小皮皮一族的个人专页

三文治正，但價錢偏貴，間中豪一次就算味道係正，黑松露炒蛋，黑松露份量係足夠，d蛋唔會煮過火，再夾埋麥包，不過三十幾蚊一份如果再厚d我個心會舒服d奶茶確實好飲我無叫小甜/小奶，想試下正常既味道，試完真係有d甜，奶味同茶膽係夠，比普通茶記係好，值得一飲，但建議都係小甜整體以味道係可以，價錢就偏貴即場叫好似有套餐，我係openrice搵唔到套餐，加上趕時間，所以諗住拿拿聲禁左先我無睇錯有個套餐，即是三文治加野飲係四十幾…查看更多

有日經過太子一帶，見到有間時代冰室，係新開既，門口見到有個二拉架寫住烤魚１２８元。見到張圖都吸引，有Ｄ興趣。今日決定唔煮飯，專程黎試試。我地２個人，淨係食一個烤魚當然唔夠，於是另外就叫左一個一人餐，食口水雞既。佢仲有好多款餸，我揀口水雞貪佢有肉應該夠飽。先講口水雞，已經有失望感覺，因為Ｄ肉非常＂諧＂口，我講緊係雞脾位都好＂諧＂。原本以為佢俾雞脾位我，我好著數，點知好唔掂。辣就夠辣，肉既份量都多，但雞真係唔好食，直頭唔合格。至於烤魚，原本一黎到都興奮，因為睇配料同埋睇條魚都好似好掂。一食落，先知出事。因為條魚，有一半都係粉。我估係條魚係細條，所以餐廳沾多Ｄ粉，就可以顯得條魚大Ｄ。其實條魚細唔緊要，你唔洗落咁多粉，扮到條魚咁大條，變左我依家係食粉多過食魚。如果１２８蚊食呢個烤魚，絕對唔好食兼唔抵。係唔合格兩樣都唔合格，真係好失望。…查看更多

今日行完山，黎到呢間半島茶餐廳，嘆個下午茶。見到下午茶紙，有支裝可樂同枝裝維他奶，真係懷念細個讀書係小食店買野飲，都係一支支野飲。不過到落單個陣，原來可樂已經變晒一罐罐，侍應姐姐話已經改左好耐，但無轉餐牌。最後我地兩人叫左個鮮茄焗豬扒飯，頭抽乾炒牛肉意粉，飲可樂同熱檸水。頭抽乾炒牛肉意粉，就無咩太大驚奇同特別，牛肉都合格，唔諧口。味道未算好咸，都合格。而鮮茄焗豬扒飯，Ｄ番茄味相當濃，好味。豬扒就都大塊，但有小小肥膏。飯就有炒底，有心思。最上面有芝士，整體焗既時間剛剛好。以下午茶既質素，都係高於合格水準，讚。…查看更多

經過港島一間日式既餐廳，見到Ｄ食物賣相不俗，引起我肚餓，於是買左少少野食返屋企嘆。要左個照燒牛肉卷，同埋４帶子被困火焰山照燒牛肉卷，好似個名咁，和牛係入面，出面有紫菜卷，食落都係可以，可能我鍾意就咁食牛肉，多過用卷上，所以唔太有新鮮感。至於４帶子被困火焰山，名就夠得意，見到實物後，有芝士，蟹子，帶子，再加醬同飯，好似食飯盒咁，但其實都係卷卷既。當然啦，呢間係專賣卷飯，點會唔係卷飯ＸＤ火焰山呢個係驚喜。埋單合共８７元…查看更多

又在深水埗覓食，係一條條大街小巷街邊檔中，有一間叫囍八方既麵店。基本上你係深水埗行街，或者上網搵資料都未必留意呢間，因為佢係基隆街舖位，俾街邊檔重重擋住。呢一間係食粉麵，有河粉米線，上海粗面，生面，上海幼面，淮山面同米粉，基本上大路既麵種都齊。當日我係下午茶時段，係有個套餐，主要都係廿幾三十蚊左右，算係深水埗平價之選。我叫左雲吞麵，２８元。有３粒雲吞，以為會有４粒。食落麵同雲吞都係正常水準，有蝦味，皮薄。麵既簡水味適中，唔會過硬。２８蚊，算係咁啦。…查看更多

想食鵝，淨係第一個諗到想一定係去深井食。上ｏｐｅｎｒｉｃｅ搵一搵，發覺除左深井，深水埗都有間食鵝既地方。於是就去會一會。叫左個鵝片飯，鵝片係貴過鵝飯，但係啖啖肉，岩晒我既風格。計落都有９—１０片肉，都算唔錯。仲有芽菜豆腐作配菜。肉質唔算嫩身，但都唔諧口。成舊都係肉，無咩肥膏。唔知叫鵝飯會唔會好多肥膏。而且都有成七八塊，都算唔錯。我叫左姐姐俾多飯我，姐姐幫我叫廚房多飯，結果出黎真係多左好多，食到我好飽另外仲有碗湯送，湯都係日常煲既老火湯，無咩特別。以7０蚊食個鵝飯，都算係咁。平時去燒味店堂食個飯，可能都差不多。我地呢D住市區既，無理由下下食鵝就出深井，深水埗有間食鵝ＯＫ，咁就可以一解食鵝之愁ＸＤ…查看更多

今日下午工作太忙，午餐無時間食，直到兩點收工。所以搵間餐廳食個ＴＥＡ。突然今日想飲杯奶茶，所以周圍望緊茶記，突然醒起半年前係呢間新發食過一次下午茶，猶記得炸脾係好味，今日一於去返呢間重溫故味。一入到餐廳，剛好２點，可以叫下午茶，我即刻叫左個炸脾薯條，熱奶茶。等了約５分鍾，熱奶茶到手，顏色上都合格，而飲落有淡奶同茶膽撞出黎既口味，茶既苦中帶出奶既甜，係做到出黎，不錯。又再等十分鍾，記得呢間一向都係即製炸脾，所以要等耐Ｄ，我都預左。十分鍾後無耐就到了，香味濃濃咁傳入我個鼻。薯條香脆，無一條係林既，非常好。至於重點既炸脾，無令我失望，依然都係唔會炸得太耐，肉質好嫩，食到我好想叫多一隻。食到一半，我諗起上次原來係叫左燴雞脾飯，下次會試返ＸＤ…查看更多

今日黎左長沙灣，打算食個早餐，兩個人。叫左一份經典香港普通都會常見既沙嗲牛肉通粉，配煎蛋，多士。另外因為呢間餐廳朝早都可以叫飯類，見都差多十一點，叫左叉燒蛋飯，當係早午餐一齊食。沙嗲牛整得幾好，唔會牛還牛，純粹將Ｄ醬擺係牛肉上面就算。而係容成一體。通粉煮既時間剛剛好，唔會太軟或硬。叉燒係瘦既，岩晒唔鍾意食肥叉既人。而且係用靚既叉燒。而Ｄ肥炒得幾好，唔會炒到過晒火喉咁乾。雖然兩樣野食都係普通家常茶餐廳食既野，但唔係間間都做到咁好，或者講，做到合格既都唔多餐廳做到。至少呢間係做到。…查看更多

今日係九展呢度參加完活動，肚餓搵Ｄ野食醫肚。大家都明九展係幾咁隔涉，附近都唔多選擇，於是係九展地庫一樓，搵左間日本野食。個門面同裝修幾好似好高級既日本餐廳咁，於是入去試試我地叫左個海寶丼上同滑蛋豬扒飯。海寶呢個飯應該係佢地既招牌飯，我見好多人都叫。見到左邊個一支類似保溫瓶，以為係熱茶，原來係魚湯。個侍應話食到最尾有需要可以倒落Ｄ飯個度撈埋一齊食，都幾得意。講返個飯，餸就夠多，有好多蟹子，蟹肉等等，食落我唔敢講難食，但一定唔會好味，飯質偏硬，都勉強合格既。　左邊個Ｄ類似啫喱既我都唔知咩黎。最後試左將魚湯撈埋落Ｄ飯，係有另一番風味，不過湯有Ｄ咸。而滑蛋豬扒飯，簡直係失敗之作。原本我地唔想兩份都食魚生飯，所以叫左一個另類既飯，可以試一試廚師既不同手藝，一食呢個滑蛋豬扒飯，唉。真係太太太咸了。無論豬扒，定係蛋，還是飯，都充滿住咸，唔知係咪落鹽當係糖。好彩份量唔算多，最尾都係食完，呢個一定不合格。最後，由於呢餐價錢不菲，埋單要＄２９７，所以呢一間絕對唔值得幫襯。…查看更多

夜晚係港島做完野，有少少餓，但又唔想食飯，原本想食個快餐，但感覺又唔健康。行多一陣，經過見到有間類似魚蛋粉既麵舖，食碗粉麵都好，又唔太過飽肚，於是就入去食碗麵先回家。叫左碗牛腩麵，其實一黎到，見Ｄ牛腩斬有大半係肥膏，有Ｄ失望。整體黎講都係得４件牛腩左右。至於麵質都合格，係有小小硬。而湯底都正正常常，唔係話特別好味，但食完返到屋企好口渴。整體黎講，可以話合格，當填飽肚，頂一頂個胃，都可以既，三十幾蚊。但好味就一定稱唔上。…查看更多

係上環一帶做完野，收工肚餓又累，都唔想煮飯，諗住買個外賣，再返屋企慢慢嘆。經過見到一間日式店，細細間，係專賣外賣既，望多兩眼，有賣飯有賣壽司，價錢都唔算太貴。決定係呢間買野食，諗左好耐食飯定食壽司好，最後決定食飯，感覺會飽肚Ｄ。叫左個野菜燒雞扒飯，３９蚊。拎到返屋企，我搭地鐵，都超過３０分鍾，但都仲熱，係辣口個隻熱，唔錯。食落雞扒唔諧口，燒汁唔會過量而整到個飯太咸，確實不錯，米係用珍珠米，入口唔會太硬或林。整體黎講，個飯係高水準。以３９蚊食到呢個飯，係抵既～以後黎港島，唔洗驚食貴野。…查看更多

講到食米線，香港人第一諗法，一定係諗到譚仔。我仲記得十幾年前，第一次食譚仔，覺得水準高，無論質素同份量都係無懈可擊。都一段時間無食譚仔，最記得以前一定會叫個過橋一個人食，慢慢食，食到飽飽。因為可以咩餸都有，唔洗諗食咩餸。不過幾年前食過一次過橋之後，發覺數量少左好多，就覺得唔抵食，就一直都無食過橋。今次我叫左雞肉牛肉米線，清湯。外賣。米線自動另上，都算抵讚。其實Ｄ米線份量都可以合格，不過作為男人食既份量就可以差少少。雞肉同牛肉，就好似好少咁，味道雖然仲ｋｅｅｐ到，但份量真係少左Ｄ，每樣肉得２—３件。食完呢個外賣，感覺好似無咩落肚咁。極其量係合格而已。…查看更多

之前係長沙灣經過，見到呢間意大利ＣＡＦＥ。我覺得呢間餐廳最有趣既係地理位置。因為呢間餐廳旁邊，就係大家都識既ＰＩＺＺＡ　ＨＵＴ。我都唔清楚係邊間有先，不過兩間意大利餐廳係埋一齊，都幾有競爭。正常人都會食ＰＩＺＺＡ　ＨＵＴ，因為質素都有保證ＤＤ，不過我就係鍾意試唔同既新野。其實呢個位置，相對上係長沙灣算係偏僻，唔近ＭＴＲ，所以的確假期既午市，呢一間餐廳以至附近餐廳都唔算多人幫襯。所以我地約十二點左右入去，基本上無咩人。不過坐坐下就多返幾枱客，但就一直都無爆場餐廳佈置既牆身全黑，唔會感覺有骯髒，再加上高樓底，有好大既空間感。。裝修黎講都算不錯。我地兩個人，每人叫左一份套餐（每人大概５０蚊左右）豬手意粉，焗飯。我地兩個都要左ｐｉｚｚａ做小食，另外一個紅湯一個白湯。先上湯，無論紅湯同白湯都無咩驚喜，味道無咩特別。白湯就幾粒麵包，但唔脆身，感覺反而扣左分。豬手意粉，豬手好味，但略嫌黑粉既醬太多同太咸。份量都唔係好多，其實豬手整得幾好，但Ｄ醬汁令到呢道菜扣分。焗飯方面，大量煙肉同芝士，不過不失，份量適中，勉強合格其實食完呢兩道菜，有小小失望，雖然價錢唔算貴，但水準差左ＤＤ。不過仲有小食，即係ＰＩＺＺＡ。我地兩個都係要左ＰＩＺＺＡ，佢仲有炸雞揀同其他野揀。ＰＩＺＺＡ，食落又可以，有Ｄ似麵包店既ＰＩＺＺＡ。唔算差，食落又夠熱唔會太難入口，又唔會太硬身。都算係咁。呢一餐共１０４元（兩人）。合格，不過不失咁！…查看更多

今日去左食KFC, 叫左3件雞, 1個薯格, 1個磨菇飯, 1個葡撻其實我都好耐無食話KFC, 一黎西九龍呢間, 發覺都裝修過下。首先出面門口加左兩部自助機，可以疏通排隊人流，以前買野排十世都未排完。如果依家買野可以多個選擇係自其次，分開左排隊買野食同等拎野食兩邊，以前排完隊仲要等拎埋野食先走，所以做完一個客要好耐，搞到見到人龍都唔想再排。依家排完隊買完野食，就行去另一邊等拎食物，感覺無咁多人同壓迫感無咁大，係值得一讚既改變。講返Ｄ野食先，我係外賣拎走，由ＫＦＣ拎返屋企，大約十五分鍾左右。但拎到返到屋企Ｄ野食都係熱既。雞係仲脆身，不過薯格就有Ｄ林身。今次ＳＴＡＦＦ俾左兩件雞槌，一件雞胸，太好，唔洗食同一款既野ＸＤ至於飯同葡撻就無咩特別，正常水平也。…查看更多

講到食貴既cake,係香港Lady M 絕對係入榜之一。Lady M既魅力同威力好多人都願意黎排長龍食件餅。今日剛好有同事派散水餅，竟然揀呢間作為派餅，真係富貴ＸＤ我地當然唔客氣啦，人生都未食過呢間餅。咁我就拎左件原味千層黎食，賣相都唔錯，可能因為咁多人鍾意？食落的確有千層既效果，口感好豐富，好有咬口同質感，係好味既，甜度又唔算超甜。不過聽講價錢係一件四五十元，如果要俾錢食，我就有Ｄ唔捨得啦，哈。我另外仲食個綠茶,伯爵茶同玫瑰, 呢幾種口味一啖。綠茶都可以，但伯爵茶同玫瑰恕我唔識欣賞，我唔太鍾意，兩隻味食落好怪，好生硬既感覺。…查看更多