Hophop的个人专页

由街邊半個檔位食到搬對面大舖，跟著再搬到而家位置，不經不覺已經有20多年，直到轉左手，水準就好唔穩定。加上多國內客人，變得流水作業，完全唔一樣。2點幾去到食個番薯糖水加湯丸，糖水及湯丸都係暖嘅，羗湯亦冇以前咁濃，可能方便食客可以快D食完番枱。一年前食過一次仲激氣，D番薯全部係碎碎濕濕，似翻㷛完又翻㷛咁款，一年後再幫襯以為會有改善，但都係失望。如果下次食，去土瓜灣搵番舊事頭婆，包你滿意。:(…查看更多

家人生日，已經早二個月網上訂位，要落信用卡保證，冇出席而唔通知就要扣錢，睇落好有系統咁…餐廳燈光好暗，幾乎睇唔到menu啲字，可能視力有問題，當進食時見到後面一枱有位女待應攞著一支無線檯燈比一位女士照著睇menu,原來光線真係唔夠，這服務真貼心。Order完餐食，好快就上左麵包同一小碟風乾ham，D麵包邊真係硬得緊要鎅哂口，反而牛油好滑，ham就叫正常。呢個牛骨髓，外型美觀，但淨係食到黑胡椒及有D麻味外，係食唔出有乜特別，食到成口油，恕我唔識欣賞🥲44 farms tenderloin加鵝肝，要7成熟，但燒出來是9成，好韌，浪費咗塊扒！另一份44 farms tenderloin加蟹餅，這份叫做正常。另一份A5 Ribeye Cap ,要medium rare,但出嚟係比7成更熟，掌握時間幾唔掂，尖沙咀lab eat師傅掌握牛扒生熟程度更勝這裏，失望，浪費了一件好質素牛扒，而side order薯茸則好吃，好creamy,好香。有三瓶調味料係比BBQ Plate用，併盤內有beef brisket，baby ribs,beer can chicken，beef brisket肉質好乾，baby ribs亦未夠淋，鷄嘛⋯⋯食唔出佢嘅特色，所以唔多建議order,會令你哋失望😔甜品sweet corn sundae，粟米雪糕，香滑，伴了少許pop corn ,算特別嘅panna cotta，呢個又係唔識欣賞，整個甜品底部好流質，同以往食的固體狀panna cotta好有出入。埋單4千多元，講唔出邊一道食物係出色嘅🥺…查看更多

唔敢話佢係最好吃的越南粉，因為每個人口味不同，但可以肯定係最用心製作食物的料理！見食評一面倒咁讚，帶著懷疑心去試試，之前未有好大期待，皆因好多食評同我去進食後好有出入。大約11:40分左右去到店前，見已經有10人排隊。好開心第一輪可以入座，一早plan好要食碳燒豬肉越南檬粉及春卷，原來menu 轉了，待應姐姐推介了河內蕃茄蟹檬，我再加了一客春卷及一杯熱情果soda。在等待食物期間，見店內掛上了幾幅油畫，其中這幅好有色彩，樹葉是用乾了油漆貼上，觀賞價值頗高👏店內有熱茶供應，但我都叫了一杯熱情果soda少少酸甜，開胃飲品。見其他客人食物已經上了，我等了大約20多分鐘蟹檬才上枱，當看見碗蟹檬時喜悅就打從心裏跳出來，始明白到製作真係需時。這碗蟹檬，不能盡用筆墨形容，最好親自試試…食材有少量新鮮蟹肉、蝦丸、幾款不同扎肉，豆卜等，還有兩小隻煲軟嘅蕃茄，跟埋一小碗薄荷葉及紫蘇葉讓你伴入湯內，湯底相當清甜，陣陣蟹香，而蕃茄仔應該係採用入口Roma Tomato,形狀相似。取價$100元，絕對超值👍👍正投入享受蟹檬之際，春卷送到，急不及待享用，我可以擔保，係食過最好食嘅越南春卷，皮薄、材料豐富，調味洽到，而伴菜亦好生鮮，魚露水更出色（這個才是越南春卷嘅靈魂）比以前的金牛苑出品更勝一籌！春卷其實係一客三條，食得太興奮，忘了拍照😅這個午餐真係食得好開心，好滿足….我只吃了兩款食物，但總括來説，食物材料新鮮，烹調水準高班，重要嘅係，睇得出廚師係用個心黎製作食物，一絲不苟，今時今日，都唔太多有咁堅持嘅態度，值得推薦！值得去試試…查看更多

中午見未到1點，經過蘇媽，未見太多人，門外見餐牌選擇都算多,有几款都啱食嘅，就嗱嗱臨食左先，免得到中午食晏時人山人海⋯環境闊落 ，地方清雅乾淨。午餐選擇都算多。亞參叻沙，青瓜、洋蔥，冇肉的，湯底味道酸酸哋，有少許辣，十分清新惹味，食素者最佳選擇。而宜食完後完全冇口渴感覺，係正嘅。午餐跟埋飲品，梗係叫馬來西亞拉茶哪😏食完仲想食甜品，咁就叫了一份咖央多士，多士鬆化，咖央夾牛油甜甜的，好食，唯一美中不足之處係多士凍左D才上枱，整體來講係唔錯，過多兩個月後經過會試多一次👍咁價錢及質素都值得encore😉…查看更多

有疫情以來都未有再去這間晚膳，今晚去海運行完，6點左右，試吓walk in 位，排第三，佢哋處理完訂位booking便安排walk in 入座，算有秩序系統，進食亦設時間限制，等候入座期間，發現往日整pizza位外籍師傅已經唔見咗，剩返兩位年青人負責，因今晚冇order pizza,所以冇得和之前水準作比較。入到去，全場滿，好多係一家老少,可以說海景是可觀的⋯⋯呢處主要係食個環境。叫了幾樣share食，有ham melon,之前係好正，D蜜瓜刨到一大朵花薄薄咁，好有觀感，口感細膩，而家瓜就連皮一舊舊上，頗為粗造⋯⋯闊條麵，sauce做得好味Pork tenderloin,可以話係今餐做得最好的一款至於牛排，不過不失，不理想是牛排有D根。總括嚟講出品已經大不如前，以前仲有牛排set dinner選擇，埋單$1800左右，難以説是值得。…查看更多

打電話book即日位，比到6點，進餐時間個半鐘，ok,準時到，只有兩枱客，見門口有post出二人餐及四人餐，問waiter，原來只供外賣的。叫了一份海南雞飯、一份泰式牛肉炒河，一串芝士虎皮尖椒朝豬肉卷及燒雞肉串，三色冰及椰汁涼粉冰。蝦餅不過不失，同逸東food court 越南菜Fuhn的蝦餅差不多，只是份量大咗D，都係爽口嘅。三色冰叫左少甜，但都係好甜😮‍💨呢個泰式牛肉炒河就比較失色，冇火喉，味道平平無奇，可能和茶餐廳差唔多…公道講句，收$198,唔多值。脆炸牛肋配咖喱汁，牛肋夠淋，咖哩汁香，值得推介，碟就好大，但牛肋只有6小件，$278一份，值唔值，就見仁見智⋯⋯🤔呢個芝士豬肉卷及燒雞肉串，雞肉，一般，反而芝士豬肉卷夠juicy,值得一試。招牌海南雞飯出場啦，失望，雞肉係算滑，但欠味，飯就失敗，好sticky,唔知以為係糯米飯😔整體來講，服務係十分好，但食品可以話一般，以咁價錢，我會選擇去中港城平台沙嗲軒，但可惜仲未開番，miss so much🥹…查看更多

中午有set lunch 選擇，4-course,每位$288包埋2小時指定酒類任飲😋入到去，環境乾淨優雅先上餐包湯：得一款，烤檸檬椰菜花湯，味道有D寡，健康食品都係咁嘅哪。頭盤：有三款，我哋都擇西班牙白毛豬火腿，哈密瓜🍈, 火腿片味道適中蜜瓜多水又夠甜👍👍主菜選擇左一份蜂蜜英國豬柳，配菜係一條菜心同雜菜薯餅，薯餅OK嘅，豬柳亦十分可口，但配菜用菜心,有D怪怪，如改配蘆筍或BB椰菜，會令成道菜全面提升。另外選擇左一份和牛腰脊肉，賣相十分之美觀，Medium well稍嫌生咗少少，但，薯蓉配菜同埋主菜都係做得相當唔錯。飲品係任飲，飲咗一杯氣酒跟住一支啤酒，好休閒咁進食，氣氛好舒適,值得一提嘅係侍應哥哥非常之有禮貌，比其他五星酒店更加殷勤，係近期遇見最佳服務員👍👍甜品係栗子撻，不太甜，一個字..正另一個甜品任食抹茶慕絲蛋糕柚子雪葩，雪葩清新，整體都好味最後仲有餐飲，這個午餐每位大約300左右，係值得再幫襯嘅👍…查看更多

中午去完花墟就在附近食個午餐，見食評不差，諗住填飽個肚就算，但估唔到咁就中咗伏⋯叫咗個㗎喱雞飯餐，另加25蚊飲品轉椰青。飯好快就上枱，外觀正正常常，㗎喱偏甜，共有四件雞，60蚊一個餐唔可以要求太多，OK嘅,開始食…到食嘅時候發現有兩件雞D骨係黑色，似炸過，仲好鞋，唔肯定炸燶咗定剩餘物資😪咁都冇得選擇，得四件鷄，勉強都要食餘下兩件雞仲騎呢，完全冇乜㗎喱色，猶如將兩塊海南雞加上㗎喱汁，唔似有煮過，咁樣都可以上檯比客食，算係幾離譜，生意嘅宗旨係長做長有，唔係諗住人哋幫襯一次過就算㗎😤⋯⋯失望…查看更多

生日晚飯，都係選這間，以前都有食過，環境、服務同食物質素都有一定保證⋯⋯Order咗個晚市二人套餐$1688。包兩隻生蠔，我哋唔食生蠔，所以Waiter哥哥提議主菜加一份粟米同菠菜蓉。高溫慢煮鮑魚，味鮮，又夠淋，好吃😋冰旋翡翠沙律，夠凍，沙律菜新鮮，整沙律時俾你睇埋等你開心啲😙蘑菇忌廉湯，始終如一，都係咁有水準。青檸雪葩俾你清一清味蕾，跟住上主菜。加州薄切，7成熟，今次ok,冇乜根，夠淋，好食。加多個鐵板炒蘑菇,幾唔錯嘅迷你橙酒疏乎厘，一般，記得上次食正常size係好好味嘅🤔餐廳送生日蛋糕仔，又唱歌又影一張即影即有相比你留念🥳，呢個係我哋期待嘅因為真係幾好食。離開時，員工都好有禮貌在接待處同你講拜拜呀，慢行呀⋯⋯令人由進食到離開都感覺到十分愉快😙…查看更多

星期六即日訂位，早段全滿，比左8:30時段，去到等咗一陣，見有十幾個客人食完離場。便安排入座。 入咗去坐底，都要好耐先搵到人落單，樓面係嚴重唔夠人。自家製梅酒日本香蔥豚肉卷，有特色，好味燒冬菇，自家制南高梅酒750ml，收$688呢個價錢，未算好香醇及唔值呢個價錢。雞卷溫泉蛋煙肉卷及阿波尾雞翼，雞翼幾大隻燒得好脆好香醬油燒魷,是全晚最好味的一道雞腿肉炭火鐵板燒，有D失望😮‍💨雞係新鮮嘅，有炭火香味，但鷄肉好韌而且冇乜調味。整體算唔錯，只稍嫌環境略為狹窄，及嘈吵。…查看更多

利苑，好耐之前在報章看過管理層非常注重前線員工嘅服務態度及食物質素,對佢哋服務態度頗有保留！旺角洗衣街利苑早上開11:30，訂位必須，冇訂位通常唔比你入。有次星期六冇訂位入去，樓下接待女員工面無表情咁講，冇訂位⋯冇位！疫情過後之一兩個月每次上到去旺角利苑都仲有大把吉枱，有位唔收客，定係佢哋淨係做熟客唔志在做walk in 生客？…..我哋兩位，雖然成場都係吉枱但係仍被安排去一個面壁位進食🥲，如果真係冇位就唔介意將就吓！描述一下食物嘅質素：點心，鹹水角同芋角，keep到水準，起碼夠熱，餡料亦唔太多味精。跟住珍珠雞及豆苗餃，珍珠雞係咁多點心裏便水準算係最好嘅，豆苗餃蒸嘅時間亦算控制得恰當。肉絲炒麵, 呢個真係好唔掂, （以前炒嘢好唔錯架）麵完全冇味，相對外面D大酒樓麵都會放少少調味落去，再食落去發覺肉絲銀芽芡汁都係冇味，同埋勁好油，我最後打側隻碟將啲油漏出嚟，起碼多過一湯匙，結果係食剩，我知道係浪費食物，但係咁油真係食唔落…..埋完單都仲見多張吉枱⋯⋯落到樓下，兩個接待員自顧自地傾偈，連拜拜都欠奉，唉！話晒都叫做有質素嘅酒樓，基本禮貌係必須嘅，否則真係有負利苑呢個金漆招牌，太可惜吧⋯…查看更多

食幾十蚊下午茶餐，有乜好寫! 但我覺得佢哋應該有改善空間,所以鼓勵下。是日打風，8號風球但並未見暴雨及狂風，所以下午便出外覓食,旺角區行人都唔少，但食肆多數關門，只有呢間好勤力,仲有下午茶供應，咁就入去食。Order左乾炒牛河餐同埋一個豬扒包餐⋯下午茶選擇多乾炒牛河即叫即炒，中規中矩，份量頗多,但牛肉醃得太淋，冇哂牛肉味，相比隔離街間一日三餐牛河份量雖然少啲，但係味道好得多。這個豬扒包豬扒炸得好脆，幾唔錯⋯⋯但整pad蛋沙律在上面，味道唔多夾，最大敗筆係個麵包放入微波爐叮熱，完全唔脆，係淋bad bad,，破壞哂整個餐😖。希望佢哋改善下，以前D茶餐廳所有包類：熱狗包、漢堡包或者豬扒包都係用焗爐焗熱，或煎pan乾煎熱，好脆好有口感。希望你哋去改善下，比少少心機就可以做返好多回頭客㗎la….…查看更多

中午未到12點，就快入去食午餐，平時12點幾就會好多人要攞籌排大隊。叫咗個午餐鹽酥雞便當套餐，加埋一杯檸檬四季茶，50幾蚊，咁嘅質素確實好抵食㗎。話咁快鹽酥雞套餐到，同以前一樣，雞粒粉薄炸得十分鬆化，非常之熱非常之入味非常之好食。白飯上淋上台灣肉燥，味道唔係太鹹而且肉操份量十足，真係值得讚。今日台灣老闆娘唔喺度,我見兩位女士喺度負責樓面，其中一位年輕嘅同埋一位中年嘅交談態度好有問題, 服務行業其中一個大忌就係喺在樓面講粗口，我親耳聽到個中年女士出入廚房裏面講咗三次粗口其行為令人側目，食物質素好亦需要服務人員嘅配合才能成為一間優質嘅食店。希望台灣老闆娘能夠多加注意職員操守多加檢討改正。作為一個服務員係唔應該講粗口嘅，何況身為位女性，請檢點一下🙏🏻…查看更多

放半天假，book左Hyatt high tea,地方唔算好大，但人唔太多，都係算幽雅舒適嘅order完二份下午茶，基本上係已經set晒，淨係飲品可以選擇,港式冰鎮奶茶，紅豆冰或桃蜜茶。沒有什麼特別的樽仔奶茶🥺⋯⋯總括來說,款式看似精巧，但食物末算突出，咸點又唔夠熱，例如炸物就一般。迷你菠蘿包有一片菠蘿喺裏面,但味道真係唔係好夾,西多士半熱，相信茶餐廳好似澳牛個D會好食過佢，如果要擇好食又想encore 嘅食物就數唔出，最突出應該算係蜜瓜雪糕，用半個蜜瓜加啲軟雪糕在瓜中間，蜜瓜又甜又多汁，唯一缺點嘅係蜜瓜多根，但如果二百幾蚊一個人頭，酒店下午茶就唔可以講得貴。…查看更多

中午上堂後已經3:30因為太肚餓所以就喺對面嘅附近餐廳搵食, 見到呢一間餐廳出面menu都正正常常所以就入去求其填飽個肚就算⋯⋯點知，賴嘢😤叫咗個星洲米加杯凍檸茶，（最基本炒嘢）檸檬茶正正常常，到主角星洲米出場，好明顯睇得出米粉烚熟咗後係咁意加D材兜兩兜就算，冇鑊氣都唔緊要，就連D蝦都一陣雪味，义燒又嚡又硬😪,求其將所有配料加上去撈勻左就起碟，任何食物出品都要過得自己先過得人哋先得嘅….咁繼續落去唔捱得好耐架，一定要檢討改進下食物質素先提升到更佳競爭能力，真係要加油啦老細🤨都係自己懶，行去食餃子🥟就可靠得多，再唔係去牧羊少年都係一個信心保證，下次趕時間醫肚速食麥當勞就最快最了當😵‍💫…查看更多