉含量)花膠魚湯好味 無味精魚卷似南記春卷 香口幾好食跟餐前菜好好味! 有糖醋車㢆茄, 涼拌木耳同薯仔沙津 送桂花烏龍茶(日日唔同) 十分清香潤喉2. 避風塘雞翼 ($32 4隻) 香口 唔太油調味正 惹味唔咸3. 炸魚皮 ($20)酥脆 唔會硬, 當小食share係唔錯嘅選擇整體食物都好好味, 好岩胃口. 特別欣賞佢製作非常認真, 小至前菜, 熱茶同辣醬都唔會hea. 佢個辣醬用魚去整, 似XO醬mix豆瓣醬. 惹味+香>辣大家去開旺角 唔想食太heavy太多味精, 不防一試麵麵!…查看更多

幾年前去英國exchange得了對fish and chips的癮。每過一段時間就會好想食fish and chips. 奈何一直喺香港都搵唔番果種正宗的味道。食過white beard, Bricklane同唔少其他餐廳，都無果種風味，直到遇上Hooked!!!!! 先講我心中的主角 - 薯條。超粗薯條 - Nice.脆身唔油 - Good.之前睇其他介紹, 知道Hooked啲油係日日換,而且分左幾鍋油炸唔同野食. 所以炸出黎嘅嘢都係淺金黃色, 其他地方啲萬年油無得比. 火喉控制都十分好, 薯條唔油,外脆內軟. 好正PS. 佢係澳洲風嘅薯條, 比喺英國食嘅薯條脆身啲。好好食。超級超級有薯味 - Fantastic. 一咬第一啖係驚為天人咁有薯仔味。唔知佢用咩薯仔，目測薯肉帶少少淺黃色, 同一般白肉薯有啲唔同.輪到講魚. 因為lunch set無得揀魚,所以應該係平啲嘅Hoki (not Blue cod). 份量夠Lunch set份量都好足, 有一塊大一塊細, 單點應該會更大份.有魚味Hoki濃魚味, 似麥當勞魚柳包塊魚嘅味. 麥記用嘅係pollock. 都係鱈魚cod嘅family. 魚肉都幾firm唔會好易散. batter好炸漿唔會過厚之餘, 仲緊貼魚柳唔會散. 我用手拎住舊大魚柳暴力地點醬暴力地咬都無散!!!證明火喉極好, 喺英國食嘅都唔一定得. Overall, Hooked係一間做fish and chips做得非常正宗非常好嘅小店. 食材好 烹調手法更好, 老闆每日都坐鎮店內為客人即叫即煮, 唔驚質素唔穩定. 而且價錢抵, lunch set $65 有份量足嘅fish and chips, 一個醬(他他醬, 茄汁果啲), 一份snacks (chicken nuggets 麥樂雞/ potato fritters 炸薯餅 / 腸仔) 同枝裝汽水. PS Hooked店面細, 只有可容納約兩人嘅立食位. Suggest買左行兩步去PMQ花園坐低慢慢嘆. 店都無餐具提供, 外賣係用白紙好raw咁包(好環保). 個人覺得fish and chips用手ok, 如果介意可以自備餐具. …查看更多

我一向對日式西餐廳有好感，最愛係尖沙咀的Niji Bistro. 今次與友人同行，來到沙田的這家Rosie’s Cafe一試。 我們點了兩道菜，第一道是明太子意粉。基本上是 Carbonara, 加上明太子。驚喜的是配上半熟溫泉蛋，和乾蝦碎。意粉軟硬識中，入口creamy, 整體味道不俗，但較一般正宗的Carbonara少了一份芝士香氣。甜品點了肉桂蘋果Pancake, 配上 vanilla雪糕。甜品賣上十分討好，以鐵Pan上枱，夠熱而且別具特色! Pancake不算厚身，但入口軟綿綿，有蛋香和奶香，十分好味。配上甜甜的蘋果和雪糕，完美! 特別的是pancake上的脆脆餅乾，加添一份口感 …查看更多

今日近近地去左葵芳食lunch, 見依間小店幾多好評，就去一試吧 Lunch set $48 澳洲牛肉漢堡+薯粒+lemonade. 十分抵食!!! Burger即叫即做，等左約五分鐘。賣相唔錯，一咬!! 漢堡扒夠“林”，好juicy, 好有牛味，配上淡淡黑椒香氣!!!good! 配菜都唔少，有生菜，蕃茄，蘑菇(炒香啲會更好)，同拉到絲嘅芝士! 整體配合幾好，拍得着好多高級餐廳!配菜薯粒賣相黑媽媽，但食落又唔錯。有薯味，邊位少少脆。飲品要左ginger lemonade, 好特別，但對我黎講辣左dd整體份量夠，價錢平，漢堡扒更係有驚喜!誠意小店，下次試下pizza!…查看更多