joeyyancm的个人专页

過年前，找個團年的理由和朋友聚下，一直未得閒打返篇嘢⋯⋯呢個地方雖然唔係一個好就腳的地方，但環境同食物的質素，是令我覺得環打返篇食評的。首先，佢個樓底好高，而且座位之間有很大的距離，令你坐在裡面好有空間感，坐低就是用app去點餐，都幾方便！因為朋友要飲熱水，佢地都好熱心咁幫忙refill，真係幾細心！食物質素好好，刺身新鮮，天婦羅又好好味！個炒隻有驚喜，真材實料，由於一上桌時好香，唔記得影相就咁食咗，哈！呢個地方係值得再去的！…查看更多

好耐無寫食評，年尾的日子就當然是找人聚下的時候，收工之後去了極多人的朗豪坊，food court勁多人排隊，好彩有朋友幫忙準備，去了旁邊的「十十」，去到時門口都有人等緊，但好貼心的有椅可以坐，不過，有訂桌就當然可以直入。接近年三十，當然來了一個扮團年的餐，食餐的好處係平少少又唔駛諗，第一個上的麻椒雞，有少少驚喜的，平時都係口水雞為主，但呢個就有些不一樣，至少無咁油，同埋雞都算係滑的！小籠包拼盤，嚟到一打開，四隻不同色，同朋友估估下去試，個酸菜魚味小籠包是得意的，一試無妨，唔駛成日都係傳統feel。至於個水煮海鮮，表現就一般般啦，但整體海鮮係新鮮的，但可能食得辣的人，嚟到要叫大辣，點了個中辣就略嫌唔夠辣，哈！個炒花菜反而有驚喜，平時唔太會食，貪佢個名叫嚟應下節，反而炒得夠鑊氣，有驚喜的！最後，仲有甜品，呢個反而係意外驚喜，上到嚟熱辣辣的，仲出緊煙，奶黃香味勁大，仲有少少細菠蘿粒，呢個配搭第一次試，但幾正！整體環境都舒服，雖然在food court旁，但都唔覺得嘈，不錯！…查看更多

今日的小颱風天，遇上要去銅鑼灣做些事，本來打算帶媽媽去扮外國人坐在餐廳外食午餐，結果一盤水咁落雨之下，都是第一時間入店內找個合適位置啦！這家店有高桌、方形桌和圓形桌供選擇，由於午餐時間都尚早，侍應安排了中間的圓桌，兩個人坐都幾好，舒舒服服的可看看四周，仲可以望出窗外睇嘢！睇餐牌就好多款漢包可以選擇，但佢的分類都好清晰，有寫明是牛、海鮮等等！嚟到當然要食牛啦！今日又特別想食大啡菇，於是來了個大啡菇牛肉漢堡！來到時個包高度同罐可樂差不多，真心好難用手拿來食，於是要好有儀態地用刀叉切開食！個包的肉汁好多，牛味又白濃，切落去都有牛肉汁咇出嚟，好正！媽媽不吃牛，所以叫了個魚柳包，呢個魚柳超新鮮又好味，配個佢的醬食，令個包的層次都提昇咗！兩個包的情況下，一個跟叫午餐，即加30元可配著條加一款飲品，桃茶真的調得幾好飲，媽媽都好滿意！而唔想食咗多薯條之下，另一個包唔跟餐，相反叫了一個炸魚手指，這個同樣出色，唔係一般超市急凍鋪的魚手指，食落好好味！…查看更多

上次嚟嗯橦大廈找食，無意中見到串Grill，好耐之前在量角後街的總店食過一次，人山人海在門口排隊，食物不錯的，但店內就有些迫。今次見佢開分店，當然要訂個位試下啦！一份到去，職員超級友善，而且好有禮貌，帶我去了窗邊卡位，個座位闊落到我可以瞓直個人，而且只是兩排的卡位，中間通道又闊落，同總店真的好大分別！這裡的照觀都唔錯，邊燒烤邊望落去街頭，真心唔錯！職員埋位又好細心再介紹一次那些粉和醬料的用途，抵讚！食到還有40分鐘，會提你十分鐘後last order，貼心！食物方面，選擇依舊很多，牛肉新鮮又juicy，個爐有個好處，一燒完放在上層等佢涼一涼，就可以更鎖死血汁，正！牛舌切粒，燒完唔會硬！墨魚咀係我的至愛，食落口感好好，實在有些難以形容！豬腸又係好正，一路燒一路迫晒肥油出嚟，食落口好白脆！飲品選擇都好多，總會找到想飲的！總之，一定會有下次，食物好、職員好、環境好、冷氣勁！…查看更多

同朋友在油麻地行嚟行去都唔知食咩好，諗諗下咁熱的天氣，就去食個雞煲應下先（就好似人地冬天食雪糕一樣），在油麻地又唔想行返去旺角，行過商業大廈見到吞pot，於是就上去睇下咩環境！好在今日係閒日，唔訂位都有少少位坐，入去一望就見到黃昏的太陽，咩事⋯⋯真的約有景色睇下！果然無選錯！內籠的裝修簡簡單單，坐位又唔會好迫，仲環侍應話無限時，真的太好了！叫了最推介的辣酒花螺雞煲，小辣都食得幾過癮，重點係佢得螺都幾大隻，好厚肉的螺滲入了雞煲汁，真的是好滋味！牛肉都算新鮮，最驚喜係佢的魚皮和響鈴，是即炸的，嚟到放落湯仲聽到咋咋聲，超過癮！同場加影是⋯⋯朋友大叫：「阿姐大檸樂」，我差d噴出嚟！係，呢度有「大檸樂」得飲品！…查看更多

疫情至今都真的差不多兩年無去過台灣，仲好記得去過台中的春水堂，去過總店之後，連去台北都要去飲。現在去喎到的時候，唯有在香港找下啦！今日貼朋友在旺角行街，無意中在雅蘭見到有春水堂，又熱又累之下，當然九秒九入去坐下，都只係一般珍珠奶茶的價錢，但有卡位又有冷氣俾你慢慢坐，真心超值！見到餐牌雖然有今期推介，但都是要懷緬最傳統的，所以就要珍珠奶茶！杯嘢嚟到真的好似去到台灣咁，珍珠細細粒，又q又好味，真的可算是一解鄉愁！…查看更多

今日去深水埗做嘢，難得要在那附近找食，在朋友帶領下，嚟到嚟個懷舊冰室，門口真的唔會為意，附近都係收購舊電器等的鋪頭，而佢又無好精美的門面，唔知都唔會為意！返工之中食午餐，本來就唔太呵求，最緊要有位，入到去剩最後一張桌，立馬坐低叫嘢食⋯⋯午餐都有兩個餐牌再加蒸飯！同事話上次食排骨蒸飯幾好，於是就跟叫啦！小二哥話要等15分鐘，話是即叫即蒸⋯⋯不得了！當然是要等啦！點知5分鐘後話我知賣晒，就轉蒸鷄！點知嚟到發現⋯⋯蒸雞真心好麻麻，賣相唔得、份量又少！相反，同事的蔥油豬扒煎蛋飯就吸睛好多，下次都係唔好亂咁轉！…查看更多

之前聽朋友講過有呢間日本糕餅店，在灣仔站行利東街出去合和行幾次，都對呢間店舖無咩印象，今日難得朋友話嚟我處下午茶，當然就要買些好食的糕點，再加杯靚咖啡嚟吹下水啦！突然記起有呢間店，今次特意留心去行，但都會唔過咗，再行返轉頭先見到，入到的裝修好簡約，兩個櫃⋯⋯一個放蛋糕，另一個就放批，今期有四款批，可惜栗蓉批無咗，轉了做檸檬批，咁就一於一個蘋果批、檸檬批再加兩件切餅啦！但在過程中又俾我見到栗子布朗尼蛋糕，就要多兩件啦！服務員好細心咁幫手入盒，仲會俾我睇下有無問題，幾好！蘋果批熱返之後，酥皮脆卜卜，入面的蘋果蓉唔太甜，配合個吉士粉，真的好好味，好值得再嚟一次！栗子布朗尼就出乎意料的好味！栗子蓉好香，下面的cream又好滑，重點係佢唔太甜，好適合做下午茶的餅，今次無選錯，太好啦！…查看更多

今日難得去新蒲崗做嘢，午餐就要四圍睇下有咩好食⋯⋯炎炎夏日最緊要係冷氣足，所以就走入商場找食！去到商場發現都有好多嘢食選擇，一落扶手電梯就見到一個著晒粒的牛頭門口，好吸引我呢個牛魔王，於是去試下先！丼飯都好抵，仲有大細分，朋友叫了個雙溫泉蛋燒牛丼，跟餐加飲品和一款嘢，都係$15，都幾抵喎！我就行近佢的雪櫃時，見到雪住的牛肉，就立馬改變主意要試下鐵板牛，食幾多叫幾多，都相當好的概念，唔怕唔夠食式食唔晒，所以叫了300g，仲可以加28跟餐選3款！我叫了配蒜蓉，一拿餐時就勁香蒜蓉味！牛柳好好食，上嚟3成，之後自己要幾熟就煮幾熟，所以我喜歡5成，熱一熱就即食，配埋蒜蓉更香口！佢仲有黑椒和鹽俾你自己磨，所以想點咩食都得，可以話係貼心的！朋友的飯都好靚，牛肉都好有牛味，下次可以試吓先！呢間不錯，值得再去！…查看更多

今日去石硤尾做嘢，離得去到人生路不熟的地方，當然就一架的士直落去最近的深水埗找食啦！本來打算一心去某一餐廳，但路過呢間六本木，企在門口望下見到好多午餐選擇，加上太熱唔想行咁多，所以就決定呢間，都幾人山人海的！到坐低太熱即唔理價錢下叫兩枝汽水，一等一輪後，侍應話有枱客阻住咗個雪櫃，未必咁快拿到俾我們，我第一次聽呢個理由，但都證閒佢地唔會為錢麻煩客人⋯⋯咁佢地知我們熱，立馬送上兩杰冰水，都唔錯！叫了拖羅魚蓉飯，有驚喜⋯⋯有一半魚蓉加三塊吞拿魚，哈哈！朋友食銀雪魚西京燒，佢都話好好味！下次有機會可以再去！…查看更多

昨晚和朋友去食飯，好難無食雞煲，於是找到這一家店，朋友遲到，好在餐廳都留到位俾我，先自行入座，個煲上到嚟不停煮住，係真的好香⋯⋯因為朋友未到，都認唔住食兩件先！一食停唔到口架喎，好在朋友趕到，唔係就俾我食晒，不過，問待應就話係可以俾錢加雞的，但因為有火鍋任食，就當然唔加啦！火鍋配料的選項都好多，而且點食物唔會有拖單或少咗，呢樣好值得讚揚的！整體，食物新鮮出色，飲唔種類好多，最喜歡佢的冷泡茶，由於太專心食，所以影相唔多，下次有機會encore時再影補數！…查看更多

今天剛巧要去西灣河做嘢，難得嚟到這裡，就和朋友相約午餐，佢知我喜歡食日本嘢，於是就找這間店試試⋯⋯去到門口發現竟然要等位，仲有好幾個學生在排，以為學生好有錢才來食日本菜，結果等緊的時侯，發現佢有學生價，真幸凍！而且價錢仲好合理！等一陣就有位內進，朋友極力推介食魚生相關的食品，於是我叫鰂一個壽司餐，睇下咩狀況！食物嚟到時，我都有些驚喜，一間不起眼的小店，食物的質素相當新鮮，以為價錢平，俾的食物都唔一定好靚，結果一分錢兩分貨，超讚！好想下次壽食晚餐，逐樣刺身試吓！…查看更多

昨日，和樂友相約在旺角，很久沒有到旺角食飯，除了因為港島人唔喜歡過海外，就是覺得去食個飯都想安全一些，唔想食完之般返家時要在街頭「食TG」！咁耐無去旺角，都無咩idea去諗食咩，朋友上網找下，發現呢間有折扣，於是就去呢間試下啦！入到去的時侯，第一眼就見到一棵樂高樂大的假樹，配合個燈光，就覺得好似去咗日本街頭，心情都開朗唔少！人不是太多，絕對適合吹水，我們慢慢叫又慢慢食，串燒好好味，出奇地不同串燒的賣相都唔同，好在有折扣，於是都叫多咗，哈哈！不過如果無折扣都覺得幾貴！魚生飯同海膽就好新鮮，炸物都好好食，不錯的一頓晚餐，埋單每人三百，都合理的！…查看更多

新一年返第一日工，當然又是去同同事一起覓食啦！今日沒有去得太遠，就回到沙田河畔去找食，食過幾間之後，每次開車走都會經過呢一間「叉燒大王」，叫得呢個名⋯⋯一於要去試下係咪咁堅先！中午來到都人頭湧湧，好在兩位都有位哥以坐，入面坐滿了人，雖然餐牌試有好多不同的選擇，但好似人人都叫燒味飯，於是，我們都是試下燒味飯先！朋友要了叉燒煎蛋飯，我就來個叉燒四寶飯！個餐上到嚟的時侯，個擺盤都幾靚，唔似一般燒味鋪咁隨意，我個四寶竟然有鵝髀，今年一定有運行！叉燒都燒得好好，唔會太貼，入口又有肉汁，真的幾正，隻咸蛋都好靚，用來撈飯係絕配！餐廳除了有紙巾放在桌面任用外，更不得了的是有wifi俾人用，哈哈，配套都幾貼心！下次哥以試下晚間小菜！…查看更多

聖誕前最後一個上班日，公司並無咩聖誕派對，於是就梗係叫同事一起去找食，聖誕有太多嘢要做，想去個旅行都難，好耐無去台北啦⋯⋯於是，今日就和同事找下台灣食品嚟回味一下！難得同事駕車，之前試過大埔無位，於是唯有都係向沙田入手，又真的好好彩有位，於是就去食九份十分吧！因為較早去到，所以不用排隊，越坐越多人嚟！一入去的裝修都幾特別，未感到台灣風，只感到好似月台咁，可能因為個鐘高掛吧！睇到餐牌有好多嘢，但又見到有午餐，價錢好公道（唔怪得越食越多人），仲可以有小食搭配，太美好了，老屈同事同我share食，可以試多幾樣，哈哈，一次過滿足幾個願望⋯⋯今個平夜日午餐太好了！食物質素好好，牛肉麵一上嚟，那香味撲鼻，即刻試下，真的好有台灣味！我們連湯都飲埋，嘩！那個拼盤飯，竟然有鴨舌，好驚喜⋯⋯其他小食都好味，特別是台灣腸仔，正！最後，點了些加錢的特飲，水果茶好好飲⋯⋯下次要嚟試晚餐先，沒時間而去不了台灣，來這滿足一下都好！…查看更多