Shokuyoku的個人專頁

近日收到風一間殿堂級的日本第一天丼專門店進駐了香港，根據都市傳說，初開業的餐廳食材品質是最頂級最美味的，我當然第一時間去抓住傳說的味道。‘金子半之助’新店位於葵芳新都會廣場，餐廳的食材配料以及天婦羅師傅的技術全部都由東京日本橋總店傳授過來。剛坐低就已經被這杯黑豆茶吸引著，味道香濃甘口，一般日式餐店都是奉上抹茶或麥茶，而黑豆茶除了有新鮮感之外還可以消脂解膩、滋潤去熱，對顧客的健康非常貼心。菜單方面貴精不貴多，三款天丼以不同的高級食材為主打、分別是穴子、鱚魚或舞茸。江戶前天丼$138上天丼$118每碗天丼套餐都配有海老、帆立貝魷魚天婦羅餅、溫泉蛋、海苔、莢豌豆、味噌湯及漬物，相當豐富。而味道可以話將天丼的重點，香口、鮮味，發揮到極致。香味方面，有古法秘製麻油及天婦羅粉漿，黃金組合令天婦羅香氣撲鼻，脆口不油膩，配上秘製醬油，每一口飯都香濃醇厚，另外還有少許柚子帶出清新的口味，食出不同層次。鮮味方面，油的高溫及時間控制技巧非常好，鎖住食材的原汁原味。穴子肉質細嫩香甜淡雅，足足有30cm長，大滿足！鱚魚超級嫩滑，魚香但脂肪少，蛋白質豐富，據說江戶的將軍都非常喜愛吃。海老鮮甜彈牙，帆立貝魷魚餅就最煙韌最濃味。最後把温泉蛋戳穿，讓蛋液、醬油混合飯裡再送入口，這個餐廳推薦的食法真係冇得輸，不過記得要食得夠快，因為慢慢影相的話天婦羅到後期就不脆口了啊。…查看更多

海港餐廳眾多～午市都要各出奇謀寬巷子出名在台式火鍋～午市也以台式飯麵作賣點算是比較少競爭～店內樓底夠高、枱與枱之間也有一定距離、空間感十足！午市餐牌、麵類較多、飯類只有五款。小食主要都是辣的墨條和牛美人湯麵（$128）只是和牛二字已非常吸引！即使灼熟了和牛還能感受到它的鮮味和段段油脂！黑中帶白的墨條有爽口的墨汁餅跟彈牙的墨魚粒～口感豐富！還有我至愛的溏心蛋～甜甜的麵條也有咬勁～不錯！美人湯底彷佛有點黏、大概是含有骨膠原、所以能美顏吧！…查看更多

炎炎夏日，最難熬的就係熱到出汗又口渴，搞到我不經意習慣係街買冰凍的果茶、珍珠奶茶等飲品。近日我就迷上’喜茶‘，相信大家都唔陌生，不過最慘係要排隊，等到件衫由濕變返乾，後來發現喜茶已經有APP可以網上落單購買，可以追蹤著有什麼新品，少甜少冰加配料等要求一樣可以係APP點選，到時到候出現就拎得，好方便。今次我就試下期間限定的芝芝桃桃，層次分明，色彩繽紛。飲法都寫在杯蓋上，好貼心，芝士奶蓋保持高水準，濃郁香滑，回味無窮，桃味茶底的沙冰清甜解渴，最底的鮮桃肉有熟成的甜蜜滋味，最重要係夠大杯，畢竟價格都唔平，同去餐廳食個甜品一樣，不過肯定一飲就會上癮，尤其係咁熱的天氣，相信冇人可以抗拒到。…查看更多

今日陪老闆同個客傾生意，招待客戶的午餐當然唔可以頹，搜尋一下發現isquare高層有間高級的日本料理餐廳，食物及用餐環境都係一流。餐廳安排我們到窗邊位置，望到廣闊的藍天和海景，面對客戶的緊張氣氛立即舒緩了而餐枱之間有一定距離和有間板，私隱度大增，傾密計唔使就住就住，需要服務時可以按一下枱面的按鈕，服務員亦多次主動幫我們加茶，十分貼心。食物方面選擇非常多，由定食、御膳、到會席料理，全部都選用高級食材，由熊本天草新鮮直送。介紹返，我的午餐 － 味噌煮天草鯖魚定食第一次可以個人獨霸咁大條鯖魚魚身結實飽滿，肉汁鮮甜、魚腩肥美香濃，一點腥味也沒有。這當然了，天草是熊本縣的一個無污染外島，魚獲是非常高質，其中零水銀吞拿魚更是令人嘩然。師傅用特製的甜味噌去烹調，令鯖魚的每一個部分都滲透入味，鮮甜的味道超級開胃，幾乎骨與骨之間的肉都吮盡，可以送三碗白飯至於定食的配菜會因應不同季節時令調整，亦是由熊本新鮮直送，保證客人品嚐到最當造的蔬菜。另外還有麵豉湯和甜品滑到好似豆腐咁的芝士蛋糕。客人仲可以係餐廳選購熊本的蔬菜、水果、酒水及茶具名物，好有心思，我都拎返啲旅遊資訊，下次直送自己去熊本…查看更多

依家台式飲料店成行成市難得嚟到馬鞍山、冇理由又飲返台式飲料吖見到呢間店放滿生果又貼滿鮮果飲料menu 即刻決定試一試草莓芒果水果茶（$36）小店特別表示不加人做色素不加香料喝一口真的有陣陣茶香加上有蘋果汁、茶甘中帶甜、而且還有草莓和芒果的果粒完全感受到真材實料！木瓜奶昔（$34）之前在高雄喝的木瓜奶一直令我念念不忘所以也點一杯可惜一看到顏色就有點失望果然是奶味比木瓜味重雖然是北海道3.6牛奶很濃郁、但它蓋過木瓜的香甜令人失望呢⋯…查看更多

出開尖沙嘴搵老婆食飯、即管試吓平日少食嘅泰國菜Lunch set選擇都幾多有成20款揀。仲有個同泰國菜好似格格不入嘅黑松露蟹肉炒飯例湯冇影相、係碗清清哋嘅冬瓜湯有少少莞茜調味、都幾好味海南雞飯去食泰國嘢梗係首選海南雞飯飯嘅份量都算多、海南雞一定要配黃油飯食落唔會成口油至於啲雞、實在太失望囉！雖然唔太肥、望落去幾吸引但真係一啲雞味都冇如果唔係有個酸酸辣辣嘅汁完全唔想食落去…餐飲加錢要咗龍眼冰唔算太甜、仲有幾粒龍眼肉食吓心情先叫好返少少…查看更多

好耐冇試過同老媽子出街食飯，今晚一於轉下口味，過年前食素清下腸胃。悠蔬食呢間餐廳位於銅鑼灣鬧市，約一大班親戚朋友同事都非常方便。餐廳佈置簡約自然，有圓枱就好似家的感覺，和食素的主題好貼切。菜單方面一點也不馬虎，由前菜到甜品都精心設計，可以媲美西餐和日本菜，款式又多，搞到我點選菜色都花了15分鐘。晚市套餐就比較抵食，所以點了一客另外再加兩碟小菜。套餐包括前菜: 麻醬牛蒡青瓜粉皮、柚香紅菜頭蘋果拌合桃、脆藜麥羅馬番茄伴芝麻醬，非常有驚喜，好像日本菜般有三款精緻的小吃，以鮮蔬果為主，不同調味配搭令味蕾醒覺又開胃。手卷: 蘆筍素香鬆苜蓿芽手卷想不到可以有這樣的方式呈現手卷這食品，苜蓿芽代替了飯，清新爽口，加了沙律醬及素香鬆，感覺非常似日式手卷。湯品: 松茸竹笙黃耳百合燉湯聽個名就知湯料十足，有松茸、黃耳、竹笙、杞子、百合、全部都是滋補養生的。燉湯火喉時間掌握得十分好，入口綿潤，味道甘甜濃郁，真材實料不油膩。天寒地凍，中式燉湯最適合一家大細。主菜: 和風鮮蔬一品豆乳鍋配稻庭烏冬蔬菜加豆乳的湯底清新鮮甜，連湯和烏冬送入口，身心都暖和滿足。不過我的重點竟然是放在這兩款素肉丸和素扣肉，因為他們的口感和味道都十分神似，素肉丸跟平常食的山竹牛肉沒分別，素扣肉又可以做到跟肥豬肉一樣的口感半融化半咬口，究竟是怎樣做到的啊！甜品: 榛子焦糖乳酪蛋糕細細件但也很花心思，乳酪代替了芝士，沒有膩口的感覺，榛子焦糖甜度剛剛好，餅底也很鬆化，比得上專業餅店。蜜汁脆鱔用麵粉和菇菌混合而成，外形和香脆可口都酷似，味道雖然沒有魚鮮，但蜜餞和調味都已經非常好吃。百合杞子豆乳浸溫室豌豆苗豌豆苗草青味偏重，不過好處是吸收湯底味道後清新爽甜，而且富含胡蘿蔔素、維生素B群、葉酸、膳食纖維及礦物質等，是一種營養密度非常高的綠色蔬菜之王，配上鮮菇百合木耳、是滋潤養顏的上品。現在食素的口味和款式都與時並進，價格也不是太貴，可以帶家中的長輩見識一下，千萬不要錯過。…查看更多

繼珍珠奶茶、芝士奶蓋、水果茶後，近期於台灣爆紅的髒髒包亦開始攻陷香港。我shokuyoku當然唔會輸在起跑線，幾髒都要食到飽。聽講呢間台灣品牌Share le Pain(微酵烘焙)在香港開了3間分店，今日我來到銅鑼灣分店買了2個包同一杯水果茶，探索一下有幾好味。朱古力味髒髒包($35，甜)髒話就講得多好順口，但髒髒包第一次食都真係幾難應付。全因髒髒包面上灑滿一層厚厚的可可粉，不論你幾小心都會整個咀整隻手甚至乎連衫都沾到可可粉。他們用的是自家製貴腐酵母，做出來的麵包非常軟熟香氣清新，經過唾液分解後會在口中帶出麵包的清甜。餡料有融合松露朱古力及忌廉芝士的夾心醬，香濃滑溜不膩口。不過我最欣賞是以70%比利時朱古力做成的脆皮，甘甜脆口，即時在口中溶化唔痴牙，即使擺放一段時間都唔會變軟，因為始終太大個要分開兩次食。香蒜金磚 ($15，鹹)金黃色的外表再加上幾米外都聞到的蒜香味，令我冇理由唔揀佢。麵包的口感半酥半軟，配合外層的香蒜醬、蒜泥和香草，特別惹味可口。爆爆水果茶 ($35，16oz，冷)由於店內採用的是上等茗茶，配合新一代的機器、技術和豐富經驗，嚴格地調製出味道一流的台式飲品。水果茶茶底為南投四季萃玉四季春茶，利用冷泡技術將現切時令水果和茶完美結合。茶味清爽香純，果味有菠蘿、蘋果、香橙、青檸等，清新酸甜。一啖包一啖茶，令人有身心舒暢的感覺，不容錯過。…查看更多

銅鑼灣登龍街一向係高質餐廳集中地，我得閒無事都會去兜個圈，今晚俾我發現到有間食鐵板牛扒的餐廳Steak Bar，幾乎滿座，我一於唔執輸入去醫肚。餐廳雖然細間但唔會太逼，環境亦整潔舒適，菜單款式貴精不貴多，我點了頂級板腱牛扒套餐 (每日限量這個字眼太邪惡)，至於友人點了主打菜吉列牛扒套餐。套餐包括了白飯、沙律，前菜麻醬豆腐，味道清新，食肉之前食菜開胃又健康，好多餐廳都做到呢個貼心服務。另外白飯配了大量飯素－由紫菜、芝麻、蛋花、麻油等調味料組成，非常香口，會不知不覺吃完了一大碗飯。主菜板腱牛扒又厚又大份，用小鐵板比較難掌握烹調，所以會由廚師制作，我選了七成熟剛剛好，粉紅色的肉質有咬口，肉汁多味道鮮濃，要留意的只是要避開中間的筋位，就可以啖啖肉，再配合餐廳特製的柚子鹽或燒肉汁，一份牛吃到多重層次的口味。正！吉列牛也是肉質粉嫩，於鐵板上每邊煎15至20秒就剛剛好，因為都幾猛火輕易就鎖住了肉汁，肉味雖然沒有板腱那麼濃厚但比較軟熟和多了吉列香脆的口感，唯一美中不足是煎牛扒用了很多牛油，香濃但少許油膩，而加飲品要$25有點貴，不過對於食家來說只要味道好就自然忘記價錢了吧！…查看更多

講到認真地享受一頓美食，我第一時間想到就係Omakase。因為師傅會精挑細選優質、特別的食材，不時不吃，而且烹調技巧和點子都別出心裁，還有最重要的是可以邊吃邊和師傅互動交流，除了味蕾還可以用眼用心感受食材與烹調的細膩，感覺就像談戀愛一樣。朋友介紹我中環有間日本餐廳，Omakase菜色水準很高，開店4個多月，已經有好多捧場客，品嚐過後認為餐廳真的發揮到Omakase的精髓，絶對要分享一下給各位食家。前菜的目的是讓客人的胃口和味蕾熱身，餐廳製作了三個小吃，味道配搭創新:左邊是無花果肉，嫩滑甜美、配上芝麻醬可令味蕾同時感受雙重口味。中間的是日本水茄子配梅子醬，茄子是生的，口感有點像梨，爽口清甜，加上梅子的酸甜味，十分開胃。右邊是花生豆腐，餐廳師傅自創的菜色，外層浸著鰹魚湯，內裏軟滑的豆腐滲出微微的花生醬味，但又不會蓋過大豆味，非常特別。齋睇外型已經無得輸，肉身肥美，肉質嫩滑、鮮甜度爆燈、海水味適中，非同凡響。而且上碟時師傅已經將蠔起了肉、用紫菜、蔥花、紫蘇等材料調好味襯好色，貼心細緻。蚌類海產一向有獨特的鮮味，尤其是象拔蚌特別出眾，肉厚而且爽口，師傅用了黑松露油將入口時那份香味再提升了一個層次，伴碟還有冰菜和勁多金箔，色香味都完美無缺。日本三大蟹之一，蟹膏特別香醇濃郁入口即溶，肉質鮮甜但由於外形比較細小，所以師傅先將蟹煮好拆肉，再加入毛蟹蟹膏拌勻，齒頰留香，好味到唔想開口講野。餐廳其中一個講求的細緻度是物盡其用，原汁原味。來自日本的野生鮑魚肉質彈牙、味道濃郁，師傅再取其肝臟製成醬汁，回甘味強而沒有內臓腥味，讚!安康魚非常矜貴，有人間極品之稱，所以每一個部位都唔可以浪費，呢道菜色師傅用了紅酒和味醂等調味慢煮魚肝，味道絕不輸給法國鵝肝，入口綿化不油膩，甘甜中帶點紅酒的香味。原本我不太喜歡吃瀬尿蝦膏，因為比較硬，啖啖肉先係王道，不過日本瀬尿蝦就與眾不同，雖然細細隻，但蝦膏竟然爆多而且幼細爽化，味道濃厚但不會蓋過蝦肉的鮮甜。不用多講，入口即化，油脂香濃鮮味，今次師傅用了櫻花木稍微煙燻一下，除了吸引眼球和香氣四溢外，更消除了油膩的感覺。蕃茄！識得食一定食日本品種，日本蔬果出名講究，隨時都貴過肉類，師傅話呢個品牌雖然唔係最高級，但蕃茄甜度已經係一般的5倍，食之前加上一些淡雪鹽，其實幾乎沒有鹹味，不過可以提升蕃茄的鮮甜。來到壽司菜色，品嚐次序應該是由淡味至濃味，基本上Omakase的菜色師傅已經調好味，不需再沾醬油或芥末。店員還細心準備了抹手巾，提醒我們可以用手指輕輕揑著壽司吃，是傳統的壽司禮儀。有留意我之前分享的一定知道，銀色的部分並不是皮，而是皮下的油脂，魚要夠鮮、刀工要細緻才做到，所以一睇就知係魚腩，但不同的是深海池魚的腩比較彈牙，沒有想像中化口，魚鮮味也比較淸新。差點以為係墨魚，要近睇先留意到，原來係好多細細粒的白蝦，日本富山縣特產，香港平時少機會食到，味道和口感像甜蝦，但比甜蝦稀有很多，師傅要逐隻剝殼，少啲心機都唔得。師傅教路，地金目鯛是屬於品質最高，於特定海域由漁師即日釣起，存放一段時間後才會熟成，地金目鯛油脂分佈較高，肉質鮮嫩，魚鮮味清優，了解更多後品嚐零舍不同，又長知識了。來自北海道的黑象拔蚌，非常稀少，味道較一般的鮮甜，但相對少了蚌的鮮味，可能對某些人來說那是腥味，但我自己比較喜歡那份獨特的味道。高級魚料理必吃之選，魚的肉質鮮嫩，白裡透紅，入口軟綿綿，師傅還先用冰水過冷河，令肉質收緊，再輕輕火炙帶出魚油香味，最後放上喜之次魚肝，一口吃盡幾個喜之次味道層次。這個拖羅屬於極稀有部位，是吞拿魚的頭頂部份，脂肪多、筋比較少，口感軟滑味道濃郁。這次師傅用了輕量蒜蓉調味，令魚鮮味更加突出，超好食！最濃味一定是海膽了，這個品種顏色較深較細片，但海膽味鮮甜濃郁，師傅還介紹我們下次可以試白海膽，肉身豐膄、味道會再甘甜、價格也是驚人 (師傅你這不是放毒嗎……我心也癢了）來到尾聲有湯和甜品一看魚湯顏色奶白就知用料十足，勁多昆布，還有魚油浮面，味噌調味亦恰到好處，入口非常重魚味鮮甜香濃。而夏天常吃的和式甜品是水玄餅，外形晶瑩剔透、質感跟啫喱一樣但比較水嫩入口易溶，由於本身沒有味道，配以沖繩黑蜜和黃豆粉一起吃，清甜滋潤又健康。整體來說這次Omakase物有所值，可以吃到時令稀有的食材，師傅和店員的服務都滿分，大家有講有笑，聽講這裡還有自家製梅酒，Sake都比外邊便宜，下次一定要再來發掘新味道!…查看更多

日前同另一半慶祝相識紀念，當然要搞大佢.......我指個晚餐。記得上年食過番尋味仲飽到上天靈蓋果份滿足，所以決定再次來到銅鑼灣Penthouse！這裏無論環境、氣氛、服務同菜色都係一流！不愧為米之蓮推介餐廳！首先係冷盤，面上的是鯷魚，紅卜卜的全部都係吞拿魚粒，一睇就知肉質鮮美，配合一些洋蔥青瓜粒和吞拿魚醬，放在芝士餅乾上吃，可以品嚐到不同層次的咬感和味道。重點推介之一，蟹肉份量比例超高！啖啖肉，而且生拆蟹肉鮮味，兩面煎得香脆，加上精心調配的三款醬汁，牛油果醬淸新、芒果沙沙香甜、微辣的蛋黃醬，各有特色。和牛份量比例又係超高，肉碎夾著香滑的薯蓉一起炸，外層香脆內裏充滿肉汁，由於肉的油份唔多，反而味道濃厚和有咬口。無得輸的重點推介，海鮮非常足料而且鮮味，有大蝦，帶子，蜆，青口，墨魚咀等，個湯充滿海鮮精華，鮮甜度爆燈，配埋蒜香多士，點少少湯雙重享受，可惜要share 唔可以自私飲。餐廳選用了優質的意大利米，飯味香醇和營養價值高，吸收了用蝦膏和龍蝦頭餚製的濃汁，味道一流，咬口唔太腍唔太硬，正宗的意大利煮法，加上又大又鮮甜的龍蝦肉，食到齒頰留香。最後見餐廳甜品都幾有創意，忍唔住點了一份，除了一球香甜幼滑的白桃雪芭，其他黃黃地色，似爆谷又似炒蛋的其實係芒果雪糕，分子料理都玩埋，真係要黎多幾次。…查看更多

上個星期適逢係老爹的生日，所以動員一家人帶佢去食好野 (其實係藉口俾機會自己嘆好西)。同老爹食飯一定係選中菜，餐廳名叫1935，聽說是老闆紀念婆婆而命名，但睇裝修佈置又好有氣派，一啲都唔古老，而且菜色非常創新，有選擇困難症食家要有準備了。Mock tail 無酒精飲品岩哂家庭樂，呢杯Guardian Angel 有芒果汁同椰汁，所以初入口味道似楊枝甘露，之後會慢慢嚐到熱情果甜味的變化。1935 Beer 由薑味汽水加上雲呢拿及焦糖製成，3種味道各有特色，混合一起都可以嚐到不同層次，好新鮮的配搭。粉的厚薄適中，外脆內軟，魚鮮而且冇骨，技巧有如咕嚕肉，香甜的汁剛好掛在脆皮上，非常有功架。手撕走地雞嫩滑鮮味，再加上黑松露及各種配料調製，令到整個菜色超級香濃，齒頰留香。顧名思義，菜色辣中帶甜，辣味有兩種，辣椒及薑味入口瞬間被蜜糖甜味中和。M4和牛入口不會溶化掉，有咬口之餘有濃厚的肉味，色香味俱全。所謂人靠衣裝，食物都要靠藝術包裝，本來平平無奇的娃娃菜做到好似蓮花般的美態，再用上湯煮熟調味，立即升價10倍。呢度菜色堅好食，一定要一啖放入口，因為4層的味道 — XO醬惹味，酸菜酸味，豬腩肉的香醇濃郁，青瓜的清甜，層次分明，又互相融和。炒飯一粒粒夠乾身，瑤柱絲夠多每一口都品嚐到，添上黑松露那份香氣，回味無窮。這個平時都會食到的甜點，餐廳做到豆沙餡很幼滑，甜度適中，只是略嫌鍋餅皮太硬，不夠鬆脆。自從發明了用氮氣自製分子雪糕，很多創新的味道都可以嚐到，花雕酒味香醇，話梅酸甜開胃，配合製成雪糕味道很複雜，但回味無窮很驚喜。餐廳仲有好多色香味俱全的菜色，好像金絲和田玉、白雲芥末蝦球等等，今餐未能盡錄，總之老爸高興我就心滿意足…查看更多

我Shokuyoku不嬲都係肉肉控，所以上個星期舊同學聚會提議食燒肉，平時逃避唔出現的我都立即浮面，而且餐廳都幾有水準，等我分享一下。呢間位於銅鑼灣世貿的餐廳主打食燒肉和牛，估計各位食家其實都食唔少，不過我有興趣係因為未試過近江牛 - 位於滋賀縣的黑毛和牛，肉質和霜降比較同神戶牛、松阪牛睇齊，加上餐廳提供的套餐係一次過食到九個不同部位，每個部位的口感、肉味、油脂都係唔一樣，比較少機會見到。除了牛，餐廳仲有好多菜色。而聚會遲到是常識吧，所以我一於....食住等！有蒜頭、海蜇、合桃魚干。醃料的味道剛好以微辣、微酸、微甜配合，幫助味蕾熱身。玉子燒得厚身而軟滑多汁，辛子明太子味道香濃又夠多，成日食都唔會厭之水準佳作。吉列和天婦羅用的粉不一樣，相對地較油膩但香脆，驚喜的係豬排肉好似慢煮了一樣軟熟而有肉汁，不似一般快餐吉列豬又乾又嚡。飲品方面，估唔到呢間日式餐廳都幾多花款，我就點了藍蝶夢，係蝶豆花加乳酸疏打，又靚又解渴。日本響螺&帆立貝：平時我就唔食螺，唯獨是日式刺身我就喜歡，夠爽口又鮮甜冇泥味。帆立貝就夠厚肉，鮮味特別濃，正貨。磯煮日本鮑魚：我問店長，個鮑魚點解咁貴，食咗會飛？==^ 佢就話呢個品種的肉質特別好，容易吸收煮汁但唔會太韌。果然，鮮味到大家搶住咁食！深海池魚&三文魚腩：呢個時候師傅經過，話今日魚生非常靚同新鮮，面上有一層薄薄的銀色，原來唔係皮，係油脂! 亦証明師傅刀功十分了得。池魚肉厚結實，魚鮮味重、三文魚腩軟滑，魚油香味留在口中滾動的感覺，真係好幸福。戲肉來了！店員揣來了一隻牛狀的板，九個部位一覽無遺。一板四人份量，一人一片唔使爭。餐廳提供的近江牛屬於A5級別，師傅仲有敎路燒肉要用大火，用最短時間鎖住肉汁，見到血汁開始浮面先反轉，唔好反來反去，否則會容易過熟。和牛本身肉味和油脂都非常豐富，唔需要落調味料，最多用少許海鹽已經足夠，而落鹽正確方法是落在碟邊，食的時候輕輕點一下就可以。每個部位燒的次序餐廳都有提示，由淡味至濃味、油花較少至多。每個部位都可以額外再單點，視乎個人口味，而我最喜歡的係牛臀肉同牛腿上肉，肉味濃厚得來油脂比例適中，不過呢個係稀少部位，想額外單點都不能!燒到後半，肉的油花開始多，所以餐廳建議大家點一個白飯分，加上燒一些野菜(放在爐的旁邊燒)，可以減輕肥膩的感覺，近江牛果然名不虛傳，每一塊入口都齒頰留香，下次要叫一板獨吞。最後循例叫一個甜品雪糕，我喜歡試特別的味道，海鹽味，鹹鹹地跟雪糕的甜味和牛奶味又幾夾幾有層次。呢餐係貴啲，不過真係好滿足。…查看更多

前排睇返麥兜重播，搞到我不其然哼著"現實就似一隻鴨，個個一定要Duck"好啦，我承認我唔係好得，唯有食返隻鴨以形補形。聽講尖沙咀海運開左間烤鴨店幾得，就約埋班朋友去品嚐一下。粟米魚肚羹雖然製法同材料簡單，只要每個步驟都做多一點，整體感覺就不一樣了。使用粟米蓉，魚肚切成一粒粒，喝每一口都非常入味平均。梅菜干煸玉豆看上去很普通，但食落好惹味，梅菜味道偏鹹，略帶少少甜，加埋肉碎有點油膩，絕對係為了送飯而設計的菜色，好有住家飯的感覺。燒汁芥末牛肉粒醬汁味道不是很濃，不會搶了牛的肉味。牛肉每粒都切得大小一樣，火候剛剛好，腍得黎保持肉汁冇流失。青綠色伴碟對比好靚的係荀，亦切到大小一樣，口感爽脆，味道似瓜又似菜莖。芝士奶油焗大蝦蝦夠大隻，肉夠彈牙，味夠新鮮，加上芝士奶油的罪惡感，又香又滑，可惜一人分得一隻。黑松露蠔仔煎蛋剩係蠔仔的數量已經值回票價，而且都好鮮味，混合埋黑松露的香味，令到普通煎蛋升了兩個層次。意大利黑醋炒什蔬選用了幾款蔬菜都係勁爽口，味道清甜配合黑醋酸酸地十分開胃。羲和小肉餅將卷蛋的概念做成小肉餅卷，一層麵粉夾著一層肉碎，肉汁香濃，只是表面略為不夠鬆軟。蝦湯海皇泡飯海鮮和配菜好足料，泡飯吸收曬湯底的鮮濃味，口感粒粒軟熟而不稀爛，食之前加入脆米更香口。羲和馳名烤鴨必吃之選，而且一定要預訂，我們留了半隻烤鴨足夠二人份量。餐廳廚師除了選鴨上乘，烤製的過程亦做到一絲不苟，採用了煙少，燃燒值高，而且帶有果味的杏木，進行掛爐烤製技法，令烤鴨色澤棗紅均勻、皮脆肉嫩。烤鴨不同部位有不同的食法，所以配了一個八寶盒，裏面有藍莓醬、芥末醬、甜醬、洋蔥條、青瓜條、蔥條、山楂條、爆炸糖和薄餅。鴨皮表面香脆、油份高，配合藍莓醬和爆炸糖的酸甜，入口即化，帶著跳動的感覺，十分驚喜。中間的是鴨胸肉，肉質較厚肉味較濃適合配秘製芥末醬，更突顯烤鴨的香醇可口。上面的是鴨腿肉，連皮帶肉，最嫩滑最鮮味適合傳統食法，用薄餅包著配料醬汁一起吃，味覺上更多層次。甜品有杏仁豆腐，杏汁味剛剛好不會太濃，夾著鮮桃粒和杏仁片一起吃有多重口味好滿足。食咁多野都係平均每人＄450左右，間唔中放縱一下自己都幾開心，真係食Duck是福。…查看更多

前排返工搞完展覽會，真係要食餐好的減下壓，咁岩經過尖沙咀接VIP放工，就係附近撞下有咩好食。估唔到！竟然撞到一間咁呢間餐廳可以包房，環境舒適不在話下，連隻杯都好得意XD 係我大魚大肉的時候教我健康之道?! (誤) 我要開動了～頭盤起初以為係普通沙律，點知⋯⋯魚生同沙律菜幾乎接近一樣比例！太瘋狂了！刺身種類很多，而且味道係最鮮濃的高級別食材。有吞拿魚，深海池魚，三文魚，油甘魚，帶子，三文魚子，仲有拖羅～而且份量唔少，價錢只係＄98抵食到有點震撼，下次要點3盤，主菜都慳返講返有幾好食，就係刺身比一般的鮮甜2倍。真係每種魚的味道都特別濃郁，我係日本都未曾試過＝＝"最正的當然係拖羅，一啖清菜一啖魚油，真係難為正邪定分界～平時食帶子一般肉質都軟身，今次係爽口鮮甜，值得一提的仲有三文魚子，平時得個鹹字，呢度係甜的！小食方面，有來自北海道的白粟米，可能因為生食，有少少渣在所難免，但佢清甜的味道可以媲美糖水，反而唔多粟米味，第一次試又幾特別。呢道菜就咁望一定覺得係枝豆，但其實佢係枝豆的親戚，叫茶豆，真係有茶味架！銀杏，即係白果，成粒鹽焗真係第一次見，試下無妨，味道同平時食糖水的一樣，只係由甜變鹹。主菜來了，一大片刺身更加品嘗到食材的鮮味，食魚生一向由淡味到濃味，不過呢間餐廳的食材超乎想像，唔知食咩先好，油甘魚味道偏濃，肉質較腍，顏色較深，品質高所以絕對唔會同鱆紅混亂，吞拿赤身魚肉鮮味強，拖羅蓉魚油味濃烈，各有所長甜蝦大隻到接近赤蝦，有點漿口，真係好新鮮。北海道海膽屬於比較清甜的類別，我最喜歡。最令味蕾覺醒的係味噌蟹膏好似食左成隻蟹咁，鮮味濃到係口腔入面唔散，回味無窮第一次食雞泡魚乾，原來係勁好味，肉質有咬口，又燒到有少少鬆化，但魚味一樣香濃，送啤酒簡直一絕！燒鯖魚最正的係啖啖肉，皮脆肉嫩，仲要好多肉汁仍然保存係魚肉入面，真係勁讚師傅高水準的廚藝，最後呢道亦係巧手菜，豆腐燒到恰到好處外面香脆，內裡保留住豆腐的軟滑香醇，面上的京蔥、薑蓉同木魚配合得天衣無縫，令原本清淡的豆腐味增添了幾個層次感。今次好多食材係第一次試其實仲有好多野想食，下次一定要再來，發掘一下其他味道的極致…查看更多