__bbbfoodie的个人专页

賢河日本料理鐵板燒放題真係超值之選，今次去完之後覺得讚不絕口，值得大力一去再去！由於呢間餐廳主打放題形式，價錢都好合理，晚市都係$288就可以食足兩個鐘，絕對抵食。另外，餐廳環境寬敞企理，坐得舒適。餐廳價錢收得非常合理，對比市面其他日本放題，賢河每位人頭價錢無論午市定晚市都好有競爭力。除左基本壽司、刺身、天婦羅，仲有串燒、燒物、鐵板燒、鍋物、沙律、飲品甜品，選擇將近成百款，任你揀任你叫，真係唔怕唔夠飽，只怕食唔晒。生蠔刺身質素高，獨家賣點講到生蠔刺身，絕對係賢河最大嘅亮點！刺身類有多款：三文魚、立魚、八爪魚等，但最特別一定要試返幾隻生蠔刺身。每隻生蠔新鮮飽滿，海水味十足，入口鮮甜，唔使加任何醬料，單吃已經好過癮。生蠔喺日式放題餐廳真係無幾間會有，對比往往要去酒店食自助餐付出成五百至一千一位先有生蠔刺身，賢河呢一點真係好吸引。壽司、刺身新鮮，日式主食齊全壽司方面選擇都好多，油甘魚、三文魚、海膽、蟹棒壽司等，全都是即點即做。壽司飯粒黏度啱啱好，刺身部分切得厚薄適中，新鮮度回味無窮。刺身除左生蠔之外，三文魚、立魚都相當高水準，唔會有雪藏味道，肉質彈牙，值得讚。店員落單後出品速度都好快，唔會等太耐。多元日式熟食，再有鐵板燒、鍋物除左刺身壽司之外，熟食都好吸引。串燒推介雞皮、雞軟骨、牛舌、羊架，每款都用燒得好香口，不油膩又不失煙韌口感。天婦羅包括蝦、蕃薯、南瓜等，炸粉酥脆，油分控制得宜。鐵板燒有帆立貝、一口牛、牛舌，全部即叫即燒，保留食材鮮味，又有鐵板炒野菜俾素食者多選擇。雖然今次未試到火鍋，但見到火鍋湯底選擇多，配料都好多選擇，改日再黎一定要試埋！飲品甜品任飲任食，環境舒適飲品除左清酒，仲有Sapporo啤酒、汽水無限追加，加分唔少。甜品方面有馬卡龍、雪糕、朱古力泡芙等，為呢一餐畫上完美句號。…查看更多

今日嚮尖沙咀收工，心血來潮去山林道行下。晚上黃金時段，昔日尖沙咀食街的人流不算太多，餐廳都比記憶中少。走到街道近乎盡頭，見到一間人流較多的小店 - 自家製韓國刀削麵。山西刀削麵就食得多，韓國的就未試過，望著店多張貼的食物照片，和記憶中在灣仔見過大排長龍的分店，就決定試試！點菜後不久便端上一碟泡菜，沒多久蒸餃和刀削麵都到齊了。效率真高👍🏻雙拼餃子餃子有兩款 - 大豬肉餃子和大泡菜餃子，單拼雙拼同價。我選了雙拼，可以一次過試兩款口味。餃子份量很足，難怪要在餃子前加個大字。我個人偏愛大豬肉餃子，餃子裡除左豬肉, 還有粉絲和香菜, 配料豐富。香菜襯托出豬肉的香味, 入口有滿滿的肉汁, 令人回味無窮!泡菜餃子除了豬肉的香味上, 再加上泡菜的味道, 酸酸辣辣的, 非常開胃。花蛤刀削麵花蛤刀削麵的配料豐富, 除了花蛤之外, 還有紫菜, 翠肉瓜, 冬菇, 還有蛋絲 。花蛤份量不少，每一粒都很鮮甜！拉麵入口煙韌彈牙。 刀削麵配上鯷魚湯底, 湯汁均勻地掛在麵條上，每一口都品嘗倒滿滿的鮮味！ 可以說是色香味俱全!牛骨湯刀削麵牛骨湯刀削麵亦係配料豐富, 有牛肉, 紫菜, 冬菇, 還有蛋絲 。 值得一讚係佢的湯底, 有滿滿的牛骨香味, 每食一口麵條, 湯汁掛在麵條上, 也能感受倒牛的香味!這店的刀削麵無論湯底, 麵條, 配料的製作也很用心, 用料講究, 所以做出來的刀削麵風味絕佳, 值得推介!…查看更多

朋友約食飯，我今次就提議去荃灣「燒烤堂」，食過幾次，因為呢間串燒小店夜晚幾有氣氛、食材新鮮，所以就約埋一齊去食。結果食到尾成晚都好滿意，真係要寫低嚟做個紀錄。我哋兩個一坐低，先係望住個 menu 已經眼花撩亂，因為選擇太多，唔係淨係串燒牛雞豬咁簡單。頭炮我哋叫咗「燒芝士年糕」同「鹽燒萵筍」。芝士年糕完全冇失望，表面燒到焦香，拉絲又煙韌，芝士鹹香同年糕嘅嚼勁好夾，食落去有啲拉麵芝士波波嘅感覺。鹽燒萵筍清爽得嚟帶少少焦香味，用嚟中和芝士年糕嘅膩感啱啱好。之後試咗幾款特別串燒，例如「蒜蓉菜圃燒豆皮」—呢個組合本身好少見，但燒到脆卜卜嘅豆皮內裡夾住鹹香嘅菜圃同蒜蓉真係幾惹味，朋友仲話呢碟好啱配啤酒。下一個印象深刻嘅係「蒜香牛油酒煮蜆」，牛油香混住蒜蓉味，蜆肉鮮甜冇沙，個湯底仲可以用嚟蘸麵包。至於「浜燒日本活北寄貝」就好鮮甜爽口，火候控制得好靚，輕輕咬一啖就知係新鮮。而「紅蔥油蒜蓉粉絲燒元貝」係另一個亮點。元貝大大隻，粉絲吸晒湯汁，紅蔥油香味令成件事更突出。接住落嚟就進入重頭戲—肉類部分。「厚切鹽燒牛舌拖羅」同「鹽燒和牛牛小排」都係必食，牛舌切得厚，咬落彈牙；和牛牛小排油脂分佈均勻，入口即化。雞類串燒好有驚喜。「汁燒三黃雞氣管」係少見嘅部位，咬落爽口得嚟帶少少焦香；「鹽燒鮮三黃雞腿肉」就多汁滑嫩；至於「汁燒免治雞肉軟骨棒」食落有咬口，再拌埋『月見』，好有日本居酒屋風格。另外仲有小小驚喜，好似「惹味爽口雞腎」同「鹽燒原雞皮」，雞腎爽脆，雞皮油香但唔膩，我地兩個人讚到不得了。最後食埋「鹽燒白鱔」同「豬肋肉」收尾。白鱔肉質結實帶膠質，燒過之後更突出鮮味；豬肋肉係「稀有部位」，肉味濃厚得嚟唔會過肥，真係幾少喺香港 BBQ 店食到。配返一杯「咸檸七」，鹹香清潤，洗走啲油膩感，正到爆。我哋食到成晚食到笑笑口。環境坐落舒服，氣氛好夠熱鬧，食物無論係海鮮定肉類都水準高，價錢以質素嚟講算唔錯。…查看更多

星期日中午想兩個人出街食飯，但天氣太熱又唔想四圍去，就網上找下附近有什麼餐廳剛好發現呢間位於長沙灣的高質正宗西班牙菜餐廳，就決心一試。餐廳不大，但使用了暖色調裝飾，搭配精美的瓷磚，能讓你感受到熱情的西班牙風情，用餐環境與氣氛都很好。Panceta with Toast煙燻豬腩片多士，再加芝士點綴，豬腩片的油脂香配合香脆鬆軟的多士，以及稍微溶化的芝士，口感與味道非常有層次，加上其獨特性，是我最為讚賞的一道菜。Spanish Blue Tuna Tartare藍鯨吞拿魚他他，亦是另一道菜我很喜歡。用上拖羅級數的吞拿魚，入口即融，再配合芒果和牛油果的清爽，健康又美味。Mushroom Croquetas松露蘑菇可樂餅，松露香氣令人無法抵擋，加上松露和蘑菇一向都是絕配，炸成可樂餅，外層香脆內裡軟嫰煙韌的多重口感，令人回味。Squid Ink Croquetas墨汁魷魚可樂餅，口感與松露蘑菇可樂餅也很相似，但墨汁魷魚帶有鹹味和海鮮味令你有不同的味覺體驗，兩道菜可謂各擅勝場Grilled Hanger Steak西班牙封門柳，每隻牛只得一件，稀少而顯得其珍貴。五成熟的封門柳，肉質鬆軟粉嫩，牛肉味卻極為濃郁，底下配有打成泥的鷹咀豆，味道與口感都很有層次Baked Spanish Cod Fish with Red Pepper Sauce焗鱈魚配紅椒醬，以薯蓉做基底，以鹹香的魚肉搭配帶有甜味和些許辛辣的紅椒醬，為這道菜式提供多層次的味道口感另外我們還叫了兩款飲料Lemon & Ginger是一整壺檸檬薑茶，薑味不算太濃烈，是一款易入口的薑茶Eclipse是一款黑加侖子+橙汁+梳打的Mocktail，想不到這兩款水果的味道很夾，非常好喝餐廳地方不是很大，但人氣很旺，假日中午時段全場爆滿，可見其食物質素有一定水準，果然不負所望。然而除了出品外，其服務亦值得稱讚。我們入座後，侍應小姐非常用心介紹Special Menu的每道菜式另外即使我們在用膳途中想換位置，他們也二話不說幫我們安排調位這間餐廳不論食物、服務與地點都非常好，值得再訪。…查看更多

朋友想食日本菜，我隨即諗到以前食過的一間位於中環的日本fusion菜，可以帶朋友試試，順便回味一番。這間餐廳位於中環鬧市的的商廈頂層。一步進餐廳已經聽到輕快的音樂。餐廳內很寬敞，近門口位置有bar枱，外面有戶外用餐區，感覺很chill。餐前小食有兩款日式醃製菜 - 牛蒡和蒜頭。我比較欣賞醃蒜頭，有微微的甜甜辣辣，味道剛剛好，而且保持了蒜頭爽脆的質感。Celtuce Salad這道菜真是考功夫！將萵筍切成一條條的幼絲，幼細得像麵條，非常厲害！加上鰹魚汁、蘿蔔蓉、飛魚子，檸檬片等，令味道更加提升，結合成一道散發着清新味道的菜式。Akagai 用赤貝包著露荀和蔥，上面舖上蔥花，很精緻的一道菜！Caramelised Pumpkin 南瓜內裡軟綿，外面一層薄薄的焦糖脆片，加上陣陣的肉桂香味，咬下去時味覺和口感都極豐富，我和朋友都食到停唔到口！Charcoal Grilled Eel上菜後，店員隨即準備好熱辣辣的碳，用碳的熱力把鰻魚炙得香硊，除左有得食，仲有視覺上的體驗，幾有gimmic！香脆的鰻魚皮加上嫩滑軟腍的鰻魚肉，簡直是完美的組合！Wagyu Katsu Sando這是今晚最期待的一道菜！兩片竹碳包之間，夾了厚厚的和牛，和牛兩邊煎得香脆，配合了秘製醬提升味道。竹碳包的脆加上和牛的入口即溶，令人回味！Mini Melon Daifuku蜜瓜餡的迷你大福，表面煙靭，咬入口有濃濃的蜜瓜味散發出來。Matcha Cheesecake芝士蛋糕質感軟綿，加上淡淡的綠茶香味，非常配合。點了兩杯cocktail - Amber 和Jade，Jade - 酒中混合了冷泡的茉莉花茶，入口有滿滿的花香味，氣味清新，容易入口Amber - 混合了牛油果油和野生蜂蜜，再加上香蕉。入口有滿滿的果香，幾特別整體食物和環境都非常滿意。放工在這裏chill是不錯的選擇喔！…查看更多

這天到中環附近行逛，想起之前朋友極力推介的一間黎巴嫩菜，當然去試試佢！餐廳以深藍色為主題，牆上有着一些中東特色的圖案，餐廳最內是一些中東特色的梳化和坐墊。店員安排了我們坐在餐廳比較中間的位置，坐下來不久，突然燈光變得七彩繽紛，中東特色的音樂響起，因為舞蹈員跳着中東特色的肚皮舞，還遊走到各餐桌前，整體氣氛都相當高漲！除左氣氛良好之外，係餐廳仲可以食倒正宗的黎巴嫩菜！貝魯特鷹嘴豆蓉 Hummus Beiruti去食中東菜都好鍾意叫鷹嘴豆蓉，健康又好食！呢度menu 上的鷹嘴豆蓉款色非常多，花多眼亂下我揀左以黎巴嫩首都貝魯特命名的豆蓉，應該是當地的經典口味吧！鷹嘴豆蓉混合了檸檬、酸黃瓜等，味道不錯。伴隨豆蓉的Pita包也非常鬆軟。羊肉釀脆球 Kibbeh形狀有點像炸蝦球或咸水角，切開後內裡整個都是羊肉碎，混合了松子仁和洋蔥，外層微微的香脆。羊肉份量很多，令每一口都有濃烈的羊肉味，整體來講很好！混合燒烤拼盤（小） Shahrazad Mix Grill Meat (Small)我們人數不多，點了小份量的拼盤，但原來份量一點都不少！拼盤有雞肉、牛肉、羊架、肉串、還有燒烤的伴菜，放在迷你烤爐上呈上。我最欣賞是雞肉和羊架。雞肉香嫩多汁，凸顯出廚師的功架。而羊架加了香草等醃料，淡淡嘅香氣加上生熟程度剛剛好的羊肉，非常鮮嫩！倒扣羊肉飯 Maqluba在餐牌上看見是傳統的菜式，而且是限量供應，就即管點一個來試試。上菜時是用一個金屬的燉盅戴著，職員把燉盅內的羊肉飯倒扣倒出來。羊肉飯在下，洋蔥、矮瓜、蕃茄、香葉等配菜在上，一個食物塔完美地呈現出來！羊肉隱藏在燉飯之中，每塊羊肉都燉得嫩滑，突顯出羊肉原有的味道。而燉飯加上洋蔥香葉等配菜，令燉飯有清新的感覺。朋友對菜式讚口不絕呢！最後點了要兩杯Cocktail ，One Thousand One Night 和In to Woods，我們選的兩杯Cocktail都是水果為主，水果的配搭都有清新的感覺，不錯不錯。這餐廳不但食物質素高，廚師功架好，還有特色舞蹈表演，真是意外驚喜！食物價錢都是非常合理，整體來說性價比非常之高，難怪朋友極力推薦！…查看更多

同朋友去圓方睇戲，順便搵食。一向都知圓方多高質素食店，今晚就揀左間印度菜試試。呢間印度菜位於圓方商場金區頂樓，地鐵站C出口上電梯可以直達天台平台。餐廳面向平台，有室外同室內座位，室外可以望住平台夜景，我同朋友就揀左室内，可以聽住輕快的英文歌用餐，氣氛一流！Prawns Pakora Basket有炸蝦同炸洋蔥球🍤🧅 炸蝦保持倒彈牙的質感，而洋蔥切絲搓成球狀炸成圓球，炸得香脆而香口，配上特製的辣醬，更添風味！Arancini Tikka Chaat依道菜融合左意式的炸飯球烹煮手法，加上印式的香料調味。上面圓球形的薯餅，下面有鷹嘴豆、洋蔥、蕃石榴，加上酸酸辣辣的醬汁，味道出奇地夾！Chicken Tikka Masala吃過印度菜的一定對Masala 不陌生。雞肉非常嫩滑，配上creamy 與充滿香味的秘製辣醬汁，令人食指大動！Garlic Coriander Naan and Butter Naan依個一定要特別讚！不論是garlic naan 還是butter naan, 兩款naan都烤得香脆，係我食過烤naan 烤得最好的餐廳之一！Sticky Toffee Pudding上層是雪糕，下層是椰棗造的pudding，再淋上焦糖汁。雪糕不算太甜，配上淡淡的椰棗香味，甜而不膩。TamaritaTaquilla 配上酸酸甜甜的羅望子汁，另外杯邊附有鹽和檸檬。侍應介紹： 先舔上一口杯邊的鹽，再喝下Tequila，隨即含一含檸檬。口腔同時充斥鹹味、酸味，甜味，與辣味。值得推介！Sunset Fizz Fusion侍應推介的飲品，入口滿滿熱情果的果香，令人回味，而且正好解辣。餐廳裝修精緻，氣氛一流，加上有可口的食物。特別一提係侍應態度一流，全程充滿著笑容, 又會推介餐廳特色食物，令食客有一個愉快的用餐體驗。…查看更多

情人節正日無時間同另一半慶祝，唯有翌日去食個豐富午餐之前上網見過有KOL介紹呢間位於中環蘭桂坊嘅浪漫法式餐廳L'AMOUR，非常適合慶祝重要日子。餐廳裝潢高貴有情調，門口擺放了一枱白色鋼琴及紅色玫瑰裝飾，仿似置身於浪漫嘅電影場景，非常適合情侶約會我們點了兩份 4 Course Set Lunch ($338)✨餐包餐包有不同款式，搽上用牛骨盛載的黑松露牛油，味道不錯。不過麵包要襯暖食，如果攤凍就會變硬影響口感✨餐湯 - 法式澳洲活龍蝦湯 +$48龍蝦湯湯底濃郁，鮮味十足，龍蝦湯表面相信是用了忌廉做點綴，非常特別✨前菜 - 塔斯曼尼亞海膽多士這道前菜非常不得了，餐廳毫不吝嗇，海膽覆蓋了整塊多士的表面，除了塔斯曼尼亞海膽，還搭配黑魚子醬和金箔，令整道菜倍添奢華高貴海膽混和黑魚子醬，口感綿密，非常鮮甜，加上多士外脆內軟，每一啖都非常滿足✨前菜 - 藍鰭吞拿他他 +$68採用藍鰭吞拿魚做的他他，賣相非常精緻簡潔。魚肉鮮甜，搭配黑醋沙律，很清新，作為前菜來說非常適合✨主菜 - 法國鵝肝牛柳 +$38我們選擇了5成熟牛柳，這間餐廳出品的牛柳令我們異常驚喜，牛肉肉味非常濃郁，肉質細嫰不會柴，比起某些主打牛扒的餐廳絕對有過之而無不及鵝肝煎得外脆內軟，充滿油脂甘香，同時令牛柳表面充滿了鵝肝的油香味，口感與味道都有雙重享受✨主菜 - 威靈頓牛柳 +$98威靈頓牛柳的外層酥皮金黃香脆，賣相一流。酥皮內的牛柳肉味同樣地非常濃郁，更粉嫩細膩，應該是成度較低的關係，搭配酥皮與醬汁，帶來味蕾與口感的衝擊。✨飲品 - 紅白酒 +$28紅酒酒體飽滿，果味醇厚。白酒酒體輕盈，味道香甜細膩。紅酒非常適合搭配主菜，而白酒甜味亦很適合女士。✨甜品 - 季節限定時日甜品柚子雪葩，賣相精緻。但原來盛載雪葩的不是普通器皿，應該是以曲奇製成，連同雪葩放進口中，非常讚。除了餐廳出品佳，服務態度亦值得一讚，有賓至如歸的感覺。侍應都會同客人有說有笑，上菜時也有同我們介紹一下菜式。這間絕對是非常高質法國餐廳、而且性價比很高，私心推薦比大家我與太太亦期待下一個慶祝日子回訪，嘗試一下餐牌其他的菜式。…查看更多

今日同朋友去咗灣仔嘅「湘舍壹號」食午餐商務套餐，真係大開眼界！呢度絕對係一級商務食府，環境高檔得嚟又唔會太拘謹，裝修雅致，燈光柔和，坐得舒服之餘，仲帶少少私密感。最正係佢哋嘅超抵優惠，2個人$388就食到咁高質素嘅菜式，真係抵到爛！平時喺灣仔食個普通午餐都要百幾蚊，呢度嘅性價比簡直無得輸。首先上枱嘅係餐前小吃， 係秘製紅薯片，小小甜，食落好鬆脆之後燒椒皮蛋，一上枱已經聞到陣陣燒椒嘅香氣，令人食指大動。皮蛋滑溜得嚟帶少少辣味，燒椒嘅微辣同皮蛋嘅濃郁完美結合！呢道菜雖然簡單，但係味道層次豐富，係呢一餐唔錯開始。跟住係 筒子骨燉湖藕，湯底濃郁得嚟唔油膩，飲落去暖笠笠，好舒服，最值得一讚係個湯碗，分開左兩層，底下係有支小型蠟燭，保持湯溫度。十八秒牛肉一上枱已經聞到陣陣鑊氣，牛肉切得薄薄哋，炒得剛剛好，滑得嚟帶少少辣味，令人食唔停口！ 至於 砂鍋虎皮豆腐，豆腐外皮微微煎得黎微脆，內裡依然滑溜，配上濃郁嘅肉碎、湯汁，湯汁嘅鹹香同豆腐嘅清淡互相平衡，令人食到津津有味。時令疏菜係炒椰菜，炒得剛剛好，唔會太油膩，食得出係新鮮鮮甜， 最後仲有青稞餅，外皮酥脆，內裡煙韌，帶少少甜味！青稞餅嘅口感獨特，煙煙韌韌，咬落去有少少嚼勁。今日是日甜品係紅棗杞子燉雪耳，甜度適中，簡單得嚟又滋潤，雪耳滋陰潤肺，為呢一餐完美收尾。呢個商務套餐真係物超所值，$388兩個人食到咁高質素嘅菜式，仲要喺灣仔呢個地段，真係難得！…查看更多

天氣好去左將軍澳行下，行到海邊見到有堆餐廳，感覺幾chill 幾relax。呢日係平日夜晚，海邊的人流唔算好多，我哋揀左間人流比較多的海邊餐廳，可以一路望住跨灣大橋的夜景，一路嘆住美食。Burrata 前菜我地揀左香港比較小見的布拉塔芝士。外殼係固體的mozzarella水牛芝士, 外皮芝士柔軟、香醇，似一個纖薄又精緻嘅包裝，裝住一袋濃郁嘅cream。切開後, 乳香流出, 拌上切邊的車厘茄同士多啤梨一齊食用。芝士cream擺入口好creamy, 有淡淡的奶香味, 配合車厘茄同士多啤梨, 非常清新可口😋 而成道菜色,  色彩繽紛, 賣相非常好, 真係色香味俱全!Mushroom Risotto 呢個risotto 真係好香～ risotto 用咗幾款唔同的菇，令到菇味非常濃郁！意大利飯中混有松露, 而表面有巴馬臣芝士, 更提升了飯的香氣。飯的質感軟硬適中，煙煙韌韌，而每粒飯都吸滿了充滿香味的湯汁，令人入口回味無窮!21-day Dry Aged Ribeye 呢道菜最為驚喜🤩 牛扒外面烤得焦香，而切開牛扒,  裡面呈現完美的粉紅色。而經過乾式熟成的牛扒入口即溶, 濃郁的肉汁在口中綻放, 令人難以忘懷!正所謂美酒配佳餚, 我同朋友每人都叫左一杯cocktail 享用。Lavender Sea賣相好靚, 而入口有微微的薰衣草香味。Kraken Hunter依杯cocktail 入口有豐富的口感, 有熱情果, 椰子的香味, 葡萄柚, 有薑的辛辣味, 各種味道配合符恰到好處。Highly recommended.依間餐廳臨近將軍澳海旁, 景色一流, 而且菜式高質, 服務態度亦良好, 值得約朋友一試!…查看更多

今晚要ot 夜左放工，叫左屋企人放工順手買個外賣返黎。已經忙得腦子一片空白，都費事諗食咩，就由得屋企人發板。一打開外賣心心眼就出哂嚟😻 係個賣相超吸引的丼飯同日式烏冬！七色魚生丼三文魚、油甘魚、吞拿魚、帶子、炙燒左口魚裙邊、大蝦、玉子，最最最正係仲有海膽！海鮮舖滿哂成個飯，而且好colourful！魚生的質素唔錯，尤其蝦同帶子幾新鮮，玉子幾甜！雖然係外賣但都keep到鮮甜味道，證明本身食材都係高質的！ 飯底加入左紫菜，提升了飯嘅香味同口感，好味👍🏻咖喱炸雞烏冬咖喱汁、炸雞、烏冬是分開盒的，可以保持烏冬同炸雞的質感，非常貼心！咖喱汁內有薯仔、紅蘿蔔、洋蔥等配料，食時將其倒在烏冬之中拌勻。我特別喜愛咖喱汁的味道，甜甜的又不太鹹，味道剛剛好。烏冬質感幾彈牙，口感一流，而烏冬沾上了咖哩汁之後，更增添左風味！炸雞亦炸得不錯，表面炸得香口，咬下去是有肉汁的，如果不是外賣，應該會更加香脆。魚湯加左少少錢叫左魚湯。魚湯一打開已經聞到陣陣香味，飲落有非常濃厚嘅三文魚魚味，好足料，裏面散發着淡淡嘅蘿蔔同胡椒香氣，好好飲！食完個高質丼飯心情都開心返哂😻…查看更多

今晚同同事一齊OT衝完deadline, 完事後想食餐好慶祝一番！正當我煩惱夜麻麻仲有咩餐廳好食的時候，同事提議去尖沙咀諾士佛台的韓式居酒屋食宵夜。去諾士佛台飲嘢就去得多，韓式居酒屋就真係第一次聽，當然舉腳贊成！夜晚十點幾的諾士佛台果然人山人海，一片熱鬧的氣氛，與外面的世界簡直成強烈對比！沿著一列酒吧前的行人路走，走到諾士佛台中間的一橦商廈對開，就看到狎鷗亭居酒屋的宣傳牌。向大廈望上去亦清楚看到居酒屋的招牌。餐廳內的環境佈置有點傳統韓國風，背景播着輕快的韓國跳舞音樂，令人心情都變得輕鬆起來。我們人不多，點了個辣明太魚鍋和芝士泡菜石頭飯。點菜後很快就嚟左六碟前菜，職員話係佢地自家製的。我尤其喜愛小魚乾。小魚乾明顯比平時一般常見的小魚乾大，而且加入了合桃和甜甜的醬汁，特別美味！辣明太魚鍋這是點菜時職員推薦的，說是普遍韓國人喜愛的菜式之一。明太魚鍋其實是由明太魚（阿拉斯加鱈魚）、魚春、魚子、蜆、蟹等海鮮組成，加入芽菜、蘿蔔、金菇等配料，和韓式辣湯底，組合成一個豐富的海鮮鍋。這道菜真的有驚喜！明太魚肉質結實得來嫩滑，味道鮮美可口。魚春和魚子口感獨特，點了職員推薦的Wasabi加豉油，覆蓋腥味之餘更是帶出鮮味，連平時少吃內臟的同事都大讚好吃！微辣的湯底不但沒有蓋過海鮮的鮮味，反而是令海鮮的鮮味更為突出！石頭什錦炒泡菜飯平時一向都喜歡吃石鍋飯。這道菜一上菜時就聞到濃濃的香味，令人垂涎三尺！石鍋飯裡是用了泡菜炒飯底，加上了紫菜，令整體的氣味更香。而煎蛋和芝士，拌勻後令石頭飯的口感更豐富，值得一讚！我們還點了一支米酒。老實說我也是第一次試韓國米酒。職員放下了小碗給我們喝酒用，原來用碗飲米酒是韓國人的傳統！這米酒是從前韓國工人農夫等休息時的飲料。米酒有一半是米漿，飲用前要搖勻。倒出來的米酒微微杰身，散發著淡淡的米香味。這裡能夠試到比較特色的傳統韓國菜式，雖然我們入座時時間已經不早，但仍然看到有韓國人來光顧，可想而知這裡必定帶著他們家鄉的味道。飲飽食醉後時間都不早了，我們離開餐廳時還有少量食客，翻查資料後發現原來這裡營業至零晨三點，以後夜收工要宵夜可以多一個選擇了！…查看更多

自從上年去伊斯坦堡旅行之後，就愛上左土耳其呢個地方。聽朋友講馬灣有間隱世土耳其餐廳，今日放假就同朋友入去馬灣行下，順便試試呢間隱世餐廳。我哋嚮青衣站搭前往馬灣的NR330黃綠色巴士，巴士班次很密，上車後轉眼間就由繁忙的都市到達悠閑的小島。餐廳位置唔算難搵，嚮馬灣鄉事會路的村屋地下，門口放着一張圓枱同兩張高櫈，仲有啲花花草草同風車擺設，真的很有假日度假的感覺。推門入去後第一眼就見到一隻可愛的貓貓悠閑地午睡，可愛得很！令人回想起伊斯坦堡這貓咪天堂！我哋隨便選了個位置坐下，發覺周圍都很有伊斯坦堡的特色，牆上有大大塊的壁畫，畫了一些伊斯坦堡的著名景點，而附近的櫃都擺了不少貓貓或者是土耳其的擺設。餐廳角落有煮傳統的土耳其咖啡的爐同餐具。職員先同我地講起土耳其飲咖啡的歷史悠久，之後再親自示範煮土耳其咖啡 - “沙煮咖啡”。將咖啡粉和適量的水放進土耳其銅製咖啡壺中，接著開始加熱，加熱的過程會把銅壺的壺身埋進沙子裡，優雅的在沙堆上推個幾下。咖啡煮沸時會全部湧上來，這時候把上層煮沸的咖啡倒出來，再繼續加熱，這樣反覆幾次以後，一杯濃郁的土耳其咖啡就完成了。職員邊示範完之後，亦有俾我地嘗試推沙同煮咖啡。成個過程既有趣，我地亦從中學倒好多關於土耳其咖啡的知識！我地亦叫了兩份主食、土耳其咖啡同蕃石榴茶。土耳其烤雞飯有半隻烤雞，份量都唔少。烤雞燒得外脆內嫩，而且加咗香草等香料，非常惹味。烤雞放左係飯上面，令烤雞的味道滲入白飯之中！秘製雞肉烤餅雞肉、雜菜等混合了香草和沙律醬，來在烤餅之中。烤餅烤得香口，而香草提升左雞肉的風味。土耳其咖啡職員用正宗的煮法，煮出跟在土耳其旅行時喝的一模一樣的風味！蕃石榴茶土耳其的茶都很有名，我們叫了壺蕃石榴茶，酸酸甜甜的，得開胃！這次假日來到馬灣走走，彷如置身於離島一樣，感覺很寧靜，很relax。能夠在市區之中找到這份樂土，還有這間充滿土耳其特色的小店，的確是不錯的假日休閒活動！…查看更多

朋友話帶我去半山食印度菜。嚮中環搭半山自動扶手電梯，上到堅道好快就見到餐廳，位置唔算難搵。餐廳面積唔算好大，一入到去就望到bar 枱同光亮的酒架，背景播住輕鬆的印度音樂，今晚係平日夜晚，bar枱前的座位都坐滿不同國籍的食客，氣氛不錯，令我對呢度的食物更加期待！餐牌係全英文的，有QR code可以睇中文餐牌同有埋圖片，令唔熟印度菜式選擇困難嘅我可以輕鬆點菜。Dahi PuriDahi Puri 係一種印度常見的街頭小食，dahi 是yogurt, 而puri 是油炸過的餅的意思。 外面係脆卜卜的圓波波形狀外皮，裏面有馬鈴薯，鷹嘴豆，洋蔥， yogurt，加上薄荷醬等，一口咬下去酸酸甜甜，外殼又脆脆的，一試難忘！Lamb Keema Quesadilla 羊肉餡餅由薄薄嘅餅皮夾住滿滿的羊肉碎，羊肉加入芝士和香料，口感豐富！Tandoori Chicken (Half)雞的顏色呈現著橙紅色，鮮艷奪目！烤雞用左yogurt同秘製香料去醃，再在泥窯裡烤。烤出來的雞外脆內嫩，外層散發出焦香味，而肉汁就充分保持左係雞肉裡面。旁有加入了香草的洋蔥絲拌碟，很清新，可以中和香料的辣味。Dilliwale Butter Chicken + Garlic Naan這道菜無論是雞還是咖喱都非常嫩滑，值得一讚的是garlic naan，由於忙著食前幾道菜，不慎把garlic naan稍微放涼了一點才吃，但garlic naan仍能保持些微香脆，如果趁熱食必定更加驚艷！Mango Lassi每次食印度菜都要叫返杯Mango Lassi，甜甜的芒果乳酪簡直係解辣之選。今次呢杯Mango Lassi 仲有埋少少芒果肉同花生，口感更加提升。Chaska Beer朋友想飲啤酒，見到餐牌上面有Chaska Beer，啤酒名字跟餐廳一樣的，估計是這裡獨有的啤酒吧！啤酒味道有淡淡的麥味，再加上一種淡淡的香氣，像是釀造時加了什麼獨特香料似的。味道特別。今餐每道菜都非常出色，我同朋友尤其喜愛Dahi Puri，是其他印度餐廳比較少見的菜式。其餘每道菜都充滿驚喜，食得出廚師是非常專業。餐廳嘅食客以印度人和西人為主，證明食物味道非常正宗。這次朋友果然冇介紹錯！…查看更多

同朋友補祝生日，揀左間高空酒吧，可以望住靚景食晚飯。臨近萬聖節，餐廳已經準備左萬聖節裝飾，令節日氣氛更加濃厚。我地叫左以下幾個餐：前菜： 香烤西班牙八爪魚腳伴加泰隆尼亞紅椒堅果醬八爪魚散發着微微嘅燒烤味，旁邊的堅果醬微微辣，跟燒八爪魚嘅味道配合得剛剛好。伴碟嘅有鷹嘴豆，加入洋蔥碎等配菜，同酸酸嘅醬汁，非常開胃！主菜： 澳洲M3和牛肉眼扒肉眼扒香味濃郁，表面煎得焦脆，而內裡保持鮮嫩多汁，蘑菇醬汁很清香，味道很夾！波特貝勒蘑菇鮮嫩雞肉意大利飯意大利飯上有大大隻蘑菇散發著清香，飯入面有入大大粒雞肉粒，加上芝士碎、洋蔥、香草等，令意大利飯嘅味道提升！One Thousand & One Night阿拉丁神燈嘅酒壺，噴住煙地出場，職員隨即用火槍點亮整set酒壺同酒杯，非常吸睛！阿拉丁神燈配了兩隻阿拉丁小酒杯，可以同朋友一齊分享。呢杯酒嘅味道都唔錯，好睇又好飲～Beauty and the Beast士多啤梨同雜果製成嘅Cocktail，用左玫瑰花型嘅玻璃酒杯，上菜時用火點燃，燒完後就是一支紅玫瑰，好特別！今餐最難忘係cocktail，職員話佢地有新 cocktail，設計好精緻，味道亦都唔錯。餐廳環境佈置都非常用心，同朋友嚟打卡飲嘢簡直係一流！臨走時意外地搭電梯上了天台，原來天台有戶外用餐區，可以曬住月光聽住音樂，很chill，氣氛更正！下次再光臨可以選擇戶外用餐區！…查看更多