hungrymormor的个人专页

今次同朋友嚟食Lunch，第一次試呢間餐廳。入到去環境闊落舒服，座位寬敞，見到有好多大枱，都幾岩一大班人嚟食飯。平日午餐有Set Lunch，性價比都幾高，食物質素亦唔錯。每枱都有一份麵包，另外每個set都有一碗蕃茄餐湯，個蕃茄飲得出係自己煲，帶微酸幾開胃。主菜叫左一個Polpettoni Pasta，肉丸係牛肉做，牛味好濃，好好食。醬汁都係濃郁嘅蕃茄味，酸酸甜甜，好開胃。另外朋友就叫左Margherita DOP Pizza，批邊口感煙韌，有啲嚼口，整體唔錯。我同朋友都加錢叫左甜品，分別係Panna cotta同Mini tiramisu。Panna cotta入面好多雲尼拿籽，偏甜，配埋帶酸味嘅紅莓醬都幾好食。Tiramisu仲好食，唔甜之餘仲食到有酒味，唔錯。…查看更多

今次黎到寶琳既台灣食堂拾玥，見到好多食客都叫左台式單人火鍋，賣相幾吸引，決定試一試佢1️⃣台灣古早牛肉火鍋鍋底清甜，牛肋條嫩滑，搭配新竹米粉，米粉吸收咗湯汁，口感一流。火鍋入面有好多配料，例如台灣凍豆腐、澎湖特A級花枝丸，仲有鱈魚湯包，食到最後真係好夠飽！特別係浸咗湯嘅芋頭貢丸同滷水鵪鶉蛋，真係幾好味！2️⃣台灣紅燒手工牛肉麵跟住試咗台灣紅燒手工牛肉麵，牛肉煮得好軟腍又保留咗肉汁，湯底濃郁，唔會膩，麵條又有嚼勁，加上酸菜，平衡左牛肉嘅油膩感，而且價錢唔貴，性價比高。3️⃣台式鹽酥雞最後加左個台式鹽酥雞，份量唔算多，但新鮮炸出黎，外脆內嫩，炸粉亦唔會太厚，不錯總括來講，拾玥嘅環境坐位舒服，食物質素高，價錢合理，適合朋友及家庭聚會。…查看更多

店小二在北角渣華道街市熟食中心時期已經享負盛名，今次第一次到訪搬到七姊妹道的新店，店舖衛生環境好咗好多，而且能夠保持大排檔食物的鑊氣同風味。今次叫既都係店主推介嘅招牌菜：1. 避風塘茄子：菜式以炸蒜炒香茄子塊，茄子以一層薄嘅炸粉包住，外脆內軟，好香口2. 糟鹵蒸咸鮮馬友：第一次食用酒糟烹調嘅蒸魚，每啖魚肉都有淡淡的酒香，除此之外，仲加咗陳皮，令到魚肉有唔同層次嘅香味3. 荷葉清酒蒸青口：同樣係第一次食用荷葉蒸嘅青口，青口非常新鮮，配上泰式風味嘅醬汁，非常開胃4. 啫啫黃鱔煲：非常具有大排檔風味嘅一道菜式，而且廚師加入咗好多九層塔香葉，令到每塊鱔球都有九層塔獨特嘅香味，令到佢比其他餐廳嘅鱔煲更加具有特色5. 萬字醬油雞：由於係即叫即浸，所以係最後一道上嘅菜式，店小二嘅醬油雞用左三種醬油，日本萬字醬油，台灣醬油膏，李錦記甜豉油調製而成，配搭非常鮮味，鹹甜適中，而且醬油雞嘅熟度啱啱好，連雞胸肉都非常嫩滑店內嘅環境非常熱鬧，食物水準高，而且背景音樂亦帶動到氣氛，非常適合大班朋友聚會…查看更多

自從睇完Netflix接黑白大廚之後，就對韓國料理產生左興趣，今日就試咗一間睇OpenRice都好多正評，位於旺角嘅韓國餐廳，鳳雛燉雞。這間韓國料理有別於一般主打炸雞，佢嘅招牌菜就係佢嘅餐廳名稱鳳雛燉雞。入座後店員就奉上韓式配菜，有泡菜，醃青瓜，同埋醃芽菜，三款前菜都醃得相當入味。專程來到當然要試一試佢嘅招牌菜，鳳雛燉雞。佢嘅份量大約係二人份量，入面有好多雞件，而且仲去埋骨，食起上嚟十分方便，另外亦都有好多配菜，例如係青瓜，薯仔，大蔥，紅薯粉。燉雞有三種辣到，分別係唔辣，小辣同埋大辣，我哋今次試嘅係唔辣，味道恰到好處。另外亦叫咗一份海鮮煎餅，大約分到六至八塊，海鮮煎餅嘅外皮煎到脆卜卜，亦有蛋香，餡料就包括有𧐢仔同魷魚等等，未到就同潮式煎𧐢餅十分相似。我哋今次兩個人去食，叫咗兩樣菜式已經相當飽，下次同朋友一齊嚟食，就可以試多幾樣餸。…查看更多

屋企人鍾意食中餐，但係又唔想去酒樓咁隆重，又要俾加一茶芥等雜費。於是就揀咗呢間旺角出名嘅點心專門店。今次係星期六下午到店， 12點左右店內已經有一條人龍，當中有不少人相信是內地遊客，估計餐廳喺內地網上平台有一定知名度，所以有不少內地遊客慕名而來。嚟到點心專門店都想試下一啲店舖特色嘅點心，今次就試咗竹炭山楂鴨包，Emoji造型芋泥包，同埋脆皮茂蘿腸粉。竹炭山楂鴨包嘅味道同坊間既雪山叉燒菠蘿包嘅味道相當接近，但係餡料就變咗鴨肉，而山楂汁嘅味酸味翼同叉燒汁嘅酸甜味十分相似，而芋泥包味道都OK，同出面嘅都差唔多，不過造型就比較可愛， 十分適合打卡，至於腸粉入面嘅配料係脆脆同埋蘿蔔絲，可以話係炸兩版嘅蘿蔔絲酥餅，配搭都算新鮮同埋有創意，而且食落又唔會好奇怪…查看更多

作為區內少數嘅港式茶餐廳/冰室類別嘅餐廳，雖然佢嘅定價比起其他茶餐廳唔平，但由於已經平過商場內其他餐廳，所以都十分受居民同商場客歡迎。到店嘅時候座無虛席，亦需要先攞飛等候入席。但光顧嘅過程就讓我感受到餐廳嘅運作係非常混亂，我叫嘅係一份常餐同埋午餐炒貴刁，首先，喺炒貴刁上菜嘅時候就發現碟炒貴刁上面只有素材配料，冇任何肉類配料，於是就問店員有冇俾漏餸，而相信第一位店員對炒貴刁係毫無認識，佢居然話炒貴刁係咁樣冇任何肉類成份，而過程中就有第二位店員見到，佢就即刻提出需唔需要重新做過一份還是可以配菜另上，由於我哋唔想浪費食物，於是就接受配菜另上，跟住肉類配菜包括火腿，叉燒蝦好快就用碗仔送上，相信係廚房準備嘅時候，忙中有錯落漏咗。另外一份常餐我哋叫嘅係煎反蛋同丹麥酥，但係佢又出錯咗太陽蛋同埋多士，不過喺向店員提出之後佢哋都好快幫我哋更換。店員的態度係OK嘅，但係餐廳嘅流程實在太過混亂…查看更多

今次嚟到慕名嚟到呢間喺尖沙咀嘅人氣蝦湯底拉麵店。由於知道要排隊，所以來之前已經食定少少嘢打底。今次到店嘅時間係星期六下午12點幾，前面都有大約10個人排隊，排隊嘅位置有簷蓬遮住太陽，亦有少量座位供排隊客休息。總共等咗大約半個鐘就可以入座。今次試咗佢嘅招牌濃蝦湯底拉麵，店員喺出餐嘅時候會喺拉麵上面淋上蝦油，過程中已經散發出香濃嘅蝦香味，拉麵嘅蝦係用醬油浸過的基圍蝦，蝦頭嘅蝦膏好食，而蝦肉嘅口感亦爽口新鮮。另外我哋亦都有嗌兩款醬油小食，分別係鮑魚同蜆，都浸得入味，而且口感煙韌，整體嚟講算合格。但店舖面積不大位置不多，所以如果繁忙時間到店你要有心理準備要排隊…查看更多

最近受到Nextflix烹飪比賽節目黑白大廚嘅熱潮影響，都多咗想食韓國菜。而普遍喺香港嘅韓國菜價錢一向都偏貴，不過喺將軍澳既Parkside Food Court就知道有一間價廉物美，而且係由正宗韓國人主理嘅韓國料理。平時喺Parkside Food Court都見到有好多學生哥個同附近工作嘅人士光顧這間餐廳。由於今日有事要係屋企處理，所以就選擇咗外賣平台嘅送餐速遞服務。今次叫嘅有韓式牛肉拌飯，紫菜炸粉絲卷，同埋海鮮豆腐湯。呢三款食物都可以算係韓國料理入邊嘅代表食物，佢嘅牛肉拌飯牛肉嘅調味同口感都唔錯，加埋各種配料同埋韓式辣醬汁撈埋一齊食之後十分惹味，炸紫菜卷亦炸得香口，而海鮮豆腐湯亦都相當足料，用咗經典韓國嘅辣大醬煮成，相當好送飯，一般叫韓國湯飯跟你嘅一碗白飯都唔夠食，下次最好喺屋企煲定白飯…查看更多

難得要入元朗處理一啲事務，當然想試埋元朗區內嘅一啲特色餐廳。知道有一間專門食沙嗲牛肉嘅港式冰室，就決定要挑戰一次。到店嘅時間係星期六下午兩三點，店外已經排有一條人龍，大約有五台客人在排隊等位，而目測食客當中有不少是慕名而來的遊客。由於有太多食客光顧，所以餐廳都係以搭枱作為安排，所以我哋嘅等候時間都唔係太耐，大約20分鐘到就可以入座。嚟到沙嗲牛肉專門店，當然要試吓佢嘅沙嗲牛肉同窿邊煎蛋，另外見到佢嘅炸豬扒亦出名，所以亦都跟咗一份。喺牆壁上面亦見到有期間限定嘅開心果流心西多士，所以作為開心果控嘅我哋亦叫咗一份。呢度嘅沙嗲湯底係偏鹹嘅，由於我唔鍾意甜甜嘅沙嗲，所以亦都符合我嘅口味，炸豬扒亦炸得香口，而西多士上面亦都有好多開心果碎，亦都冇出現最怕嘅人工開心果味。但係佢嘅粉面係冇套餐餐飲，以冰室嚟講價錢就略嫌有啲貴，另外搭枱安排雖然可以令入座速度快啲，但係就唔可以坐得太舒適。…查看更多

今時今日喺旺區食飯好多時都係又貴又唔好食，而且好多都有用餐時間限制，要搵個地方約屋企人食飯聚會真係非常困難。由於今次聚會嘅成員都來自香港嘅五湖四海，所以地點偏向選擇九龍市區，所以就選擇咗喺長沙灣區嘅梅花村小館。呢一間打冷小菜館首先喺北角七姊妹道開業，喺未開長沙灣店嘅時候，細細個已經有支持開位於北角嘅本店，由於今次唔想屋企人過海咁遠，所以就選擇佢嘅長沙灣分店。叫咗嘅包括有店家推介嘅隱藏Menu：杏汁豬肺湯同埋客家釀豆腐，另外仲加咗椒鹽九肚魚，打冷必備嘅滷水鵝片，煎蠔餅同埋蠔仔粥。首先豬肺湯只需要$168 ，而且份量可以分到十碗，非常抵飲，另外豬肺亦都洗得乾淨冇異味，亦都唔係間間餐廳做到。另外果幾樣打冷小菜，味道亦都合格，五個人埋單大約$900，人均消費少於$200 ，價錢都算合理。…查看更多

太興東港城分店裝修咗幾個星期之後重開，就過嚟參觀吓裝修完之後有乜分別。今次係餐廳比較後嘅位置，所以行入座位途中都可以差唔多睇到全間餐廳。總括嚟講係同裝修前冇乜分別，首先係座位嘅分佈完全一樣，另外就係地板仲見到一啲歲月嘅痕跡，係冇更換過既。今次午餐叫返平時食開嘅滷蛋肉燥飯套餐，餐飲揀咗咖啡。佢嘅咖啡忌廉味比出面茶餐廳一般嘅咖啡更加香，肉燥入邊嘅滷肉肥膏亦唔算多，配搭少量嘅酸菜亦都非常好送飯。以今時今日嘅物價， $56嘅價錢食到一個座位舒服，唔使搭枱而且飽肚嘅午餐，算係物有所值。…查看更多

將軍澳站附近既平民餐廳食來食去都係果幾間，之前土司工房係坑口曾經有過分店，而家終於係將軍澳站開返一間，總算為附近居民提供多一個速食選擇。餐廳以自助搵位及購票嘅快餐模式營運，套餐分為主食（飯面類）同輕食（吐司，雞蛋等）。飯面類當中有多款不同配料的喇沙可給選擇，而輕食類就貼近新加坡本土的早餐店所售賣的組合，有咖央多士，配一份溫泉蛋，附送一杯餐飲，可以選擇馬來拉茶，咖啡等南洋特色飲品。今次試嘅係炸雞扒喇沙同埋咖央多士套餐。炸雞扒炸粉唔厚，而且肉質夠滑，而喇沙湯底夠椰香味，亦唔會太辣。至於多士都算合格，溫泉蛋我哋就用咗最正宗嘅新加坡食法，加入豉油，再點多士食用。以幾十蚊嘅價錢都算係滿意嘅一餐…查看更多

康城商場入面食飯嘅選擇一向不多，今次就試吓開業幾個月嘅新派泰國餐廳，見到佢入面裝修新淨，而且座位都算闊落，另外價錢喺將軍澳區內亦唔算特別貴，每樣主菜大約$100-200 左右我哋今次叫咗三樣食物，第一樣係屬於前菜類別嘅八爪魚沙律，八爪魚以燒烤方式煮熟，保留住八爪魚嘅鮮味同時有燒烤嘅香味，佢嘅沙律汁亦都非常開胃。第二樣叫嘅係黃咖喱軟殼蟹，咖喱汁係泰式帶有雞蛋嘅做法，鹹度辣度適中，送飯一流，而軟殼蟹嘅炸粉亦唔會太厚，係值得推薦嘅一道菜。最後嘅一樣食物係甜品，芒果乳酪刨冰，味道亦都拍得上泰國著名甜品店嘅出品。今次我哋一行二人分享三樣嘢食，都算夠飽，下次會再嚟試吓其他食物…查看更多

真正鍾意朱古力嘅人，同時都會識得欣賞可可豆入面微苦嘅甘香味，亦會挑戰高難度嘅黑朱古力，而喺灣仔就開咗一間以可可飲品為主題嘅飲品店，滿足朱古力愛好者挑戰高濃度朱古力嘅願望。今次要試嘅飲品款式係開心果黑朱古力，呢款飲品嘅配方係冇額外加糖，所以唔需要選擇甜度。而佢嘅做法就係用開心果奶配高濃度嘅黑朱古力可可粉，上面亦都加咗開心果碎，由於成份都係天然，所以唔會有嗰種我個人好怕嘅人工開心果味。而由於配方冇額外加糖，所以亦都好適合我呢種唔太喜歡飲品好甜嘅人。…查看更多

工作經過附近想搵個地方輕食下午茶休息一下，見到呢間樂天冰室門面乾淨企理，而且舖位好大亦都多人幫襯，所以就入去試一試佢嘅下午茶餐。佢嘅下午茶餐入面有例如雞髀雞翼，西多士三文治等輕食類別，亦都有炒粉麵飯同燒味飯可選擇，由於午餐都食得比較飽，所以就叫一啲輕食類嘅茶餐。見到佢嘅西多士以咖椰為餡料，同一般茶餐廳嘅花生醬餡料唔同，所以就試一試佢。西多士既蛋漿炸得幾香，炸嘅厚薄度亦脆而且薄，整體都算合格，但係就略嫌咖央醬的椰香味唔夠突出，只食到甜味。…查看更多