sylvialampw的个人专页

之前係朗豪坊食過同一間既餐廳，個陣已經覺得好高質，原來葵芳都有一間，唔洗諗即刻入！丸十壽司拼盤，有成十舊壽司咁多，仲有我最愛既鰻魚壽司！不過朋友就比吞拿魚蓉吸引左，話入口即溶好正喎鰻魚王子燒，中間舊鰻魚絕對唔細，而且玉子燒夠甜，中間仲要有小小流心既蛋，好快就比我地清哂了海洋之盒，有巨大帶子，魷魚，海老，鯖魚，生蠔。帶子係no.1，又大又鮮甜，個汁仲帶有小小酒味，多層感受最後我地就share個和牛炒飯，一上枱香到想獨吞，啲飯炒到粒粒分明，而且好夠鑊氣，和牛雖然細細粒，但份量好多，每一啖都一定食到和牛另外依到仲提供綠茶粉的之前係朗豪坊就食左兩個丼飯，由於係用北海道米所以個口感係好唔同，我一食就雙眼發光咁，朋友就覺得真係好特別既口感。其實仲好有興趣食依個飯堡架，不過由於太飽了實在食唔落下次就試一試佢🤪依間餐廳無論旺角定葵芳分店都一樣咁高質，想食日本料理絕對可以一試呀！…查看更多

長沙灣地膽帶路帶左我黎食呢間粥底火鍋，未入去已經見到一班人係門口等位，原來係分時段入座的，所以要一齊等到新一輪先有得入座，本身我地都有book位所以都唔係等好耐～應該大部份人都係食粥底火鍋，我地都唔例外～先食晒D海鮮之後先用D海鮮湯底黎煲個粥出黎！未上海鮮之前就自己調鼓油碟，因為海鮮都係原汁原味咁滾熟，所以就靠鼓油去提鮮啦海鮮可以睇人數揀2-4款蜆/貝殼類洗得好乾淨無沙，肉質都好鮮，不過頭幾水就未煲到D味出黎，所以食落都好淡好淡蠔蠔味重番少少，每一粒都好飽滿，可以留番D一陣煲蠔仔粥 哈哈肉蟹話明係肉蟹就緊係多肉，而且D肉係甜到不行，雖然拆殼係麻煩D，但最好食同最抵食都非佢莫屬！蝦生猛的蝦，落煲前一刻仲掙扎緊，不過我都係要食你啦sorrrrry...另外可叫兩款火鍋配料牛同豬都好靚，又薄切又重肉味，而且好大一碟，幾抵食喎～最後個粥吸收晒D海鮮既精華，飽肚得黎又暖笠笠，食完成個人都舒服晒。仲嗌左支啤酒，啤啤佢，正呀！…查看更多

朋友話佢屋企附近開咗一間食小炒嘅鋪頭平時都好爆今日就一齊去食下！呢間係好平民風味嘅小炒鋪，老闆好用心都好好態度咁樣一直同我地講佢哋嘅推介菜式，於是我哋就叫左幾樣老闆好推介嘅菜式！由於女仔怕肥嘅關係所以都係飲返烏龍茶鐵板薑蔥魚卜，平時出街好少食魚卜今次老闆誠意推薦，每日有限量供應，好似呢幾日咁就得6份啦！老闆話每一條魚卜都係係新鮮魚到拎出嚟所以食到呢碟菜好好彩！一黎到已經好香嘅薑蔥味，而魚卜本身好有咬口，再加埋薑蔥嘅濃味，呢碟餸得到我朋友好高嘅稱讚👍🏻豉油王炒肥鵝腸，由於呢啲鵝腸都係非常新鮮而且係用最靚嘅鵝腸嚟做所以入口非常彈牙亦都唔會好似平時嘅鵝腸咁有渣老闆亦都保留左鵝腸本身既一啲肥膏再加埋豉油嘅鹹香，非常之惹味豉椒牛肉煎米粉，平時已經好鍾意用豉椒炒嘅任何送，今次再加埋特別既煎米粉，一邊冇醬汁嘅脆卜卜，另一邊就沾滿豉椒汁，一次過試到兩種口感！而且煎米粉絕對需要好多心機去煎，呢個煎米粉係我今餐入邊最鍾意嘅菜紅酒燴牛尾，老闆強調依個牛尾係新鮮嘅牛尾，食落好彈牙，好似咬緊骨膠原咁，一入口好香紅酒味慢慢就食到羅宋湯嘅味，入哂味嘅牛尾同紅蘿蔔成為我另一個朋友今餐最鍾意嘅餸最後當然唔少得我哋最鍾意嘅菜啦！呢個係金銀蛋浸番薯葉，朋友一見到番薯葉就話好高纖維雖然之前係比豬食嘅，不過係依家已經進展到因為多纖維而受歡迎嘅菜啦！雖然用咗高湯去浸不過都掩蓋唔到番薯葉本身嘅香味，所以食落非常之豐富嘅口感呢到鋪頭細細但係每一樣餸都食得出好多心機，再加上有個咁熱情又用心嘅老闆，呢間鋪頭誠意推介！最緊要嘅係呢度每一樣菜都係用新鮮嘅材料去煮，絕對唔會敷衍你！…查看更多

朋友生日諗住揾間佢冇食過既餐廳帶佢食啦，咁最近facebook成日見到呢間舖頭既宣傳，朋友又未食過吉列牛，就決定帶佢黎食啦！當日特登早小小去到擺係一件手掌size既蛋糕仔，店員話可以免費雪住，但如果有任何損毀佢地唔負責。都明既，所以冇問題👌🏻當時企係門口店員就話切餅費要200蚊，已經心諗咁貴既，咁就考慮下先再算啦，餅就照雪。入座等我朋友黎既途中諗都覺得冇地方食蛋糕架啦，生日開開心心係到食埋啦咁我就同店員講想係到食埋，係咪加200蚊切餅費就ok？點知！！店員話可以，但係切餅費係每位200！！我同我朋友2個人，切餅費就400！仲貴過個蛋糕呀大佬！！咁一枱10個人食一個蛋糕你咪好和味？算啦，直接同朋友講左，驚喜冇左，又要揾地方食蛋糕。但都黎到，點都試下個吉列牛啦！因為自己係日本食過吉列牛覺得好好食！所以好期待，見到個樣已經知2回事，不過又唔可以話難食既，都幾有味朋友食薄牛，不過不失啦！不過佢就覺得個飯好好味，因為面頭既配料咸咸地好香口最後要講下呢個薯角。本身我諗緊唔想食飯之際，有店員話如果唔想食飯可加38蚊轉薯條，咁當時我仲幾開心因為見到芝士粉薯條要48，以為唔要飯轉就平10蚊，點知我朋友話，你本身就咁加個薯條都38，依家唔要個飯轉薯條都要38？？我先知原來本身嗌餐加38已可以有薯條，咁點解店員同我講加38可以將飯轉做薯條呢？最後覺得不了，所以叫左個薯角算。個薯角就不是一個特別好吃的薯角。點都好，呢間舖頭冇下次…查看更多

本身黎呢度係想食打邊爐加串燒，點知俾個刺身吸引左呢個係原條立魚刺身，本身成日睇綜藝節目見到人地食一片片透明嘅魚就好想食，今次終於食到喇！每塊肉身都切到好薄拎起身係透明，每一塊都勁甜勁鮮味，完全冇後悔叫呢條魚刺身店員話加錢就可以將魚骨變成椒鹽魚骨，本身鍾意食椒鹽同脆卜卜嘅我梗係冇問題啦！炸完出嚟仲有少少魚肉喺度，雖然外面脆卜卜但係入邊嘅魚肉依然好滑同埋呢度嘅椒鹽非常之香口好快又成碟清晒！食完條魚就可以打邊爐啦！我哋嗌完湯底之後就俾咗啲混醬我哋，一樣都係有我最愛嘅花生醬一嚟到係一個好靚嘅鍋我哋叫嘅係濃湯花膠雞翅鍋，一打開我同朋友都勁開心因為有好大舊嘅花膠亦都有好多菜！！急不及待即刻飲左啖湯先湯底係甜到根本唔使打邊爐都勁好味，已經可以想像到啲菜有幾咁入味幾咁鮮甜！啲嘢食未嚟到我哋已經不停咁飲啲湯啦打邊爐必食手切肥牛，每天肥牛都有滿滿嘅雪花，正跟住就有我最愛嘅貢丸同埋黑松露墨魚丸，黑松露墨魚丸值得推介因為黑松露味非常之香而佢墨魚丸嘅狀態係有啲似蝦滑咁樣所以食落口非常之彈牙打邊爐又點少得菇呢！飲到個湯底咁鮮甜，即刻決定要叫竹笙！因為竹笙可以索晒湯嘅所有味道果然冇叫錯！每一條嘅竹笙都充滿花膠湯嘅湯汁好味到食多幾條都唔夠呢間餐廳無論係刺身湯底定係打邊爐嘅食材都好高分！下次嚟決定要再食呢個湯底同埋一定要試本身想食嘅串燒…查看更多

朋友之前食過呢間，佢介紹我黎食，話呢到好值得特登過黎食，咁就同朋友去一去土瓜灣啦，老實講，真係好日都唔去🤣呢到雖然叫大排檔，但其實裝修好靚，都好乾淨，唔會坐到好唔舒服。首先就有呢個黃金蛋黃炸魚皮。塊塊魚皮都勁大塊，每一塊都有勁多蛋黃碎，明明應該好漏既食物都可以食兩三塊呢個係酥炸黑松露菌醬芝士乒乓波，其實係一個流心嘅牛丸，用嚟裝呢個牛丸嘅器皿都好靚！而且每粒牛丸都勁大粒仲要有食八粒咁多非常抵食食嘅時候要好小心因為啲爆漿係咁流出嚟但係真係好香濃嘅黑松露味鍾意黑松露嘅人千祈唔可以錯過！！不過呢個就覺得有啲漏啦！呢個就係去到大排檔必食嘅豉椒炒蜆。不過不失亦都有鑊氣唔會太多沙呢個就係豉椒鵝腸。味道方面其實同豉椒炒蜆係一樣嘅，不過食鵝腸就係要食佢嘅爽脆，而呢到每一條腸都大大條亦非常之爽脆最後要介紹嘅就係冇得彈嘅海山骨亦即係蝦醬炸排骨！黎嘅時候見到一層厚厚嘅肥膏就覺得會唔會好油好難食呢但係又聞落去超香嘅蝦醬味食落先知係完全唔會好油！佢將啲脂肪都炸到好爽，而且蝦醬味係會留係個口入邊好耐🤤🤤而佢都唔會炸到啲肉乾爭爭，蝦醬味配落酥脆嘅排骨非常之好食！！亦都已決定係我媽咪生日嘅時候帶佢過嚟食！！其實最後佢仲會每人送一個番薯糖水，不過由於我哋實在太飽啦所以亦都冇食到番薯糖水非常之多謝朋友嘅介紹！呢一間絕對值得一而再再二三咁過嚟食…查看更多

呢間主打芝士炸雞既乾國舖頭係apm隔離，好易揾，不過地方唔大，去到都要等位。由於今次得2個人，但又想食多款啲，所以冇嗌招牌菜，嗌左另外三款食物韓式煎餃子 煎到個皮脆卜卜，入面係菜肉餡，唔洗點醬都夠哂味！bangbang薯條 芝士蒜香味呢個薯條非常好食！薯條本身有類似蜜糖粉包住，甜甜地超好食！個芝士醬其實同餃子個醬係一樣，唔太濃芝士味，我覺得唔點仲好食haha卡邦尼年糕 中間係流心蛋，整穿佢再撈渾食更好食！年糕煮得岩岩好，而且個汁實在太好食，如果可以加個意粉底就好了食左3樣都好好食既野都唔洗200蚊，而且食物有質素，一定會再黎，下次就講主打芝士炸雞！…查看更多

母親節，就緊係要帶媽媽食餐好！雖然呢到有母親節set嗌，不過我地就選擇左單點呢間餐廳係有室外既座位，都好靚架首先黎左個口水雞，呢個口水雞同其他唔同既係，佢有個自家製既花生醬淋係面~一食落口陣花生味濃到食唔到口水雞既辣，不過真係好香，鍾意花生呀沙嗲呀擔擔麵呀實勁愛佢。等到花生味冇左，口水雞既辣就出黎了，呢個口感好得意，不過佢都比一般口水雞辣，好重口味北京干炸丸子。呢道菜食落好得意，佢唔係普通食開既任何丸類。佢係外面有層好薄既脆皮，入面係好鬆軟？鬆散？既一粒丸子，就咁食冇乜味，但加埋個洋蔥沙律醬就好好食了！因為口感特別所以問左店員係咩肉類，店員話呢道菜係北京既一個民間小食黎，係豬肉整既金銀蛋浸萵筍。本身好鍾意食金銀蛋浸白菜仔，因為啲葉索哂啲湯好夠味！萵筍就冇左啲葉去索味，不過口感爽脆，不錯！重頭戲一 片皮鴨！！今次嗌左半隻，佢會分三道菜咁比你食，而每隻鴨既唔同部分都會配唔同既配菜或者醬料。店員會教你點食，menu亦都有教，唔洗擔心唔識食呢到最特別既地方係，佢會有爆炸糖配隻鴨！店員教落第一道既鴨皮就係用黎配爆炸糖食！脆身既鴨皮再加爆炸糖，口感超豐富！個人覺得佢既特製黃芥辣係最好食既！鴨好香又唔油！不過就稍嫌個餅皮有啲太厚身:(重頭戲二 水煮魚！！好辣者最愛今次用既係桂花魚，肉質超嫩，一夾就斷哈哈！底下有薯粉，佢比一般薯粉透明得多，同埋食落有陣甜味，非常好食山藥燕窩羹 緊係要嗌比媽媽補下啦！呢個湯水好清甜，又潤，女士必叫！最後就黎個甜品 姜汁紅棗小桃膠 姜味超重既一道甜品！好彩媽媽都鍾意食，因為我覺得太重姜味所以不了呢個提早慶祝既母親節，媽媽大人都非常滿意食物全部都好有心機，值得讚賞…查看更多

揀得食放題，我既目標都一定係喪食芝麻雞翼！點知今次比個黑松露炒什菌爆冷，變左呢間放題既第一位首先黎既係鹽燒牛舌，唔會燒到咬唔開，咸咸地但都食到牛味！香芒吉列大蝦卷，因為好鍾意食某壽司店既炸蝦卷又鍾意食芒果所以即叫！雖然炸蝦冇連鎖店咁大舊，但依然脆卜卜，配埋芒果即刻冇咁油蒲燒鰻魚，預左冇入口即溶既感覺，但個汁好味！比眾人遺棄既牛油粟米，明明就好好食，又係每次食放題必叫！不過如果可以再熱少少會更好。刺身！有甜蝦同珍寶大赤蝦，朋友就覺得赤蝦正啲好多肉，但我始終鍾意甜蝦既鮮甜！黃金燒帆立貝！隻帆立貝係大過個5蚊銀！又厚肉，絕對值得一叫！七味醬燒雞翼，其實燒得好好，皮脆多汁，但就比較咸我期待已久既芝麻雞翼！一樣脆卜卜冇失水準！連炸蠔都相當唔錯，唔會係冇味既蠔！虎蝦天婦羅，炸粉脆卜卜，蝦肉好彈牙重點推介！將黑松露同什菌撈渾，撈個陣已經勁香黑松露味，撈好每一條菇都有黑松露，同朋友秒速清哂，即刻再叫！真係好好食出面仲有好多小食同甜品可以拎，好多款色可以揀，但淨係個黑松露炒什菌已經夠我一而再再而三咁去食了！…查看更多

好耐冇食放題啦！畀成班fd捉左去山長水遠嘅元朗食，仲要係食瀛喜。。。以為都係同其他一樣，又唔係wor! 有驚喜平日的人流不多 靜靜地位置坐得舒服點餐紙係晒度 唔算話好多 不過基本放題食物都有～ 而我比較欣賞呢度嘅手作壽司...Round 1 各款壽司壽司細細件，岩岩好一啖一件～粉紅色卷住住鰻魚，酸酸甜甜好好食！蟹肉沙律壽司都不錯不錯。各款刺身三文魚同吞和魚麻麻，感覺不太新鮮。甜蝦同帶子就夠晒鮮甜，食唔停！可再encoreRound2 壽司again第二轉嗌火灸壽司，和牛燒到五成熟好好食～仲要有d洋蔥甜味～燒鯖魚，去日本必食，食放題都必食！魚皮好香，d奧米加3勁豐富，食完一舊都幾飽，要同朋友share仲有必食必食必食嘅芝麻雞翼，芝麻唔係落左好多，不過外皮爆脆，一咬落去又熱又爆汁，肉嫩嫩的一口芝士粒同榴槤炸蛋都是甜品類要到最後先食，如果唔係就太滯了。呢餐都算抵 加一後200零 食物整體都唔錯，住元朗嘅人都可以一試！…查看更多

白布街有好多野食，打邊爐串燒西餐。。。呢間就特別啲，自己串燒自己燒每一枱都有一本烏龍寶鑑，入面有教你點燒得好，唔洗燒到黑蚊蚊左邊係杞子龍眼菊花蜜，右邊係冬瓜檸檬沙冰~燒野食飲返杯菊花蜜潤下喉沙茶醬金菇同燒菇金菇成個煲仔擺上去燒，個蓋上面有個窿仔，出煙就可以開蓋攪下直至金菇食得，沙茶醬味好濃，金菇索哂啲味好正！燒菇好多汁好甜菜莆玉子燒，首先成塊鐵板擺上去燒，煎到蛋兩邊金黃就落菜莆再煎下，最後倒蛋漿燒多陣就食得！玉子燒好甜，再加埋菜莆又有多一個口感！蒜蓉生蠔同三色雞翼蒜蓉擺上生蠔慢慢燒，蒜味加海水味，重口味之選！三色雞翼有黑椒蒜蓉蜜糖味，不過我好蜜糖所以自己燒個陣再加左好多蜜糖又係腸呀！！台灣腸呀！！唔洗講，一個字！正辣海蜇份量一啲都唔小，海哲切到細細條，不過真係好辣，要一邊食一邊飲野芝士獅子狗每次食吉邊都會食芝士竹輪，呢到既都唔差，一咬就有芝士流出黎好好味！呢到店面唔大，所以店員都好好會幫你燒，如果唔識燒搞唔掂可以叫店員幫你燒呀！佢地個個都好好，好有禮貌又有講有笑，絕對加分呀！…查看更多

紅磡民泰街一間西餐廳，之前已經見過下有一串串雞蛋仔食，今次就試下有咩食餐廳唔係好大，但環境好舒服，不過冷氣就比較大煙三文魚牛油果凱撒沙律煙三文魚好香，不過唔知個啲一粒粒野係咩黎🤔如果有埋麵包粒就好啦帕德龍青辣椒配伊比利亞香腸因為我好鍾意食腸所以就嗌左，一黎到左，因為以為係一條條既腸做主角，點知青椒為主仲得一啲好細條既腸不過個青椒幾好食幾甜但唔辣，而腸就好似煎香左既煙肉咁，幾得意香蒜牛油炒蘑菇蘑菇成粒上，伴碟係啲蕃薯條，不過牛油味唔夠重和風紫菜炸魚柳魚柳炸到卜卜脆，但入面仲係好滑唔會好乾一大咋紫菜係面好正，再加埋沙律醬食好日本feel呀哈哈酥炸軟殼蟹奶油闊條麵意粉入面我最鍾意闊條麵因爲比較有咬口，而呢到都煮得岩岩好，可惜奶油味唔夠重，軟殼蟹就炸得好脆啖啖肉美國頂級殼飼肉眼牛扒配薯菜牛扒好大塊，但都控制得好好唔會太熟，不過個汁就有啲咸是拉差雞翼全餐最好食既野是拉差汁好辣好惹味，雞翼又夠脆同滑，好好食，本身朋友想再encore多碟可惜撞正整電腦last order左lu，下次再黎食！熱焦糖咖啡同凍焦糖燉蛋咖啡焦糖燉蛋咖啡會好似甜品咁燒一燒個焦糖面，而焦糖味亦都好重，朋友好甜所以好鍾意，但我就覺得咖啡味比較唔夠出呢到其實仲有好多其他特別食物，特別係甜品都同出面既好唔同，可惜今次已經食到好飽，下次再黎試甜品！…查看更多

今次黎到旺角食泰國菜，舖頭有兩層，上層就冇咁逼坐得舖服啲，啲侍應都好好人呀，知我地朋友生日主動拎打火機比我地哈哈哈野飲就嗌左青檸梳打同椰汁三色冰~飲左朋友杯青檸梳打一啖，太酸啦飲唔到梳打味椰汁三色冰就好好飲，椰味好重，不過三色就小咁啲~海南雞例牌雞肉好嫩滑，點左個汁酸酸地好開胃，不過有啲雞肉有骨~100蚊唔洗既泰式生蝦平時食開個汁係辣既，佢呢到食法係蝦包住辣椒同蒜頭再點個唔辣既汁，不過食個陣就有啲論盡，就咁包一粒蒜都已經夠辣味飛天通菜，通菜一啲都唔老，好食~火山軟殼蟹法包，超級多咖哩，好似火山啲溶岩咁流出黎~軟殼蟹原隻上都有成三四隻配埋法包食，點埋滿滿的咖哩食，正到不得了，不過真係好飽~~幾飽都要食芒果糯米飯！！芒果好甜，糯米飯好熱，不過就略嫌椰汁唔夠多好滿足既一餐，以後係旺角都可以食到泰國菜lu…查看更多

又食放題啦！成日都念念不忘吉壽既芝麻雞翼，所以今日就黎懷念一下~~~黃金焗帶子~好濃既芝士味，仲要粒帶子一啲都唔細粒，絕對值得一試~鹽燒蝦~又係一啲都唔細修既燒蝦，咸咸地正正常常~鐵板大赤蝦~呢個比燒蝦好味好多，面頭有好多汁，好香色又好靚，食落仲帶有辣味，正刺身~得兩個女仔就唔嗌咁多，不過唔少得既又係蝦！甜蝦，虎蝦，三文魚~甜蝦有啲係冇左修尾有啲又有，如果全部都冇就好啦香蒜牛柳粒~超級好食！啲牛唔會好un，又多汁，蒜味又夠，一定要食椒鹽雞軟骨~好大份下~炸到脆卜卜，個味有啲似芝麻雞翼個味所以好好味重點！芝麻雞翼~~~~~~冇失水準，依然係咁脆咁juicy 我自己一個都食左6隻哈哈真係太愛呢到既芝麻雞翼了，一定會再黎探你兩個人黎講放題算係正常偏平價位？反正有芝麻雞翼就夠啦哈哈…查看更多

平時想食好少少又唔知可以食咩好，通常都係食放題，方便又多選擇，啱晒我依啲三心兩意既人平日夜晚去估唔到都會全滿咁濟，不過佢好在都坐得幾舒服既一嚟到坐底馬上叫咗魚生先！甜蝦好高質！仲要幫你剪埋尾 讚呀！壽司種類都好多，好多都好有特色，又芒果又士多啤梨咁但食起上嚟出奇地夾喎 估佢唔到〜熟食必叫牛柳粒 啖啖肉呀嘛～仲見到有得齋嗌鰻魚黎食 真係勁開心雖然張圖係原條 黎到變左三粒不過有得凈食鰻魚都覺得好幸福呀🤤同有燒菠蘿都好好食 又甜又多汁又唔酸！正〜甜品仲有最愛既雪糕tim，大滿足〜…查看更多