ข้อมูลส่วนตัวร้าน yan159

一直都好鐘意食台式火鍋，鼎王系台灣人好出名既火鍋店，一聽到佢系香港開，就同fd就去試。我地叫左鴛鴦鍋，姐系麻辣鍋同酸菜白肉鍋，麻辣鍋就食得多，無打邊邊食過酸菜白肉，酸味夠又多白肉😆😆。麻辣鍋入面d鴨血同豆腐好滑好入味，最重要系可以無限refill，淨系食鴨血都食飽，真系好抵食。我最鐘意系老油條同干貝滑，老油條又吸湯，食落又脆又多汁，好正。干貝滑系真系啖啖都系干貝絲，好足料同好鮮甜。同值得一讚系d員工既服務好足到同態度好好。…ดูเพิ่มเติม

系尖沙咀發現左一間燒烤店，見到menu有鵝肝多士，作為一個愛食鵝肝的人即刻入去試。鵝肝勁juicy，配埋黑松露醬食好香，而且價錢好抵，$44咋，食完即刻encore多一份。大推。另外，叫燒左珍寶生蠔，個生蠔有成隻手掌咁大，好鮮甜，一咬就爆汁。愛蠔之人必食。仲有叫左燒黑毛五花肉、日本和牛串、多春魚同燒玉子。樣樣都好好食。最特別既系佢地有芝士響鈴，響鈴入面包左芝士，一咬d芝左流晒出黎，但食個陣小心比芝士燙親。😂😂😂😂…ดูเพิ่มเติม

同朋友慶祝生日緊系要去食好野。入面裝修好日式，華貴得黎又有溫馨既感覺，系咁既環境傾計最舒服。佢每枱都有一個前菜送，擺碟勁靚，個芥末蟹籽好特別又好食。叫左花木仲買人特選壽司，d魚生好新鮮，最特別系佢d壽司飯系醬油飯，令到d壽司更鮮味，最鍾意系佢玉子壽司，勁滑。燒物都不錯，牛肉露筍卷好juicy。十分推薦銀鱈魚西京燒，佢燒得岩岩好，魚肉好滑，銀鱈魚又多魚油，一食成個口都系魚油香味，好正。什錦天婦羅，炸粉唔厚又脆，南瓜同蕃薯都好甜，大蝦都好好食。雪場蟹腳日式雲吞配海膽醬得，個雲吞勁多蟹腳，海膽又要多，蟹腳肉配海膽又幾夾，不錯。…ดูเพิ่มเติม

食泰國菜，小食拼盤系必點既。其他泰國餐廳既小食拼盤系未必樣樣都好食，但呢間真系每款小食都好好食。但魚餅有驚喜，唔會太重香料味，味道岩上岩好。主菜我地叫左大蝦金邊粉，外邊系有蛋包住，好靚。份量好多，蝦都好足料。不錯👍。另外，我地仲叫左軟殻蟹咖哩配多士。唔系講笑，軟殻蟹多到食都食唔晒。咖哩系帶甜既，朋友都話未食過呢隻味既咖哩，覺得好好食。多士好脆，配咖哩一齊食就一流。呢個好推薦。甜品點少得芒果糯米飯，但呢間既糯米飯系有班蘭葉味，d飯系綠色既，好得意，好香。真系未食過。…ดูเพิ่มเติม

睇完戲經過見到呢間車仔麵竟然有胡椒豬肚湯底，好特別咁，就黎試下。我地一個叫左胡椒豬肚湯公仔麵，配蘿蔔、陳皮魚蛋同魚肉春卷。碗面勁多豬肚，而且胡椒味好重，好正。配料份量都好多，同好夠味。最好食系陳皮魚蛋，真系有陳皮味同夠辣。另外，我叫左姬松茸蟲草花粗面，配雞翼、豬紅同豬軟骨。佢好貼心咁配料同面分開上，怕影響到湯既味。碗面有好多蟲草花同紅蘿蔔，碗湯真系十分足料同鮮甜，真系好似屋企煲既老火湯。除左車仔面，仲有好多小食。見價錢咁平就叫左雞絲粉皮（$20）同肉鬆皮蛋豆腐（$16），估唔到咁平都咁大份同好食。呢間店cp值好高，下次行高會再食。…ดูเพิ่มเติม

呢間韓燒系自助餐形式，自己夾好方便，唔洗驚漏單，等好耐都冇等食😂。佢肉類都好多款，肥牛、牛仔骨、五花腩，仲要連鴨胸都有。燒鴨胸真系好好食，一個人都食左十塊。而且，有好多海鮮揀，淨系食海鮮都返到本。除左燒肉，佢仲有熟食比我地拎，當日有炒瀨尿蝦、炒茶、炸雞翼...仲整得幾好食。最驚喜系食韓燒竟然有刺身同壽司食，三文魚刺身好肥美，真系好抵食。最後，佢有雪糕比我地任食，食完韓燒咁油，再食返幾杯雪糕先清到熱氣。呢間真系又平又抵食。…ดูเพิ่มเติม

餐廳裝修都好靚，周圍都系藍色既牆紙，好有泰國feel，環境好大好舒服。餐廳d𥦬系落地大玻璃，一抬頭就望到維港，好靚。我地叫左兩個小食，一個系小食拼盤，有炸蝦餅、串燒、菠蘿肉丸...，配甜辣醬同沙嗲醬一齊食好好食。另外，叫左蒜蓉包，佢系多士既感覺，好脆，好重蒜蓉味。主菜叫左燒大蝦炒金邊粉，隻蝦有隻手掌咁大，d肉好彈牙。d金邊粉有少少茄汁味，酸酸甜甜好開胃。佢比左辣椒、砂糖同炸蒜比我地自己揀，我覺得配辣椒最惹味，好食。最後，甜品叫士薑汁焦糖燉蛋，一上碟就覺得好靚，外面個塊系薑汁餅，入面個燉蛋有少少薑味，系慕絲既口味，入口即溶。…ดูเพิ่มเติม

同朋友星期六黎食午餐，餐廳侍應服務好好，會主動同我地介紹菜單。而且，餐廳本來只提供熱茶，但我想飲凍水，侍應都特登入廚房幫我整冰水，服務一流又細心。我地叫左天勝弁當，入面有刺身、天婦羅、豚角煮同燒魚，好豐富。刺身好肥美好新鮮，吞拿魚入口即溶。豚角煮好入味，呢個便當都好好食。另外，叫左黑豚滑蛋定食。佢系用鍋上，好熱辣辣。黑豚好juicy，系半肥瘦既豚肉，滑蛋好多，兩個夾埋一齊食系絕配，而且d汁好夠味，配飯真系一流，好好食。最後，想講下佢前菜同甜品都好高質。前菜有沙律同茶碗蒸。茶碗蒸好鮮甜，蛋好滑。甜品系蜜瓜，超級甜。呢間質素好高，可以再去。…ดูเพิ่มเติม

同朋友系奧海城行街，行行下好想食泰國菜，就黎左呢間。第一樣系炭燒豬頸肉，燒到外皮好脆，食落好香口，系豬頸肉唔會太林，好爽口。佢配埋泰式酸辣汁，酸酸辣辣，好夾。第二樣系瑪沙曼咖喱牛腩，個咖喱好有椰香味，味道偏甜，冇咩辣味。牛腩份量算多，值得一讚系佢有牛筋系入面，仲要有三四舊，而且煮得好林，不錯。最後系無骨海南雞喇沙，個喇沙好夠辣同好重香料味，好濃好好味。而且佢唔止得面，仲有埋米粉，兩種面一齊食好特別。海南雞都算滑，但最好食系佢個辣醬，好香蒜同辣椒味，淨系個醬配飯都得。…ดูเพิ่มเติม

同朋友想食扒但又唔想咁貴，上網見到呢度個menu，覺得價錢都平，就黎試下。單骨雞翼10隻（$58），好脆又辣辣地，都ok。溫泉蛋卡邦尼意粉（$78），分量好夠，個汁好香芝士味，拮穿個溫泉蛋，將個蛋汁撈暈個意粉就更濃味，仲好食。主角系威靈頓牛柳（$188）首先呢個價錢食到，真系好平，仲要好大份。好多時出面食到既牛柳都好"鞋"，但呢個好林但又唔會好多血水，佢個牛包左好多香料煮，好香好入味。外面個酥皮又脆又重牛油味，配個牛柳一齊食真系好夾。呢間整體味道好食又平，值得一試。…ดูเพิ่มเติม

之前聽朋友介紹呢間幾好食，就諗住walk in去試，點知太多人等，好彩今次有訂位，唔系又冇得試。侍應安排咗我哋坐靠窗邊嘅位，可以望到街外景色，都算唔錯，好岩同朋友傾計影相。於是我哋就嗌咗個黑潮薄餅同大啡菇意大利飯。個薄餅底係黑黑灰灰，好特別好少見，而且批邊係薄身得黎又脆，好啱我。個薄餅系千島醬味，d醬好夠，而且每一塊都好足料，有大大隻帆立貝同鰻魚，都幾新鮮又好食！跟住個飯到咗，個飯有好多菇，而且好香黑松露味，聞落都好吸引。個汁好重芝士，食落好夠味，不錯！…ดูเพิ่มเติม

Set嘅吉列牛定食加咖哩忌廉烏冬枱面上已放咗小石爐，用黎燒一燒吉列牛。吉列牛切成十幾件，都算多，而且每件都仲有紅，然後可以按自己喜好決定燒幾耐，照顧到唔同人口味。件牛可以炸到外面脆，一邊燒可以望到佢啲油迫反出黎，而我就覺得燒到件牛唔紅嘅口感最好。跟住到個咖哩忌廉烏冬，面個層忌廉絕對夠份量，好夠料，撩起層忌廉就會聞到好香嘅咖哩味。食落嘅感覺係小小小辣但又甜甜地，因為啲cream太多，成口都好滿。但就唔建議食太多忌廉，因為會濟…ดูเพิ่มเติม

旺角愈黎愈多酒吧餐吧，聽朋友話呢間幾好就黎試下。我叫左芝士大啡菇意大利飯，大啡菇同芝士好夾，個菇又好juicy。個意大利飯系芝士白汁，好濃芝士味，個飯又唔會煮到太硬，幾好食。朋友叫左墨魚汁墨魚闊條麵，墨魚份量不少，個闊條麵煮到勁入味，有d似系河粉質地。但小心食完成口都黑晒。最後甜品叫左牛奶心太軟，好少見有呢隻味既心太軟。味道唔似牛奶味，反而似流沙奶黃，不錯。但最驚喜系佢伴碟既藍莓雪糕，有好新鮮既藍莓味，唔系糖醬既感覺，似系自家製。整體呢間幾好食。…ดูเพิ่มเติม

以扒房黎講，Outback 價錢算抵食，碟碟都夠大份，但又唔會好貴。肉眼扒叫左medium，但都熟左少少，但牛味都有既。反而覺得伴碟既薯條同甜薯好好食，粗薯條好脆，甜薯伴牛油食好smooth 。白汁大蝦寬條麵系成日都會叫，大蝦好爽口，白汁加芝士片好濃味，好食。但最好食既系佢送既黑糖包，熱辣辣又有少少甜味，搽埋佢既牛油，簡直一流，成日都為左黑糖包黎。…ดูเพิ่มเติม

食芒果甜品許留山真系唔錯既選擇。多芒小丸子系必叫既，芒果味好濃，小丸子好好咬，又有少少沙冰既感覺，夏天食既岩。咖哩什錦都系必叫既，咖哩好濃，d魷魚魚蛋都入晒味，好食。…ดูเพิ่มเติม