崖上的Body的个人专页

上網睇話蘇記個豬扒麵好食一於嚟試試。平時好怕食呢種茶檔貴夾唔抵，今次專程喺深水埗行過去試試！先講位置其實有少少夾涉，但係唔係話遠，都OK!嚟到茶檔，枱櫈位置喺馬路邊，衛生程度唔會好理想，自己要注意！叫咗食物都好快就到，叫咗豬扒豬膶麵，熱奶茶！豬扒豬膶麵::豬扒大件嫩口，唔會煮到過熟變柴皮！豬膶爽口帶粉，唔會淨係成口粉。奶茶:香滑好味，唔會過多奶或太重茶味，感覺係有經驗沖嘅！總結一吓，食物味道算係好不錯，不過環境同衛生就偏向差少少，不過茶檔係咁所以都冇特別介意！…查看更多

呢間咖啡店試業時已經嚟過！感覺有型值得一去！環境有設計，鋅鐵造嘅招牌一睇就知有本土FEEL！喺我印象中佢哋係最早期用萬壽無疆杯嘅設計去做咖啡杯，所以感覺新穎。室內座位就比較迫，未必可以坐得好舒適！不過有唔少文青型人嚟飲返杯，整個氣氛都好正好CHILL！叫咗杯Latte:味道正常唔錯，不過咖啡味就唔係太出。惑覺都係基本機沖咖啡咁，有待改善總結就係惑受環境 sunday chill好去處，人多座位較迫，未必係可以俾係坐足一日嘅coffee shop所以半路咖啡  都係半路休息一陣比較合適!…查看更多

環境中式設計幾靚幾特別，不過坐位都幾迫吓！牆上掛咗啲中式戲服，幾有FEEL，加上係食少少日式食物，FUSION感覺夠特別！注意音樂聲都幾大，傾緊有啲難，食物偏貴，感覺食環境多！海膽杯:比較細個 唔係特別鮮味，勝在飯有調過味。薯條：有啲燒汁芝麻做個漿料鋪上炸薯面味道新穎，香口濃郁，初初食好味，但食多兩條好滯！沙律：用瓦煲上，影相一流，味道就常冇咩驚喜鰻魚飯：可以唔食，飯好實，鰻魚大片但味道一舨，漿汁得個濃味，好膩口食到滯。有外觀冇內涵，如果唔係特別中意鰻魚更加唔好試總結就係幾特別餐廳，食物質素正常，同朋友FEEL吓新環境就唔錯！不過坐得唔算舒適同好嘈就係要注意！…查看更多

今次朋友帶我去到中環呢間李好味，門面好靚，設計復古x摩登，好特別環境舒服有打卡feel！坐低之後睇睇餐牌，啲名好笑，一睇啲食物都係簡單 牛河呀  滷味  ，但係價錢睇落去都幾貴！落完order之後驚喜就嚟喇！牛魔王過河(炒牛河)：一個牛河收到200蚊UP  我開頭都驚伏不過食落真係交到貨，餐牌寫佢係用A4和牛，切到好薄  好軟熟  食落口有牛肉香油脂香，正！味道唔會太咸剛剛好，推介！金蝦脫殻(黃金蝦)：蝦都算鮮 個蛋黃炸粉唔會太多太厚最有趣地方係佢個表面有啲粉，原來係松露嚟，食落去好香，口感一啖食晒蝦同松露感覺好特別。幾重口感，幾重香味喺口！過癮。…查看更多

林記小食 真係由細食到大近10年好多時宵夜都係佢，睇住佢慢慢變差。加價唔緊要，食物質素都愈嚟愈差，食物嘅原材料一定係換咗其他選擇。通常去親都係食腸粉燒賣加腸仔腸粉：蒸到太冧 有時仲好爛  醬料正常  個甜漿帶酸唔太好燒賣：以前食燒賣大粒彈牙，而家佢嘅燒賣好細粒  食落好似麵粉咁，痴住個口一PAT咁  好失望但係辣汁係自調 好味的。腸仔：普通腸一條  裹腹用順帶一提呢間小店一直態度都好差咖喇，無論早更晚更，啲阿姐好似想鬧你咁。但係食物以前係OK所以冇所謂，但係而家No way 喇 …查看更多

同家人去食個午餐！事前已經預約，因為有長者同行！並交代坐位要方便老人家出入！準時去到即刻安排入座，由reception 姐姐去到經理帶枱 ，侍應上茶都真係有禮貌！特別係經理建議長者坐邊個位置方便！室內環境摩登！仲可以揀室外有陽光好chill，今次坐室內。午餐有set，有散叫，有點心。因為set 同埋主餐廳都幾貴，加上今次家人想食點心，就主打食點心！平均$50-60一客點心，樣樣睇名都有啲特色！叫咗大約6個點心，一碟炒飯！推介:黑金蝦餃  食落清新，好香鮮蝦味，另外一提中間有粒黑蒜好香好好味！金網鵝肝蝦卷炸得好鬆化又唔油膩，鵝肝味唔肥又夠香，食落脆口好味欖菜瑤柱菜粒炒飯呢個炒飯有個汁底，比較濕，味道唔錯，但太濕口味道一般！同埋佢價錢貴得嚟份量比較少，超過3百蚊！如果呢個價錢食多5碟點心更抵！…查看更多

星期六日西貢一定全街都係人，今次晏少少5點鐘左右出去食飯見到Little Cove 由細鋪搬大鋪呢個鋪唔錯又夠大，外面仲有室外位  食正陽光飲咖啡的確Chill現場都好多本地同外國人食緊！幾有歐洲coffee shop風味!因為都係簡單食少少。叫咗兩杯咖啡同埋一個main！手撕豬Egg Benedict豬肉絲唔會夠嫩唔會「鞋拾拾」，應該有煎過，所以有油香。隻蛋生熟剛好會流汁，Good!包底唔係用一般benedict嘅鬆餅，而係用麥包，夠香又煙韌，味道同豬肉好夾!餐廳員工睇落都好年輕好似大學生咁，加上有外國人有ABC，加埋環境同美食，感覺堅chill!…查看更多

香港食東南亞菜有好多選擇，但係好多餐廳都係用濃味就等於東南亞風味……好Sad今日試咗間馬拉娘惹菜，堅正！鋪面整潔好簡單，座位唔算超多20個左右吧！叫咗兩個食物，飲品：肉骨茶 配飯；娘惹喇沙鮮蝦深海魚蛋麵；薏米飲品娘惹喇沙鮮蝦深海魚蛋麵：有驚喜！喇沙湯底香而不辣，仲有好濃郁蝦味，非常開胃。麵底係油麵同埋米粉兩種撈埋非常有口感，唔係求其淥隻麵俾你！蝦夠新鮮肉夠爽，魚蛋好彈牙有魚香味，唔似一般普通魚蛋！肉骨茶 配飯個湯飲落去好香，夠濃仲有少少好似藥材味，感覺足料！香飯配菜都俾得多唔孤寒！湯入面嘅排骨好冧同夠入味，應該都煲咗好足夠時間！不過有少少藥味就未必個個都喜歡！薏米水真心正，後生仔通常都唔中意阿媽整薏米水，味道怪仲有一粒粒米。呢杯真係有心機，薏米煮到變咗溶咁，飲落去夠香唔會怪味！臨走前同收銀位，應該是老闆娘傾咗兩句。原來餐廳係兩公婆開，廚房老公係馬來西亞娘惹人，老婆係香港人。所以食物真係做到真正娘惹風味！真心覺得可以一試！…查看更多

喺碼頭一出向右行15分鐘就會嚟到呢間咁有feel嘅小食店！先講裝潢，認真一流，主打用木去做鋪面設計，再用汽水箱去做枱整企位。加埋有「漁」字嘅小吊燈，幾有風味！食物方面選擇唔多！今次揀咗炸蠔、尤魚鬚同個魚湯！魚湯好夠熱好香魚鮮味，唔會腥！尤魚鬚同炸蠔即叫即炸，蠔生鮮唔會太細隻，炸得好香，有鮮味唔會腥！仲有酸瓜伴碟有啲外國風味！地方舒服但係位唔多，只係得企位，但勝在風味夠！如果中意體驗吓特別嘅小食風格，同好味美食，漁樂真係唔錯選擇！…查看更多

西貢宵夜好選擇！好多人都嚟一班人食雞煲，但其實啲牛腩都好精彩！相入面見到個飯係黃色，其實係油飯，太早又未必有，太晏又未必有！記得問老闆老闆娘先知有冇得轉油飯咖，平時係白飯！牛腩半肥瘦，食落好軟，唔會柴皮咁。老闆教落少少辣椒油就更加perfect！牛腩碗入面都充滿腩汁，濃郁夠香！另外口水雞飯都係唔錯！口水雞個雞應該係有醃過，有花刁酒同咸香味！唔係就咁蒸熟一隻雞就上口水汁！口水汁夠麻唔係超辣，香口好味，值得一試…查看更多