半島冰廳

营业中

休息中

今日行完山，黎到呢間半島茶餐廳，嘆個下午茶。見到下午茶紙，有支裝可樂同枝裝維他奶，真係懷念細個讀書係小食店買野飲，都係一支支野飲。不過到落單個陣，原來可樂已經變晒一罐罐，侍應姐姐話已經改左好耐，但無轉餐牌。最後我地兩人叫左個鮮茄焗豬扒飯，頭抽乾炒牛肉意粉，飲可樂同熱檸水。頭抽乾炒牛肉意粉，就無咩太大驚奇同特別，牛肉都合格，唔諧口。味道未算好咸，都合格。而鮮茄焗豬扒飯，Ｄ番茄味相當濃，好味。豬扒就都大塊，但有小小肥膏。飯就有炒底，有心思。最上面有芝士，整體焗既時間剛剛好。以下午茶既質素，都係高於合格水準，讚。