吞POT 雞煲火鍋.住家菜 (譽發廣場)

同朋友在油麻地行嚟行去都唔知食咩好，諗諗下咁熱的天氣，就去食個雞煲應下先（就好似人地冬天食雪糕一樣），在油麻地又唔想行返去旺角，行過商業大廈見到吞pot，於是就上去睇下咩環境！
好在今日係閒日，唔訂位都有少少位坐，入去一望就見到黃昏的太陽，咩事⋯⋯真的約有景色睇下！果然無選錯！

內籠的裝修簡簡單單，坐位又唔會好迫，仲環侍應話無限時，真的太好了！

叫了最推介的辣酒花螺雞煲，小辣都食得幾過癮，重點係佢得螺都幾大隻，好厚肉的螺滲入了雞煲汁，真的是好滋味！牛肉都算新鮮，最驚喜係佢的魚皮和響鈴，是即炸的，嚟到放落湯仲聽到咋咋聲，超過癮！

同場加影是⋯⋯朋友大叫：「阿姐大檸樂」，我差d噴出嚟！係，呢度有「大檸樂」得飲品！