娘惹嫁到 (已結業)

香港食東南亞菜有好多選擇，但係好多餐廳都係用濃味就等於東南亞風味……好Sad今日試咗間馬拉娘惹菜，堅正！

鋪面整潔好簡單，座位唔算超多20個左右吧！

叫咗兩個食物，飲品：肉骨茶 配飯；娘惹喇沙鮮蝦深海魚蛋麵；薏米飲品

娘惹喇沙鮮蝦深海魚蛋麵：有驚喜！
喇沙湯底香而不辣，仲有好濃郁蝦味，非常開胃。
麵底係油麵同埋米粉兩種撈埋非常有口感，唔係求其淥隻麵俾你！
蝦夠新鮮肉夠爽，魚蛋好彈牙有魚香味，唔似一般普通魚蛋！

娘惹喇沙鮮蝦深海魚蛋麵

肉骨茶 配飯
個湯飲落去好香，夠濃仲有少少好似藥材味，感覺足料！
香飯配菜都俾得多唔孤寒！湯入面嘅排骨好冧同夠入味，應該都煲咗好足夠時間！
不過有少少藥味就未必個個都喜歡！

肉骨茶

薏米水真心正，後生仔通常都唔中意阿媽整薏米水，味道怪仲有一粒粒米。
呢杯真係有心機，薏米煮到變咗溶咁，飲落去夠香唔會怪味！

薏米水

臨走前同收銀位，應該是老闆娘傾咗兩句。
原來餐廳係兩公婆開，廚房老公係馬來西亞娘惹人，老婆係香港人。所以食物真係做到真正娘惹風味！
真心覺得可以一試！