拾玥

营业中

休息中

今次黎到寶琳既台灣食堂拾玥，見到好多食客都叫左台式單人火鍋，賣相幾吸引，決定試一試佢1️⃣台灣古早牛肉火鍋鍋底清甜，牛肋條嫩滑，搭配新竹米粉，米粉吸收咗湯汁，口感一流。火鍋入面有好多配料，例如台灣凍豆腐、澎湖特A級花枝丸，仲有鱈魚湯包，食到最後真係好夠飽！特別係浸咗湯嘅芋頭貢丸同滷水鵪鶉蛋，真係幾好味！2️⃣台灣紅燒手工牛肉麵跟住試咗台灣紅燒手工牛肉麵，牛肉煮得好軟腍又保留咗肉汁，湯底濃郁，唔會膩，麵條又有嚼勁，加上酸菜，平衡左牛肉嘅油膩感，而且價錢唔貴，性價比高。3️⃣台式鹽酥雞最後加左個台式鹽酥雞，份量唔算多，但新鮮炸出黎，外脆內嫩，炸粉亦唔會太厚，不錯總括來講，拾玥嘅環境坐位舒服，食物質素高，價錢合理，適合朋友及家庭聚會。