caca003的个人专页

一黎就見飯卷入面有頭飯，同阿姐講仲話睇唔到，我要掂落去拉出黎佢先換俾我！！飯卷邊d飯係硬，牛肉ok ，辣炒年糕得個辣，個味好難食，得杯野係正常但要加$18，總括而言，佢都係food court偏差嘅味道…查看更多

一入舖頭就聞到成浸噏味，裝修殘舊好似幾十年都冇裝修過，感覺污糟，搞到坐得唔舒服，張枱隔離牆邊嗰度放咗啲辟蟲辟曱甴嘢，感覺好差，一坐低幾個人隻腳即刻痕，食完發現隻手俾蚊咬，食物份量勁少如圖，以前都唔係咁過份，應該為咗慳成本，d麵少到嚇親，飯都少左，味道係可以，但係環境太差好污糟仲見到個侍應跌咗條抹枱毛巾就咁執返拎去抹枱成間舖個感覺好似唔想做咁，食老本，無其他舖既扭扭粉，建議佢最起碼裝一裝修搞一搞個清潔😓😓…查看更多

因為近返工地點，都會經常黎食，佢既海南雞之前還好(喺黃竹坑黎講)，但後來唔比加錢轉脾都少黎食，今日再黎真係失望 ！1) 炒金邊粉濕笠笠一「劈劈」好難食2)海南雞湯飯d 雞好碎，又唔可以加錢轉脾， 想問佢拎海南雞醬，o個個疑似家佣既阿姐話要加錢，無問題咪加lor，點知第2個阿姐黎話$10一碟醬🙄 勁顛 ，未聽過加碟汁要$10！ 走醬又唔見你減$2 3)凍0茶唔比少冰個阿姐好惡 態度好似你欠左佢咁 😓唔會再黎，食餐飯好受氣…查看更多

叫車仔面 送一隻腳，好味到呢，真係唔敢再食，味道唔差但用曱甴做餸，食到想嘔 ，乾凈程度可以想像到，好彩叫網上外賣平台 有得退錢，但食到嘔真係送都唔要嘞 ，無下次。…查看更多

一心諗住同fd 食正野， 以前食鴻星都ok， 諗住太古坊都會有質素，叫左每人3隻蟹$438餐(每位)，超。難。食 首先d碗同杯碟勁污蹧！有d 飯痴住洗唔甩！大閘蟹-甩腳(疑似死蟹) d 肉同膏係完全無味！！！！ 少少蟹同膏味都無 ，勁難食， d 蟹無洗，黑蚊蚊！！ 3隻蟹得一隻叫做有dd 味，其餘2隻都係無味，當然呢個價係細隻啦，不過無諗過味道係咁差！糯米飯-勁大陣雪藏味大蝦羹-鹹 同稀炒象拔- 全碟得3片，其餘都係瓜甜品-蓮蓉酥-係翻叮，d蓮蓉乾爭爭3個人1千4百9！ 勁唔值，食粒圾咁…查看更多

叫左脆皮雞， 腐乳通菜同蝦仁炒飯， 3碟野得2個字形容！超鹹！！！！ 一味得個鹹字， 菜拎到嚟又凍又硬出曬水但仲好鹹，我老公係重口味人都頂唔順！ 脆皮雞d皮唔脆但係用豉油浸又係爆鹹！ 飯普普通通但都偏鹹本來想叫高力豆沙但$38得2粒勁唔抵無叫待客態度勁差！ 經理級以上最差！！ 女嘅叫佢比個menu嚟睇完全唔應你！ 男嘅埋單問拎返張單就咁著卡同單「劈」係污遭嘅臺面！！不知所謂個晚食完返去半夜仲2個都肚痛！ 絕對唔好去食!!!!!…查看更多

見好多食評到話呢間d 人好惡﹐今日去完﹐覺得要幫佢地平反一下﹐ 可能就係因為惡名遠播﹐所以老闆正視左呢個問題! 收錢個位阿叔全程笑容滿面! 有人唔行前﹐都係 "請”人行前d ~好有禮貌! 煮麵個位阿姐雖然木無表情﹐但係都有耐性有禮貌﹐仲等人揀錯﹐全程我等左成10分鐘都有﹐無聽過一句唔禮貌既說話呀~講返碗車仔面! 得大家介紹﹐我揀左好得既菜脯炒蛋~ 然後係個人喜好既豬紅同雞肉腸 + 米線+腩汁~由好既開始啦~ 菜脯炒蛋名不虛傳!! 雖則唔係即叫即煎﹐但相信都唔係放左好耐! 好香有鑊氣,多菜脯﹐好夠味﹐正!!豬紅唔係一夾就散﹐但係就唔係舊舊入味! 一d 有味一d 無味! 車仔面豬紅暫時仍然覺得只有新記可以叫做“好好味呀” 雞肉腸其實好難煮得唔好食﹐齋碌姐﹐不過略嫌得一條太少! 腩汁就淡左d.. 需知湯底對車仔面黎講其實都幾重要﹐可惜.. 呢個湯底令我唔覺得呢個麵真係好食﹐只係不過不失罷了~關於排隊時間~ 正值午飯繁忙時間﹐人龍都長﹐加上可能改善左服務態度﹐無鬧人快d ,所以排得都幾耐。 但無不愈快經歷﹐都可以接受~~ 最後係價錢﹐3“食送”一麵 $27﹐ 係而家黎講都算合理可接受~ 但同層對面燒味 $27 有雙拼飯有湯﹐就感覺無甘抵喇~…查看更多

上次食過裕記﹐覺得好不外如是﹐今次決定試下第2間去到parking,覺得要收$20 其實都幾貴﹐不過都黎左就算啦今次得2個人﹐所以淨係叫左幾味1)例牌燒鵝2)炒蜆3)蒜蓉粉絲蒸尤魚(本來想叫吊桶但係無晒) 4)椒絲腐乳唐生菜 例牌燒鵝﹐啖啖肉﹐唔"火農" ﹐我覺得好食過米芝蓮鏞記添炒蜆好有味﹐ 亦唔太辣3) 鮮尤無影相﹐好多粉絲同鮮尤 ~~ 唔韌﹐幾好4) 個菜就無咩味﹐好水. 同場加影廣告牌~ …查看更多

好彩一早去到﹐唔洗等位~之後就開始好 full !我食左個海膽+魚蓉飯!!! 無得頂﹐飯同食送 既份糧好好 ~ 唔會淨得好多白飯好少"食送" 既情況海膽 讚!! 大大塊唔係碎海膽﹐新鮮甘甜~ ~ 魚蓉亦都好有味~ services 唔錯﹐keep 住幫你斟茶~ 食完而經心思思諗住幾時再去過~ ~ …查看更多

今次食cova 食左好耐 (大概7點食到11點)其實無咩人﹐但係唔知點解d 野就係出得甘慢但係都好飽囉原來~ 個manager 話呢次食既係menu 無既﹐係一個special menu, 全程係側邊介紹~services 就好好喇~ 野食呢........都係無得頂啦!! 特別推介係個鵝肝+帶子﹐鵪春﹐ 大蝦意粉(隻蝦真係好大)同牛牛~ 但係sorry我唔記得左個牛係邊仲﹐但係真係有入口溶化既感覺!!講多無謂~睇相最實際~但係因為相can only upload 8張﹐我total 食左9樣野﹐最後就係 cova 既 tiramisu cake 喇~大家都見唔少﹐所以就揀其他upload 啦~ …查看更多

老細話同我去食“最”出名既大閘蟹﹐滿心期待入到去﹐古舊裝修﹐感覺應該係“臥虎藏龍” feel, 一打開餐牌﹐果然...一碗蟹粉麵 HKD360.. 唔係講笑既價錢, 最勁係大閘蟹 550 一隻!!!!!!!!! 貴得有d過份﹐需知我0係上海食RMB50 正到爆﹐諗住﹐550﹐ 應該有過之已無不及啦~ 點之...糕係勁少﹐得個大字﹐可能唔係最當做時期啦 .........值得一讚係d 醋﹐真係好靚﹐甜甜地﹐唔係出面一般既醋﹐一食就知係靚野!煙熏黃魚整得好好﹐好鮮好滑﹐煙熏味濃~ 醉鴿ok﹐味道唔錯﹐d酒味亦都唔太濃馬蘭頭﹐正~ 第一次食﹐係豆腐干加馬蘭頭﹐好清新既味! nice 甘筍炒豆苗 (類似啦﹐唔記得個名) 甘筍好靚﹐豆苗都好翠綠﹐收得甘上下價錢﹐都唔係比d 渣野人食既龍井蝦仁, 普通﹐但係太貴﹐相對黎講唔抵..加左d蟹醋食就幾正﹐但係功勞似乎係d醋﹐唔係d蝦重有人碟肉絲炒年糕﹐ok 啦用黎填飽個肚姐...最後驚喜係甜品﹐酒釀丸子~ 加入生果! d 味道好正!! d丸子軟得黎有彈性~ 正過許留山既多芒小丸子啦! 唔知係咪有返0甘上下銀碼﹐招呼都算唔錯6個人﹐total 9300, 一餐dinner, 值唔值﹐真係你諗你喇~…查看更多

平日要慶祝生日又想食海鮮﹐呢度我既不二之選~鋪面的確係太細﹐大檯可以話係得一張~ 每次都係坐角落大檯一坐低﹐waiter 好慇懃就過黎招呼~ 我地人多麻煩﹐要商討,waiter亦唔會幾秒個黎吹你一次~ 幾好~好終於齊人叫菜﹐個哥哥好nice 甘﹐我地叫得多得制(太貪心) 會提醒我地﹐幫我地改﹐有會有好介紹~ 唔係個d hard sell 逼你叫貴野既餐廳~ 我buy ~ 戲肉黎喇~ 胡椒蟹--- 極度推薦!!!!!!!!!!!! 食到吮手指呀~ 連我個唔鍾意食蟹既fd 都忍唔住食左~ 避風塘炒蟹 -- 無胡椒甘特別~但係都好好味~ d蟹又幾大隻﹐都係爭食item! 黃金蝦--就普通﹐d ‘黃金’ 做得唔係好好炒蜆 -- 味道一流~ 同埋好少係未熟唔開椒鹽鮮尤 -- 好惹味~ 正~蔥油雞-- 勁多蔥~有少少過鹹﹐要送飯炸豆付拼蝦丸-- 好好味!! 爭住食﹐可惜一人未必有一粒~ 豆腐真係外脆內軟~ 蝦丸好彈總括係水準之作~~當然唔係個d 最鮮味海鮮啦 ~料就係普通﹐但係廚藝就一流~ 同埋唔算貴﹐我地8個食到勁爆﹐重要請埋壽星﹐每人都唔洗2百~~服務好好﹐好好笑容﹐我地食蟹夾唔到個鉗﹐個哥哥即刻自動幫我地整碎個鉗﹐好似食雞脾甘~ 好nice !! …查看更多

以前係跑馬地返學﹐所以間唔中都鍾意返黎食野前身係"滿屋甜品" 而家轉左形做多左野食試過個燒雞翼茄湯懞~太正啦!!!2大隻燒全翼 ! 燒得好好味!! 好有BBQ feel 茄湯好濃~ 但係略嫌有d 酸~ 每次食晒+ 飲埋湯﹐勁飽~ 想食甜品都食唔落但係真係好味~ 唔錯但係唔鍾意帶酸味既朋友就可以食普通湯底~ 但係燒雞翼真係正~ 上次去甘0岩有位菲籍女士同朋友嘆茶傾心事﹐大聲到所有人除左聽佢講野都唔洗傾計﹐搞到我食得唔舒暢~ haha …查看更多

一班好友一行6人黎食﹐本來諗住去泉章居﹐但係朋友極力推薦﹐所以改黎住家菜~ 每人$70 有湯有飯5“食送" 兼有糖水的確係幾抵~湯 -- 花生尾豆﹐不過不失~不過真係無味精既~但係就唔係好正食送 有 ﹕咕嚕蝦球-- 好味﹐個汁唔太酸﹐甜甜地~金銀蛋硯菜 -- 普通﹐唔太鹹都幾好~沙拉骨-- 好正!!! 推介~ 送飯幾好梅菜肉餅 -- 幾清﹐但係就唔係特別好味招牌芝麻雞-- 又一推介﹐幾滑﹐味道唔錯!! 整體確係值得推介﹐當然唔好諗住係大師傅手勢﹐係名副其實既住家菜~ 家常便飯式~ 不過都好似幾清淡﹐唔係味精野~ 不過d碗就細得制!…查看更多

今晚諗住去游水前試下呢間第2分店, 因為銅鑼灣總店都好似唔錯新店幾大﹐有卡位﹐應該唔會好似總店0甘逼我7點前去到﹐無咩人﹐大把位但係可能門口太大(基本上係無門) 所以我坐第一張卡位有d熱 叫左豬紅﹐雞翼尖同魚片拼米線豬紅又慫又散兼無味﹐失敗 --- 新記豬紅好食好多雞尖都ok , 但係無總店個d 甘入味魚片不過不失~ 但係得2塊﹐少得可憐最後食完碗野﹐一d到唔飽.. $24 蚊唔算抵﹐但係就太細碗食$16 南記似乎更抵 更飽 …查看更多